Diacarb tabletkalari 250mg N30

retsept bo'yicha

1 tabletka quyidagilarni saqlaydi:

faol modda: atsetazolamid - 250 mg;

yordamchi moddalar: mikrokristall tsellyuloza, povidon, kroskarmellozaning natriyli tuzi, kolloid kremniy dioksidi, magniy stearati.

10 tabletkalardan Al/PVC folgali blisterda, 3 blisterlar (3x10) tibbiyotda qo'llanilishiga doir yo'riqnomasi bilan birga karton qutiga joylangan.

Atsetazolamid kuchsiz diuretik faollikka ega bo'lgan karboangidrazaning kuchli ingibitoridir. Ta'sir mexanizmi karbonat kislotasidagi Na⁺ va N⁺ ionlarining ajralib chiqishini bostirishi bilan bog'liq. Karboangidraza faolligini atsetazolamid tomonidan susaytirilishi (ingibitsiya qilinishi) nefronning proksimal naychasida ko'mir kislotasining sintezini bostiradi. Na⁺ ionlarining o'rnini egallash uchun zarur bo'lgan N⁺ ionlarining manbai bo'lgan karbonat kislotasining etishmovchiligi, buyraklar tomonidan natriy va suvni chiqarilishini oshiradi. Nefronning distal qismida atsetazolamidning ta'siri oqibatidagi katta miqdorda natriyni chiqarilishi natijasida, Na⁺ ionlarini o'rnini K⁺ ionlarini egallashi oshadi, bu kaliyni katta yo'qotilishiga va gipokaliemiyaga olib keladi. Atsetazolamid bikarbonatlarni chiqarilishini oshiradi, bu metabolik asidozni rivojlanishiga olib kelishi mumkin. Atsetazolamid siydik bilan fosfatlar, magniy, kaltsiyni chiqarilishini chaqiradi, bu ham metabolik buzilishlarga olib kelishi mumkin.

Qo'llash boshlanganidan keyin 3 kun o'tgach, atsetazolamid o'zining diuretik xususiyatlarini yo'qotadi. Davolashdagi bir necha kunlik tanaffusdan keyin qaytatdan buyurilgan atsetazolamid, karboangidrazaning normal faolligi tiklanganligi tufayli, diuretik ta'sirini qaytadan boshlaydi.

Atsetazolamidning ekstrarenal ta'siri glaukomani davolash uchun ishlatiladi. Kipriksimon tananing karboangidrazasini susayishi ko'zning oldi kamerasi suyuqligining sekresiyasini kamaytiradi, bu ko'z ichki bosimini pasaytiradi.

Preparat tutqanoqni davolashda yordamchi vosita sifatida qo'llanadi. Nerv xujayralaridagi karboangidrazani susaytirishi patologik qo'zg'aluvchanlikni tormozlaydi.

Atsetazolamid likvordinamik buzilishlar va bosh miya ichki gipertenziyasini davolash uchun qo'llanadi. Preparat bosh miyada xususan, bosh miya qorinchalarining nerv chigallarida orqa miya suyuqligini ishlab chiqarilishini kamaytirib, karboangidrazaning faolligini susaytiradi.

Atsetazolamid kislota-ishqor holatini metabolik asidoz tomonga o'zgartiradi, bu nafasni buzilishlarini davolash uchun, shu jumladan uyqudagi Markaziy genezli apnoe sindromini davolash uchun ishlatiladi.

Atsetazolamid me'da-ichak yo'llaridan yaxshi so'riladi. 500 mg dozada ichga qabul qilinganidan keyin plazmadagi maksimal kontsentrasiyasi (12-27 mkg/ml) ga 1-3 soatdan so'ng erishiladi. Yuborilgan vaqtdan boshlab, minimal kontsentrasiyalarda qonda 24 soat davomida tutib turiladi. Atsetazolamid yo'ldosh orqali o'tadi, oz miqdorda ko'krak sutiga kiradi. To'qimalarda to'planmaydi va organizmda metabolizmga uchramaydi. Buyraklar orqali o'zgarmagan holda chiqariladi. Ichga qabul qilinganidan so'ng qabul qilingan dozaning taxminan 90% 24 soat davomida siydik bilan chiqariladi.

Ko'proq davolashning boshida quyidagi nojo'ya ta'sirlar paydo bo'lishi mumkin:

Metabolizm va alimentasiyasi buzilishlar: suv-elektrolit muvozanatini buzilishi va metabolik asidoz.

Immun tizimi tomonidan buzilishlar: anafilaktik reaktsiyalar.

Teri va teri osti to'qimalari tomonidan buzilishlar: eshakemi, o'tkir tarqalgan ekzantematoz pustulyoz (o'tep)

Nerv tizimi tomonidan buzilishlar: paresteziyalar, sporadik uyquchanlik va dezorientasiya, periferik falajlik, fotosensibilizasiya.

Ko'rish a'zosi tomonidan buzilishlar: o'tkinchi uzoqni yaxshi ko'ra olmaslik.

Eshitish a'zosi tomonidan buzilishlar va labirint buzilishlari: eshitishni buzilishi yoki quloqni shang'illashi.

Me'da-ichak yo'llari tomonidan buzilishlar: ishtahani yo'qolishi, ta'm sezishni buzilishi, ko'ngil aynishi, qusish, diareya.

Buyrak va siydik chiqarish yo'llari tomonidan buzilishlar: poliuriya, nefrolitiaz, gematuriya, glyukozuriya, buyrak sanchig'i.

Jigar va o't chiqarish yo'llari tomonidan buzilishlar: jigar etishmovchiligi, jigar sanchig'i.

Atsetazolamid sulfonamidning hosilasi sifatida, sulfonamidlarga xos nojo'ya ta'sirlarni chaqirishi mumkin:

Qon va limfatik tizimi tomonidan buzilishlar: agranulositoz, trombositopeniya, leykopeniya va aplastik anemiya, suyak ko'migini etishmovchiligi, pantsitopeniya.

Teri va teri osti to'qimalari tomonidan buzilishlar: terida toshma, ko'p shaklli eritema, Stivens-Djonson sindromi, Layell sindromi.

Umumiy buzilishlar va yuborish joyidagi buzilishlar: isitma kuzatilishi mumkin.

Tutqanoqqa qarshi preparatlarni, shu jumladan atsetazolamidni qabul qilgan kam sondagi odamlarda o'ziga shikast etkazish yoki o'z joniga qasd qilish fikrlari xolatlari qayd etilgan. Agar bemorda o'ziga shikast etkazish yoki o'z joniga qasd qilish fikri paydo bo'lsa, darhol shifokorga murojaat etish kerak.

Atsetazolamid bilan davolash vaqtida ayrim xolatlarda o'limga olib keluvchi Stivens-Djonson sindromi yoki toksik epidermal nekroliz kabi pufakli teri reaktsiyalari vaqti-vaqti bilan rivojlanishi mumkin ("nojo'ya ta'sirlari" bo'limiga qarang). Agar grippsimon simptomlar, avj oluvchi toshma (ko'pincha pufaklar yoki shilliq qavatlarda o'zgarishlar bilan) paydo bo'lsa, davolashni to'xtatish va shifokorga murojaat etish kerak.

Pustulalarni paydo bo'lishi yoki isitma bilan kechuvchi dori vositasini qabul qilish fonida tarqalgan eritemani rivojlanishi o'tkir tarqalgan ekzantematoz pustulyoz (o'tep) simptomi bo'lishi mumkin ("nojo'ya ta'sirlari" bo'limiga qarang). O'tep tashhisi qo'yilganda atsetazolamid bilan davolash to'xtatilishi kerak, keyinchalik atsetazlamidni buyurish mumkin emas.

Preparat asidoz chaqirishi mumkin, shuning uchun o'pka emboliyasi va o'pka emfizemasi bo'lgan bemorlarda ehtiyotkorlik bilan qo'llanishi kerak. Preparat siydikning ishqorlanishini chaqiradi.

Qandli diabeti bo'lgan pasientlarda, giperglikemiyaning yuqori xavfi tufayli, atsetazolamidni ehtiyotkorlik bilan qo'llash kerak.

Tavsiya etilgandan yuqoriroq dozalarda qo'llanayotgan diakarb^® diurezni oshirmaydi, uyquchanlik va paresteziyani kuchaytirishi mumkin, ayrim xollarda diurezni pasaytirishi mumkin.

Davolashning boshida va davolash vaqtida muntazam vaqt oraliqlarida qon manzarasi va trombositlarning nazorati, shuningdek qon zardobida elektrolitlarning muntazam nazorati tavsiya qilinadi.

Homiladorlik va laktasiya davrida qo'llanishi

Preparatni homiladorlik va laktasiya davrida qo'llash mumkin emas.

Avtomobilni va murakkab mexanizmlarni boshqarish qobiliyatiga ta'siri

Diakarb^®, ayniqsa yuqori dozalarda uyquchanlik, kamroq xolatlarda toliqish, bosh aylanishi, ataksiya va dezorientasiya chaqirishi mumkin, shuning uchun davolash vaqtida pasientlar avtotransportni boshqarmasliklari va diqqatni jamlashni va psixomotor reaktsiyalarning tezligini talab qiluvchi mexanizmlar bilan ishlamasliklari kerak.

yurak etishmovchiligidagi yoki dori vositalarini qabul qilish bilan bog'liq bo'lgan shishlar

• surunkali ochiq burchakli glaukoma, ikkilamchi glaukoma, yopiq burchakli glaukoma (ko'z ichki bosimini pasaytirish uchun operasiyadan oldingi qisqa muddatli davolashda va yopiq burchakli glaukomaning o'tkir xurujini qo'zg'atuvchi oftalmologik muolajalardan oldin)

• tutqanoq (tutqanoqqa qarshi boshqa vositalar bilan majmuada) – bolalarda kichik tutqanoq xurujlarida (petit mal) va kattalarda katta xurujlarida (grand mal), aralash shakllarida

• balandlikka ko'tarilish bilan bog'liq kasallik (preparat iqlimga moslashish vaqtini qisqartiradi, lekin kasallikning ko'rinishlariga uning ta'siri juda oz)

• bosh miya ichki bosimini oshishi (xavfsiz bosh suyagi ichki bosimi gipertenziyasi, qorinchalar shuntlanganidan keyingi bosh miya ichki bosimi gipertenziyasi) da qo'llanadi.

qon zardobida natriy va kaliy darajasini kamayishi

• jigar va buyrak faoliyatini buzilishi

• buyrak usti bezi etishmovchiligi

• giperxloremik asidoz

• jigar tsirrozi

• surunkali dekompensasiyalangan yopiq burchakli glaukoma (uzoq muddatli davolashda)

• preparatning komponentlariga yoki sulfonamidlarga yuqori sezuvchanlik

• Addison kasalligi

• homiladorlik va laktasiya davrida qo'llash mumkin emas.

Diakarb folat kislotasi antagonistlari, gipoglikemik preparatlar va peroral antikoagulyantlarning ta'sirini kuchaytiradi.

Atsetazolamid va atsetilsalisil kislotasini bir vaqtda qo'llash og'ir asidozni chaqirishi va Markaziy nerv tizimi tomnidan toksik simptomlarni kuchaytirishi mumkin.

Yurak glikozidlari yoki qonning arterial bosimini oshiruvchi preparatlar bilan bir vaqtda qo'llash davrida atsetazolamidning dozasiga tuzatish kiritish kerak.

Atsetazolamid fenitoinning metabolizmini o'zgartirib, uning qon zardobidagi darajasini oshiradi. Atsetazolamidni tirishishga qarshi vositalar bilan bir vaqtda qabul qilayotgan bir necha bemorlarda osteomalyasiyaning og'ir shakllari kuzatilgan.

Atsetazolamid va amfetamin, atropin yoki xinidinni bir vaqtda qo'llash ularning noxush ta'sirlarini kuchaytirishi mumkin.

Atsetazolamid efedrin, karbamazepin, qutbsizlantiruvchi miorelaksantlarning ta'sirini kuchaytirishi, litiyning chiqarilishini oshirishi mumkin.

Atsetazolamid va atsetilsalisil kislotasini bir vaqtda qo'llash og'ir darajadagi asidoz chaqirishi va Markaziy nerv tizimi tomonidan toksik simptomlarni kuchaytirishi mumkin.

Atsetazolamid tsiklosporinning kontsentrasiyasini oshirishi mumkin.

Atsetazolamid metenaminning siydik chiqarish yo'llaridagi antibakterial ta'sirini tenglashtirishi mumkin.

Atsetazolamid va natriy gidrokarbonatini birga qo'llash buyraklarda tosh hosil bo'lishi xavfini oshiradi.

Preparat ichga qabul qilinadi. Preparatni qabul qilish o'tkazib yuborilgan hollarda, navbatdagi qabulda doza oshirilmaydi.

Glaukoma

Preparatning dozasi ko'z ichki bosimining kattaligiga muvofiq shaxsiy ravishda belgilanadi:

Ochiq burchakli glaukoma: 250 mg (1 tabletka) sutkada 1-4 marta buyuriladi.

1000 mg (4 tabletka) dan ortiq dozalar terapevtik samarani oshirmaydi.

Ikkilamchi glaukoma: 250 mg (1 tabletka) dan har 4 soatda buyuriladi.

Ba'zi pasientlarda terapevtik samara 250 mg doza (1 tabletka) sutkada 2 marta qo'llanganidan so'ng namoyon bo'ladi (qisqa muddatli davolashda).

Yopiq burchakli glaukomaning o'tkir xurujlarida: boshlang'ich doza 500 mg (2 tabletka) ni tashkil etadi, so'ngra dozani sutkada 4 marta 125 mg (½ tabletka) gacha yoki 250 mg (1 tabletka) kamaytiriladi.

Tutqanoq

Kattalar uchun dozalash: sutkada 250-500 mg bir qabulda 3 kun davomida, 4-nchi kun esa tanaffus qilinadi.

Atsetazolamid tirishishga qarshi boshqa preparatlar bilan bir vaqtda qo'llanganida, davolashni boshida 250 mg (1 tabletka) sutkada 1 marta qo'llanadi, zarurati bo'lganida doza asta-sekin oshirib boriladi.

Bolalarda dozalash:

4-12 oyliklar: sutkada 50 mg 1-2 qabul qilishga buyuriladi;

2-3 yoshdagilar: sutkada 50-125 mg 1-2 qabul qilishga buyuriladi;

4-18 yosh: 125-250 mg bir marta ertalab buyuriladi.

Bolalarda sutkada 750 mg dan ortiq dozada qo'llash mumkin emas.

Qon aylanishining etishmovchiligidagi shishlar

Preparatning boshlang'ich dozasi sutkada 1 marta ertalab 250-375 mg (1-1½ tabletka) ni tashkil etadi.

Maksimal diuretik samaraga preparat kunora yoki bir kunlik tanaffus bilan ikki kun ketma-ket qabul qilinganida erishiladi.

Yurak etishmovchiligini davolashda atsetazolamid umumiy qabul qilingan davolash (masalan, yurak glikozidlari, kaliy preparatlari, natriy miqdori kamaytirilgan parhezni buyurish) fonida buyuriladi.

Dori vositalarini qabul qilish bilan bog'liq shishlar

250-375 mg (1-1½ tabletka) sutkada bir marta yoki bir kunlik tanaffus bilan ikki kun ketma-ket buyuriladi.

Balandlikka ko'tarilish bilan bog'liq kasallikda

Preparatni sutkada 500-1000 mg (2-4 tabletka) ga teng dozalarda qabul qilish tavsiya etiladi.

Yuqoriga tez ko'tarilishda - sutkada 1000 mg (4 tabletka) ga teng dozalarda qabul qilinadi.

Preparatni yuqoriga ko'tarilishdan 24-48 soat oldin qo'llash lozim. Kasallik simptomlari paydo bo'lgan holda esa, davolash yana 48 soat davomida yoki, agar zarurati bo'lsa, undan ham uzoqroq davom ettiriladi.

Bosh miya ichki gipertenziyasi

Atsetazolamidni sutkada 250 mg dozada (1 tabletka) yoki 125-250 mg dozada (½-1 tabletka) har 8-12 soatda qo'llash tavsiya etiladi.

Maksimal terapevtik samaraga 750 mg dozani (3 tabletka) sutkada teng dozalarda qabul qilinganida erishiladi.

Takroriy lyumbal punktsiyalar samarasizligida preparatni 500 mg dozada sutkada 3 marta qo'llash mumkin.

Atsetazolamid bilan davolash tuz va suvni qabul qilish tartibni cheklash bilan birga olib boriladi.

Simptomlari: nojo'ya ta'sirlarning simptomlarini kuchayishi kuzatilishi mumkin. Davolash: simptomatik. Asidoz bo'lganida bikarbonatlar qo'llanadi. Gemodializ organizmdan atsetazolamidni chiqaradi.