Yunimoks

QO‘LLASH BO‘YICHA YO‘RIQNOMA

YUNIMOKS-250/UNIMOX-250

YUNIMOKS-500/UNIMOX-500

Preparatning savdo nomi: Yunimoks-250; Yunimoks-500

Ta‘sir etuvchi modda (XPN): amoksisillin

Dori shakli: kapsulalar

Tarkibi:

1 kapsula quyidagilarni saqlaydi:

faol modda: amoksisillinga qayta hisoblanganda amoksisillin trigidrati 250 mg yoki
500 mg;

yordamchi moddalar: magniy stearati, natriynы lauril sulfati, kremniynы kolloid tuzi.

Ta‘rifi: silindrik shaklli, chetlari yarim sferik, silliq va yaltiroq yuzali, qattiq tiniq bo‘lmagan kapsulalar.

250 mg li doza uchun – kapsulaning raqami 2, korpusi kizil-jigarang va qopqoqchasi sariq  rangli jelatin  kapsulalar.

500 mg li doza uchun – kapsulaning raqami 0, korpusi kizil-jigarang va qopqoqchasi sariq  rangli  jelatin  kapsulalar.

Kapsulaning ichidagisi – oq yoki deyarli oq rangli kukun yoki granulalar.

Kapsulaning ichidagisini bosilganida parchalanadigan konglomeratlar yoki silindrik massa ko‘rinishida kompaktlanishiga yo‘l qo‘yiladi.

Farmakoterapevtik guruhi: antibiotiklar (penisillinlar guruhi).

ATX kodi: J01CA04

Farmakologik hususiyatlari

Yarim sintetik penisillinlar guruhiga mansub keng ta‘sir doirasiga ega antibiotik. Aerob grammusbat bakteriyalar: penisillinaza ishlab chiqarmaydigan stafilokokklar, Streptococcus spp. (alfa- va beta-gemolitik streptokokklar), Streptococcus pneumoniae, Streptococcus faecalis; Clostridium tetani, Listeria monocytogenes ga nisbatan; aerob grammanfiy bakteriyalar: Neisseria gonorrhoeae, Neisseria meningitides, Haemophilus influenzae, Bordotella pertussis, Escherichia coli, Proteus mirabilis, Salmonella spp., Shigella spp., Actinomyces israeli ga nisbatan samarali. Preparatga: Pseudomonas spp., Klebsiella spp., Enterobacter., Mycoplasma, Chlamydia, Rickettsia chidamlidir. Ta‘sir mexanizmi bakteriyalarning hujayra devoridagi peptidoglikansintetazani bostirish va bakteriyalarni lizislanishidan iborat. Beta-laktamaza ishlab chiqarmaydigan bakteriyalarni ko‘payish bosqichida preparat bakterisid ta‘sir ko‘rsatadi.

Farmakokinetikasi

Unga yaqin bo‘lgan ampisillinga nisbatan amoksisillin yaxshi o‘zlashtiriladi, me‘da-ichak yo‘llari (MIY) ning shilliq qavatini ta‘sirlamaydi, biokiraolishligi yuqori, qonda yuqori konsentrasiyalarni hosil qiladi. Amoksisillin me‘da shirasida parchalanmaydi va deyarli to‘liq so‘riladi. Plazmada maksimal konsentrasiyasiga 1-2 soatdan keyin erishiladi. Amoksisillin plazma oqsillari bilan 20% ga bog‘lanadi. Yarim chiqarilish davri 1-1,5 soatni tashkil etadi. Qabul qilingan dozaning 60% o‘zgarmagan holda chiqariladi. Yangi tug‘ilgan chaqaloqlarda va keksa yoshdagi pasientlarda yarim chiqarilish davri oshishi mumkin.

Qo‘llanilishi

LOR-a‘zolarini streptokokklar, beta-laktamaza ishlab chiqarmaydigan stafilokokklar va H.influenzae chaqirgan infeksiyalari; teri va yumshoq to‘qimalarning Staphylococcus spp., penisillinaza ishlab chiqaradigan shtammlaridan tashqari shtammlari va E.coli chaqirgan infeksiyalari; yuqori va quyi nafas yo‘llarining penisillinaza ishlab chiqarmaydigan stafilokokklar, streptokokklar va H.influenzae chaqirgan infeksiyalari; erkaklar va ayollarda asoratlanmagan gonoreya (uretrit, endoservisit, rektit); Helicobacter pylori chaqirgan me‘da yarasi; o‘t chiqarish yo‘llarining infeksiyalari; stomatologik, buyrak va uro-genital infeksiyalarda qo‘llaniladi.

Qo‘llash usuli va dozalari

Ichga qabul qilinadi.

Dozalash tartibi shaxsiy ravishda belgilanadi. Ichga qabul qilish uchun kattalar va 10 yoshdan oshgan (tana vazni 40 kg dan ortiq bo‘lgan) bolalar uchun bir martalik dozasi 250-500 mg ni tashkil etadi, kasallikni og‘ir kechishida doza yana takror (1 g gacha) yuboriladi.

5-10 yoshdagi bolalar uchun bir martalik dozasi 250 mg ni tashkil etadi.

Kattalar va o‘smirlar uchun qabul qilishlar orasidagi interval 8 soatni, maksimal dozasi sutkada 4,5 g ni tashkil etadi. Quyi nafas yo‘llarining infeksiyalarida kattalarga preparatni 0,5 g dan har 8 soatda qabul qilish, bolalarga sutkada 1 kg tana vazniga 40 mg 3 marta qabulga bo‘lish tavsiya etiladi; asoratlanmagan gonoreyada – 3 g bir marta qabul qilinadi; qorin tifida, kattalarga – sutkada 2-4 g dan 14 kun davomida, bolalarga – sutkada 2 g dan 21 kun davomida qabul qilinadi; qorin tifi bakteriyalarini tashuvchilarga – sutkada 2-4 g koprokultura reaksiyasi manfiy bo‘lgunicha qabul qilinadi; enterokolitlarda – sutkada 1-2 g qabul qilinadi.

Nojo‘ya ta‘sirlari

Ovqat hazm qilish tizimi tomonidan: ko‘ngil aynishi, diareya, glossit, stomatit bo‘lishi mumkin; ayrim hollarda – qon zardobida aminotransferazalarni biroz oshishi kuzatiladi.

Allergik reaksiyalar: kam hollarda – eshakemi, isitma, bo‘g‘imlarda og‘riq, Kvinke shishi; juda kam hollarda – ko‘p shaklli eritema, eksfoliativ dermatit, anafilaktik shok. Qorin tifi, leptospiroz yoki zahm sababli amoksisillin qabul qilgan pasientlarda, bakteriyalarni lizisi bilan bog‘liq bo‘lgan Yarish-Gerksxeymer reaksiyasi rivojlanishi mumkin.

Qon yaratish tizimi tomonidan: trombositopeniya, agranulositoz, leykopeniya, eozonofiliya.

MNT tomonidan: bosh aylanishi, toliqish bo‘lishi mumkin.

Siydik chiqarish tizimi tomonidan: kam hollarda – interstisial nefrit.

Qo‘llash mumkin bo‘lmagan holatlar

• infeksion mononukleoz;
• limfoleykoz;
• MIY ni diareya yoki qusish bilan kechuvchi og‘ir darajadagi infeksiyalari;
• respirator virusli infeksiyalar;
• allergik diatez;
• bronxial astma;
• pichan isitmasi;
• penisillin qatori antibiotiklariga ma‘lum yoki taxmin qilingan yuqori sezuvchanlik.

Dorilarning o‘zaro ta‘siri

Amoksisillin va allopurinol bir vaqtda qo‘llanganida teri toshmasi paydo bo‘lishi mumkin. Amoksisillin faqat ko‘payib borayotgan mikroorganizmlarga ta‘sir qiladi, shuning uchun uni bakteriostatik antibiotiklar (masalan, tetrasiklinlar, xloramfenikol) bilan bir vaqtda buyurish mumkin emas. Amoksisillinga sezuvchanlik sinamalari ijobiy bo‘lganida boshqa bakterisid antibiotiklar (sefalosporinlar, aminoglikozidlar) bilan majmuada buyurish mumkin. Probenesid bilan bir vaqtda qo‘llanganida amoksisillinni buyraklar orqali chiqarilishini buzilishi hisobiga, qon plazmasida uning konsentrasiyasi uzoq vaqt davomida oshishi mumkin. Aksincha, amoksisillinni to‘qimalarga taqsimlanishi va diffuziyasi probenesid ta‘sirida pasayishi mumkin. Amoksisillin kam hollarda peroral kontraseptivlarning samaradorligini pasaytiradi.

Antasidlar bir vaqtda qabul qilinganida amoksisillinni so‘rilishi pasayadi.

Amoksisillinni ichga qabul qilish uchun preparatlarini boshqa dori vositalari bilan nomutanosibligi bo‘yicha ma‘lumotlar yo‘q.

Maxsus ko‘rsatmalar

Sefalosporinlarga yuqori sezuvchanligi bo‘lgan pasientlarda kesishgan allergiya bo‘lishi mumkinligini hisobga olish kerak. Allergik reaksiyalar rivojlanganida preparatni bekor qilish kerak. Davolash o‘tkazilganida suyuqlikni adekvat iste‘mol qilish va yetarli darajada diurezni tutib turish juda muhim ahamiyatga egadir. Xolangit yoki xolesistiti bo‘lgan bemorlarga antibiotiklarni faqat kasallik yengil darajada kechganida va xolestaz bo‘lmaganida buyurish mumkin. Uzoq muddat davolanganda rezistent mikroorganizmlar va zamburug‘larni ortiqcha o‘sib ketish ehtimolini hisobga olish kerak. Ikkilamchi infeksiya paydo bo‘lganida tegishli davolash buyuriladi. Tutqanoq va meningiti bo‘lgan pasientlarda va buyraklar faoliyati buzilganida tirishishlarni rivojlanish havfi yuqori bo‘ladi.

Laborator ko‘rsatkichlarni nazorat qilish

Preparat yuqori dozalarda uzoq muddat qo‘llanganida jigar faoliyati ko‘rsatkichlarini nazorat qilish, buyrak kasalliklari bo‘lgan pasientlarda shuningdek teri toshmalari paydo bo‘lganida siydik tahlilini o‘tkazish va buyrak faoliyati ko‘rsatkichlarini aniqlash kerak. Dinamikada antiteloga bog‘liq reaksiyalar va gemolitik anemiyani aniqlash maqsadida qon hujayralari sonini aniqlash maqsadga muvofiqdir.

Homiladorlar va emizikli ayollar: Hozirgi kunda homiladorlik vaqtida amoksisillinni qabul qilinganda embriotoksik, teratogen yoki mutagen ta‘sir qilishi mumkinligi haqida ma‘lumotlar yo‘q. Biroq, amoksisillin ko‘krak sutiga o‘tishi va bolada sensibilizasiyani rivojlanishiga olib kelishi mumkinligini yodda tutish kerak.

Avtomobil va mexanizmlarni boshqarish qobiliyatiga ta‘sir: Hozirgi kunda amoksisillin avtotransportni haydash va mexanizmlarni boshqarish qobiliyatiga ta‘sir qilishi haqida ma‘lumotlar yo‘q.

Preparat bolalar ololmaydigan joyda saqlansin va yaroqlilik muddati o‘tgach ishlatilmasin.

Dozani oshirib yuborilishi

Simptomlari: ko‘ngil aynishi, qusish, diareya, oqibatda suv-elektrolitlar muvozanatini buzilishi.

Davolash: spesifik antidoti yo‘q. Me‘dani yuvish, faollashtirilgan ko‘mir, tuzli surgi vositalar buyuriladi; suv-elektrolitlar muvozanatini tutib turish bo‘yicha choralar o‘tkaziladi. Gemodializ.

Chiqarilish shakli

250 mg yoki 500 mg kapsulalar. 6 kapsuladan PVX plyonka va alyumin folgali , blisterda, 2 kontur uyali o‘ram qo‘llash bo‘yicha yo‘riqnomasi bilan birga shaxsiy karton qutiga joylanadi.

Saqlash sharoiti

30^oS dan yuqori bo‘lmagan, kuruq va yorug‘likdan himoyalangan joyda saqlansin.

Yaroqlilik muddati

3 yil.

Dorixonalardan berish tartibi

Resept bo‘yicha.