Ranit

Ranitidinga va preparatning boshqa komponentlariga yuqori sezuvchanlik. Homiladorlik, laktasiya, 12 yoshgacha bo'lgan bolalarda qo'llash mumkin emas.

Ehtiyotkorlik bilan

Buyrak va/yoki jigar etishmovchiligi, anamnezdagi portotizimli entsefalopatiyali jigar tsirrozi, o'tkir porfiriya (shu jumladan anamnezdagi); immunitetni susayishida ehtiyotkorlik bilan qo'llash kerak.

1 tabletka quyidagilarni saqlaydi:

faol modda: ranitidin gidroxloridi ranitidinga qayta hisoblanganda – 150, mg;

yordamchi moddalar: jelatinlangan kraxmal, mikrokristall tsellyuloza, krospovidon, tozalangan talk kukuni, kolloid kremniy dioksidi, magniy stearati, rang beruvchi "Sunset yellow", izopropil spirti, metilen xloridi.

Ranitidin – me'da shilliq qavatining parietal hujayralari N2-gistamin reseptorlarining blokatoridir. Baroreseptorlarni ovqat yuklamasi, gormonlar va biogen rag'batlantiruvchilar (gastrin, gistamin, pentagastrin) yordamida ta'sirlanishi natijasida chaqirilgan xlorid kislotasining bazal va rag'batlantirilgan sekresiyasini pasaytiradi. Ranitidin me'da shirasining hajmini va undagi xlorid kislotasining miqdorini kamaytiradi, me'da ichidagisining rn oshiradi, bu pepsinning faolligini pasayishiga olib keladi. Terapevtik dozalarda peroral qabul qilingandan keyin prolaktinning darajasiga ta'sir qilmaydi. Mikrosomal fermentlarni ingibitsiya qiladi.

Bir marta qabul qilinganidan keyin ta'sirining davomiyligi 12 soatgacha davom etadi.

Tez so'riladi, ovqat qabul qilish so'rilish darajasiga ta'sir qilmaydi. Ichga qabul qilinganida ranitidinning Biokiraolishligi taxminan 50% ni tashkil qiladi. Plazmadagi maksimal kontsentrasiyasiga, 300-500 mkg/ml oralig'ida qabul qilingandan so'ng 1-3 soat o'tgach erishiladi. Plazma oqsillari bilan bog'lanishi 15% dan oshmaydi. Qabul qilinganda, ranitidinning bio-mavjudligi 50% ni tashkil qiladi. Jigarda qisman metabolizmga uchraydi.  Ichga qabul qilinganidan keyingi yarim chiqarilish davri 2-3 soat, (kreatinin klirensi minutiga 20-30 ml bo'lganida – 8-9 soat). Asosan siydik (qabul qilingan dozaning 60-70%) va oz miqdordagi qismi ahlat bilan chiqariladi, shundan qabul qilingan dozadan deyarli 35% qismi siydik bilan o'zgarmagan holda chiqariladi. Gematoentsefalik to'siq orqali yomon o'tadi. Yo'ldosh orqali o'tadi. Ko'krak suti bilan chiqariladi (ayollarda laktasiya davrida ko'krak sutidagi kontsentrasiyasi plazmadagidan yuqori).

12 yoshdan kichik bolalarda ranitidinning xavfsizligi va samaradorligi aniqlanmagan.

Homiladorlik va laktasiya paytida ranitidinning xavfsizligini yaxshi nazorat qilingan tadqiqotlar o'tkazilmaganligi bois homiladorlik va emizish davrida foydalanish mumkin emas.
Preparatdan foydalanish kerak bo'lgan holatlarda, emizishni to'xtatish kerak.

Kattalar va 12 yoshdan oshgan bolalarda qo'llanilaniladi. Ichga, ovqat qabul qilishdan qat'iy nazar chaynamasdan, oz miqdordagi suyuqlik bilan birga qabul qilinadi.

Me'da va o'n ikki barmoq ichakning peptik yara kasalligi. Zo'rayishlarini davolash uchun 150 mg dan sutkada 2 marta (ertalab va kechqurun) yoki 300 mg dan kechasiga buyuriladi. Zarurati bo'lganida – 300 mg dan sutkada 2 marta. Davolash kursining davomiyligi – 4-8 hafta. Zo'rayishni oldini olish uchun 150 mg dan kechasiga buyuriladi, chekuvchi pasientlarga – kechasiga 300 mg.

NYAQP qabul qilish bilan bog'liq bo'lgan yaralar. 150 mg dan sutkada 2 marta yoki kechasiga 300 mg dan 8-12 hafta davomida buyuriladi. NYAQP qabul qilinganida yaralar hosil bo'lishini oldini olish uchun – 150 mg dan sutkada 2 marta buyuriladi.

Operasiyadan keyingi va "stress" yaralari. 150 mg dan sutkada 2 marta 4-8 hafta davomida buyuriladi.

Eroziv reflyuks-ezofagit. 150 mg dan sutkada 2 marta yoki 300 mg dan kechasiga buyuriladi. Zarurati bo'lganida dozani 150 mg dan sutkada 4 martagacha oshirish mumkin. Davolash kursi 8-12 hafta. Uzoq muddatli profilaktik davolash – 150 mg sutkada 2 marta.

Zollinger-Ellison sindromi. Boshlang'ich doza 150 mg dan sutkada 3 martani tashkil qiladi, zarurati bo'lganida dozani oshirish mumkin. Davolash davomiyligi – zaruratga ko'ra.

Qaytalanuvchi qon ketishlarini oldini olish. 150 mg dan sutkada 2 marta. Davolash davomiyligi – zaruratga ko'ra.

Mendelson sindromining rivojlanishini oldini olish. Umumiy anesteziyadan 2 soat oldin 150 mg dozada buyuriladi, shuningdek umumiy anesteziya arafasida kechqurun 150 mg buyurish yaxshiroq.

Jigar faoliyatini yondosh buzilishi bo'lganida dozani pasaytirish talab qilinishi mumkin.

Buyrak etishmovchiligi bo'lgan bemorlarga kreatinin klirensi minutiga 50 ml dan kam bo'lganida tavsiya qilinadigan doza sutkada 150 mg ni tashkil qiladi.

Simptomlari: tirishishlar, bradikardiya, qorinchalar aritmiyalari.

Davolash: simptomatik. Tirishishlar paydo bo'lganida – vena ichiga diazepam, bradikardiya yoki qorinchalar aritmiyalarida – atropin, lidokain.

Gemodializ – samarali.

Dozani oshirib yuborilishida birinchi yordam: peroral qabul qilinganida qusishni qo'zg'atish, enterosorbentlar qabul qilish yoki/va me'dani yuvish ko'rsatilgan.

Ranit preparati bilan davolash me'da karsinomasi bilan bog'liq bo'lgan simptomlarni niqoblashi mumkin, shuning uchun davolashni boshlashdan oldin rak-yarani istisno qilish kerak.

Ranitidinni boshqa barcha N2-gistamin blokatorlari kabi, keskin bekor qilish mumkin emas ("rikoshet" sindromi).

Kam quvvatli bemorlarni stress sharoitida uzoq muddatli davolashda keyinchalik infektsiyani tarqalishi bilan me'daning bakterial shikastlanishi yuz berishi mumkin.

Intrakonazol va Ketokonazolning so'rilishini ahamiyatli kamayishiga yo'l qo'ymaslik uchun N2-gistamin reseptorlarining blokatorlarini, ularni qabul qilgandan so'ng 2 soat o'tgach qabul qilish lozim.

Ranitidinni o'tkir porfiriya xurujlarini chaqirishi mumkinligi to'g'risida xabarlar bor.

Glutamattranspeptidaza faolligini oshirishi mumkin.

N2-gistamin reseptorlarining blokatorlari pentagastrin va gistaminni me'daning kislota hosil qilish faoliyatiga qarshi ta'sir qilishi mumkin, shuning uchun test o'tkazilishidan oldingi 24 soat davomida N2 gistamin reseptorlarining blokatorlarni qo'llash tavsiya qilinmaydi.

N2-gistamin reseptorlarining blokatorlari gistaminga bo'lgan teri reaktsiyasini bostirishi va shu tariqa soxtamusbat natijalarga olib kelishi mumkin (darxol tur teri allergik reaktsiyalarini aniqlash uchun diagnostik teri sinamalarini o'tkazishdan oldin N2-gistamin reseptorlarining blokatorlarini qo'llashni to'xtatish tavsiya qilinadi).

Davolash vaqtida me'da shilliq qavatining ta'sirlanishini chaqirishi mumkin bo'lgan ovqat mahsulotlari, ichimliklar va boshqa dori vositalarini iste'mol qilishdan saqlanish kerak.

Chekish ranitidinning samaradorligini pasaytiradi.

Qon zardobida metoprololning kontsentrasiyasini 50% ga oshiradi, bunda metoprololning yarim chiqarilish davri 4,4 dan 6,5 soatgacha oshadi.

Me'da ichidagisining rn ni oshishi oqibatida bir vaqtda qabul qilinganida intrakonazol va Ketokonazolning so'rilishini kamayishi mumkin. 

Jigarda fenazon, aminofenazon, diazepam, geksobarbital, propranolol, lidokain, fenitoin, teofillin, aminofillin, bilvosita antikoagulyantlar, glipizid, buformin, metronidazol, kaltsiy antagonistlarining metabolizmini susaytiradi.

Suyak ko'migini susaytiruvchi dori vositalari neytropeniya xavfini oshiradi.

Antasidlar, sukralfat bilan bir vaqtda yuqori dozalarda qo'llanganida ranitidinning so'rilishini sekinlashishi mumkin, shuning uchun bu preparatlarni qabul qilish orasidagi tanaffus kamida 2 soat bo'lishi kerak.

10 ta tabletkadan Alu/Alu blisterda.

10 tadan blister qo'llash bo'yicha yo'riqnomasi bilan birga karton qutiga joylangan.

Ovqat-hazm qilish tizimi tomonidan: ko'ngil aynishi, og'izni qurishi, qabziyat, qusish, diareya, abdominal og'riqlar; kam hollarda – gepatosellyulyar, xolestatik yoki aralash gepatit, o'tkir pankreatit.

Qon yaratish tizimi tomomonidan: leykopeniya, trombositopeniya, agranulositoz, pantsitopeniya, suyak ko'migining gipo - va aplaziyasi, immun gemolitik anemiyasi.

Yurak-qon tomir tizimi tomonidan: arterial bosimni pasayishi, bradikardiya, aritmiya, atrioventrikulyar blokada.

Nerv tizimi tomonidan: kuchli toliqish, uyquchanlik, bosh og'rig'i, bosh aylanishi; kam hollarda – ongni chalkashishi, quloqlarda shovqin, ta'sirchanlik, gallyusinasiyalar (asosan keksa pasientlar va og'ir bemorlarda), ixtiyorsiz harakatlar.

Sezgi a'zolari tomonidan: ko'rishning noaniqligi, akkomodasiya falaji.

Tayanch-harakat apparati tomonidan: artralgiya, mialgiya.

Endokrin tizimi tomonidan: giperprolaktinemiya, ginekomastiya, amenoreya, libidoni pasayishi, impotentsiya.

Taxikardiya, vaskulit, gipertermiya, uyqusizlik, emosional labillik, bezovtalik, xavotirlik, depressiya, asabiylik, kam hollarda – ongni chalkashishi, quloqlarda shovqin, qichishish, eksfoliativ dermatit, toksik epidermal nekroliz.

Allergik reaktsiyalar: eshakemi, teri toshmasi, angionevrotik shish, anafilaktik shok, bronxospazm, ko'p shaklli ekssudativ eritema.

Boshqalar: alopesiya, giperkreatininemiya, o'tkir porfiriya.

Me'da va o'n ikki barmoq ichakning peptik yara kasalligi va uning zo'rayishi; nosteroid yallig'lanishga qarshi preparatlar (NYAQP) ni qabul qilish bilan bog'liq bo'lgan me'da va o'n ikki barmoq ichak yarasini zo'rayishini davolash va oldini olish;

reflyuks-ezofagit, eroziv ezofagit; 

Zollinger-Ellison sindromi; 

me'da-ichak yo'llarining yuqori bo'limlarining operasiyadan keyingi "stress" yaralarini davolash va oldini olish; 

me'da-ichak yo'llarining yuqori bo'limlaridan qon ketishini oldini olish; 

umumiy anesteziya ostidagi operasiyalarda me'da shirasini tiqilib qolishi (Mendelson sindromi) ni oldini olish uchun qo'llanadi.

och zarg'aldoq rangdan zarg'aldoq ranggacha bo'lgan, plyonka qobiq bilan qoplangan, dumaloq, bir tomoni riskali ikki yoqlama qavariq tabletkalar.