AZITROMISIN kapsulalar 500mg N3

Azitromisinning ta'sir mexanizmi mikrob hujayralarining oqsil sintezini bostirishi bilan bog'liq. Ribosomani 50S-subbirligi bilan bog'lanib peptidtranslokazani translyasiya bosqichida susaytiradi va bakteriyalarni o'sishi va ko'payishini sekinlashtirib, oqsil sintezini bostiradi. Yuqori kontsentrasiyalarda bakteriosid ta'sir ko'rsatadi.

Qator grammusbat, grammanfiy, anaeroblar, hujayraichi va boshqa mikroorganizmlarga nisbatan faollikka ega.

Mikroorganizmlar boshidanoq antibiotikning ta'siriga chidamli bo'lishi yoki unga chidamlilikni orttirishi mumkin.

Azitromisinga mikroorganizmlarning sezgirligining shkalasi (MIK, mg/l)

Ko'pchilik holatlarda azitromisin preparati grammusbat aerob bakteriyalarga nisbatan faol: Staphylococcus aureus (metisillinga sezgir shtammlari), Streptococcus pneumoniae (penisillinga sezgir shtammlari), Streptococcus pyogenes; grammanfiy anaerob bakteriyalar: Haemophilus influenzae, Haemophilus parainfluenzae, Legionella pneumophila, Moraxella catarrhalis, Pasteurella multocida, Neisseria gonorrhoeae; anaerob bakteriyalar: Clostridium perfrigens, Fusobacterium spp., Prevotella spp., Porphyromonas spp.; boshqa mikroorganizmlar: Chlamydia trachomatis, Chlamydia pneumoniae, Chlamydia psittaci, Mycoplasma pneumoniae, Mycoplasma hominis, Mycoplasma genitalium, Borrelia burgadorferi.

Azitromisinga chidamlilik rivojlantirishi mumkin bo'lgan mikroorganizmlar: grammusbat anaeroblar – Sterptococcus pneumoniae (penisillinga chidamli shtammlar).

bitta kapsula quyidagilarni saqlaydi:

faol modda: azitromisin digidrati azitromisinga qayta hisoblaganda -500 mg;

yordamchi moddalar: natriy kraxmal glikolyat, magniy stearat.

So'rilishi

Preparat me'da-ichak yo'llaridan tez so'riladi, bu uning kislotali muhitga chidamliligi va lipofilligi bilan bog'liq. Ichga 500 mg qabul qilinganidan keyin azitromisinning qon plazmasidagi maksimal kontsentrasiyasiga (S_Max) 2,5-2,96 soatda erishiladi va u
0,4 mg/l ni tashkil qiladi. Biokiraolishligi 37% ni tashkil qiladi.

Taqsimlanishi

Azitromisin nafas yo'llariga, urogenital yo'llarining a'zolari va to'qimalariga (xususan, prostata beziga), teri va yumshoq to'qimalarga yaxshi kiradi. Oqsillar bilan qayta bog'lanishi qon plazmasidagi kontsentrasiyasiga teskari proportsional va 7-50% ni tashkil etadi. Gistogematik to'siqlar orqali engil o'tadi va to'qimalarga yaxshi kiradi. To'qimalardagi yuqori kontsentrasiyalari (qon plazmasidagiga nisbatan 10-50 marta yuqori) va yarim chiqarilish davrining (T_1/2) uzoqligi, azitromisinning qon plazmasi oqsillari bilan past darajada bog'lanishi, hamda uning eukariotik hujayralarga kiraolish qobiliyati va rn past bo'lgan lizosomalar atrofidagi muhitda ko'proq to'planishi bilan bog'liq. Bu, o'z navbatida, katta taxminiy taqsimlanish hajmini (V_d - 31,1 l/kg) va yuqori plazma klirensini belgilaydi. Hujayra membranalari orqali o'tadi (hujayraichi qo'zg'atuvchilari chaqirgan infektsiyalarda samarali). Azitromisinning ko'proq lizosomalarda to'planish qobiliyati, ayniqsa hujayralni qo'zg'atuvchilarining chiqarilishi uchun muhimdir. Infektsiya joyiga fagositlar tomonidan etkazib beriladi, u erda bakteriyalar ishtirokida ajralib chiqadi. Fagositlarning azitromisinni infektsiya joylashgan joyga etkazib berishi isbotlangan, u erda fagositoz jarayonida ajralib chiqadi. Azitromisinning kontsentrasiyasi infektsiya o'choqlarida sog'lom to'qimalardagiga nisbatan ishonchli (o'rtacha 24-34% ga) yuqori va yallig'lanish shishi darajasi bilan mos keladi. Fagositlardagi yuqori kontsentrasiyasiga qaramasdan, azitromisin ularning faoliyatiga amalda ta'sir qilmaydi. Azitromisin deyarli uning faoliyatiga ta'sir etmaydi. Azitromisin yallig'lanish o'chog'ida bakterisid kontsentrasiyalarda, oxirgi qabul qilingan dozadan keyin 5-7 kun davomida saqlanadi, bu qisqa (3 kunlik va 5 kunlik) davolash kurslarini ishlab chiqish imkonini beradi.

Metabolizmi

Preparat jigarda demetillanish yo'li bilan faol bo'lmagan metabolitlar hosil qilib metabolizmga uchraydi.

Chiqarilishi

Azitromisinning qon plazmasidan chiqarilishi 2 bosqichda sodir bo'ladi: yarim chiqarilish davri preparat qabul qilingandan keyin 8 soatdan 24 soat oralig'ida
14-20 soatni va 24 soatdan 72 soat oralig'ida – 41 soatni tashkil qiladi, bu esa preparatni sutkada 1 marta qo'llash imkoniyatini beradi. Azitromisinning terapevtik kontsentrasiyasi oxirgi doza qabul qilinganidan so'ng 5-7 kungacha saqlanib qoladi. Asosiy chiqarilish yo'li – o't suyuqligi bilan, asosan, o'zgarmagan holda, 50% - ichak orqali, 6% buyrak orqali chiqariladi.

Ҳар қандай дори воситаси каби, АЗИТРОМИЦИН- NIKAPHARM ҳам, ҳар бир истеъмолчида кузатилмасада, ножўя таъсирлар чақириши мумкин.

Ножўя самараларининг тез-тезлиги ЖССТ тавсияларига мувофиқ таснифланган: жуда тез-тез (≥10%), тез-тез (≥1% - <10%), тез-тез эмас (≥0,1% - <1%), кам ҳолларда (≥0,1% - 0,1%), жуда кам ҳолларда (<0,01%), тез-тезлиги номаълум (бор маълумотлар асосида бахолаш мумкин эмас).

Баъзи ҳолларда қуйидаги ножўя таъсирлар кузатилиши мумкин:

Инфекцион касалликлар: тез-тез эмас – кандидоз (шу жумладан оғиз бўшлиғининг шиллиқ қавати ва гениталийни), пневмония, фарингит, гастроэнтерит, респиратор касалликлар, ринит; тез-тезлиги номаълум – сохтамембраноз колит.

Қон ва лимфатик тизими томонидан: тез-тез эмас – лейкопения, нейтропения, эозинофилия; жуда кам холларда – тромбоцитопения, гемолитик анемия.

Моддалар алмашинуви томонидан: тез-тез эмас – анорексия.

Нерв тизими томонидан: тез-тез - бош оғриғи; тез-тез эмас - бош айланиши, таъм сезишни бузилиши, парестезия, уйқучанлик, уйқусизлик, асабийлик; кам холларда – ажитация; тез-тезлиги номаълум – гипестезия, хавотирлик, тажовускорлик, ҳушдан кетиш, тиришишлар, психомотор гиперфаоллик, ҳид сезишни йўқолиши, ҳид билишни бузилиши, таъм билишни йўқолиши, миастения, алаҳсираш, галлюцинациялар.

Кўриш аъзолари томонидан: тез-тез эмас – кўришни бузилиши.

Эшитиш аъзоси томонидан ва лабиринтли бузилишлар: тез-тез эмас – эшитишни бузилиши, вертиго; тез-тезлиги номаълум – ҳатто карликкача эшитишни бузилиши ва/ёки қулоқларда шовқин.

Юрак-қон томир тизими томонидан: тез-тез эмас - юрак уришини сезиш, юзга қонни оқиб келиши; тез-тезлиги номаълум – АБ пасайиши, ЭКГ да QT интервалини ошиши, “пируэт” тури аритмия, қоринча тахикардияси.

Нафас тизими томонидан: тез-тез эмас – ҳансираш, бурундан қон кетиши.

Меъда-ичак йўллари томонидан: жуда тез-тез – диарея; тез-тез – кўнгил айниши, қусиш, қорин соҳасида оғриқ; тез-тез эмас – метеоризм, диспепсия, қабзият, гастрит, дисфагия, қоринни дам бўлиши, оғиз бўшлиғи шиллиқ қаватини қуриши, кекириш, оғиз бўшлиғи шиллиқ қаватини яраси, сўлак безлари секрециясини ошиши; жуда кам холларда – тилнинг рангини ўзгариши, панкреатит.

Жигар ва ўт-сафро чиқариш йўллари томонидан: тез-тез эмас – гепатит; кам холларда – жигар функциясини бузилиши, холестатик сариқлик; тез-тезлиги номаълум – жигар етишмовчилиги (кам ҳолларда кўринишида ўлим билан якунланувчи оғир жигар функциясини бузилиши), жигар некрози, фульминант гепатит.

Таянч-ҳаракат аппарати томонидан: тез-тез эмас – остеоартрит, миалгия, белда оғриқ, бўйинда оғриқ; тез-тезлиги номаълум – артралгия.

Буйрак ва сийдик-чиқариш йўллари томонидан: тез-тез эмас – дизурия, буйрак соҳасида оғриқ; тез-тезлиги номаълум – интерстициал нефрит, ўткир буйрак етишмовчилиги.

Жинсий аъзолар ва сут безлари томонидан: тез-тез эмас – метроррагия, тухумдонлар функциясини бузилиши.

Тери ва тери ости тўқималари томонидан: тез-тез эмас – тери тошмаси, қичишиш, эшак еми, дерматит, терини қуруқлиги, кўп терлаш; кам холларда – фотосенсибилизация реакцияси; тез-тезлиги номаълум – Стивенс-Джонсон синдроми, токсик эпидермал некролиз, кўп шаклли эритема.

Аллергик реакциялар: тез-тез эмас - ангионевротик шиш, ўта юқори сезувчанлик реакцияси; тез-тезлиги номаълум – анафилактик реакциялар.

Бошқа ҳолатларда: тез-тез эмас – астения, лоҳаслик, чарчоқлик ҳисси, юз шиши, кўкракда оғриқ, иситма, периферик шиш.

Лаборатория маълумотлари: лимфоцитлар миқдорини пасайиши, эозинофилиялар миқдорини ошиши, базофиллар миқдорини ошиши, моноцитлар миқдорини ошиши, нейтрофиллар миқдорини ошиши, қон плазмасида бикарбонатлар концентрациясини пасайиши; тез-тез эмас – АСТ, АЛТ фаоллигини ошиши, қон плазмасида билирубин концентрациясини ошиши, қон плазмасида мочевина концентрациясини ошиши, қон плазмасида креатинин концентрациясини ошиши, қон плазмасида калий миқдорини ўзгариши, қон плазмасида ИФ фаоллигини ошиши, қон плазмасида хлор миқдорини ўзгариши, қон плазмасида глюкоза концентрациясини ошиши, тромбоцитларни миқдорини ошиши, гематокритни ошиши, қон плазмасида бикарбонат концентрациясини ошиши, қон плазмасида натрий миқдорини ўзгариши.

Агар Сизда ушбу йўриқнома-киритмада таърифланмаган ҳар қандай бошқа ножўя таъсирлар қайд этилса, илтимос, Ўзингизнинг шифокорингизга, фармацевтингизга ёки ишлаб чиқарувчига хабар беринг.

Preparat antasid preparatlarni qabul qilishdan, hech bo'lmaganda, 1 soat oldin yoki 2 soatdan keyin qabul qilinishi kerak.

Boshqa antibakterial preparatlarni qabul qilishdagi kabi, azitromisin bilan davolashda chidamli mikroorganizmlar va superinfektsiya rivojlanishini belgilari, shu jumladan zamburug'lar mavjudligiga bemorlarni muntazam tekshirish kerak.

Azitromisinni yo'riqnomada ko'rsatilgandan davomliyroq kurslar bilan qo'llash mumkin emas, chunki azitromisinning farmakokinetik xususiyatlari qisqa va oddiy dozalash tartibini tavsiya qilish imkoniyatini beradi.

Azitromisin va ergotamin hamda digidroergotamin hosilalari orasida ehtimoliy o'zaro ta'sirlashuv haqida ma'lumotlar yo'q, lekin makrolidlarni ergotamin va digidroergotamin hosilalari bilan bir vaqtda qo'llashda ergotizmning rivojlanishi tufayli, ushbu majmua tavsiya qilinmaydi.

Azitromisinni uzoq vaqt qabul qilishda, engil diareya ko'rinishida ham og'ir kolit ko'rinishida ham Clostridium difficile tomonidan chaqirilgan soxtamembranoz kolit rivojlanishi mumkin.

Azitromisinni qabul qilish fonida, shuningdek davolash tugagandan keyin 2 oy o'tgach antibiotik – assosiasiyalangan (diareya rivojlanganda) soxta membranoz kolitni istisno qilish kerak.

Ichak peristaltikasini tormozlovchi preparatlarni qo'llash mumkin emas.

Makrolidlar, shu jumladan azitromisin bilan davolashda, yurak aritmiyalari xavfini, shu jumladan "piruet" turini aritmiyani oshiruvchi yurak repolyarizasiyasini va QT intervalini uzayishi kuzatilgan.

Proaritmogen omillari (ayniqsa keksa yoshdagi bemorlar), shu jumladan QT intervali tug'ma yoki orttirilgan uzayishi bo'lgan bemorlarda; ІA (xinidin, prokainamid), III (dofetilid, amiodaron va sotalol) tsizaprid, terfenadin, antipsixotik preparatlar (pimozid), antidepressantlar (tsitalopram), ftorxinolonlarni (moksifloksasin va levofloksasin) qabul qilayotgan bemorlarda, suv-elektrolit muvozanatini buzilishi bo'lgan bemorlarda, ayniqsa gipokaliemiya yoki gipomagniemiya hollarida, klinik ahamiyatli bradikardiyada, yurak aritmiyasi yoki og'ir yurak etishmovchiligida azitromisinni ehtiyotkorlik bilan qo'llash kerak.

Azitromisinni qo'llash miastenik sindromi rivojlanishini chaqirishi yoki miasteniyani kuchayishini chaqirishi mumkin.

Preparatga sezgir mikroorganizmlar chaqirgan infektsion-yallig'lanish kasalliklar:

- yuqori nafas yo'llarining va LOR-a'zolarining infektsiyalari (angina, sinusit, tonzillit, faringit, o'rta otit);

- quyi nafas yo'llarining infektsiyalari (bakterial va atipik pnevmoniyalar, surunkali pnevmoniyani zo'rayishi, bronxit);

- teri va yumshoq to'qimalarning infektsiyalari (saramas, impetigo, ikkilamchi infektsiyalangan dermatozlar);

- Chlamydia trachomatis chaqirgan siydik chiqarish yo'llarining infektsiyalari (gonoreyali va gonoreyali bo'lmagan uretrit, tservisit);

- Layma kasalligining (borrelioz) boshlang'ich bosqichi, ko'chib yuruvchi eritema (erythema migrans);

- Helicobacter pylori bilan assosiyasiyalangan me'da va o'n ikki barmoqli ichakning kasalliklarida (majmuaviy davolash tarkibida) qo'llanadi.

Azitromisin- Nikapharmni quyidagi hollarda qo'llamang:

·       azitromisinga, eritromisinga, boshqa makrolidlarga yoki ketolidlarga, yoki preparatning boshqa komponentlariga yuqori sezuvchanlik;

·       jigar funktsiyasini og'ir darajali buzilishi;

·       buyrak funktsiyasini og'ir darajali (kk<40 ml/min) buzilishi;

·       fenilketonuriya;

·       ergotamin va digidroergotamin bilan bir vaqtda qabul qilish;

·       tana vazni <45 kg bo'lgan 12 yoshgacha bo'lgan bolalar (250 mg va 500 mg kapsulalari uchun);

Ehtiyotkorlik bilan: miasteniya; jigar funktsiyasini og'ir va o'rtacha darajali buzilishi; buyrak funktsiyasini (kk<40 ml/min) og'ir va o'rtacha darajali buzilishi; proaritmogen omillari mavjud bo'lgan bemorlar (ayniqsa keksa bemorlarda) – QT oralig'ini tug'ma yoki orttirilgan uzayishi, IA (xinidin, prokainamid) va III sinfi (dofetilid, amiodaron va sotalol) aritmiyaga qarshi preparatlar tsizaprid, terfenadin, antipsixotik preparatlar (pimozid), antidepressantlar (tsitalopramid), ftorxinolonlar ((moksifloksasin va levofloksasin) bilan davolanayotgan, suv-elektrolit muvozanatini buzilishlari, ayniqsa gipokaliemiya yoki gipomagniemiyasi, klinik ahamiyatli bradikardiyasi, aritmiyasi yoki og'ir yurak etishmovchiligi bo'lgan bemorlar; digoksin, varfarin, Tsiklosporin bilan bir vaqtda qo'llash mumkin emas.

Agar siz boshqa dori vositalarini ichayotgan bo'lsangiz yoki biroz oldin ichgan bo'lsangiz, ular reseptsiz beriladigan bo'lsa ham, iltimos, o'zingizning shifokoringizga yoki farmasevtingizga xabar bering.

Antasid preparatlar

Antasid vositalar azitromisinning biokiraolishligiga ta'sir qilmaydi, lekin qonda S_max ni 30% ga pasaytiradi, shuning uchun azitromisinni bu preparatlarini qabul qilishdan 1 soat oldin yoki 2 soatdan keyin qabul qilish kerak.

Tsetirizin

Sog'lom odamlarda azitromisinni 5 kun davomida tsetirizin (20 mg) bilan birgalikda qo'llash farmakokinetik o'zaro ta'sirlashuv va QT oralig'ining ahamiyatli o'zgarishiga olib kelmagan.

Digoksin (R-glikoprotein substratlari)

Makrolid antibiotiklarini, shu jumladan digoksin kabi azitromisinni R-glikoprotein substratlari bilan bir vaqtda qabul qilish, qon zardobida R-glikoproetin substrat kontsentrasiyasini oshishiga olib keladi. Shunday qilib, azitromisin va digoksin bir vaqtda qo'llanilganda, qon zardobida digoksinning kontsentrasiyasini oshishi mumkinligini hisobga olish kerak.

Zidovudin

Azitromisinni (bir marta 1000 mg qabul va ko'p marta 1200 mg yoki 600 mg qabul) bir vaqtda qabul qilish farmakokinetikaga ahamiyatsiz, shu jumladan zidovudinni yoki uning glyukuronid metabolitini buyrak orqali chiqarilishiga ta'sir qiladi. Biroq azitromisinni qo'llash periferik qondagi mononuklearlarda klinik faol metaboliti, fosforlangan zidovudinning kontsentrasiyasini oshishini chaqirgan.

Azitromisin tsitoxrom R450 tizimi izofermentlari bilan kuchsiz o'zaro ta'sir qiladi. Azitromisinni eritromisin va boshqa makrolidlarning o'zaro farmakokinetik ta'sirilarida ishtirok etishi aniqlanmagan. Azitromisin va tsitoxrom R450 tizimining ingibitorlari va izofermentlarini ingibitorlari induktori ham hisoblanmaydi.

Shoxkuya alkaloidlari

Nazariy ergotizm paydo bo'lishi mumkinligini hisobga olib, azitromisinni shoxkuya alkaloidlari hosilalari bilan bir vaqtda qo'llash tavsiya etilmaydi. Bir vaqtda azitromisin va metabolizmi tsitoxrom R450 tizimi izofermentlari ishtirokida yuz beradigan preparatlari qo'llanganda farmakokinetik tadqiqotlar o'tkazilgan.

Atovastatin

Atorvastatin (har kuni 10 mg dan) va azitromisinni (har kuni 500 mg dan) bir vaqtda qo'llash qon plazmasida atorvostatinning kontsentrasiyasini o'zgarishini chaqirmagan (GMK-KoA-reduktazani ingibirlanishini taxlili asosida). Biroq ro'yxatga olishdan keyingi davrda azitromisin va statinlarini bir vaqtda qabul qilayotgan bemorlarda rabdomioliz hollari haqida alohida xabarlar olingan.

Tsimetidin

Tsimetidin azitromisindan 2 soat oldin qabul qilingan sharoitda, bir martalik dozada qabul qilinganda tsimetidinning azitromisin farmakokinetikasiga ta'siri bo'yicha farmakokinetik tadqiqotlarda azitromisin farmakokinetikasining o'zgarishi aniqlanmagan.

Bilvosita ta'sir qiluvchi antikoagulyantlar (kumarin hosilalari)

Farmakokinetik tadqiqotlarda azitromisin sog'lom ko'ngillilarda varfarinning bir martalik 15 mg dozasini antikoagulyantlar samarasiga ta'sir qilmagan. Azitromisin va bilvosita ta'sir qiluvchi antikoagulyantlar (kumarin xosilalari) bir vaqtda qo'llangandan keyin antikoagulyant samarani potentsiyalanishi haqida xabar berilgan. Sabab aloqasi aniqlanmaganiga qaramasdan, bilvosita ta'sirga ega peroral antikoagulyantlarni (kumarin hosilalarini) qabul qilayotgan bemorlarda azitromisin qo'llanganda protrombin vaqtini tez-tez monitoringini o'tkazish zarurligini hisobga olish lozim.

Tsiklosporin

Azitromisinni ichga 3 kun davomida qabul kilib (bir marta sutkada 500 mg), so'ng tsiklosporinni qabul qilgan (bir marta sutkada 10 mg/kg), sog'lom ko'ngillilar qatnashgan farmakokinetik tadqiqotlarda, qon plazmasida tsiklosporinning S_max va AUC_0-5 ni ishonchli oshishi aniqlangan. Bu preparatlar bir vaqtda qo'llanganda extiyotkorlikka rioya qilish kerak. Bu preparatlarni bir vaqtda qo'llashni zarurati bo'lganida, qon plazmasida tsiklosporinni kontsentrasiyasini monitoringini o'tkazish va dozani mos ravishda tuzatish kerak.

Flukonazol

Azitromisin (1200 mg) flukonazol (800 mg bir marotaba) bilan bir vaqtda qo'llanganda farmakokinetikasini o'zgartirmagan. Flukonazol bilan bir vaqtda qo'llanganda, azitromisinning umumiy ekspoziyasiyasi va T_1/2 o'zgarmagan, lekin bunda azitromisinning C_max pasaygan (18%ga), bu esa klinik ahamiyat kasb etmagan.

Nelfinavir

Azitromisin (1200 mg) va nelfinavir (750 mg dan 3 mahal/sutka) ni bir vaqtda qo'llash qon plazmasida azitromisin C_ss ­oshishini chaqiradi. Klinik ahamiyatga ega bo'lgan nojo'ya samaralar kuzatilmagan va azitromisin dozasiga tuzatish kiritish, u nelfinavir bilan bir vaqtda qo'llanganda, talab etilmaydi.

Rifabutin

Azitromisin va rifabutinni bir vaqtda qo'llash har bir preparatning qon plazmasidagi kontsentrasiyasiga ta'sir qilmaydi. Azitromisin va rifabutinni bir vaqtda qo'llashda gohida neytropeniya kuzatilgan. Neytropeniyaning rifabutinni qo'llash bilan assosiirlanganligiga qaramay, azitromisin va rifabutin majmuasini qo'llash va neytropeniya o'rtasidagi sabab-oqibat bog'liqlik aniqlanmagan.

Terfenadin

Farmakokinetik tadqiqotlarda azitromisin va terfenadinni o'zaro ta'sirini dalillari aniqlanmagan. Bunday o'zaro ta'sir mumkinligini to'liq istisno qilish mumkin bo'lmagan, yakka hollar haqida xabar qilingan, ammo bunday o'zaro ta'sir bo'lganligi haqida bironta ham aniq dalillar bo'lmagan.

Terfenadin va makrolidlarni bir vaqtda qo'llash aritmiya va QT intervalini uzayishini chaqirishi mumkinligi aniqlangan.

Bolalar ololmaydigan joyda saqlansin

Yaroqlilik muddati-2 yil.

Yaroqlilik muddati o'tganidan so'ng qo'llanilmasin.

Har doim azitromisin- Nikapharmni Sizning davolovchi shifokoringiz tavsiyalariga aniq qat'iy amal qilgan holda qo'llang. Agar siz nimadadir ikkilansangiz, o'zingizning shifokoringiz yoki farmasevtingizdan so'rang.

Ichga, ovqatlanishdan 1 soat oldin yoki 2 soat keyin chaynamasdan, sutkada 1 marta qabul qilinadi.

Kattalarga va 12 yoshdan oshgan tana vazni 45 kg dan yuqori bo'lgan bolalarga: LOR-organlari, yuqori va quyi nafas yo'llarining infektsiyalarida –sutkada 500 mg (250 mg li 2 ta kapsuldan yoki 1 ta 500 mg li kapsula) dan 3 kun davomida (kurs dozasi – 1,5 g).

Teri va yumshoq to'qimalarning infektsiyalarida – sutkada 1000 mg (250 mg li 4 ta kapsuldan yoki 1 ta 500 mg li kapsula) dan birinchi kuni 1 qabulda, keyin sutkada 500 mg dan (250 mg li 2 ta kapsuldan yoki 1 ta 500 mg li kapsula) 2-5 kunlari xar kuni (kurs dozasi – 3,0 g) buyuriladi.

Chlamydia trachomatis chaqirgan siydik chiqarish yo'llarining o'tkir infektsiyalarida (asoratlanmagan uretrit yoki tservisit) - bir marta 1000 mg (250 mg li 4 ta kapsuldan yoki 1 ta 500 mg li kapsula) . buyuriladi.

Layma kasalligida (borrelioz) I bosqichini davolash uchun ko'chib yuruvchi eritemada (erythema migrans) – 1000 mg (250 mg li 4 ta kapsuldan yoki 1 ta 500 mg li kapsula) birinchi kuni va 500 mg (250 mg li 2 ta kapsuldan yoki 1 ta 500 mg li kapsula) dan 2-kundan 5 kungacha har kuni buyuriladi (kurs dozasi – 3,0 g).

Me'da va o'n ikki barmoqli ichakning Helicobacter pylori bilan assosiyasiyalangan bo'lgan yara kasalligida - sutkada 1000 mg (250 mg li 4 ta kapsuldan yoki 1 ta 500 mg li kapsula) dan 3 kun davomida antixelikobakteriyasini majmuaviy davolash tarkibida buyuriladi.

Preparatning bitta dozasini qabul qilish o'tkazib yuborilgan holatda, o'tkazib yuborilgan dozani imkon qadar vaqtliroq, keyingilarini esa – 24 soatlik tanaffus bilan qabul qilish kerak.

Buyrak funktsiyasini buzilishida: buyrak funktsiyasini o'rtacha va og'ir darajali buzilishi bo'lgan bemorlarda qo'llanganda (kk 40 ml/min ko'p) dozani tuzatish talab etilmaydi.

Jigar funktsiyasini buzilishida: jigar funktsiyasini o'rtacha va og'ir darajali buzilishi bo'lgan bemorlarda qo'llanganda dozani tuzatish talab etilmaydi.

Keksa yoshli bemorlarda: dozani to'g'rilash talab etilmaydi. Doimiy proaritmogen omillari bo'lgan keksa yoshli bemorlarda aritmiyani, shu jumladan "piruet" turi aritmiyasini rivojlanishini yuqori xavfi tufayli, extiyotkorlik bilan qo'llash lozim.

Simptomlari: ko'ngil aynishi, eshitishning vaqtincha yo'qolishi, qusish, diareya.

Davolash: simptomatik davolash, me'dani yuvish. 

Homiladorlik va laktasiya davrida preparatni faqat ona uchun kutilayotgan foyda, homila uchun potentsial xavfdan ustun bo'lganida qo'llash mumkin.

Preparatni laktasiya davrida qo'llashning zarurati bo'lganda emizishni to'xtatish kerak.

JSST azitromisinni homiladorlarda xlamidiy infektsiyasini davolashda tanlov preparat sifatida tavsiya etadi.

QO‘LLASH BO‘YICHA YO‘RIQNOMA

V-AZITROMISIN

V-AZITHROMYCIN

Preparatning savdo nomi: V-Azitromisin

Ta‘sir qiluvchi modda (XPN): azitromisin

Dori shakli: qobiq qoplangan tabletkalar

Tarkibi:

Bir qobiq bilan qoplangan tabletka quyidagilarni saqlaydi:

faol modda: 524.01 mg (500 mg azitromisinga ekvivalent bo‘lgan) azitromisin digidrati;

yordamchi moddalar: oldindan jelatinlangan kraxmal, krospovidon, suvsiz kalsiy gidrofosfati, natriy lauril sulfati, magniy stearati.

qobig‘i: gidroksipropilsellyuloza, titan dioksidi, laktoza, gliserin triasetati.

Ta‘rifi: oq, kapsulasimon shaklli, bir tomonida firma gravirovkasi bo‘lgan, qobiq bilan qoplangan tabletkalar.

Farmakoterapevtik guruhi: antibiotik (makrolidlar guruhi)

ATX kodi: J01FA10

Farmakologik xususiyatlari

Keng ta‘sir doirasiga ega antibiotik. Makrolid antibiotiklar – azalidlar kichik guruhi vakili hisoblanadi. Yallig‘lanish o‘chog‘ida yuqori konsentrasiyalari hosil qilinganida bakterisid ta‘sir ko‘rsatadi. Azitromisinning ta‘sir mexanizmi mikrob xujayralarining oqsillari sintezini susaytirishi bilan bog‘liq. Ribosomaning 50S subbirligi bilan bog‘lanib, peptidtranslokazani translyasiya bosqichida susaytiradi, oqsil sintezini susaytiradi, bakteriyalarni rivojlanishini va o‘sishini sekinlashtiradi. Qator grammusbat, grammanfiy, anaerob, xujayra ichki va boshqa qator mikroorganizmlarga nisbatan faollikka ega.

Azitromisinga grammusbat kokklar: Streptococcus pneumoniae, St. pygones, St. agalactiae, C, F va G guruhi streptokokklari, Staphylococcus aureus, St. viridans; grammanfiy bakteriyalar: Haemophilus influenzae, Moraxella catarrhalis, Bordetella pertussis, B. parapertusis, Legionella pneumophila, H.ducrei, Campylobacter jejuni, Neisseria gonorrhoeae va Gardnerella vaginalis; ba‘zi anaerob mikroorganizmlar: Bacteroides bivius, Clostridium perfringens, Peptostreptococcus spp; va shuningdek Chlamydiatrachomatis, Mycoplasma pneumoniae, Ureaplasma urealyticum, Treponema pallidum, Borrelia burgdoferi sezgir.

Azitromisinning minimal bostiruvchi konsentrasiyalari (MBK).

Farmakokinetikasi

Azitromisin me‘da-ichak yo‘llaridan tez so‘riladi, bu uning kislotali muhitga chidamliligi va lipofilligi bilan bog‘liq. 500 mg ichga qabul qilinganidan keyin azitromisinning qon plazmasidagi maksimal konsentrasiyasiga 2,5-2,96 soatdan keyin erishiladi va u 0,4 mg/l ni tashkil qiladi. Biokirishaolishligi 37% ni tashkil qiladi.

Azitromisin nafas yo‘llariga, urogenital yo‘llarining a‘zolari va to‘qimalariga (xususan prostata beziga), teri va yumshoq to‘qimalarga yaxshi kiradi. To‘qimalardagi yuqori konsentrasiyasi (qon plazmasidagidan 10-50 marta yuqori) va uzoq muddatli yarim chiqarilish davri azitromisinni qon plazmasining oqsillari bilan past darajada bog‘lanishi, shuningdek uni eukariot xujayralariga kirish xususiyati va rN past bo‘lgan lizosomalarni o‘rab turgan muhitda yig‘ilishi bilan bog‘liq. Bu o‘z navbatida, katta taxminiy taqsimlanish hajmini (31.1 l/kg) va yuqori plazma klirensini belgilaydi. Azitromisinning asosan lizosomalarda to‘planish xususiyati xujayra ichki qo‘zg‘atuvchilarining eliminasiyasi uchun muhimdir. Fagositlar azitromisinni infeksiya joylashgan joyga yetkazishi isbotlangan bo‘lib, u joyda u fagositoz jarayonida ajralib chiqadi. Azitromisinning infeksiya o‘chog‘idagi konsentrasiyasi sog‘lom to‘qimalardagiga nisbatan (o‘rtacha 24-34% ga) ishonchli darajada yuqori va yallig‘lanish shishining darajasi bilan to‘g‘ri keladi. Fagositlardagi yuqori konsentrasiyasiga qaramasdan, azitromisin ularning faoliyatiga sezilarli ta‘sir ko‘rsatmaydi. Azitromisin yallig‘lanish o‘chog‘ida, oxirgi doza qabul qilinganidan keyin 5-7 kun davomida bakterisid konsentrasiyalarda saqlanadi, bu qisqa davolash kurslarini (3 kunlik va 5 kunlik) ishlab chiqish imkoniyatini beradi.

Jigarda demetillanadi, hosil bo‘lgan metabolitlari faol emas.

Azitromisinni qon plazmasidan chiqarilishi 2 bosqichda o‘tadi: yarim chiqarilish davri preparat 8 soatdan 24 soatgacha bo‘lgan oraliqda qabul qilinganidan keyin 14-20 soatni va 24 soatdan 72 soatgacha oraliqda – 41 soatni tashkil qiladi, bu preparatni sutkada 1 marta qabul qilish imkoniyatini beradi.

Qo‘llanilishi

Preparatga sezgir mikroorganizmlar chaqirgan quyidagi infeksion-yallig‘lanish kasalliklarda:

• Yuqori nafas yo‘llarining va LOR a‘zolarining infeksiyalari (angina, sinusit, tonzillit, faringit, o‘rta otit);
• Quyi nafas yo‘llarining infeksiyalari (bakterial va atipik pnevmoniyalar, bronxit);
• Teri va yumshoq to‘qimalarning infeksiyalari (saramas, impetigo, ikkilamchi infisirlangan dermatozlar);
• Chlamydia trachomatis chaqirgan urogenital yo‘llarining infeksiyalari, (asoratlanmagan uretrit va/yoki servisit);
• Layma kasalligi (borrelioz), boshlang‘ich bosqichini davolash uchun (erythema migrans);
• Me‘da va o‘nikki barmoq ichakning Helicobacter Pylori bilan assosiasiyalangan kasalliklarida (majmuaviy davolash tarkibida) qo‘llanadi.

Qo‘llash usuli va dozalari

Ichga, ovqatdan 1 soat oldin yoki 2 soat keyin, sutkada 1 marta.

Kattalarga va 12 yoshdan oshgan va tana vazni 45 kg dan katta bolalarga:

• nafas yo‘llarining yuqori va quyi bo‘limlarining, LOR-a‘zolarining infeksiyalarida, teri va yumshoq to‘qimalarning infeksiyalarida (surunkali migrasiyalanuvchi eritemadan tashqari) – sutkada 500 mg dan 1 qabulda, 3 kun davomida (kurslik doza – 1,5 g);
• siydik–jinsiy a‘zolarining o‘tkir infeksiyalarida (asoratlanmagan uretrit yoki servisit) – bir marta 1 g buyuriladi;
• Laym (borrelioz) kasalligida I bosqichni davolash uchun (erythema migrans) – birinchi kuni 1 g va 500 mg dan har kuni 2 kundan 5 kungacha (kurs dozasi – 3 g);
• me‘da va o‘n ikki barmoq ichakning Helicobacter pylori bilan assosiasiyalangan yara kasalligida – sutkada 1 g dan majmuaviy antixelikobakter davolashning tarkibida 3 kun davomida, davolash davomiyligi shifokor qarori bo‘yicha belgilanadi.

Buyrak faoliyatini o‘rtacha buzilishi bo‘lgan pasientlar uchun (kreatinin klirensi minutiga 40 ml dan kam) dozani to‘g‘rilash talab qilinmaydi.

Nojo‘ya ta‘sirlari

Azitromisin kam hollarda nojo‘ya reaksiyalarni chaqiradi.

Nojo‘ya ta‘sirlar tez-tezligi bo‘yicha quyidagi tarzda tasniflangan: juda tez-tez (>1/10); tez-tez (>1/100 dan <1/10 gacha), tez-tez emas (>1/1000 dan <1/100 gacha), kam hollarda (>1/10000 dan <1/1000 gacha), juda kam hollarda (<1/10000), noma‘lum (mavjud ma‘lumotlar asosida baholash mumkin emas). Nojo‘ya ta‘sirlar har bir guruhda tez-tezligiga nisbatan ko‘proq uchraydiganlardan kamroq uchraydiganlargacha shkalasi bo‘yicha ko‘rsatilgan.

Infeksion va parazitar kasalliklar: tez-tez emas – kandidoz, oral kandidoz, qin infeksiyasi, noma‘lum – soxtamembranoz kolit.

Qon va limfatik tizimi tomonidan buzilishlar: tez-tez emas – leykopeniya, neytropeniya, noma‘lum – trombositopeniya, gemolitik anemiya.

Immun tizimi tomonidan buzilishlar: tez-tez emas – Kvinke shishi, o‘ta yuqori sezuvchanlik, noma‘lum – anafilaktik reaksiyalar.

Ruhiyatni buzilishi: tez-tez emas – nevroz, kam hollarda – bezovtalik, noma‘lum-tajovvuz, havotirlanish.

Nerv tizimi tomonidan: tez-tez – bosh aylanishi, bosh og‘rig‘i paresteziya, ta‘mni buzilishi, tez-tez emas – gipesteziya, uyquchanlik, uyqusizlik, noma‘lum – hushdan ketish, tirishishlar, psixomotor giperfaollik, ta‘m va hid bilishni buzilishi, uyquni buzilishi, miasteniya gravis.

Ko‘rish a‘zolari tomonidan buzilishlar: tez-tez emas – ko‘rishni buzilishi.

Eshitish a‘zolarini buzilishi va labirint buzilishlari: tez-tez – karlik, tez-tez emas – eshitishni buzilishi, quloqlarni shang‘illashi, kam hollarda – bosh aylanishi.

Yurak tomonidan buzilishlar: tez-tez emas – yurakni  urib ketishi noma‘lum – torsade de pointes (piruet taxikardiyasi); aritmiya, shu jumladan ventrikulyar taxikardiya.

Qon tomirlari tomonidan buzilishlar: noma‘lum – gipotenziya.

Me‘da-ichak yo‘llari tomonidan buzilishlar: juda tez-tez – diareya, qorinda og‘riq, ko‘ngil aynishi, meteorizm, tez–tez – qusish, dispepsiya, tez-tez emas – gastrit, qabziyat, noma‘lum – pankreatit, tilni oqarishi.

Jigar va safro chiqarish yo‘llari tomonidan buzilishlar: tez-tez emas – gepatit, kam hollarda – jigar faoliyatini buzilishi, noma‘lum – jigar yetishmovchiligi, jigar nekrozi, xolestatik sariqlik.

Teri va teri osti to‘qimalari tomonidan buzilishlar: tez-tez – toshma, qichishish, tez-tez emas – Stivens-Djonson sindromi, fotosezuvchanlik, eshakemi; noma‘lum – toksik epidermal nekroliz, ko‘p shaklli eritema.

Skelet-mushak va biriktiruvchi to‘qima tomonidan buzilishlar: tez-tez – artralgiya.

Buyrak va siydik-chiqarish yo‘llari tomonidan buzilishlar: noma‘lum – buyraklarni o‘tkir yallig‘lanishi, interstisial nefrit.

Umumiy buzilishlar va yuborish joyida buzilishlar: tez-tez – charchoq, tez-tez emas – ko‘krakda og‘riq, shish, holsizlik, asteniya.

Laborator va instrumental ma‘lumotlar: tez-tez – qonda limfositlar sonini kamayishi, eozinofillar sonini oshishi, tez-tez emas – aspartataminotransferaza va alaninaminotransferaza darajasini oshishi, qon zardobida bilirubin miqdorini kamayishi, qon zardobida kreatinin, mochevina darajasini oshishi, qon zardobida kaliy miqdorini o‘zgarishi, noma‘lum – EKG da QT intervalini uzayishi.

Qo‘llash mumkin bo‘lmagan holatlar

• Azitromisin va preparatning boshqa komponentlariga yuqori sezuvchanlik (shuningdek, boshqa makrolidlarga);
• Og‘ir jigar va/yoki buyrak yetishmovchiligi;
• 12 yoshgacha bo‘lgan va tana vazni 45 kg kam bolalar (ushbu dori shakli uchun);
• Emizish davri;
• Ergotamin va digidroergotamin bilan bir vaqtda qo‘llash mumkin emas.

Ehtiyotkorlik bilan: aritmiyada (yurak qorinchalari aritmiyasi va QT intervalini uzayish sindromini rivojlanish xavfi), terfenadin va QT intervalini uzaytiruvchi dori vositalari bilan bir vaqtda qo‘llashda, jigar faoliyatini o‘rtacha buzilishida, surunkali buyrak yetishmovchiligida (kreatinin klirensi minutiga 40 ml dan kam).

Dorilarning o‘zaro ta‘siri

Antasidlar (alyumin va magniy saqlovchi), etanol va ovqat azitromisinni (peraral shakl uchun) so‘rilishini sekinlashtiradi va pasaytiradi, shuning uchun ovqat va keltirilgan dori vositalari bilan qabul qilish orasidagi interval 1 soat oldin yoki 2 soat keyinni tashkil qilishi kerak.

Varfarin va azitromisin birga buyurilganida (odatdagi dozalarda) protrombin vaqtini o‘zgarishi aniqlanmagan, ammo makrolidlar va varfarinni o‘zaro ta‘sirlashuvida antikoagulyasion samarani kuchayishini hisobga olib, pasientlarda protrombin vaqtini sinchiklab nazorat qilish kerak.

Digoksin va azitromisinni birga qabul qilinganida qonda digoksinning konsentrasiyasini nazorat qilish kerak, chunki ko‘pchilik makrolidlar digoksinni ichakda so‘rilishini oshiradi, natijada qonda uning konsentrasiyasini oshiradi.

Triazolam, midazolam, simetidin, efavirenz, flukonazol, indinavir, trimetoprim/sulfametoksazol bilan birga qo‘llanganida ularning qondagi konsentrasiyasiga azitromisinning ta‘siri haqida ma‘lumotlar yo‘q, lekin bunday o‘zaro ta‘sirini inkor etib bo‘lmaydi, chunki yuqorida keltirilgan preparatlar bilan makrolidlarning o‘zaro ta‘sirlari mavjud.

Azitromisinni ergotamin yoki digidroergotamin bilan birga qo‘llanganida ularning zaharli ta‘siri (vazospazm, dizesteziya) kuchayishi mumkin.

Terfenadin va azitromisinni birga qo‘llanganda ehtiyotkorlikka rioya qilish kerak, chunki terfenadin va turli xil antibiotiklarni bir vaqtda qo‘llash aritmiya va Q-T intervalini uzayishini chaqirishi aniqlanmagan. Bundan kelib chiqib, terfenadin va azitromisinni birga qo‘llaganda yuqorida keltirilgan asoratlarni istisno qilib bo‘lmaydi.

Azitromisin tomonidan gepatositlarida mikrosomal oksidlanishni ingibirlanishi hisobiga sikloserin, bilvosita antikoagulyantlar, felodipin, shuningdek SUR3A4 fermenti ishtirokida mikrosomal oksidlanishiga uchraydigan dori vositalarini (karbomazepin, terfekadin, siklosporin, geksobarbital, shoxkuya alkaloidlari, valproat kislotasi, dizopiramid, bromokriptin, fenitoin, peroral gipoglikemik vositalar, teofillin va boshqa ksantin hosilalari) chiqarilishini sekinlashtiradi va plazmadagi konsentrasiyasi va zaharliligini oshiradi.

Linkozamidlar azitromisinning samaradorligini susaytiradi, tetrasiklin va xloramfenikol esa kuchaytiradi.

Birga qo‘llanganida azitromisin karbamazepin, didanozin, rifabutin va metilprednizolonning qondagi konsentrasiyaga ta‘sir ko‘rsatmaydi.

Maxsus ko‘rsatmalar

Allergik reaksiyalar: kam holatlarda og‘ir allergik reaksiyalar, anafilaktik shish va anafilaksiya qayd etilgan. Bunday reaksiyalarning ayrimlari uzoq davom etadi va doimiy kuzatuvni va davolashni talab qiladi.

Jigar funksiyasini buzilishi: jigarning og‘ir kasalliklari bo‘lgan bemorlarda azitromisinni ehtiyotkorlik bilan ishlatish lozim. Sariqlik, siydik rangini to‘qlashishi, qon ketishlariga moyillik yoki jigar ensefaliopatiyasi bilan bog‘liq asteniya tezda rivojlanganda jigar funksiyasini tekshirishni o‘tkazish kerak.

Ergotamin: bu dori vositalarini azitromisin bilan birga qo‘llash mumkin emas.

Ikkilamchi infeksiya: sezgir bo‘lmagan organizmlar, shu jumladan zamburug‘lar tomonidan chaqirilgan ikkilamchi infeksiya belgilarini monitoring qilish tavsiya qilinadi.

Clostridium Difficile bilan assosiyalangan diareya: og‘irlik darajasi yengil diareyadan o‘tkir kolitgacha o‘zgarishi mumkin. Bunday simptomlar paydo bo‘lganida shifokorga murojaat qilish lozim.

Buyrak funksiyasini buzilishi: og‘ir buyrak yetishmovchiligi (SKF<10 ml/min) bo‘lgan bemorlarda azitromisinni tizimli ta‘siri oshadi.

EKG repolyarizasiya va QT intervalini uzayishi: yuqori havf guruhidagi pasientlarni davolashda o‘ta ehtiyotkorlik zarur:

• nasliy yoki hujjat bilan tasdiqlangan QT intervalini uzayishi;
• QT intervalini uzaytiruvchi dori preparatlarini masalan, IA va III sinfi aritmiyaga qarshi, sizaprid va terfenadinni bir vaqtda qabul qilish;
• elektrolit muvozanatini buzilishi, ayniqsa gipokaliemiya va gipomagniemiya;
• klinik ahamiyatli bradikardiya, aritmiya yoki og‘ir yurak yetishmovchiligi.

Azitromisin bilan davolanayotgan pasientlarda miasteniya simptomlarini zo‘rayishi mumkin.

Streptokokk infeksiyalari: Azitromisin o‘tkir faringitni davolashda samarali, ammo o‘tkir revmatik isitmani profilaktikasida uning samaradorligi to‘g‘risida ma‘lumotlar yo‘q.

Dozani qabul qilish o‘tkazib yuborilgan hollarda, o‘tkazib yuborilgan dozani iloji boricha tezroq, keyingilarini esa – 24 soatli interval bilan qabul qilish kerak.

Antasidlar bilan bir vaqtda qo‘llanganida 2 soatli tanaffusga rioya qilish kerak.

Homiladorlik va laktasiya. Qo‘llash tajribasi azitromisinni homilaga zararli ta‘sirini ko‘rsatmaydi. Shunga qaramay dori vositasini faqat juda zarur hollarda buyurish mumkin.

Azitromisin bilan davolanish vaqtida emizish to‘xtatiladi.

Avtotransportni boshqarish va mexanik qurilmalarda hizmat ko‘rsatish qobiliyatiga ta‘siri. Preparatni avtotransportni boshqarish va mexanik qurilmalarda hizmat ko‘rsatish qobiliyatiga ta‘siri to‘g‘risida ma‘lumotlar yo‘q.

Preparat bolalar ololmaydigan joyda saqlansin va yaroqlilik muddati o‘tgach qo‘llanilmasin.

Dozani oshirib yuborilishi

Azitromisin dozasini oshirib yuborilishi to‘g‘risida ma‘lumotlar yo‘q.

Makrolid antibiotiklar dozasini oshirib yuborilishi eshitish qobiliyatini vaqtinchalik yo‘qolishi, kuchli ko‘ngil aynishi, qusish va diareya bilan birga kechadi. Dozani oshirib yuborilishiga shubha tug‘ilganida qusishni chaqirish va darhol shifokorga yordam uchun murojaat qilish lozim.

Davolash: davolash simptomatik.

Chiqarilish shakli

3 tabletkadan PVX/A1 blisterda. 1 blister qo‘llash bo‘yicha yo‘riqnomasi bilan birga karton qutiga joylangan.

Saqlash sharoiti

30^oS dan yuqori bo‘lmagan haroratda.

Yaroqlilik muddati

3 yil.

Dorixonalardan berish tartibi

Resept bo‘yicha.

Savdo Lisenziyasining egasi

Vieco Pharmaceuticals FZCO

JAFZA, Pochtovыy yaщik 17114

Dubay, OAE

Quyidagi korxonaning lisenziyasiga muvofiq ishlab chiqarilgan

LABORATORIOS Azevedos – Indústria Farmaceutica, SA

Estrada Nacional 117-Km2, Alfragide

2614-503 Amadora, Portugaliya

Ishlab chiqaruvchi

Sofarimex – Indústria química e Farmacêutica, S.A.

Av. das Indústrias -Alto de Colaride- Agualva

2735-213 Agualva-Kasen, Portugaliya