Sulfokamfokain

Farmakokinetikasi

Сўрилиши. Сульфокамфокаин препарати тери остига, мушак ичига, вена ичига юборилганда тез сўрилади.

Метаболизм. Организмда метаболизм жараёнида оксидланишга учрайди ҳамда глюкурон кислотаси билан конъюгацияга киришади.

Чиқарилиши. Метаболитлари асосан буйрак орқали чиқарилади, бунда сийдикдан препаратнинг ҳиди келади. Қисман нафас йўллари орқали чиқариладиган нафас билан ва сафро билан чиқарилади.

Maxsus shartlar

Препаратни сулфокамфокаиндан организмда ажралиб чиқадиган новокаиннинг гипотензив таъсирини ривожланиши мумкинлиги туфайли артериал босими паст бўлган беморларга қўллашда эҳтиёткорликка риоя қилиш керак. Артериал босим пасайиши мумкин (айниқса бошланғич артериал босими жуда паст бўлган беморларда).

Ҳомиладорлик ва лактация даврида қўлланилиши

Ҳомиладорлик ва эмизиш даврида сульфокамфокаинни қўллаш бўйича маълумотлар бўлмаганлиги туфайли, ушбу даврларда уни қўллаш тавсия этилмайди.

Автомобилни ва мураккаб механизмларни бошқариш қобилиятига таъсири

Даволаниш вақтида транспорт воситаларини бошқариш ва механизмлар билан ишлашда эхтиёт бўлиш керак, бош айланиши, тиришишлар пайдо бўлган ҳолларда, диққатни юқори жамланишини ва психомотор реакциялар тезлигини талаб этувчи потенциал хавфли фаолият турлари билан шуғулланмаслик керак.

Dozirovkasi

Сулфокамфокаин® 2 мл дан 10% эритмаси (0.2 г) тери остига, мушак ичига ёки вена ичига қўлланилади; зарурат бўлганида, юборишлар сони кунига 2-3 мартани ташкил қилади.

Катталар учун максимал суткалик доза 10% эритманинг 12 мл (1.2 г) ни ташкил этади.

Ўткир ҳолларда препарат вена ичига (секин оқим билан ёки томчилаб) бир марталик дозада 10% ли эритманинг 2 мл миқдорида юборилади.

Қўллаш давомийлиги индивидуал равишда белгиланади.

Сурункали нафас ва юрак етишмовчилигида 20-30 кун давомида тери остига ёки мушак ичига юборилади.

Болалар. Препарат болаларда қўлланилмайди

Tarkibi va ishlab chiqarilish shakli

Дори шакли: инъекция учун эритма

Таркиби:

фаол моддалар:сульфокамфор кислотаси сувсиз моддага қайта ҳисоблаганда – 49.6 мг

прокаин-50.4 мг,

ёрдамчи модда: инъекция учун сув 1 мл гача

Farmakodinamikasi

Мажмуавий препарат, аналептик таъсир кўрсатади. Узунчоқ миянинг нафас ва қон томирларни харакатлантирувчи марказни рағбатлантиради. Миокардга, унда модда алмашинув жараёнларини кучайтириб, функциясини яхшилаб ва унинг симпатик импульсацияга сезувчанлигини ошириб, бевосита таъсир кўрсатади. Периферик қон томирларининг тонусини оширади. Ўпка вентиляциясини, ўпкада қон айланишини яхшилайди. Сувда эрувчанлиги сабабли, препарат тери остига ва мушак ичига юборилганда тез сўрилади. Инфильтратлар ва асоратлар (олеомалар) хосил қилмайди. Вена ичига юбориш мумкин.

Maxsus saqlash sharoitlari

Қуруқ, ёруғликдан ҳимояланган, 25°С дан юқори бўлмаган ҳароратда сақлансин.

Болалар ололмайдиган жойда сақлансин.

Яроқлилик муддати

2 йил.

Қадоқда кўрсатилган яроқлилик муддати тугагандан сўнг қўлланилмасин.

Dozani oshirib yuborilishi

Симптомлари:

·      тавсия этилган дозалар сезиларли даражада ошиб кетганда: бош айланиши, бош оғриғи;

·      ўткир заҳарланишда - ҳаракатнинг бузилиши, юзнинг қизариши, тутқаноқсимон тиришишлар ва делирий пайдо бўлиши мумкин.

Даволаш: Доза ошириб юборилганда антипсихотик, тутқаноққа қарши воситалар (асосий синдромга қараб) буюрилади. Яққол намоён бўлмаган психомотор қўзғалишда, транквилизаторлар ва тинчлантирувчи воситалар қўлланилади.