FOLIEVAYA KISLOTA tabletkalari 1mg N50

Foliy kislotasi MITYda, asosan o'n ikki barmoqli ichakning yuqori qismlarida yaxshi va to'liq so'riladi (hatto tropik spru fonida malabsorbtsiya sindromi mavjud bo'lganda ham).

Plazma oqsillari bilan jadal bog'lanadi. GEB, yo'ldosh orqali, shuningdek ko'krak sutiga o'tadi. T_max — 30–60 daqiqa. Jigarda to'planadi va tetragidrofoliy kislotasi hosil bo'lishi bilan metabolizmga uchraydi (digidrofolatreduktaza ta'sirida askorbin kislotasi ishtirokida).

Buyraklar orqali asosan metabolitlar ko'rinishida chiqariladi. Agar qabul qilingan doza foliy kislotasiga bo'lgan sutkalik ehtiyojdan sezilarli darajada oshsa, o'zgarmagan holda chiqariladi.

Gemodializ yordamida chiqariladi.

Allergik reaksiyalar - teri toshmasi, teri qichishishi, bronxospazm, eritema, gipertermiya.

Foliy kislotasi gipovitaminozi profilaktikasi uchun muvozanatlashgan ovqatlanish eng afzaldir. Foliy kislotasiga boy mahsulotlar: yashil sabzavotlar (salat, ismaloq), pomidor, sabzi, yangi jigar, dukkaklilar, lavlagi, tuxum, pishloq, yong'oqlar, donli ekinlar.

Foliy kislotasi B₁₂-tanqislik, normotsitar va aplastik anemiyani davolash uchun qo'llanilmaydi. B₁₂-tanqislik anemiyasida foliy kislotasi gematologik ko'rsatkichlarni yaxshilab, nevrologik asoratlarni niqoblaydi. B₁₂-tanqislik anemiyasi istisno qilinmaguncha, foliy kislotasini 0,1 mg/sut dan yuqori dozalarda tayinlash tavsiya etilmaydi (homiladorlik va laktatsiya davri bundan mustasno).

Gemodializdagi bemorlar foliy kislotasining yuqori miqdorlariga muhtoj ekanligini nazarda tutish kerak.

Davolash vaqtida antatsidlarni foliy kislotasi qabul qilingandan 2 soat o'tgach, kolestiraminni — foliy kislotasi qabul qilishdan 4–6 soat oldin yoki 1 soat o'tgach qo'llash kerak. Antibiotiklar plazma va eritrotsitlardagi foliy kislotasi kontsentratsiyasini mikrobiologik baholash natijalarini buzishi (ataylab pasaytirilgan ko'rsatkichlarni berishi) mumkinligini nazarda tutish kerak. Foliy kislotasi katta dozalarda qo'llanilganda, shuningdek uzoq muddat davomida terapiyada B₁₂ vitamini (sianokobalamin) kontsentratsiyasining pasayishi mumkin.

Transport vositalarini, mexanizmlarni boshqarish qobiliyatiga ta'siri. Preparatni qo'llash transport vositalarini boshqarish va diqqatni yuqori jamlashni hamda psixomotor reaksiyalar tezligini talab qiladigan boshqa potensial xavfli faoliyat turlari bilan shug'ullanish qobiliyatiga ta'sir qilmaydi.

preparat komponentlariga yuqori sezuvchanlik;

V₁₂-tanqislik anemiyasi;

saxaraza tanqisligi;

izomaltaza tanqisligi;

fruktozani o'zlashtiraolmaslik;

glyukoza-galaktoza malabsorbtsiyasi;

bolalar yoshi (3 yoshgacha).

Ehtiyotkorlik bilan: tsianokobalamin tanqisligi bilan kechuvchi folat tanqisligi anemiyalari.

Tirishishga qarshi preparatlar (sh.j. fenitoin va karbamazepin), estrogenlar, peroral kontraseptivlar foliy kislotasiga bo'lgan ehtiyojni oshiradi.

Antatsidlar (sh.j. kalsiy, alyuminiy va magniy preparatlari), kolestiramin, sulfonamidlar (sh.j. sulfasalazin) foliy kislotasi so'rilishini pasaytiradi.

Metotreksat, pirimetamin, triamteren, trimetoprim digidrofolatreduktazani ingibitsiya qiladi va foliy kislotasi samarasini pasaytiradi (uning o'rniga ushbu preparatlarni qo'llayotgan bemorlarga kalsiy folinatini buyurish lozim).

Rux preparatlariga nisbatan bir xil ma'lumot yo'q: ba'zi tadqiqotlar folatlar rux so'rilishini ingibitsiya qilishini ko'rsatsa, boshqalari bu ma'lumotlarni rad etadi.

Ichga.

Foliytanqislik anemiyasi: kattalar va har qanday yoshdagi bolalarga boshlang'ich doza — 1 mg/sut. Katta dozalar qo'llanilganda rezistentlik paydo bo'lishi mumkin.

Ushlab turuvchi davolash: yangi tug'ilgan chaqaloqlar uchun — 0,1 mg/sut; 4 yoshgacha bo'lgan bolalar uchun — 0,3 mg/sut; 4 yoshdan katta bolalar va kattalar uchun — 0,4 mg/sut; homiladorlik va laktatsiya davrida — 0,1 dan 0,8 mg/sut gacha.

Foliy kislotasi gipo- va avitaminozida (avitaminoz og'irligiga qarab): kattalarga — 5 mg/sut gacha; bolalarga — yoshiga qarab kichikroq dozalarda. Davolash kursi 20–30 kunni tashkil qiladi.

Hamroh bo'lgan alkogolizmda, gemolitik anemiyada, surunkali infektsion kasalliklarda, gastrektomiyadan keyin, malabsorbtsiya sindromida, jigar yetishmovchiligida, jigar sirrozida, stressda preparat dozasi 5 mg/sut gacha oshirilishi kerak.

Retseptsiz.