DORAMISIN

Doramitsin - makrolidlar guruhiga mansub antibiotik. Bakteriostatik ta'sir ko'rsatadi, hujayra ichidagi oqsil sintezini buzadi. So'rilishi tez sodir bo'ladi. Plazmadagi C max taxminan 3,3 mkg/ml ni tashkil qiladi. Orqa miya suyuqligiga o'tmaydi. Ko'krak suti bilan ajralib chiqadi. So'lak va to'qimalarga yaxshi kiradi. Plazma oqsillari bilan bog'lanishi 10%. Jigarda faol metabolitlar hosil bo'lishi bilan biotransformatsiyaga uchraydi. Asosan safro bilan, yuborilgan dozaning 10% i buyraklar orqali chiqariladi. T ½ - 8 soat.

Kattalarga: Doramitsinning sutkalik dozasi - 2-3 qabulda 6 - 9 mln. ME. O'tkir bronx-o'pka kasalliklarida har 8 soatda 1,5 mln. ME dan buyuriladi, og'ir holatlarda dozani 2 baravar oshirish mumkin. Bolalarga: tana vazni 10 kg gacha bo'lganda Doramitsin sutkada 0,75 mln. ME dozada buyuriladi; tana vazni 10-20 kg bo'lganda Doramitsinning sutkalik dozasi 2-4 qabulda 1,5 - 3 mln. ME; tana vazni 20 kg dan ortiq bo'lganda Doramitsin 2-3 qabulda sutkada 10 kg tana vazniga 1,5 mln. ME hisobidan buyuriladi. Meningokokkli meningit profilaktikasi uchun kattalarga - 5 kun davomida har 12 soatda 3 mln. ME dan, tana vazni 20 kg dan ortiq bo'lgan bolalarga – 5 kun davomida har 12 soatda 1 kg tana vazniga 0,75 mln. ME dan. Buyrak funksiyasi buzilgan bemorlarga dozani o'zgartirish talab qilinmaydi.