Mahsulotning ko'rinishi saytdagi rasmdan farq qilishi mumkin.

AVIKLUD tabletkalari 0,5mg N30

Kategoriya:

- Virusga qarshi

Ishlab chiqarilish joyi:

- Hindiston

Faol modda:

энтекавир

ko'proq ko'rsatish

Qadoqda soni:

- 30

Ishlab chiqaruvchi:

- Avantika Medex Pvt. Ltd.

Vakil:

- MChJ Konark Pharm MChJ

ATX kodi:

- J05AF10

Barcha AVIKLUD dorilari

Noaniqliq haqida habar berish

Toshkentning 43 ta dorixonasida topildi

ico 259 800 s`om dan

Dorixonalardan izlash

ico 280 000 s`om dan + yetkazish

Buyurtma berish

ico 344 000 s`om dan

Bron qilish

Mahsulot haqida tafsilotlar

Saytda e'lon qilingan ma'lumotlar mutaxassislar uchun mo'ljallangan. O'zingizni-o'zingiz davolash bilan shug'ullanmang. Sog'lig'ingizga zarar bermaslik uchun mutaxassis bilan maslahatlashishga ishonch hosil qiling!

Tarkibi va ishlab chiqarilish shakli

Tarkibi

Plyonka qobiq bilan qoplangan har bir tabletka saqlaydi:

faol modda: entekavir 0,5 mg yoki 1,0 mg;

yordamchi moddalar: laktoza monogidrati, mikrokristallik tsellyuloza, krospovidon, povidon, magniy stearati, makkajo'xori kraxmali, oq opadri bo'yovchisi – 0,5 mg tabletkalar yoki pushti opadri bo'yovchisi – 1,0 mg tabletkalar.

Chiqarilish shakli

10 tabletka alyuminiy folgali blisterda.

3 blister qo'llash bo'yicha yo'riqnomasi bilan birga karton qutiga joylangan.

Dori shakli

Tabletkalar

Farmakodinamikasi

Entekavir HBv polimerazaga nisbatan kuchli va selektiv faollikka ega bo'lgan guanozin nukleozidining analogi hisoblanadi. Entekavir hujayra ichidan yarim chiqarilish davri 15 soat bo'lgan faol trifosfat (TR) ni hosil qilib fosforlanadi. Hujayra ichidagi TR ning kontsentratsiyasi hujayra tashqarisidagi entekavirning miqdori bilan bevosita bog'langan, garchi “plato”ning dastlabki darajasiga erishilgandan so'ng preparatni ahamiyatli darajada to'planishi kuzatilmaydi. Tabiiy substrati deoksiguanozin-TR bilan raqobatlashishi orqali, entekavir-TR virus polimerazasining barcha funktsional faoliyatini: (1) HBv polimerazani praymingi, (2) iRNK ning pregenomidan salbiy zanjirini qayta transkriptsiyasi va (3) HBv ning DNK sidan ijobiy zanjirini sintezlanishini ingibirlaydi. Entekavir-TR Ki 18-40 mkm bo'lgan ft va 5 hujayralarning DNK polimerazalarini kuchsiz ingibitori hisoblanadi. Bundan tashqari, entekavir-TR va entekavirni yuqori kontsentratsiyalarida polimeraza va HepG2 hujayralarning mitoxondriyalarida DNK sinteziga nisbatan nojo'ya samaralar kuzatilmagan.

Farmakokinetikasi

So'rilishi

Sog'lom odamlarda entekavir tez so'riladi, va plazmada maksimal kontsentrasiyasi 0,5-1,5 soatdan keyin aniqlanadi. Entekavir 0,1 mg dan 1 mg gacha dozada takroran qabul qilinganida maksimal kontsentrasiyasini (Cmax) va "kontsentrasiya-vaqt" egriligi ostidagi maydonni (AUC) preparatni dozasiga proportsional ravishda oshishi kuzatiladi. Muvozanatli holatga ichga kuniga bir marta qabul qilinganida 6-10 kundan keyin erishiladi, bunda plazmadagi kontsentrasiyasi taxminan 2 marta oshadi. Muvozanatli holatda preparatning maksimal (Cmax) va minimal (Cmin) kontsentrasiyalari 0,5 mg dozada qabul qilinganida muvofiq 4,2 va 0,3 ng/ml, 1 mg dozada qabul qilinganida muvofiq 8,2 va 0,5 ng/ml ni tashkil qilgan. Sog'lom odamlarda preparatning tabletka va ichga qabul qilish uchun eritma shakllarining Biokiraolishligi taqqoslanganida tabletkalarning Biokiraolishligi 100% ga teng bo'lgan, ya'ni bu ikki dori shakllari o'zaro o'rnini bosuvchan hisoblanadi. 0,5 mg entekavir yog'ning miqdori yuqori bo'lgan ovqat yoki engil ovqat bilan ichga qabul qilinganida preparatning so'rilishini minimal darajada kechikishi (ovqat bilan birga qabul qilinganida 1-1,5 soatga va och qoringa qabul qilinganida 0,75 soatga kechikkan), Cmax ni 44-46% ga, va AUC ni 18-20% ga pasayishi kuzatilgan.

Taqsimlanishi

Entekavirni baholanadigan taqsimlanish hajmi organizmdagi umumiy suv miqdoridan oshgan, bu preparatni to'qimalarga yaxshi o'tishidan dalolat beradi. In vitro sharoitlarda entekavir odam zardobi oqsillari bilan taxminan 13% ga bog'lanadi.

Metabolizmi va chiqarilishi

Entekavir CYP450 fermentlar tizimining substrati, ingibitori yoki induktori hisoblanmaydi. Belgilangan 14S-entekavir odamlarga va kalamushlarga yuborilgandan so'ng oksidlangan yoki atsetillangan metabolitlari aniqlanmagan, II faza metabolitlari (glyukuronidlar va sulfatlar) katta bo'lmagan miqdorda aniqlangan.

Plazmada entekavirning kontsentrasiyasi maksimal darajaga etganidan so'ng bioekspotentsial ravishda pasaygan, bunda yarim chiqarilish davri 128-149 soatni tashkil etgan. Preparat kuniga bir marta qabul qilinganida preparatning kontsentrasiyasini 2 martaga oshishi (kumulyasiyasi) kuzatilgan, ya'ni samarali yarim hayot davri taxminan 24 soatni tashkil etgan.

Entekavir asosan buyraklar orqali chiqariladi, bunda muvozanatli holatda siydikda o'zgarmagan holda 62-73% dozasi aniqlanadi. Buyrak klirensi dozasiga bog'liq emas va minutiga 360 dan 471 ml gacha diapazonda o'zgaradi, bu preparatni kalavalar filtrasiyasi va naychalar orqali sekresiyasidan dalolat beradi.

Maxsus shartlar

Nukleozidlarning analoglari bilan monoterapiya holida va antiretrovirus preparatlari bilan majmuada davolanganda laktasidoz va steatozli yaqqol gepatomegaliya, ba'zan pasientni o'limiga olib keladigan hollar xaqida gapirib o'tilgan.

Laktasidoz rivojlanganligini ko'rsatishi mumkin bo'lgan simptomlar: umumiy holsizlik, ko'ngil aynishi, qusish, qorin bo'shlig'ida og'riq, tana vaznini to'satdan kamayishi, hansirash, nafasni tezlashishi, mushaklarni bo'shligi. Havf omillari bo'lib ayollar, semirish, nukleozid analoglarini uzoq muddat qo'llash, gepatomegaliya hisoblanadi. Yuqorida ko'rsatilgan simptomlar paydo bo'lganida yoki laktasidoz laborator tasdiqlanganida preparat bilan davolashni to'xtatish kerak.

Viruslarga qarshi davolash, shu jumladan entekavir bilan davolash bekor qilinganidan so'ng gepatitni zo'rayishi hollari xaqida gapirib o'tilgan. Ko'pchilik bunday hollar davolanmagan. Biroq og'ir asoratlar, shu jumladan fatal asoratlar rivojlanishi mumkin. Bu asoratlarni davolashni bekor qilish bilan bog'liqligi noma'lum. Davolash to'xtatilganidan so'ng jigar faoliyatini vaqti-vaqti bilan nazorat qilish kerak. Zarurat bo'lganida viruslarga qarshi davolashni qaytadan boshlash mumkin.

V gepatiti / OITV infektsiyasi qo'shilgan pasientlar

OITV boshqa infektsiyalar bilan qo'shilgan, antiretrovirus davolash olmayotgan pasientlarga entekavir buyurilganida, OITVni chidamli shtammlari rivojlanishi mumkinligini hisobga olish kerak.

V gepatiti / S gepatiti / D gepatiti qo'shilgan pasientlar

V gepatiti / S gepatiti / D gepatiti qo'shilgan pasientlarga entekavirning samaradorligi haqida ma'lumotlar yo'q.

Jigarni dekompensasiyalangan shikastlanishi bo'lgan pasientlar

Jigar tomonidan, xususan, jigarni dekompensasiyalangan shikastlanishini Chayld-Pyu tasnifi bo'yicha S sinfiga mansub bo'lgan pasientlarda jiddiy nojo'ya samaralarni rivojlanish havfini yuqori bo'lishi aniqlangan. Shuningdek bunday pasientlarda laktasidoz va gepatorenal sindrom kabi maxsus nojo'ya samaralarni rivojlanish havfi yuqori. Shu sababli, laktasidoz va buyraklar faoliyati buzilishini klinik belgilarini aniqlash maqsadida pasientlarni sinchiklab kuzatish, shuningdek ushbu pasientlar guruhida tegishli laborator tahlillar (jigar fermentlarining faolligi, qondagi sut kislotasining kontsentrasiyasi, qon zardobidagi kreatinin kontsentrasiyasi) ni o'tkazish kerak.

Lamivudinga rezistentligi bo'lgan pasientlar

V gepatiti virusida lamivudinga chidamlilik mutasiyasini mavjud bo'lishi entekavirga rezistentlikni rivojlanish havfini oshiradi. Shu sababli lamivudinga rezistentligi bo'lgan pasientlarda organizmdagi viruslar miqdorini tez-tez monitoring o'tkazish va zarurat bo'lganida chidamlilik mutasiyasini aniqlash uchun tegishli tekshirishlar o'tkazish talab etiladi.

Buyraklar faoliyatini buzilishlari bo'lgan pasientlar

Buyraklar faoliyatini buzilishlari bo'lgan pasientlar uchun dozalash tartibini to'g'rilash tavsiya etiladi.

Jigar transplantasiyasi o'tkazilgan pasientlar

Jigar transplantasiyasi o'tkazilgan pasientlarda entekavirning havfsizligi va samaradorligi noma'lum. Jigar transplantasiyasi o'tkazilgan va Tsiklosporin va takrolimus kabi buyraklar faoliyatiga ta'sir qilishi mumkin bo'lgan immunodepressantlar olayotgan pasientlarni entekavir bilan davolashdan oldin va davolash vaqtida buyraklar faoliyatini sinchiklab nazorat qilish kerak.

Pasientlar uchun umumiy ma'lumot

Entekavir bilan davolash V gepatitini yuqish havfini kamaytirmasligi xaqida pasientlarga ma'lumot berish kerak va shuning uchun tegishli ehtiyotkorlik choralarini ko'rish kerak. Preparatning har bir tabletkasi 120,5 mg (0,5 mg tabletkada) yoki 241 mg (1 mg tabletkada) laktoza saqlaydi. Shu sababli, laktozani kam uchraydigan nasliy o'zlashtirolmasligi, laktazani tanqisligi yoki glyukoza-galaktoza malabsorbtsiyasi bo'lgan pasientlarga preparatni qabul qilish tavsiya etilmaydi.

Homiladorlik va laktasiya

Homiladorlar ayollarda adekvat va nazoratli klinik tadqiqotlar o'tkazilmagan.

Preparatni qo'llashdan kutilgan potentsial foyda homila uchun potentsial havfdan ustun bo'lgan holdagina, aviklud preparatini homiladorlik vaqtida qo'llash mumkin.

Entekavirni ona sutiga o'tishi haqida ma'lumotlar yo'q. Preparatni qo'llash vaqtida emizishni to'xtatish tavsiya etiladi.

Preparatni bolalar ololmaydigan joyda saqlash kerak va yaroqlilik muddati tugaganidan so'ng ishlatish mumkin emas.

Qo'llanilishi

Virus replikasiyasini belgilari va zardob transaminazalari (Alt yoki ast) ning faollik darajasi yuqori bo'lgan yoki jigarda yallig'lanish jarayonini gistologik belgilari bo'lgan katta yoshdagi odamlarda surunkali V gepatitini davolash uchun qo'llanadi.

Qo'llanilishi mumkin bo'lmagan holatlar

entecavir va barcha Candy boscha componentiga yekori cesuvchanlic tayyorlash; -18. yoshgacha bolalar.

Dori vositalarining o'zaro ta'siri

Entekavir asosan buyraklar orqali chiqarilishi tufayli, entekavir va buyraklar faoliyatini pasaytiradigan yoki naychalar sekretsiyasi darajasida raqobatlashadigan dori vositalar bilan bir vaqtda qo'llanganida, qon zardobida entekavir va bu dori vositalarning kontsentratsiyasi oshishi mumkin. Entekavir lamivudin, adefovir dipivoksil yoki tenofovir dizoproksil fumarat bilan bir vaqtda buyurilganida dori vositalarni ahamiyatli darajadagi o'zaro ta'siri aniqlanmagan. Buyraklar orqali chiqariladigan yoki buyraklar faoliyatiga ta'sir ko'rsatadigan boshqa preparatlar bilan entekavirni o'zaro ta'siri o'rganilmagan. Entekavir bunday preparatlar bilan bir vaqtda buyurilganida patsientlarni sinchiklab tibbiy kuzatuvdan o'tkazish kerak.

Maxsus saqlash sharoitlari

Quruq va yorug'likdan himoyalangan joyda 25°С dan yuqori bo'lmagan haroratda saqlansin.

Bolalar ola olmaydigan joyda saqlansin.

Yaroqlilik muddati -2 yil.

Ta'rifi

0,5 mg tabletkalar: oq rangdan oqish ranggacha bo'lgan, dumaloq, plyonka qobiq bilan qoplangan tabletkalar;

1,0 mg tabletkalar: pushti rangli, dumaloq, plyonka qobiq bilan qoplangan tabletkalar.

Dozirovkasi

Avikludni och qoringa (ya'ni ovqatlangandan so'ng kamida 2 soatdan keyin va navbatdagi ovqatlanishdan oldin kamida 2 soat oldin) qabul qilish kerak. Jigarni kompensasiyalangan shikastlanishi bo'lgan pasientlar uchun entekavirning tavsiya etilgan dozasi kuniga bir marta 0,5 mg ni tashkil etadi. Lamivudinga rezistentligi bo'lgan pasientlarga (ya'ni anamnezida lamivudin bilan davolash fonida V gepatiti virusi bilan viremiya saqlanib turgan, lamivudinga rezistentligi tasdiqlangan pasientlarga) entekavirni 1 mg dan kuniga bir marta buyurish tavsiya etiladi. Jigarni dekompensasiyalangan shikastlanishi bo'lgan pasientlarga 1,0 mg entekavirni kuniga bir marta buyurish tavsiya etiladi.

Buyrak etishmovchiligi bo'lgan pasientlar

Kreatinin klirensi pasayganida entekavirning klirensi kamayadi. Kreatinin klirensi minutiga < 50 ml bo'lgan, shu bilan birga gemodializ va ambulator sharoitda uzoq muddatli peritoneal gemodializdagi pasientlarga entekavirning dozasini 1-jadvalga muvofiq to'g'rilash tavsiya etiladi.

1-jadval: buyrak etishmovchiligi bo'lgan pasientlar uchun entekavirni tavsiya etilgan dozalari

Kreatinin klirensi (ml/min)	Ilgari nukleozid preparatlarni qabul qilmagan pasientlar	Lamivudinga rezistentligi bo'lgan pasientlar va jigarni dekompensasiyalangan shikastlanishi bo'lgan pasientlar
≥ 50	0,5 mg kuniga bir marta	1,0 mg kuniga bir marta
30 - < 50	0,5 mg har 48 soatda	1,0 mg har 48 soatda
10 - < 30	0,5 mg har 72 soatda	1,0 mg har 72 soatda
< 10 Gemodializ* yoki ambulator sharoitida o'tkaziladigan uzoq muddatli peritoneal dializ	0,5 mg har 5-7 kunda	1,0 mg har 5-7 kunda

*Entekavirni gemodializ seansi tugaganidan so'ng qabul qilish kerak.
Jigar etishmovchiligi bo'lgan pasientlarda entekavirning dozasini to'g'rilash talab etilmaydi.
Keksa yoshdagi pasientlarda entekavirning dozasini to'g'rilash talab etilmaydi.

Dozani oshirib yuborilishi

Entekavirning dozasini oshirib yuborish hollari qayd etilmagan. Dozasi oshirib yuborilganida pasientlarni sinchiklab tibbiy kuzatish va zarurat bo'lganida standart tutib turuvchi davolash o'tkazish kerak.

Homiladorlik va laktatsiya davrida qullanishi

Homiladorlar ayollarda adekvat va nazoratli klinik tadqiqotlar o'tkazilmagan.

Preparatni qo'llashdan kutilgan potentsial foyda homila uchun potentsial havfdan ustun bo'lgan holdagina, aviklud preparatini homiladorlik vaqtida qo'llash mumkin.

Entekavirni ona sutiga o'tishi haqida ma'lumotlar yo'q. Preparatni qo'llash vaqtida emizishni to'xtatish tavsiya etiladi.

Preparatni bolalar ololmaydigan joyda saqlash kerak va yaroqlilik muddati tugaganidan so'ng ishlatish mumkin emas.

Jigar faoliyati buzilganida

Jigar tomonidan, xususan, jigarni dekompensatsiyalangan shikastlanishini Сhayld-P'yu tasnifi bo'yicha C sinfiga mansub bo'lgan patsientlarda jiddiy nojo'ya samaralarni rivojlanish havfini yuqori bo'lishi aniqlangan.

Buyrak faoliyati buzilganida

Buyraklar faoliyatini buzilishlari bo'lgan patsientlar uchun dozalash tartibini to'g'rilash tavsiya etiladi

Fikr qoldirish