ADVANTAN 20,0 emulsiya 0,1%
ADVANTAN 20,0 emulsiya 0,1% haqida qo'llanma
Farmakokinetikasi
So'rilishi
Teri orqali so'rilish intensivligi terining holatiga, dori shakliga va qo'llash usuliga (ochiq teri sohasiga yoki okklyuzion bog'lov ostida) bog'liq. Maz, krem yoki yog'li maz qo'llanilganda neyrodermit va psoriaz bilan og'rigan o'smirlar va kattalarda teri orqali so'rilish 2,5% dan kamroqni tashkil etdi, bu kattalar sog'lom ko'ngillilarida shikastlanmagan teri orqali so'rilishdan (0,5-1,5%) biroz farq qildi.
Preparat emulsiya shaklida qo'llanilganda sun'iy yallig'lanishli teri orqali so'rilish juda past bo'lgan (0,27%) va sog'lom teri orqali so'rilishdan (0,17%) biroz oshgan. Shox qavati olib tashlangan teri orqali so'rilish ancha yuqori bo'lgan (dozaning 15%).
Butun tana ishlov berilganda (masalan, quyosh urishida) tizimli doza taxminan 4 mkg/kg tana vaznini tashkil qiladi/ (bu tizimli ta'sirlarni istisno qiladi).
Metabolizmi va chiqarilishi
Metilprednizolon atseponat epidermis va dermada gidrolizlanadi. Asosiy va eng faol metabolit 6alfa-metilprednizolon-17-propionat bo'lib, u terining kortikoid retseptorlariga nisbatan ancha yuqori yaqinlikka ega, bu uning terida bioaktivatsiyasi mavjudligini ko'rsatadi.
Tizimli qon oqimiga tushgandan so'ng 6alfa-metilprednizolon-17-propionat tezda glyukuron kislotasi bilan konyugatsiyalanadi va shu tariqa faolsizlanadi.
Metilprednizolon atseponat metabolitlari (ulardan asosiysi 6alfa-metilprednizolon-17-propionat-21-glyukuronid) asosan buyraklar orqali chiqariladi, yarim hayot davri taxminan 16 soat.
Metilprednizolon atseponat va uning metabolitlari organizmda kumulyatsiya qilinmaydi.
Nojo'ya samaralari
Ayrim hollarda: teri qichishishi, achishish, eritema, preparat surtilgan joyda pufakchalar hosil bo'lishi.
Kam hollarda: boshqa GKS lar qo'llanilganda bo'lgani kabi - follikulit, gipertrixoz, perioral dermatit, allergik reaksiyalar.
Maxsus ko‘rsatmalari
Bakterial dermatozlar va/yoki dermatomikozlar mavjud bo'lganda, Advantan bilan davolashga qo'shimcha ravishda maxsus antibakterial yoki zamburug'larga qarshi davolashni o'tkazish zarur.
Emulsiyani okklyuzion bog'lam ostida qo'llash mumkin emas. Shuni yodda tutish kerakki, tagliklar (pamperslar) okklyuzion samarani yuzaga keltirishi mumkin.
Preparatni ko'zga tushishidan saqlanish kerak.
Tizimli kortikosteroidlarni qo'llashda bo'lgani kabi, GKS mahalliy qo'llanilganda ham glaukoma rivojlanishi mumkin (masalan, yuqori dozalardan yoki juda uzoq muddat qo'llashdan so'ng, okklyuzion bog'lamlardan foydalanish yoki ko'z atrofidagi teriga surtish natijasida).
Avtotransportni va mexanizmlarni boshqarish qobiliyatiga ta'siri
Avtotransportni boshqarish va mexanizmlar bilan ishlash qobiliyatiga ta'sir qilmaydi.
Qo'llanilishi mumkin bo'lmagan holatlar
— preparat surtiladigan sohada teri tuberkulyozi va zaxmning teri ko'rinishlari;
— preparat surtiladigan sohada terining virusli shikastlanishlari (masalan, suvchechakda, o'rab oluvchi temiratkida);
— preparat surtiladigan sohada rozatsea, perioral dermatit;
— vaktsinatsiyaga reaktsiyaning teri ko'rinishlari;
— preparat komponentlariga yuqori sezuvchanlik.
Dori vositalarining o'zaro ta'siri
Advantan preparatining dori vositalari bilan o'zaro ta'siri ta'riflanmagan
Dozirovkasi
Krem, maz yoki yog'li maz shaklidagi Advantanni uzluksiz har kuni qo'llash kattalar uchun ko'pi bilan 12 hafta, bolalar uchun – ko'pi bilan 4 haftani tashkil qiladi. Emulsiya shaklidagi Advantan bilan davolash kursi 2 haftadan oshmasligi kerak.
Emulsiya teriga engil ishqalab surtiladi. Quyoshdan kuyishlarda emulsiyani maksimal 2 marta qo'llash mumkin
ADVANTAN 20,0 emulsiya 0,1% o'xshash dorilari
ADVANTAN 20,0 emulsiya 0,1% xususiyatlari
Advantan boshqa chiqarish shakllari
ADVANTAN 20,0 emulsiya 0,1% analoglari
