Sefroks

QO‘LLASH BO‘YICHA YO‘RIQNOMA

SEFROKS 250

CEFROX 250

SEFROKS 500

CEFROX 500

Preparatning savdo nomi: Sefroks 250; Sefroks 500

Ta‘sir etuvchi modda (XPN): sefuroksim

Dori shakli: plyonka qobiq bilan qoplangan tabletkalar.

Tarkibi:

Plyonka qobiq bilan qoplangan har bir tabletka quyidagilarni saqlaydi:

faol modda: 250 mg va 500 mg sefuroksimga ekvivalent bo‘lgan sefuroksim aksetil;

yordamchi moddalar: mikrokristall sellyuloza PH101, natriy kraxmal glikolyati (A turi), natriy kroskarmelloza, kolloid kremniy dioksidi, magniy stearati, tozalangan talk, natriy larilsulfati, gidroksipropil metilsellyuloza Ye5, titan dioksidi, polietilenglikol 6000, izopropil spirti**, metilenxlorid**.

(** tayyor mahsulotda bo‘lmaydi).

Ta‘rifi:

Sefroks 250 mg: oq yoki deyarli oq rangli, kapsula shaklli, bir tomonidan “250” gravirovkasi, boshqa tomoni silliq bo‘lgan plyonka qobiq bilan qoplangan tabletkalar.

Sefroks 500 mg: oq yoki deyarli oq rangli, kapsula shaklli, bir tomonidan “500” gravirovkasi, boshqa tomoni silliq bo‘lgan plyonka qobiq bilan qoplangan tabletkalar.

Farmakoterapevtik guruhi: antibiotiklar (sefalosporinlar guruhi).

ATX kodi: J01DC02

Farmakologik hususiyatlari

Farmakodinamikasi

Sefalosporin antibiotiklarining II avlodiga mansub bo‘lib, bakterisid ta‘sir qiladi, bakteriyalardagi hujayra devori sintezini izdan chiqaradi. Keng ta‘sir doirasiga ega. Ko‘pchilik beta-laktamazalarning ta‘siriga chidamli.

Aerob grammusbat bakteriyalar: Staphylococcus aureus, Staphylococcus epidermidis (shu jumladan penisillinlarga chidamli shtammlari va kam uchraydigan metisillinga-rezistent shtamlaridan tashqari), Streptococcus pyohenes (va boshqa b-gemolitik streptokokklar), Streptococcus pneumonaiae, Streptococcus V guruhi (Streptococcus agalactiae), Streptococcus mitis (viridans guruhi) Bordetella pertusis; aerob grammanfiy bakteriyalar: Escherichia coli, Klebsiella spp., Proteus mirabilis, Providencia spp., Proteus rettgeri, Haemopilus influenzae (ampisillinga rezistent shtammlar), Haemophilus patainfluenzae (ampisillinga rezistent shtammlar) Moraxella (Branhamella) catarrhalis, Neisseria gonorrhoeae, (penisillinazani ishlab chiqaruvchi va ishlab chiqarmaydigan shtammlari), Neisseria meningitides, Salmonella spp., anaerob grammanfiy bakteriyalar: Bacteroides spp., Fusobacterium spp., anaerob grammusbat bakteriyalar: Peptococcus spp, Peptostreptococcus spp, Clostridium spp. ga nisbatan yuqori faol, shuningdek Borellia burgdorferi ga nisbatan faollikka ega.

Quyidagi turlarning ba‘zi shtammlar: Streptococcus (Enterococcus) faecalis, Morganella morganii, Ptoteus vulgaris, Enterobacter spp, Cutrobacter spp, Serratia spp., Bacterioidis fragilis sefuroksimga chidamli.

In vitro sharoitlarda o‘tkazilgan tadqiqotlarda, sefuroksim aminoglikozid guruhidagi antibiotiklar bilan birga qo‘llanganda, additiv samara va qator hollarda esa – sinergizm kuzatilishi ko‘rsatilgan.

Farmakokinetikasi

Preparat ichga qabul qilinganida me‘da-ichak yo‘llarida so‘riladi va qisman ichak qobig‘ida va qonda nospesifik esterezalar ta‘sirida sefuroksimgacha gidrolizlanadi. Ovqat preparatni so‘rilishini tezlashtiradi. Ovqat qabul qilingandan so‘ng sefuroksim aksetilning 125 mg, 250 mg va 500 mg li dozalari uchun qon plazmasidagi maksimal konsentrasiyasi 3 soatdan keyin muvofiq 2,1 mkg/ml, 4,1 mkg/ml va 7 mkg/ml ni tashkil qilgan. Oqsillar bilan bog‘lanish darajasi 33% dan 50% gacha qiymatni tashkil qiladi. Organizmning to‘qima va suyuqliklarida taqsimlanadi. Orqa miya suyuqligida faqat meningitda terapevtik konsentrasiyasiga erishiladi. Yo‘ldosh orqali o‘tadi, ko‘krak suti bilan ajralib chiqadi.

Metabolizmga uchramaydi, buyrakda kalavalar filtrasiyasi va naychalar sekresiyasi yo‘li bilan o‘zgarmagan holda chiqariladi. Yarim chiqarilish davri taxminan 1,2 soatni tashkil qiladi.

Qo‘llanilishi

Preparatga sezgir mikroorganizmlar chaqirgan quyidagi infeksion-yallig‘lanish kasalliklarini davolash:

• nafas yo‘llarining infeksiyalari (shu jumladan o‘tkir va surunkali bronxit, bakterial pnevmoniya), o‘pka abssessi, infeksiyalangan bronxoektazlar, ko‘krak qafasining operasiyadan keyingi infeksiyalarida;
• quloq, tomoq, burun infeksiyalarida (shu jumladan sinusit, tonzillit, faringit, o‘tkir o‘rta quloq otiti);
• siydik-tanosil sohasidagi infeksiyalarda (shu jumladan o‘tkir va surunkali pielonefrit, sistit, uretrit, asimptomatik bakteriuriya);
• teri, yumshoq to‘qimalarning infeksiyalarida (shu jumladan furunkulez, piodermiya, impetigo);
• gonoreyada (shu jumladan gonokokkli uretrit va servisit);
• Laym kasalligining ilk bosqichini davolash va kattalarda va 12 yoshdan oshgan bolalarda kechki ko‘rinishlarini keyinchalik oldini olishda qo‘llanadi.

Qo‘llash usuli va dozalari

Ichga, ovqatdan keyin qabul qilinadi. Yoqimsiz ta‘mi tufayli, tabletkani chaynash tavsiya etilmaydi. Kattalarga va 12 yoshdan oshgan bolalarga tavsiya qilinadigan doza o‘rtacha
250 mg ni tashkil qilib, sutkada 2 marta qabul qilinadi. Sezgirligi kam bo‘lgan mikroorganizmlar chaqirgan og‘ir infeksiyalarda sutkada 500 mg dan 2 marta qabul qilinadi. Laym kasalligida kattalarga va 12 yoshdan oshgan bolalarga 500 mg dan sutkada 2 marta, 20 kun davomida buyuriladi. Siydik-tanosil tizimining asoratlanmagan infeksiyalarida 125 mg dan sutkada 2 marta qabul qilinadi. Asoratlanmagan gonoreyani davolashda 1 g dan 1 marta buyuriladi. Preparatni qabul qilish davomiyligi o‘rtacha
7 kun (5-10 kun) ni tashkil qiladi. Bolalarga sutkasiga o‘rtacha 125 mg dan buyuriladi. Maksimal sutkalik doza 500 mg.

Nojo‘ya ta‘sirlari

Ovqat hazm qilish tizimi tomonidan: ko‘ngil aynishi, qusish, diareya, jigar fermentlari ALT, AST, LDG ning faolligini, bilirubinning darajasini vaqtinchalik oshishi, sariqlik, soxta membranoz kolit hollari ta‘riflangan.

Qon yaratish a‘zolari tomonidan: gemolitik anemiya, eozinofiliya, leykopeniya, neytropeniya, trombositopeniya.

Allergik reaksiyalar: teri toshmalari, qichishish, eshakemi, isitma, ko‘p shaklli eritema, Stivens-Djonson sindromi, toksik epidermal nekroliz, yakka hollarda anafilaksiya bo‘lishi mumkin.

Markaziy nerv tizimi tomonidan: bosh og‘rig‘i.

Boshqalar: Kumbsning musbat reaksiyasi bo‘lishi mumkin.

Qo‘llash mumkin bo‘lmagan holatlar

Sefalosporin guruhi antibiotiklariga yuqori sezuvchanlikda qo‘llanmaydi.

Homiladorlik va laktasiya davri. Homiladorlikning I uch oyligida va emizayotgan ayollarga laktasiya davrida ehtiyotkorlik bilan qo‘llanadi.

Dorilarning o‘zaro ta‘siri

Sefuroksim ichak florasini pasaytirib, K vitaminini sinteziga to‘sqinlik qiladi, shuning uchun trombositlar agregasiyasini pasaytiruvchi preparatlar (nosteroid yallig‘lanishga qarshi vositalar, salisilatlar, sulfinpirazon) bilan bir vaqtda qo‘llanganda qon ketishini rivojlanish xavfi oshadi. Xuddi shu sababli, antikoagulyantlar bilan bir vaqtda buyurilganda antikoagulyant ta‘sirini kuchayishi kuzatiladi.

Xalqali diuretiklar bilan bir vaqtda buyurilganda nefrotoksik ta‘sirini rivojlanish havfi oshadi.

Maxsus ko‘rsatmalar

Preparat penisillin qatori antibiotiklarga nisbatan sezuvchanligi yuqori bo‘lgan pasientlarga ehtiyotkorlik bilan buyuriladi, chunki allergik reaksiyalar uchraganligi to‘g‘risida xabarlar mavjud.

Sefuroksim bilan davolash vaqtida pasientlar qonida glyukozani aniqlash uchun glyukooksidaza usulini qo‘llash tavsiya qilinadi.

Preparat uzoq vaqt davomida qo‘llanganida chidamli mikroorganizmlarni (Candida, Enterococcus, Closridum difficile) tez o‘sib ketishi, davolashni to‘xtatishni talab qilishi mumkin.

Laym kasalligini davolashda bakterisid ta‘sirning bevosita oqibati bo‘lgan Yarish-Gersgeymer reaksiyasi kuzatilishi mumkin. Pasientlarga bu odatda tezda va o‘z-o‘zidan o‘tib ketuvchi holat ekanligini tushuntirish zarur.

Preparat bolalar ololmaydigan joyda saqlansin va yaroqlilik muddati tugaganidan so‘ng ishlatilmasin.

Dozani oshirib yuborilishi

Simptomlari: Markaziy nerv tizimi tomonidan, qo‘zg‘aluvchanlik va tirishishlar bilan namoyon bo‘luvchi buzilishlar.

Davolash: Simptomatik davolash o‘tkaziladi. Preparat gemodializ va peritoneal dializ yordamida chiqariladi.

Chiqarilish shakli

10 tabletkadan blisterda. 1 yoki 2 blister qo‘llash bo‘yicha yo‘riqnomasi bilan birga karton qutiga joylangan.

Saqlash sharoiti

Quruq, yorug‘likdan himoyalangan joyda, 25°S dan yuqori bo‘lmagan haroratda saqlansin.

Yaroqlilik muddati

2 yil.

Dorixonalardan berish tartibi

Resept bo‘yicha.