DORAMISIN tabletkalari 3000000me N10

Doramitsin - makrolidlar guruhiga mansub antibiotik. Bakteriostatik ta'sir ko'rsatadi, hujayra ichidagi oqsil sintezini buzadi. So'rilishi tez sodir bo'ladi. Plazmadagi C max taxminan 3,3 mkg/ml ni tashkil qiladi. Orqa miya suyuqligiga o'tmaydi. Ko'krak suti bilan ajralib chiqadi. So'lak va to'qimalarga yaxshi kiradi. Plazma oqsillari bilan bog'lanishi 10%. Jigarda faol metabolitlar hosil bo'lishi bilan biotransformatsiyaga uchraydi. Asosan safro bilan, yuborilgan dozaning 10% i buyraklar orqali chiqariladi. T ½ - 8 soat.

Kattalarga: Doramitsinning sutkalik dozasi - 6 - 9 mln. ME 2-3 qabulda. O'tkir bronx-o'pka kasalliklarida 1,5 mln. ME dan har 8 soatda tayinlanadi, og'ir holatlarda dozani 2 baravar oshirish mumkin. Bolalarga: vazni 10 kg gacha bo'lganda Doramitsin sutkasiga 0,75 mln. ME dozada tayinlanadi; vazni 10-20 kg bo'lganda Doramitsinning sutkalik dozasi 1,5 - 3 mln. ME 2-4 qabulda; vazni 20 kg dan ortiq bo'lganda Doramitsin sutkasiga 10 kg tana vazniga 1,5 mln. ME hisobidan 2-3 qabulda tayinlanadi. Meningokokkli meningit profilaktikasi uchun kattalarga - 3 mln. ME dan har 12 soatda 5 kun davomida, vazni 20 kg dan ortiq bolalarga – 1 kg tana vazniga 0,75 mln. ME dan har 12 soatda 5 kun davomida. Buyrak funktsiyasi buzilgan bemorlarga dozani o'zgartirish talab etilmaydi.