Rebetol
Rebetol chiqarish shakllari
Rebetol qo'llanmasi
QO‘LLASH BO‘YICHA YO‘RIQNOMA
REBETOL
REBETOL®
Preparatning savdo nomi: REBETOL
Ta‘sir etuvchi modda (XPN): ribavirin (ribavirin)
Dori shakli: kapsulalar
Tarkibi:
1 kapsula quyidagilarni saqlaydi:
faol modda: 200 mg ribavirin;
yordamchi moddalar: mikrokristall sellyuloza, laktoza monogidrati, natriy kroskarmelloza, magniy stearati; kapsula qobig‘ining tarkibi: titan dioksidi, jelatin; kapsulaga yozuvlarni tushirish uchun siyoh tarkibi: shellak, suvsiz etanol, izopropanol, n-butanol, propilenglikol, ammoniy gidroksidi, FD&C xavorang №2 alyumin laki (Ye132).
Ta‘rifi: xira, oq rangli, oq rangli kukun saqlovchi qattiq jelatin kapsulalar. Korpusiga havorang siyoh bilan “200 mg” va havorang yo‘l, qopqoqchasiga – “SP” harflari va havorang yo‘l tushirilgan;
Farmakoterapevtik guruhi: bevosita ta‘sir etuvchi viruslarga qarshi vositalar; nukleozidlar va nukleotidlar.
ATX kodi: J05A B04.
Farmakologik xususiyatlari
Farmakodinamikasi
Rebetol (ribavirin) nukleozidlarning sintetik analogi bo‘lib, in vitro sharoitda ayrim RNK- va DNK-viruslariga nisbatan faol. Surunkali S gepatitini ribavirin bilan monoterapiya, davolashni 6 – 12 oyidan keyin va keyingi kuzatishning 6 oyi davomida virusning eliminasiyasiga (S gepatitining RNK-virusi) yoki jigarning gistologik manzarasini yaxshilanishiga olib kelmaydi. Lekin klinik sinovlarda ribavirinni peginterferon alfa-2b yoki interferon alfa-2b bilan majmuasi, peginterferon alfa-2b yoki interferon alfa-2b monoterapiyasi bilan solishtirganda, davolashga javob darajasini oshishiga olib kelgan. Ribavirinni peginterferon alfa-2b yoki interferon alfa-2b bilan majmuasi tufayli S gepatiti virusiga samarani o‘zgartirish mexanizmi noma‘lum.
Farmakokinetikasi
Bir martalik doza ichga qabul qilinganidan keyin ribavirin oson so‘riladi (Tmax=1,5 s) va organizmda tez taqsimlanadi. Organizmdan chiqarilish fazasi uzoq vaqtni egallaydi. Bir martalik dozani so‘rilishi, taqsimlanishi va chiqarilishini yarim davrlari muvofiq 0,05, 3,73 va 79 soatlarni tashkil qiladi. Ribavirin jadal so‘riladi; nishonlangan dozaning taxminan 10% axlat bilan chiqariladi. Lekin mutloq biokiraolishligi taxminan 45%-65% ni tashkil qiladi, bu, extimol, birinchi o‘tish metabolizmi bilan bog‘liq. Ribaverinning 200 mg dan 1200 mg gacha miqdordagi bir martalik dozalari qabul qilinganida, doza va biokiralishligi (AUCtf) ko‘rsatgichi orasida to‘g‘ri chiziqli bog‘liqlik bor. Taqsimlanish hajmi taxminan 5000 l ni tashkil qiladi. Rebetol plazma oqsillari bilan bog‘lanmaydi.
Ribavirinni plazma tashqari yo‘li bilan olib o‘tilishi eritrositlar uchun ayniqsa batafsil o‘rganilgan; tashilishni asosan yes tur muvozanatlovchi nukleozidli olib o‘tuvchi ishtirokida yuz berishi ko‘rsatilgan. Bu tur olib o‘tuvchi deyarli barcha tur xujayralarda mavjud va ribavirinning katta taqsimlanish xajmini belgilovchi omil bo‘lishi mumkin. Yangi qon/plazmadagi ribavirinning konsentrasiyasini nisbati – taxminan 60:1, yangi qondagi ribavirinning oshiqchasi eritrositlarda alohida ribavirinning nukleotidlari ko‘rinishida mavjud bo‘ladi.
Ribavirin ikki yo‘l bilan metabolizmga uchraydi: 1) qaytuvchi fosforlanish va
2) parchalanuvchi aylanish, unga deribozilasiya va triazolli karboksil metaboliti xosil bo‘lishi bilan amidli gidroliz kiradi. Ribavirinning o‘zi va uning metabolitlari – triazolkarboksamid va triazolkarbon kislotasi – organizmdan siydik bilan chiqariladi.
Bir martalik doza peroral qo‘llanganidan keyin ribavirin farmakokinetikani yuqori inter- va intrasub‘ektiv o‘zgaruvchanlikni namoyish qiladi (AUC va Cmax ko‘rsatgichlar uchun intrasub‘ektiv o‘zgaruvchanlik taxminan 30% ni tashkil qiladi), bu jigar orqali birinchi o‘tishda ekstensiv metabolizmi, shuningdek qon tizimi uchun ham, hamda tashqi olib o‘tishi bilan bog‘liq bo‘lishi mumkin.
Ko‘p marta qo‘llanganida ribavirin jigarda ekstensiv to‘planadi; ko‘p marta qabul qilinganida va bir marta qabul qilingandagi biokiraolishligining (AUCtf) ko‘rsatgichlarini nisbati oltiga teng. Peroral qabul qilinganida (600 mg kuniga ikki marta) ribavirinning plazmadagi stasionar konsentrasiyasiga 4-nchi haftaning oxirida erishilgan; bunda u taxminan 2200 mg/ml ni tashkil qilgan. Qabul qilish to‘xtatilganidan keyin ribavirinning yarim chiqarilish davri taxminan 298 soatni tashkil qilgan, bu, ehtimol, uni plazmadan tashqari strukturalardan sekin chiqarilishini ko‘rsatadi.
Urug‘ suyuqligiga kirish qobilyati
Ribavirinni urug‘ suyuqligiga kirish qobiliyati o‘rganilgan. Urug‘ suyuqligidagi ribavirinning konsentrasiyasi, qon zardobidagiga nisbatan taxminan 2 marta yuqori. Lekin davolanayotgan erkak bilan jinsiy aloqadan keyin ayoldagi ribavirinning tizimli ekspozisiyasi, qon plazmasidagi ribavirinning terapevtik konsentrasiyalari bilan solishtirganda juda cheklangan bo‘lib qoladi.
Ribavirinning bir martalik peroral dozasining biokiraolishligi yog‘larni yuqori saqlovchi ovqat bilan bir vaqtda qabul qilinganida oshadi (ikki ko‘rsatgichlari AUCtf va Cmax 70% ga oshadi). Ehtimol, bu tekshirishdagi biokiraolishligini oshishi sekinlashgan tashilishi yoki o‘zgargan rN hisobiga yuz bergan. Bu tadqiqotning klinik ahamiyati noma‘lum. Samaradorligini baxolash bo‘yicha asosiy klinik tadqiqotda, ribavirinning maksimal plazma konsentrasiyasiga erishish uchun pasientlarga ribavirinni ovqat bilan birga qabul qilish taklif etilgan.
Buyrak yetishmovchiligi bo‘lgan bemorlarda ribavirinning farmakokinetikasi bir marta qabul qilinganida, nazorat bilan solishtirganda (kreatin klirensi >90 ml/min) o‘zgaradi (AUCtf va Cmax ko‘rsatgichlari oshadi). Bu o‘zgarishlar, ko‘proq bunday bemorlarda xaqiqiy klirensni pasayishi bilan bog‘liq. Ribavirinning konsentrasiyasi gemodializda ahamiyatli o‘zgarmaydi.
Og‘irligi past, o‘rtacha yoki yaqqol darajali jigar yetishmovchiligi (Chayld-Pyu tasnifi bo‘yicha A, V yoki S turlari) bo‘lgan bemorlarga bir martalik doza yuborilganida ribavirinning farmakokinetikasi, nazorat guruhidagi sog‘lom shaxslardagi ribavirinning farmakokinetikasiga o‘xshash.
65 yoshdan oshgan bemorlarda yoshga qarab kapsulalardagi ribavirinning farmakokinetikasini ahamiyatli o‘zgarishlari aniqlanmagan.
Populyasion farmakokinetik tahlil 4 nazoratli klinik tadqiqotlarni ishlatish bilan qon zardobidagi (namunalarni kam olishda) konsentrasiyani darajalariga nisbatan o‘tkazilgan. Klirensning ko‘rsatgichlarida ishlab chiqilgan model, tana vazni, jins, yosh va qon zardobidagi kreatinin asosiy kovariatlar bo‘lganini ko‘rsatgan. Erkaklarda klirens, ayollarga qaraganda taxminan 20% ga yuqori bo‘lgan. Tana vazni ko‘rsatgichi bilan klirens oshgan va 40 yoshdan oshganlarda pasaygan. Bu kovariatlarni ribavirinning klirensiga ta‘siri, ahamiyatli o‘zgaruvchanligi sababli cheklangan klinik axamiyatga ega, u ushbu taxlil modelida xisobga olinmagan.
Rebetolning kapsula shakli surunkali S gepatiti bo‘lgan 5-16 yoshli bolalardagi farmakokinetikasi, kattalardagi bilan o‘xshash.
Qo‘llanilishi
Uchta preparatlar bilan davolash sxemasi. Rebetol boseprevir va peginterferon alfa-2b bilan majmuada jigarning kompensasiyalangan kasalligi bilan surunkali S gepatiti bo‘lgan, ilgari davolanmagan yoki oldingi davolash samarasiz bo‘lgan katta (18 yoshli va katta) pasientlarni davolash uchun ko‘rsatilgan.
Agar Rebetol preparati peginterferon alfa-2b va boseprevir bilan majmuada qo‘llansa, bu preparatlarning qo‘llash bo‘yicha yo‘riqnomalari bilan tanishish kerak.
Ikkita preparatlar bilan davolash sxemasi. Rebetol kattalar, o‘smirlar va 3 yoshli va undan katta bolalarda surunkali S gepatitini davolash uchun ko‘rsatilgan: preparatni faqat peginterferon alfa-2b yoki interferon alfa-2b bilan majmuada qo‘llash kerak. Rebetolni monoterapiya sifatida qo‘llash mumkin emas.
Agar Rebetol preparati peginterferon alfa-2b va interferon alfa-2b bilan majmuada qo‘llansa, bu preparatlarning qo‘llash bo‘yicha yo‘riqnomalari bilan tanishish kerak.
Rebetol preparatini interferonning boshqa shakllari (masalan, alfa-2b bo‘lmagan shakllari) bilan majmuada qo‘llashning xavfsizligi va samaradorligi bo‘yicha ma‘lumotlar yo‘q.
Ilgari davolanmagan pasientlar.
Kattalar (18 yoshli va katta).
Rebetol quyidagilarda ko‘rsatilgan:
- uchta preparatlar bilan davolash sxemasida: peginterferon alfa-2b va boseprevir bilan majmuada jigarning kompensasiyalangan kasalligi bilan surunkali S gepatiti (genotip 1) bo‘lgan katta pasientlarda;
- ikkita preparatlar bilan davolash sxemasida: peginterferon alfa-2b yoki interferon alfa-2b bilan majmuada ilgari davolanmagan surunkali S gepatiti bo‘lgan katta pasientlarda, jigar faoliyatining dekompensasiyasi bo‘lmaganda, ALT va S gepatiti virus RNK darajasi yuqori bo‘lganida;
- ikkita preparatlar bilan davolash sxemasida: peginterferon alfa-2b bilan majmuada kompensasiyalangan sirrozi va/yoki klinik barqaror yondosh OITV-infeksiyasi bo‘lgan pasientlarda surunkali S gepatitini davolash uchun.
3 yosh va undan katta bolalar, o‘smirlar.
Rebetol ilgari davolanmagan, jigar faoliyatining dekompensasiyasi bo‘lmagan va S gepatiti virusi RNK si bo‘lgan 3 yoshli va undan katta bolalarda, shuningdek o‘smirlarda peginterferon alfa-2b yoki interferon alfa-2b bilan majmuada surunkali S gepatitini davolash uchun ko‘rsatilgan.
Agar katta yoshga yetguncha davolashni qoldirish masalasi hal qilinayotgan bo‘lsa, majmuaviy davolash o‘sishni kechikishini chaqirishini yodda tutish kerak, u ayrim pasientlarda qaytmas bo‘lishi mumkin. Davolash xaqidagi qaror shaxsiy ravishda asosda qabul qilinishi kerak.
Ilgari davolangan pasientlar.
Kattalar.
Rebetol quyidagilarda ko‘rsatilgan
- uchta preparatlar bilan davolash sxemasida: peginterferon alfa-2b va boseprevir bilan majmuada jigarning kompensasiyalangan kasalligi bilan surunkali S gepatiti (genotip 1) bo‘lgan katta pasientlarda;
- ikkita preparatlar bilan davolash sxemasida: peginterferon alfa-2b bilan majmuada surunkali S gepatiti bo‘lgan pasientlarda, ularda faqat interferon alfa (polietilenglikol bilan bog‘langan yoki bog‘lanmagan (pegilirlangan yoki pegirillanmagan)) yoki uning ribavirin bilan majmuasi bilan ilgarigi davolash samarasiz bo‘lganda;
- ikkita preparatlar bilan davolash sxemasida: peginterferon alfa-2b bilan majmuada surunkali S gepatiti bo‘lgan pasientlarni davolash uchun, ularda interferon alfa bilan ilgarigi monoterapiya boshidan samarasiz bo‘lgan (davolash kursini tamomlanishi vaqtida ALT ni normallashishi), lekin keyinchalik qaytalanish yuz bergan.
Qo‘llash usuli va dozalari
Davolash va nazoratni surunkali S gepatitini davolash tajribasiga ega bo‘lgan shifokor o‘tkazishi kerak.
Rebetol peginterferon alfa-2b yoki interferon alfa-2b bilan majmuada (ikkita preparatlar bilan davolash sxemasi), yoki surunkali S gepatiti (genotip 1) bo‘lgan kattalarda – boseprevir va peginterferon alfa-2b bilan majmuada (uchta preparatlar bilan davolash sxemasi) qo‘llanishi kerak.
Ularni buyurish xaqidagi ma‘lumotlar bo‘yicha boseprevir va peginterferon alfa-2b yoki interferon alfa-2b ning tibbiyotda qo‘llash bo‘yicha yo‘riqnomalari bilan tanishish kerak.
Dozalash.
Rebetol preparatining dozasi pasientning tana vazniga bog‘liq. Rebetol (kapsulalar) har kuni, ovqat bilan, ikki marta (ertalab va kechqurun) ichga qabul qilinadi.
Katta pasientlar.
Rebetol preparatining dozasi pasientning tana vazniga bog‘liq (1-jadvalga qarang).
Rebetol peginterferon alfa-2b (haftada 1,5 mkg/kg), yoki interferon alfa-2b (3 mln. XB haftada 3 marta) bilan majmuada qo‘llash kerak. Majmuaviy davolash sxemasini tanlash, tanlangan majmuaning kutilayotgan samaradorligi va xavfsizligini xisobi bilan, xar bir pasient uchun shaxsiy ravishda o‘tkaziladi. Agar boseprevir uchta preparatlar bilan davolash sxemasida ishlatilsa, uning tibbiyotda qo‘llash bo‘yicha yo‘riqnomasi bilan tanishish kerak.
| 1-jadval. S gepatiti virusi monoinfeksiyasi yoki S gepatiti virusi koinfeksiyasi va OITV bo‘lgan, shuningdek genotipdan qat‘iy nazar, pasientlar uchun Rebetol preparatining dozasi (tana vazniga qarab) | ||
| Pasientning tana vazni, kg | Rebetol preparatining sutkalik dozasi, mg | 200 mg li kapsulalar miqdori |
| < 65 | 800 | 4 (2 ertalab, 2 kechqurun) |
| 65-80 | 1000 | 5 (2 ertalab, 3 kechqurun) |
| 81-105 | 1200 | 6 (3 ertalab, 3 kechqurun) |
| >105 | 1400 | 7 (3 ertalab, 4 kechqurun) |
Rebetol (kapsulalar) preparatini boseprevir va peginterferon alfa-2b bilan majmuada yoki peginterferon alfa-2b bilan qo‘llash.
Ilgari davolanmagan pasientlardagi davolash davomiyligi.
Uchta preparatlar bilan davolash sxemasi. Boseprevir va peginterferon alfa-2b ning tibbiyotda qo‘llash bo‘yicha yo‘riqnomalari bilan tanishish kerak.
Ikkita preparatlar (peginterferon alfa-2b) bilan davolash sxemasi.
Turg‘un virusologik javob rivojlanishini prognozlash. S gepatiti virusi RNK sini yo‘qolishiga yoki 4 yoki 12 hafta davolashdan keyin adekvat virusologik javobga erishilmagan S gepatiti virusining 1 genotipi bilan infeksiyalangan pasientlarda, turg‘un virusologik javobni rivojlanish ehtimoli juda past; davolashni to‘xtatish masalasini ko‘rish kerak.
- Genotip 1:
- 12 hafta davolashdan keyin S gepatiti virusi RNK sini yo‘qotilishiga erishilgan pasientlarda, davolashni 9 oy davomida davom ettirish kerak (umumiy, 48 hafta davolash);
- Davolashning 12-nchi haftasida S gepatiti virusi RNK sini darajasini pasayishi ≥2 log ni tashkil qilgan pasientlar, davolashning 24-nchi haftasida qayta tekshirilishlari kerak va agar S gepatiti virusi RNK si aniqlash chegarasidan tashqarida bo‘lsa, davolashni to‘liq kurs tugagunicha davom ettirish kerak (umumiy, 48 hafta davolash). Agar 24-nchi haftada S gepatiti virusi RNK sini darajasi aniqlansa, davolashni to‘xtatish masalasini ko‘rish kerak:
- Genotip 1 infeksiyasi va virus yuklamasi past (<600000 XB/ml) bo‘lgan pasientlarda, ularda 4-nchi haftada S gepatiti virusi RNK sini yo‘qotilishiga erishiladi va 24-nchi haftada saqlanadi, davolash 24-nchi haftada to‘xtatiladi yoki qo‘shimcha 24 hafta davomida davom ettiriladi (umumiy, 48 hafta davolash). Lekin 24 haftalik davolash kursi, 48 haftalik davolash kursiga qaraganda, qaytalanishning yuqoriroq xavfi bilan birga kechadi.
- Genotip 2 yoki 3: ikkita preparatlar bilan tavsiya etilgan davolash davomiyligi, S gepatiti virusi koinfeksiyasi va OITV bo‘lgan pasientlardan tashqari, barcha pasientlar uchun 24 haftani tashkil qiladi, ular davolashni 48 hafta davomida olishlari kerak.
- Genotip 4: odatda genotip 4 virusi bilan infeksiyalangan pasientlar, garchi cheklangan klinik ma‘lumotlar (n=66) bu pasientlarda va genotip 1 bo‘lgan pasientlarda ikkita preparatlar bilan davolash davomiyligining o‘xshashligini ko‘rsatsada, davolashga og‘irroq beriladilar.
Ilgari davolanmagan, S gepatiti virusi va OITV bilan koinfeksiyalangan pasientlarda davolash davomiyligi.
Ikkita preparatlar bilan davolash sxemasi. Rebetol preparatini qo‘llashning tavsiya etilgan davomiyligi (dozalash tana vazniga qarab) S gepatiti virusi va OITV bilan koinfeksiyalangan pasientlarda, genotipdan qat‘iy nazar 48 haftani tashkil qiladi
(1-jadvalga qarang).
S gepatiti virusi va OITV bilan koinfeksiyasi bo‘lgan pasientlarda javobni rivojlanishi yoki yo‘qligini prognozlash. Davolashning 12 haftasidagi erta virusologik javob (virusologik yuklamani 2 log ga pasayishi sifatida belgilangan yoki S gepatiti virusi RNK darajasi aniqlash darajasidan past turg‘un virusologik javob rivojlanishiga nisbatan prognostik omil xisoblanadi. Rebetolni peginterferon alfa-2b bilan majmuada qabul qilgan, S gepatiti virusi va OITV koinfeksiyasi bo‘lgan pasientlarda turg‘un virusologik javob rivojlanishiga nisbatan salbiy prognoz ko‘rsatgichi 99% (67/68; 1-tadqiqot) ni tashkil qilgan. S gepatiti virusi va OITV koinfeksiyasi bo‘lgan, ikkita preparatlar bilan davolash sxemasini qabul qilgan pasientlar orasida ijobiy prognoz ko‘rsatgicha 50% (52/104) ni tashkil qilgan.
Takroriy davolangan pasientlarda davolash davomiyligi.
Uchta preparatlar bilan davolash sxemasi. Boseprevir va peginterferon alfa-2b ning tibbiyotda qo‘llash bo‘yicha yo‘riqnomasi bilan tanishish kerak.
Ikkita preparatlar (peginterferon alfa-2b) bilan davolash sxemasi.
Turg‘un virusologik javob rivojlanishini prognozlash. Davolashni 12-nchi haftasida zardobdagi S gepatiti virusi RNK sini darajasi aniqlash darajasidan past bo‘lgan, genotipidan qat‘iy nazar barcha pasientlar, ikkita preparatlar bilan 48 haftalik davolash kursini olishlari kerak. 12-nchi haftada virusologik javobga (S gepatiti virusi RNK darajasi aniqlash chegarasidan past) erishilmagan pasientlarni takroriy davolashda, 48 hafta davolashdan keyin turg‘un virusologik javob rivojlanishini ehtimoli kam.
Virusologik javob kuzatilmagan genotip 1 bo‘lgan pasientlarda davomiyligi 48 haftadan ko‘proq bo‘lgan polietilenglikol bilan bog‘langan interferon alfa-2b va ribavirin majmuasi bilan takroriy davolash o‘rganilmagan.
Rebetol (kapsulalar) preparatini interferon alfa-2b bilan majmuada qo‘llash (faqat ikkita preparatlar bilan davolash sxemasi).
Interferon alfa-2b qo‘llashdagi davolash davomiyligi. Klinik tadqiqotlarning tajribasiga asoslanib, ikkita preparatlar bilan tavsiya etilgan davolash davomiyligi kamida 6 oyni tashkil qiladi. Bu klinik tadqiqotlar vaqtida pasientlar yil davomida davolanganlar; davolashning 6 oyidan keyin virusologik javobga (S gepatiti virusi RNK darajasi aniqlash chegarasidan past) erishilmagan pasientlarda, turg‘un virusologik javob rivojlanishini (S gepatiti virusi RNK darajasi davolash kursi tugaganidan keyin 6 oy davomida aniqlash chegarasidan past) extimoli juda past bo‘lgan.
- Genotip 1. 6 oy davolashdan keyin S gepatiti virusi RNK si bo‘lmagan pasientlarda, ikkita preparatlar bilan davolashni keyingi 6 oy davomida davom ettirish kerak (umuman 1 yil).
- Genotip 1. Bo‘lmagan 6 oy davolashdan keyin S gepatiti virusi RNK siga salbiy testi bo‘lgan 1 yoshgacha bo‘lgan pasientlarda ikkita preparatlar bilan davolashni uzaytirish xaqidagi qaror, boshqa prognostik omillarga (masalan, 40 yoshdan katta pasientlar, erkak jinsi, jigarni ko‘priksimon fibrozi) asoslanishi kerak.
Bolalar (ikkita preparatlar bilan davolash sxemasi).
Bolalar va o‘smirlarda Rebetol preparatining dozasi tana vazniga qarab, peginterferon alfa-2b va interferon alfa-2b – tana yuzasining maydoniga qarab aniqlanadi.
Bolalar uchun peginterferon alfa-2b bilan majmuaviy davolashda dozalash.
Peginterferon alfa-2b ning tavsiya etilgan dozasi sutkada 15 mg/kg dozadagi Rebetol preparati bilan majmuada haftasiga 60 mkg/m2 ni (teri ostiga) tashkil qiladi (2-jadvalga qarang).
Bolalar uchun interferon alfa-2b bilan majmuaviy davolashda dozalash.
Bolalar ishtirokidagi klinik tadqiqotlarda ribavirin va interferon alfa-2b muvofiq sutkada 15/mg/kg va haftada 3 mln. XB/m2 dozalarda qo‘llangan (2-jadvalga qarang).
| 2–jadval. Interferon alfa-2b, peginterferon alfa-2b majmuasini qo‘llashda bolalar uchun Rebetol preparatining dozasi (tana vazniga qarab) | ||
| Pasientning tana vazni, kg | Rebetol preparatining sutkalik dozasi, mg | 200 mg li kapsulalar miqdori |
| 47–49 | 600 | 3 (1 ertalab, 2 kechqurun) |
| 50-65 | 800 | 4 (2 ertalab, 2 kechqurun) |
| > 65 | Kattalar uchun dozalashga muvofiq keladi (1 jadvalga qarang. | |
Bolalarda davolash davomiyligi.
- Genotip 1. Ikkita preparatlar bilan tavsiya etilgan davolash davomiyligi 1 yilni tashkil qiladi. Bolalarda standart interferon bilan majmuaviy davolash bo‘yicha klinik ma‘lumotlarni ekstrapolyasiyasiga muvofiq (interferon alfa-2b/Rebetol uchun salbiy prognoz ko‘rsatgichi – 96%), 12-nchi haftada virusologik javobga erishilmagan pasientlarda, turg‘un virusologik javobga erishishni extimoli juda past. Shuning uchun agar 12-nchi haftada S gepatiti virusi RNK darajasi, dastlabki ko‘rsatgichi bilan solishtirganda <2 log10 pasaygan yoki agar 24-nchi haftada S gepatiti virusi RNK darajalari aniqlansa, bolalar va o‘smirlarda davolashni to‘xtatish tavsiya etiladi.
- Genotip 2 yoki 3. Ikkita preparatlar bilan tavsiya etilgan davolash davomiyligi 24 haftani tashkil qiladi.
- Genotip 4. Klinik tadqiqotlarda faqat genotip 4 bo‘lgan 5 bolalar va o‘smirlarda peginterferon alfa-2b/Rebetol majmuasi bilan davolanganlar. Ikkala preparatlar bilan tavsiya etilgan davolash davomiyligi 1 yilni tashkil qiladi. Agar peginterferon alfa-2b va Rebetol preparati majmuasini qabul qilayotgan bolalar va o‘smirlarda davolashning 12-nchi haftasida darajalariS gepatiti virusi RNK darajalari dastlabki ko‘rsatgichi bilan solishtirganda <2 log10 pasaygan yoki agar 24-nchi haftada S gepatiti virusi RNK darajalari aniqlansa, davolashni to‘xtatish tavsiya etiladi.
Barcha pasientlar uchun dozani modifikasiya qilish.
Majmuaviy davolash. Rebetol preparati va peginterferon alfa-2b yoki interferon alfa-2b yoki Rebetol preparati, peginterferon alfa-2b va boseprevir bilan majmuaviy davolash vaqtida og‘ir nojo‘ya reaksiyalar yoki laboratoriya ko‘rsatgichlarida patologik og‘ishlar paydo bo‘lganida, nojo‘ya reaksiyalar yo‘qolgunicha dozani modifikasiya qilish kerak (3-jadvalda ko‘rsatilganidek). Boseprevirning dozasini pasaytirish tavsiya etilmaydi. Dozalarni modifikasiya qilish bo‘yicha qo‘llanma klinik tadqiqotlar davomida ishlab chiqilgan (3-jadval). Davolashning natijalari uchun davolash sxemasiga rioya qilish muxim bo‘lishi mumkinligi tufayli, doza tavsiya etilgan standart dozaga maksimal yaqin saqlangan bo‘lishi kerak. Samaradorlik natijalariga ribavirinning dozasini pasaytirishni potensial salbiy ta‘sirini istisno qilish mumkin emas.
| 3-jadval. Majmuaviy davolashda laboratoriya ko‘rsatgichlaridan kelib chiqib, dozalarni modifikasiya qilish bo‘yicha qo‘llanma | |||
| Laboratoriya ko‘rsatgichlari | Faqat Rebetol preparatining sutkalik dozasini pasaytirish (1 izoxga qarang) agar: | Faqat peginterferon
alfa-2b yoki interferon alfa-2b dozasini pasaytirish (2 izoxga qarang) agar: |
Majmuaviy davolashni to‘xtatish, agar**: |
| Gemoglobinning miqdori | < 10 g/dl | – | < 8,5 g/dl |
|
Kattalar
– anamnezida yurak kasal-ligi (barqaror kechishi) bo‘lgan pasientlarda ge-moglobinning miqdori. Bolalar va o‘smirlar – qo‘llanmaydi |
Davolash vaqtida xar qanday 4 hafta davomida gemoglobinning miqdori
≥ 2 g/dl ga pasaytirilgan (pasaygan dozani doimo qo‘llash) |
Doza pasaytirilganidan keyin 4 hafta o‘tgach < 12 g/dl | |
| Leykositlar miqdori | – | <1,5 x 109/l | < 1,0 x 109/l |
| Neytrofillar miqdori | – | < 0,75 x 109/l | < 0,5 x 109/l |
| Trombositlar miqdori | – | < 50 x 109/l (kattalar);
< 70 x 109/l (bolalar va o‘smirlar) |
< 25 x 109/l (kattalar);
< 50 x 109/l (bolalar va o‘smirlar) |
| Bog‘lanmagan bilirubinning miqdori | – | – | 2,5 x VGN* |
| Bog‘langan bilirubinning miqdori | > 5 mg/dl | – | > 4 mg/dl (kattalar); > 5 mg/dl (4 haftadan ko‘proq) (interferon alfa-2b qabul qilayotgan bolalar va o‘smirlar)
yoki > 4 mg/dl (4 haftadan ko‘proq) (peginter-feron alfa-2b qabul qilayotgan bolalar va o‘smirlar) |
| Qon zardobida kreati-ninning miqdori | – | – | > 2,0 mg/dl |
| Kreatinin klirensi
(KK) |
– | – | Agar KK <50 ml/min bo‘lsa Rebetol prepa-rati bekor qilinadi |
| ALT yoki AST | – | – | Boshlang‘ich daraja-dan 2 x qiymati va
> 10 x NYUG* |
* NYUG – normaning yuqori chegarasi.
** Dozani modifikasiya qilish va preparatni bekor qilish bo‘yicha polietilenglikol bilan bog‘langan interferon alfa-2b va interferon alfa-2b ni tibbiyotda qo‘llash bo‘yicha yo‘riqnomalari bilan tanishish kerak.
- Izox. Katta pasientlarda Rebetol preparatining dozasini 1-nchi pasaytirish – sutkada 200 mg ga (1400 mg qo‘llayotgan pasientlardan tashqari, ular uchun dozani sutkada 400 mg ga pasaytirish kerak). Zarurati bo‘lganida, Rebetol preparatining dozasini 2-nchi pasaytirish qo‘shimcha sutkada 200 mg ni tashkil qiladi. Rebetol preparatining dozasi sutkada 600 mg gacha pasaytirilgan pasientlar, 1 kapsulani (200 mg) ertalab va 2 kapsulani (200 mg dan) kechqurun qabul qilishlari kerak.
Rebetol preparati va peginterferon alfa-2b qabul qilayotgan bolalar va o‘smirlarda Rebetol preparatining dozasini 1-nchi pasaytirish – sutkada 12 mg/kg ga, Rebetol preparatining dozasini 2-nchi pasaytirish – sutkada 8 mg/kg ga. Rebetol preparati va interferon alfa-2b qabul qilayotgan bolalar va o‘smirlarda Rebetol preparatining dozasini 1-nchi pasaytirish – sutkada 7,5 mg/kg ga.
- Izox. Katta pasientlarda Rebetol preparati va peginterferon alfa-2b bilan davolanayotgan katta pasientlarda peginterferon alfa-2b dozasini 1-nchi pasaytirish – haftada 1 mkg/kg gacha. Zarurati bo‘lganida, peginterferon alfa-2b dozasini 2-nchi pasaytirish haftada 0,5 mkg/kg gachani tashkil qiladi.
Rebetol preparati va peginterferon alfa-2b qabul qilayotgan bolalar va o‘smirlarda peginterferon alfa-2b dozasini 1-nchi pasaytirish – haftada 40 mkg/m2 gacha; peginterferon alfa-2b dozasini 2-nchi pasaytirish – haftada 20 mkg/m2 gacha
Rebetol preparati va interferon alfa-2b qabul qilayotgan bolalar va o‘smirlarda interferon alfa-2b dozasi yarmiga pasaytiriladi.
Pasientlarning alohida guruhlari.
Buyrak faoliyatini buzilishi. Buyrak faoliyatini buzilishi bo‘lgan pasientlarda, bunday pasientlarda kreatininning ko‘rinadigan klirensini pasayishi oqibatida ribavirinning farmakokinetikasi o‘zgaradi. Shu sababga ko‘ra Rebetol preparatini qo‘llashdan oldin barcha pasientlarda buyrak faoliyatini tekshirish tavsiya etiladi. Kreatinin klirensi < 50 ml/min bo‘lgan pasientlarda Rebetol preparatini qo‘llash mumkin emas. Buyrak faoliyatini buzilishi bo‘lgan pasientlarni anemiya rivojlanishiga nisbatan ko‘proq tekshirish kerak. Agar qon zardobida kreatininning darajasi
> 2,0 mg/dl gacha oshsa (3-jadvalga qarang) Rebetol preparati va peginterferon alfa-2b/ interferon alfa-2b ni bekor qilish kerak.
Jigar faoliyatini buzilishi. Ribavirin va jigar faoliyati orasida farmakokinetik o‘zaro ta‘sir kuzatilmagan. Shuning uchun jigar faoliyatini buzilishi bo‘lgan pasientlarda Rebetol preparatining dozasiga tuzatish kiritish zarurati yo‘q. Jigar faoliyatini buzilishini og‘ir shakli yoki dekompensasiyalangan sirrozi bo‘lgan pasientlarda ribavirinni qo‘llash mumkin emas.
Rebetol o'xshash dorilari
Rebetol barcha rasmlari
Rebetol savollari
Virusga qarshi
Ha, preparat O'zbekiston dori vositalari reestrida ro'yxatdan o'tgan.
Rebetol dori vositasi MSD Interneshnl GmbX (Puerto-Riko Branch) LLS/Shering-Plau Labo N.V. tomonidan Puerto-Riko/Belgiya mamlakatida ishlab chiqarilgan.
