×
×

Mahsulotning ko'rinishi saytdagi rasmdan farq qilishi mumkin.

AMIZOLID tabletkalari 400mg N10

Kategoriya:
- Antibiotiklar
Ishlab chiqarilish joyi:
- Rossiya
Qadoqda soni:
- 10
Ishlab chiqaruvchi:
- Фармасинтез, ОАО
ATX kodi:
- J01XX08
Noaniqliq haqida habar berish

O'xshash dorilar

SEFURO tabletkalari 250mg N10 Deva Holding A.S Turkiya
TAYGERON infuziya uchun eritma 100ml 500mg/100ml Kusum Healthcare Pvt. Ltd. Hindiston
34 000 s`om dan
AKLEVO 500 tabletkalari 500mg N10 Akriti Pharmaceuticals Pvt. Ltd Hindiston
22 600 s`om dan
Mahsulot haqida tafsilotlar
Saytda e'lon qilingan ma'lumotlar mutaxassislar uchun mo'ljallangan. O'zingizni-o'zingiz davolash bilan shug'ullanmang. Sog'lig'ingizga zarar bermaslik uchun mutaxassis bilan maslahatlashishga ishonch hosil qiling!
AMIZOLID tabletkalari 400mg N10 qo'lanishi bo'yicha ko'rsatmalar

AMIZOLID

dori preparatini tibbiyotda qo‘llash bo‘yicha

YO‘RIQNOMA

 

Qayd etish raqami:

Preparatning savdo nomi: Amizolid

Dori preparatining xalqaro patentlanmagan nomi: linezolid

Dori shakli: plyonka qobiq bilan qoplangan tabletkalar

Tarkibi:

Ta‘sir etuvchi modda:

Linezolid – 200 mg; 400 mg; 600 mg;

Yordamchi moddalar:

Plyonka qobiq bilan qoplangan har bir tabletka quyidagilarni saqlaydi:

Yadrosi: betadeks (beta-siklodekstrin) – 10,0 mg/20,0 mg/30,0 mg; kopovidon – 9,0 mg/
18,0 mg/ 27,0 mg; o‘ta jelatinlangan kraxmal – 18,0 mg/ 36,0 mg/ 54,0 mg; kolloid kremniy dioksidi (A-300 markali aerosil) – 3,0 mg/ 6,0 mg/ 9,0 mg; natriy stearilfumarati –
5,0 mg/ 10,0 mg/ 15,0 mg; magniy gidroksikarbonati – 28,0 mg/ 56,0 mg/ 84,0 mg.

Qobig‘i: tayyor suvda eruvchan plyonka qobig‘i – 7,0 mg/14,0 mg/21,0 mg.

(qobig‘ini tarkibi: gidroksipropilmetilsellyuloza (gipromelloza) – 74,2%, talk – 2,3%, polietilenglikol 6000 (Makrogol 6000) – 14,3%, titan dioksidi – 3,5%, temir (III) oksidi bo‘yovchisi – 1,4%, temir (II) oksidi bo‘yovchisi – 4,3%).

Ta‘rifi:

200 mg li doza uchun: dumaloq, ikki tomonlama qavariq, och jigarrang rangdan to‘q jigarrang ranggacha bo‘lgan plyonka qobiq bilan qoplangan tabletkalar.

400 mg li doza uchun: kapsulasimon, ikki tomonlama qavariq, och jigarrang rangdan to‘q jigarrang ranggacha bo‘lgan plyonka qobiq bilan qoplangan tabletkalar.

600 mg li doza uchun: oval, ikki tomonlama qavariq, och jigarrang rangdan to‘q jigarrang ranggacha bo‘lgan plyonka qobiq bilan qoplangan tabletkalar.

Farmakoterapevtik guruhi: Oksazolidinlar guruhiga mansub antibiotik.

ATX kodi: [J01XX08]

Farmakologik ta‘siri

Farmakodinamikasi

Mikroblarga qarshi vosita bo‘lib, oksazolidinlar sinfiga mansub. Preparatning ta‘sir mexanizmi bakteriyalardagi oqsil sintezini ingibisiya qilishi bilan bog‘liq. Linezolid bakteriyalarning ribosomalaridagi 30S- va 50S-subbirliklari bilan bog‘lanadi, natijada 70S-kompleksni hosil bo‘lishi va peptid zanjirini shakllanish jarayoni buziladi. Linezolid in vitro sharoitlarida aerob grammusbat bakteriyalar, ba‘zi grammanfiy bakteriyalar va anaerob mikroorganizmlarga nisbatan faoldir.

Preparatga sezgir: grammusbat aeroblar (Corynebacterium jeikeium, Enterococcus faecalis va Enterococcus faecium (shu jumladan, glikopeptid-rezistent shtammlari), Enterococcus casseliflavus, Enterococcus gallinarum, Listeria monocytogenes, Staphylococcus aureus (shu jumladan, metisillinga chidamli shtammlari va glikopeptidlarga nisbatan oraliq sezuvchanlikka ega bo‘lgan shtammlari), Staphylococcus epidermidis (shu jumladan, metisillinga chidamli shtammlari), Staphylococcus haemolyticus, Staphylococcus lugdunensis, Streptococcus agalactiae, Streptococcus intermedius, Streptococcus pneumoniae (shu jumladan, penisillinga nisbatan oraliq chidamlilikka ega bo‘lgan shtammlari va penisillinga chidamli shtammlari), Streptococcus pyrogenes, (Viridans guruhi streptokokklari, S guruhi streptokokklari, G guruhi streptokokklari); grammanfiy aeroblar (Pasteurella canis, Pasteurella multocida); grammusbat anaeroblar (Clostridium perfringens, Peptostreptococcus anaerobius, Peptostreptococcus spp.); grammanfiy anaeroblar (Bacteroides fragilis, Prevotella spp.); Chlamydia pneumoniae.

Oraliq sezuvchanlikka ega bo‘lgan mikroorganizmlar: Legionella spp., Moraxella catarrhalis, Mycoplasma spp.

Rezistent mikroorganizmlar: Haemophilus influenzae, Neisseria spp., Enterobacteriaceae, Pseudomonas spp.

Linezolid va boshqa sinflarga mansub bo‘lgan mikroblarga qarshi preparatlar (aminoglikozidlar, beta-laktam antibiotiklar, folat kislotasini antagonistlari, glikopeptidlar, linkozamidlar, xinolonlar, rifimisinlar, tetrasiklinlar va xloramfenikol) o‘rtasida mikroorganizmlarning kesishgan chidamliligi kuzatilmaydi. Linezolid ushbu preparatlarga ham sezgir, ham rezistent mikroorganizmlarga nisbatan faoldir. Linezolidga nisbatan rezistentlik juda sekin, 23S-ribosomal RNK ni ko‘p bosqichli mutasiyasi oqibatida rivojlanadi.

Asosiy antimikrob ta‘siri bilan bir qatorda monoaminooksidazani (MAO) A va V turlarini kuchsiz noselektiv ingibitorining hususiyatlarini namoyon qiladi.

Farmakokinetikasi

Ichga qabul qilinganidan so‘ng linezolid me‘da-ichak yo‘llaridan tez va jadal ravishda so‘riladi. Ovqatlanish preparatning so‘rilishiga ta‘sir qilmaydi. Mutloq biokiraolishligi taxminan 100% ni tashkil etadi. 400 mg dozali plyonka qobiq bilan qoplangan tabletka ichga (sutkada bir marta va 2 marta) qabul qilinganida qonda maksimal konsentrasiyasi (Smax) muvofiq ravishda – 8,1 va 11 mkg/ml; maksimal konsentrasiyasiga erishish vaqti (TSmax) – 1,52 va 1,12 soat; farmakokinetik egri chizig‘i ostidagi maydoni (AUC) – 55,1 va 73,4 mkg*soat/ml; yarim chiqarilish davri (T1/2) – 5,2 va 4,69 soat; klirensi minutiga 146 va 110 ml ni tashkil etadi. 600 mg dozali plyonka qobiq bilan qoplangan tabletkalar (sutkada bir marta yoki 2 marta) qabul qilinganida Smax muvofiq ravishda – 12,7 va 21,2 mkg/ml; TSmax – 1,28 va 1,03 soat; AUC – 91,4 va
138 mkg*soat/ml; T1/2 – 4,26 va 5,4 soat; klirensi minutiga 127 va 80 ml ni tashkil etadi.

Qonda preparat muvozanatli konsentrasiyasiga (Sss) 2-3 kun davomida qo‘llanganida erishiladi.

Perfuziyasi yaxshi bo‘lgan to‘qimalarga tez taqsimlanadi. Katta yoshdagi sog‘lom odamda Sss erishilganida taqsimlanish hajmi o‘rtacha 40-50 l ni tashkil etadi. Plazma oqsillari bilan bog‘lanishi – 31% ni (konsentrasiyasiga bog‘liq emas) tashkil etadi.

Sitoxrom R450 izofermentlari in vitro sharoitlarida linezolidning metabolizmida ishtirok etmasligi aniqlangan. Linezolid shuningdek sitoxrom R450 ning klinik jihatdan muhim bo‘lgan izofermentlari (CYP1A2, CYP2C9, CYP2C19, CYP2D6, CYP2E1, CYP3A4) ning faolligini ingibisiya qiladi. Metabolik oksidlanish 2 nofaol metabolitlar: gidroksietilglisin (odamda asosiy metabolit hisoblanadi va nofermentativ jarayonlar natijasida hosil bo‘ladi) va aminoetoksisirka kislotasi (kamroq miqdorlarda hosil bo‘ladi) metabolitlarini hosil bo‘lishiga olib keladi. Shuningdek boshqa “kichik” nofaol metabolitlari ham ta‘riflangan.

Linezolid buyraklar orqali gidroksietilglisin (40%), o‘zgarmagan preparat (30-35%), va aminoetoksisirka kislotasi (10%) holida chiqariladi. Ichak orqali gidroksietilglisin (6%) va aminoetoksisirka kislotasi (3%) holida chiqariladi. Bolalarda linezolidning klirensi yuqori bo‘ladi va yoshga oshib borgan sari pasayib boradi.

Ayollarda taqsimlanish hajmi erkaklarga nisbatan pastroq, klirensi (20% ga kam) va plazmadagi konsentrasiyasi yuqoriroq bo‘ladi. Ayollarda va erkaklarda linezolidning T1/2 ahamiyatli darajada farqlanmaydi, dozalash tartibiga tuzatish kiritish zarurati yo‘q.

Surunkali buyrak yetishmovchiligi (SBE) bo‘lgan pasientlarda dozalash tartibiga tuzatish kiritish talab etilmaydi, chunki preparatni buyraklar orqali chiqarilishi va kreatinin klirensi o‘rtasida bog‘liqlik yo‘q. 3 soatlik dializ davomida preparatning 30% dozasi chiqarilganligi sababli, shunday davolash olayotgan pasientlarda linezolidni dializ muolajasidan so‘ng buyurish kerak.

Yengil va o‘rtacha darajada jigar yetishmovchiligi bo‘lgan pasientlarda linezolidning farmakokinetikasi o‘zgarmaydi, shu sababli, preparatning dozasiga tuzatish kiritish zarurati yo‘q.

Qo‘llanilishi

Pnevmoniya (kasalxonadan tashqari va gospital pnevmoniya); teri va yumshoq to‘qimalarning infeksiyalari (shu jumladan, vankomisinga rezistent shtammlari Enterococcus faecalis va Enterococcus faecium chaqirgan infeksiyalar), sezgir anaerob va aerob grammusbat mikroorganizmlar chaqirgan boshqa infeksiyalarda qo‘llanadi.

Qo‘llash mumkin bo‘lmagan holatlar

O‘ta yuqori sezuvchanlik, 3 yoshgacha bolalar (ushbu dori shakli uchun) da qo‘llash mumkin emas.

Ehtiyotkorlik bilan

Homiladorlik va laktasiya davrida ehtiyotkorlik bilan qo‘llanadi.

Dozalash tartibi

Kattalarga preparat ichga sutkada 2 marta buyuriladi.

Pnevmoniyada 600 mg dan sutkada 2 marta buyuriladi; teri va yumshoq to‘qimalarning infeksiyalarida – 400-600 mg dan sutkada 2 marta buyuriladi. Davolash kursi 10-14 kunni tashkil etadi.

Enterokokkli infeksiyalarda – 600 mg dan sutkada 2 marta 14-28 kun davomida qabul qilinadi.

5 yosh va undan oshgan bolalarga ichga, tana vazniga 10 mg dan sutkada 2 marta buyuriladi.

Kattalar va bolalar uchun maksimal doza sutkada 1,2 g ni tashkil etadi.

Nojo‘ya ta‘siri

Ovqat hazm qilish tizimi tomonidan: ta‘m bilishni buzilishi, ko‘ngil aynishi, qusish, diareya, qorinda og‘riq, meteorizm.

Qon yaratish tizimi tomonidan: anemiya, trombositopeniya, leykopeniya, pansitopeniya.

Laborator ko‘rsatkichlar: giperbilirubinemiya, alaninaminotransferaza, aspartataminotransferaza, ishqoriy fosfatazaning faolligini oshishi.

Boshqalar: allergik reaksiyalar, bosh og‘rig‘i, kandidoz bo‘lishi mumkin.

Dozani oshirib yuborilishi

Davolash: zarurat bo‘lganida simptomatik davolash (shu jumladan kalavalar filtrasiyasi darajasini tutib turish) kerak. Dozaning taxminan 30% gemodializda 3 soat davomida chiqariladi.

O‘zaro ta‘siri

Farmasevtik jihatdan: 5% li dekstroza eritmasi, 0,9% li natriy xloridi eritmasi, laktoza bilan in‘eksiya uchun Ringer eritmasi bilan mutanosibdir. Amfoterisin V, xlorpromazin, diazepam, pentamidin izetionat, fenitoin, eritromisin, ko-trimoksazol, seftriakson natriy bilan nomutanosibdir.

Farmakodinamik jihatdan: psevdoefedrin va fenilpropanolamin (MAO ni kuchsiz, qaytuvchan noselektiv ingibitori hisoblanadi) ning pressor ta‘sirini o‘rtacha darajada qaytar kuchaytirishi mumkin.

Serotoninni qayta qamrab olinishini selektiv ingibitorlari (SQQSI) bilan bir vaqtda qabul qilish – serotonin sindromini rivojlanish havfi mavjud; linezolidni buyurishdan oldin kamida 14 kun davomida SQQSI qabul qilishdan saqlanish kerak.

Birga buyurilganida adrenergik dori vositalar (dopamin yoki uning agonistlari) ning boshlang‘ich dozalarini kamaytirish va keyinchalik dozani titrlash tavsiya etiladi.

Homiladorlik va laktasiya davrida qo‘llanishi

Homiladorlikda ona uchun davolashdan kutilgan foyda homila uchun potensial xavfdan ustun bo‘lgan hollardagina linezolidni qo‘llash mumkin. Linezolidni ona suti bilan ajralib chiqishi noma‘lum, shuning uchun preparat onalarga emizikla davrda buyurilganida alohida ehtiyotkorlikka rioya qilish kerak.

Maxsus ko‘rsatmalar

Davolanish vaqtida anamnezida qon ketishi, anemiya yoki trombositopeniyani rivojlanish xavfi yuqori bo‘lgan pasientlar, shuningdek bir vaqtda qonda gemoglobinning darajasini yoki trombositlarning sonini pasaytirishi mumkin bo‘lgan preparatlarni olayotgan pasientlar yoki linezolidni 2 haftadan ortiq vaqt davomida olayotgan pasientlarning konidagi trombositlar sonini va gemoglobinning darajasini nazorat qilish kerak.

Pasientda diareya rivojlanganida soxta membranoz kolit rivojlanishi mumkinligini inobatga olish kerak.

Transport vositalari va mexanizmlarni boshqarish qobiliyatiga ta‘siri

Linezolid avtotransportni haydash va mexanizmlarni boshqarish qobiliyatiga ta‘sir ko‘rsatmaydi.

Chiqarilish shakli

Plyonka qobiq bilan qoplangan tabletkalar, 200 mg, 400 mg va 600 mg dan

10 tabletkadan polvinil plyonka va laklangan bosma alyumin folgali kontur uyali o‘ramda.

10, 14, 20, 24, 30, 50 yoki 100 tabletka birinchi marta ochish nazorati bo‘lgan buraladigan qopqoqli polimer bankada. Bankada qolgan bo‘shliq tibbiy paxta bilan to‘ldiriladi. Bankaga yorliqli qog‘ozdan yoki polimer materiallardan tayyorlangan, o‘zi yelimlanadigan yorliq yelimlanadi.

1, 2, 3, 5, 6 yoki 10 kontur uyali o‘ram qo‘llash bo‘yicha yo‘riqnomasi bilan birga karton qutiga joylanadi.

1 banka qo‘llash bo‘yicha yo‘riqnomasi bilan birga karton qutiga joylanagan.

Saqlash sharoiti

Ishlab chiqaruvchining original o‘ramida, 25oS dan yuqori bo‘lmagan xaroratda saqlansin.

Bolalar ololmaydigan joyda saqlansin.

Yaroqlilik muddati

3 yil. O‘ramida ko‘rsatilgan yaroqlilik muddati tugaganidan so‘ng ishlatilmasin.

Dorixonalardan berish tartibi

Shifokor resepti bo‘yicha beriladi.

Ulashish:

Fikr qoldirish
Baho:
              
Matnni kiriting

Ismingiz
Fikr-mulohazangiz moderator tekshiruvidan so'ng nashr etiladi

Mahsulot bo'yicha savolingiz bormi?

Savol qoldirish

Mulohazalar

AMIZOLID tabletkalari 400mg N10 dori vositasi O'zbekiston dori vositalari reestrida ro'yxatdan o'tganmi?
Ha, preparat O'zbekiston dori vositalari reestrida ro'yxatdan o'tgan.
AMIZOLID tabletkalari 400mg N10 dori vositasi ishlab chiqaruvchisi kim va u qaysi davlatda ishlab chiqarilgan?
AMIZOLID tabletkalari 400mg N10 dori vositasi Фармасинтез, ОАО tomonidan Rossiya mamlakatida ishlab chiqarilgan.
AMIZOLID tabletkalari 400mg N10 dori vositasi resept bo’yicha sotiladimi?
AMIZOLID tabletkalari 400mg N10 dori vositasi resept bo'yicha sotiladigan dori

Ishlab chiqaruvchining dorilari
AMIZOLID tabletkalari 600mg N10
AMIZOLID tabletkalari 200mg N10
  • Ishlab chiqarilish joyi: Rossiya
  • Ishlab chiqaruvchi: Фармасинтез, ОАО
DIZAVEROKS tabletkalari 300 mg+150 mg N10
NEVIRPIN tabletkalari 200mg N30
AMIVIREN tabletkalari 150mg N10
PROTIONAMID tabletkalari 250mg N50
Narh: 63 900 so'mdan Batafsil
NEOVIR eritma 2 ml 250 mg/2 ml N5
Narh: 378 000 so'mdan Batafsil
OLITID tabletkalari 150mg N30
FTIZOAKTIV tabletkalari 200mg/10mg
  • Ishlab chiqarilish joyi: Rossiya
  • Ishlab chiqaruvchi: Фармасинтез, ОАО
FTIZOAKTIV tabletkalari 150mg/7,5mg
  • Ishlab chiqarilish joyi: Rossiya
  • Ishlab chiqaruvchi: Фармасинтез, ОАО
FTIZOAKTIV tabletkalari 100mg/5mg
  • Ishlab chiqarilish joyi: Rossiya
  • Ishlab chiqaruvchi: Фармасинтез, ОАО
Другие формы препарата
AMIZOLID infuziya uchun eritma 300 ml 2 mg/ml
  • Ishlab chiqarilish joyi: Rossiya
  • Ishlab chiqaruvchi: ИСТ-ФАРМ,ООО
AMIZOLID infuziya uchun eritma 200 ml 2 mg/ml
  • Ishlab chiqarilish joyi: Rossiya
  • Ishlab chiqaruvchi: ИСТ-ФАРМ,ООО
AMIZOLID infuziya uchun eritma 100 ml 2 mg/ml
  • Ishlab chiqarilish joyi: Rossiya
  • Ishlab chiqaruvchi: ИСТ-ФАРМ,ООО
  • A
  • B
  • D
  • E
  • F
  • G
  • H
  • I
  • J
  • K
  • L
  • M
  • N
  • O
  • P
  • Q
  • R
  • S
  • T
  • U
  • V
  • X
  • Y
  • Z
  • Ch
  • Sh
  • 0-9