GENFERON LAYT suppozitorii 250000me N10

Preparat rektal kiritilganda interferonning yuqori biokiraolishligi (80% dan ortiq) qayd etiladi, shu sababli ham mahalliy, ham yaqqol tizimli immunomodulatsiyalovchi ta’sirga erishiladi; intravaginal qo‘llanilganda infeksiya o‘chog‘ida yuqori konsentratsiya va qin shilliq qavati hujayralarida fiksatsiya hisobiga yaqqol mahalliy virusga qarshi, antiproliferativ va antibakterial samaraga erishiladi, bunda qin shilliq qavatining past so‘rilish qobiliyati hisobiga tizimli ta’sir arzimas darajada bo‘ladi. Qon zardobida interferonning Cmax ko‘rsatkichiga preparat kiritilgandan so‘ng 5 soat o‘tgach erishiladi. Chiqarilishining asosiy yo‘li buyrak katabolizmidir. T1/2 12 soatni tashkil etadi, bu preparatni sutkada 2 marta qo‘llash zaruratini belgilaydi.

Preparat bemorlar tomonidan yaxshi o'zlashtiriladi. Mahalliy allergik reaksiyalar (qinda qichishish va achishish hissi) bo'lishi mumkin. Bu hodisalar qaytuvchan va yuborish to'xtatilgandan keyin 72 soat ichida yo'qoladi. Davolashni davom ettirish shifokor bilan maslahatlashgandan keyin mumkin.

Hozirgi vaqtga qadar og'ir yoki hayot uchun xavfli nojo'ya hodisalar kuzatilmagan. Interferon alfa-2b ning barcha turlari qo'llanilganda yuzaga keladigan hodisalar, masalan qaltirash, haroratning ko'tarilishi, toliqish, ishtahaning yo'qolishi, mushak va bosh og'riqlari, bo'g'imlarda og'riq, terlash, shuningdek leyko- va trombotsitopeniya kuzatilishi mumkin, ammo ular ko'pincha sutkalik doza 10 000 000 ME dan oshganda uchraydi. Bunday hollarda preparatni bekor qilish yoki dozani kamaytirish masalasini hal qilish uchun davolovchi shifokor maslahati tavsiya etiladi.

Har qanday boshqa interferon alfa preparati kabi, u yuborilgandan keyin harorat ko'tarilganda kattalar uchun 500 - 1000 mg va bolalar uchun 250 mg dozada paratsetamolni bir marta qabul qilish mumkin.

Genferon® Layt alohida diqqat va tezkor reaksiyalarni talab qiluvchi potensial xavfli faoliyat turlarini bajarishga (transport vositalarini, mashina uskunalarini boshqarish va h.k.) ta'sir qilmaydi.

— interferonga va preparat tarkibiga kiruvchi boshqa moddalarga individual toqat qilolmaslik.

Ehtiyotkorlik bilan: allergik va autoimmun kasalliklarning zo'rayishi.

Genferon® Layt kompleks terapiya komponenti sifatida eng samarali. Antibakterial, zamburug'ga qarshi va virusga qarshi preparatlar bilan kombinatsiyada ta'sirning o'zaro potentsiyalanishi kuzatiladi, bu yuqori yig'indi terapevtik samaraga erishish imkonini beradi.