GEMATONIK kapsulalar N30

QO‘LLASH BO‘YICHA YO‘RIQNOMA

GEMATONIK^®

HEMATONIC^®

Preparat savdo nomi: Gematonik^®

Ta‘sir etuvchi moddalar (XPN): temir fumarati, askorbin kislotasi (S vitamini), folat kislotasi, sianokobalamin (V₁₂ vitamini).

Dori shakli: kapsulalar

Tarkibi:

Har bir kapsula quyidagilarni saqlaydi:

faol moddalar: temir fumarati                           350 mg*,

                       askorbin kislotasi (S vitamini) 150 mg,

                       folat kislotasi                               1 mg,

                       sianokobalamin (V₁₂ vitamini)    0,015 mg,

* 115 mg elementar temir ga teng

yordamchi moddalar: makkajo‘xori kraxmali, 96% li etil spirti, magniy stearati.

Farmakoterapevtik guruhi: eritropoezni rag‘batlantiruvchi vosita.

ATX kodi: B03AE01

Farmakologik xususiyatlari

Temir fumarati – organizmda gemoglobin va boshqa globin fermentlarining sintezi uchun zarur bo‘lgan temir tanqisligini to‘ldiradi. Temir tanqisligi anemiyalarida preparatni350 mg sutkada bir marta qabul qilish temirning minimal samarali dozasini ta‘minlaydi. Bunda qon zardobida gemoglobinning (va temirning) darajasi oshadi, eritrositlarning soni oshadi; anemiyaning barcha gematologik va klinik simptomlari 3-4 hafta davolashdan keyin orqaga qaytadi.

Askorbin kislotasi – temirning so‘rilishini yaxshilashga yordam beradi.

Folat kislotasi – V guruh vitamini. Organizmda folat kislotasi turli metabolik jarayonlarda ishtirok etuvchi, koferment hisoblangan tetragidrofolat kislotagacha tiklanadi. U megaloblastlarning normal yetilishi va normablastlarning hosil bo‘lishi uchun zarur. Eritropoezni rag‘batlantiradi, aminokislotalar (metionin, serin va boshq.), nuklein kislotalari, purin va pirimidinlarning sintezida, xolinning almashinuvida ishtirok etadi. Homiladorlik davrida teratogen omillar ta‘siriga nisbatan ma‘lum darajada himoya vazifasini bajaradi.

Sianokobalamin – suvda eruvchi vitaminlar guruhiga kiradi. Yuqori biologik faollikka ega. Normal qon yaratish uchun zarur (eritrositlarning yetilishiga yordam beradi). Labil metil guruhlarining sintezida va metionin, nuklein kislotalari, xolin, kreatin hosil bo‘lishida ishtirok etadi. Eritrositlarda sulfgidril guruhlarini saqlovchi birikmalarni to‘planishiga yordam beradi. Jigar va nerv tizimining funksiyasiga ijobiy ta‘sir ko‘rsatadi. Qonning ivish tizimini faollashtiradi, katta dozalarda tromboplastin va protrombinning faolligini oshiradi.

Farmakokinetikasi

Temir fumarati – ichga qabul qilinganida yuqori so‘rilish va biokiraolishlikka ega. Asosan o‘n ikki barmoqli ichakda va yo‘g‘on ichakning proksimal qismida so‘riladi. S_max

4 soatdan keyin erishiladi. Oqsillar bilan bog‘lanishi 90% va undan ko‘proqni (asosan gemoglobin bilan) tashkil qiladi. Gepatositlar va retikuloendotelial tizimda ferritin va gemosiderin ko‘rinishida, mushaklarda ahamiyatsiz miqdorda mioglobin ko‘rinishida to‘planadi. T_1/2 – taxminan 12 soat. Temirning chiqarilishini qandaydir fiziologik tizimi mavjud emas va u organizmda toksik xavfli miqdorgacha to‘planishi mumkin. Biroq, temirning ko‘p bo‘lmagan miqdori har kuni terining qipiqlanishi, sochlar va tirnoqlarni tushishi, axlat, ter ajralishi, ko‘krak suti va siydik bilan yo‘qotiladi.

Askorbin kislotasi – ichga qabul qilinganidan keyin askorbin kislotasi me‘da-ichak yo‘llari (MIY) da to‘liq so‘riladi. Organizmning to‘qimalariga keng taqsimlanadi. Plazmada askorbin kislotaning konsentrasiyasi normada taxminan 10-20 mkg/ml ni tashkil qiladi. Leykositlar va trombositlarda askorbin kislotasining konsentrasiyasi eritrositlar va plazmadagiga qaraganda yuqori. Tanqislik holatlarida leykositlardagi konsentrasiyasi kechroq va sekinroq pasayadi va plazmadagi konsentrasiyaga qaraganda tanqislikni baholash yaxshi mezon sifatida qaraladi. Plazma oqsillari bilan bog‘lanishi taxminan 25% ni tashkil qiladi. Askorbin kislotasi degidroaskorbin kislotasini hosil qilib qayta oksidlanadi, bir qismi faol bo‘lmagan askorbat-2-sulfatini va siydik bilan chiqariladigan shovul kislotasini hosil qilib metabolizmga uchraydi.

Folat kislotasi – folat kislotasi MIYda, asosan o‘n ikki barmoqli ichakning yuqori qismida tez so‘riladi, organizmning barcha to‘qimalariga taqsimlanadi, jigarda metabolizmga uchraydi. Chiqarilishi: 24 soat davomida odatda to‘liq chiqariladi.

Sianokobalamin – yonbosh ichakning quyi qismida so‘riladi. Bioto‘planishi – 25%. Dastlab jigarda to‘planadi. Enterogepatik sirkulyasiya safro va boshqa ichak ajralmalaridan V₁₂ vitaminini qayta sirkulyasiyalanishida muhim rol o‘ynaydi. Agar plazma bilan bog‘langan proteinlar saturasiyaga uchrasa, u holda erkin V₁₂ vitaminining ortiqchasi buyraklar orqali chiqariladi. Proteinlar bilan yuqori darajada bog‘lanadi. Yarim parchalanish vaqti – taxminan 6 kunga teng.

Qo‘llanilishi

Temir tanqisligi anemiyasi, megaloblast anemiya, homiladorlik, tug‘ruqdan keyingi davr, V₁₂ vitaminining tanqisligi, folat kislotasining tanqisligi oqibatidagi kam so‘rilish sindromida qo‘llanadi.

Qo‘llash usuli va dozalari

Kattalarga sutkada 1 kapsuladan ichga, ovqatdan 30-40 minut oldin, suv bilan birga qabul qilinadi. Zarurati bo‘lganida dozani sutkada 2 kapsulagacha oshirish mumkin. Bolalarga shifokor dozani shaxsiy belgilaydi. Gematonikni 6 oydan ortiq qabul qilishdan saqlanish kerak (qon ketishi, menorragiya davom etayotgan bemorlar, takroriy homilador bo‘lgan bemorlar bundan mustasno).

Nojo‘ya ta‘sirlari

O‘tkinchi diareya, ko‘ngil aynishi, epigastral og‘riq, qabziyat, umumiy loxaslik va allergik reaksiyalar. Temir saqlovchi preparatlar qabul qilinganida ahlat odatda qora rangga bo‘yaladi.

Qo‘llash mumkin bo‘lmagan holatlar

Temir tanqisligi bilan bog‘liq bo‘lmagan gemoxromatoz, gemosideroz, gemolitik (nasliy va orttrilgan va boshq.) anemiyalar, jigar sirrozi, preparatning komponentlariga yuqori sezuvchanlikda qo‘llash mumkin emas.

Dorilarning o‘zaro ta‘siri.

Antasidlar, xloramfenikol va Gematonik^® ni bir vaqtda qabul qilish oxirgisining samarasini pasayishiga olib keladi. Tetrasiklinlar bilan bir vaqtda qabul qilinganida – ovqat hazm qilish yo‘llarida so‘rilishini o‘zaro pasayishi kuzatiladi. Bunday holda tetrasiklinlarni Gematonik^® qabul qilishdan 2 soat oldin yoki 3 soat keyin qabul qilish kerak.

Maxsus ko‘rsatmalar

Samarasining bo‘lmasligi ichakda temirning so‘rilish jarayonini buzilishi, gemopoezni susayishi, ba‘zi dori vositalarni yuborish (antimetabolik), shuningdek boshqa vitaminlarning tanqisligi bilan chiqarilishi mumkin. Temir tanqisligi anemiyasi, yashirin qon ketishi bilan bog‘liq bo‘lishi mumkin, uning sababini davolashni boshlashdan oldin aniqlash kerak.

Preparat bolalar ololmaydigan joyda saqlansin va yaroqlilik muddati o‘tgach ishlatilmasin.

Dozani oshirib yuborilishi

O‘tkir intoksikasiya, temirning yuqori dozalari qabul qilinganida ko‘ngil aynishidan boshlab, komagacha bo‘lgan qator simptomlar bilan namoyon bo‘ladi. Ushbu preparatning boshqa komponentlari zaharli emas. Me‘dani natriy bikarbonati bilan yuvish va boshqa tutib turuvchi davolash choralarini qo‘llash tavsiya qilinadi. Temir tuzlarini uzoq vaqt qo‘llash gemoxromatoz rivojlanishiga olib kelishi mumkin.

Chiqarilish shakli

10 kapsula blisterda; 3 yoki 10 blister qo‘llash bo‘yicha yo‘riqnomasi bilan birga karton qutida.

Saqlash sharoiti

Yorug‘lik va namlikdan himoyalangan joyda, 30°S dan yuqori bo‘lmagan haroratda saqlansin.

Yaroqlilik muddati

3 yil.

Dorixonalardan berish tartibi

Resept bo‘yicha.