DIMEKSID JFF eritma 50ml

Dimeksid eritmasi (90 %) teriga applikatsiya qilinganda u 5 daqiqadan so'ng qonda paydo bo'ladi, 4-6 soatdan keyin maksimal konsentratsiyaga erishadi va deyarli o'zgarmagan darajada 1,5-3 sutka davomida saqlanib turadi. Dimetilsulfoksid siydik va axlat bilan ham o'zgarmagan holda, ham dimetilsulfon ko'rinishida ajralib chiqadi.

Dimetilsulfoksid biologik membranalar, shu jumladan teri to'siqlari orqali o'tish xususiyatiga ega bo'lib, shu tariqa o'ziga xos ta'sirlarini, jumladan yallig'lanishga qarshi, antipiretik, analgetik, antiseptik, o'rtacha fibrinolitik samaralarni amalga oshiradi. Preparat dori vositalarining shikastlanmagan teri va shilliq qavatlar orqali o'tishini kuchaytiradi (tashish qobiliyati).

Dimetilsulfoksid odatda yaxshi o‘zlashtiriladi, lekin ba'zi bemorlarda quyidagilar bo‘lishi mumkin:
Immun tizimi tomonidan: allergik reaksiyalar, shu jumladan dermatitlar, teri toshmasi, angionevrotik shish, qichishish, achishish, teri giperemiyasi, eritema, terining quruqligi.
Me'da-ichak yo‘llari tomonidan: ko‘ngil aynishi, qusish, diareya.
Markaziy va periferik nerv tizimi tomonidan: bosh og‘rig‘i, bosh aylanishi, uyqusizlik, adinamiya.
Nafas olish a'zolari tomonidan: bronxospazm.

Shikastlangan teriga va allergiya ko'rinishlari bo'lgan teriga surtilmasin. Yuz terisiga surtilmasin.
Dimeksidni qo'llashdan oldin sezgirlikka sinama o'tkazish zarur. Buning uchun Dimeksid®
Dimeksid bilan namlangan paxta tamponi yordamida teriga surtiladi.
Dimeksid surtilgandan so'ng terining o'tkir qizarishi va qichishishi preparatga individual yuqori sezuvchanlikdan dalolat beradi.
Keksa yoshdagi bemorlar preparatni shifokor bilan oldindan maslahatlashgandan so'ng qo'llashlari kerak.
Preparatni shilliq qavatlarga va ko'zga tushishiga yo'l qo'ymaslik kerak. Preparat ko'zga tasodifan tushganda ularni darhol oqar suv bilan yuvish kerak.
18 °C va undan past haroratda dimetilsulfoksidning kristallanishi mumkin, bu preparat sifatiga ta'sir qilmaydi. Kristallarni eritish uchun preparatli flakonni suv hammomida (suv harorati taxminan 60 °C) ehtiyotkorlik bilan isitish kerak.
Dori vositasini qo'llash qoidalarini buzmaslik kerak, bu sog'liqqa zarar yetkazishi mumkin.
Markaziy asab tizimiga ta'sirini, xususan bosh aylanishi yuzaga kelishi ehtimolini hisobga olib ehtiyotkorlik bilan qo'llash kerak.

Preparatga yuqori sezuvchanlik. Yurak-qon tomir yetishmovchiligi, yaqqol ateroskleroz, stenokardiya, buyrak yoki jigar funksiyasining buzilishi, insult, miokard infarkti, komatoz holatlar, glaukoma, katarakta.

Dimetilsulfoksid etanol (alkogol preparatning chiqarilishini sekinlashtiradi) va insulin, atsetilsalitsil kislotasi, butadion; digitalis preparatlari, xinidin, nitroglitserin, antibiotiklar (streptomitsin, monomitsin), xloramfenikol, rifampitsin, grizeofulvin ta'sirini kuchaytiradi, organizmni narkoz uchun vositalarga sezgirligini oshiradi. Preparat dori vositalarining ham o'ziga xos faolligini, ham toksikligini kuchaytirishi mumkinligini hisobga olish kerak. Deformatsiyalovchi osteoartroz va revmatoid artritning majmuaviy terapiyasida nosteroid yallig'lanishga qarshi vositalar bilan birga; mahalliy ta'sirga ega mikroblarga qarshi vositalar (sintomitsin linimenti) bilan birgalikda – streptodermiyani davolash uchun qo'llash mumkin.

Kompresslar, tamponlar uchun suvli eritmalar (30-50% konsentratsiya) ko'rinishida qo'llash kerak.

Dimeksid eritmasi bilan namlangan doka salfetkalar zararlangan joylarga, yondosh sog'lom teri sohalarini qamrab olgan holda, kuniga 1 marta 20-30 daqiqa davomida qo'yiladi. Salfetka ustidan polietilen plyonka va paxta yoki zig'ir mato qo'yiladi.

Diffuz streptodermiyalarda Dimeksid® preparatining 40-90 % li eritmasi bilan kompresslar tavsiya etiladi.

Terining yiringli kasalliklarida 40 % li eritma qo'llaniladi.

Teri-plastik jarrohlikda ko'chirib o'tkazilgan teri auto- va gomotransplantatlariga bevosita operatsiyadan keyin va operatsiyadan keyingi davrning keyingi kunlarida transplantat barqaror bitib ketguncha preparatning 10-20 % li eritmasi bilan bog'lamlar ishlatiladi.

Teri gomotransplantatlarini saqlash uchun konservant vosita sifatida Ringer eritmasidagi 5 % li dimeksid eritmasi qo'llaniladi.

Ko'rsatilgan konsentratsiyalardagi preparatning suvli eritmalarini tayyorlash bo'yicha tavsiyalar: