GENFERON LAYT suppozitorii 125000me N10

Preparat rektal yuborilganda interferonning yuqori biologik kira olishligi (80% dan ortiq) qayd etiladi, shu munosabat bilan ham mahalliy, ham yaqqol tizimli immunomodulyatsiya qiluvchi ta'sirga erishiladi; intravaginal qo'llanilganda infektsiya o'chog'idagi yuqori kontsentratsiya va qin shilliq qavati hujayralarida fiksatsiyasi hisobiga yaqqol mahalliy viruslarga qarshi, antiproliferativ va antibakterial ta'sirga erishiladi, bunda qin shilliq qavatining past so'rilish qobiliyati tufayli tizimli ta'sir arzimas darajada. Qon zardobidagi interferonning Cmax siga preparat yuborilganidan 5 soat o'tgach erishiladi. Asosiy chiqarilish yo'li buyrak katabolizmi hisoblanadi. T1/2 12 soatni tashkil qiladi, bu preparatni sutkada 2 marta qo'llash zarurligini belgilaydi.

Preparat bemorlar tomonidan yaxshi o'zlashtiriladi. Mahalliy allergik reaksiyalar (qinda qichishish va achishish hissi) bo'lishi mumkin. Bu hodisalar qaytuvchan va yuborish to'xtatilgandan keyin 72 soat ichida yo'qoladi. Davolashni davom ettirish shifokor bilan maslahatlashgandan keyin mumkin.

Hozirgi vaqtga qadar og'ir yoki hayot uchun xavfli nojo'ya hodisalar kuzatilmagan. Interferon alfa-2b ning barcha turlari qo'llanilganda yuzaga keladigan hodisalar, masalan qaltirash, haroratning ko'tarilishi, toliqish, ishtahaning yo'qolishi, mushak va bosh og'riqlari, bo'g'imlarda og'riq, terlash, shuningdek leyko- va trombotsitopeniya kuzatilishi mumkin, ammo ular ko'pincha sutkalik doza 10 000 000 ME dan oshganda uchraydi. Bunday hollarda preparatni bekor qilish yoki dozani kamaytirish masalasini hal qilish uchun davolovchi shifokor maslahati tavsiya etiladi.

Har qanday boshqa interferon alfa preparati kabi, u yuborilgandan keyin harorat ko'tarilganda kattalar uchun 500 - 1000 mg va bolalar uchun 250 mg dozada paratsetamolni bir marta qabul qilish mumkin.

Genferon® Layt alohida diqqat va tezkor reaksiyalarni talab qiluvchi potensial xavfli faoliyat turlarini bajarishga (transport vositalarini, mashina uskunalarini boshqarish va h.k.) ta'sir qilmaydi.

— interferonga va preparat tarkibiga kiruvchi boshqa moddalarga individual toqat qilolmaslik.

Ehtiyotkorlik bilan: allergik va autoimmun kasalliklarning zo'rayishi.

Genferon® Layt kompleks terapiya komponenti sifatida eng samarali. Antibakterial, zamburug'ga qarshi va virusga qarshi preparatlar bilan kombinatsiyada ta'sirning o'zaro potentsiyalanishi kuzatiladi, bu yuqori yig'indi terapevtik samaraga erishish imkonini beradi.