GINKGO BILOBA kapsulalar

Ginkgo ekstrakti ichga qabul qilingandan so‘ng terpenlaktonlar (ginkgolid A, ginkgolid B va bilobalid) yuqori biokiraolishlikka ega bo‘lib, bu ginkgolid A uchun 100% (98%), ginkgolid B uchun 93% (79%) va bilobalid uchun 72% ni tashkil qiladi.

80 mg ekstrakt qabul qilingandan so‘ng qon plazmasidagi maksimal konsentratsiyalar: ginkgolid A uchun 15 ng/ml, ginkgolid B uchun 4 ng/ml va bilobalid uchun taxminan 12 ng/ml ni tashkil qiladi.

Yarim chiqarilish davri — 3,9 soat (ginkgolid A), 7 soat (ginkgolid B) va 3,2 soat (bilobalid).

Qon plazmasi oqsillari bilan bog‘lanish: ginkgolid A uchun 43%, ginkgolid B uchun 47% va bilobalid uchun 67% ni tashkil qiladi.

O'simlik preparati, uning faol komponenti standartlashtirilgan ginkgo biloba ekstraktidir. Hujayralardagi moddalar almashinuvi jarayonlariga, qonning reologik xususiyatlariga va mikrosirkulyatsiyaga, qon tomirlarining vazomotor reaktsiyalariga ta'sir ko'rsatadi. Miya qon aylanishini va miyani kislorod va glyukoza bilan ta'minlanishini yaxshilaydi. Metabolik jarayonlarni normallashtiradi, to'qimalarga antigipoksik ta'sir ko'rsatadi. Qon aylanishini yaxshilashga yordam beradi, trombotsitlar agregatsiyasiga to'sqinlik qiladi, shishga qarshi va antioksidant ta'sirga ega. Oyoq-qo'llarda qon aylanishini yaxshilaydi.

Allergik reaksiyalar (terining qizarishi, shishi, qichishishi), me'da-ichak buzilishlari (ko‘ngil aynishi, qusish, diareya), bosh og‘rig‘i, eshitishning buzilishi, bosh aylanishi, qon ivishining pasayishi bo‘lishi mumkin.

Har qanday noxush holatlar yuzaga kelganda, preparatni qabul qilishni to‘xtatish va davolovchi shifokorga murojaat qilish kerak.

Holatning yaxshilanishi davolash boshlanganidan 1 oy o'tgach namoyon bo'ladi. Bosh aylanishi va quloqlarda shovqin hissi tez-tez yuzaga kelganda shifokor bilan maslahatlashish zarur. Eshitish to'satdan yomonlashganda yoki yo'qolganda kechiktirmasdan shifokorga murojaat qilish kerak.

Transport vositalarini va mexanizmlarni boshqarishga ta'siri

Markaziy asab tizimi tomonidan nojo'ya ta'sirlar rivojlanishi mumkinligini hisobga olib, transport vositalarini va yuqori diqqatni jamlash hamda psixomotor reaksiyalar tezligini talab qiluvchi boshqa texnik qurilmalarni boshqarishda ehtiyotkorlikka rioya qilish kerak.

• gipersezuvchanlik;
• gipokoagulyatsiya;
• bosh miya qon aylanishining o'tkir buzilishlari;
• o'tkir miokard infarkti;
• me'da va 12-barmoqli ichak yara kasalligi;
• eroziv gastrit;
• arterial gipotenziya;
• homiladorlik, laktatsiya davri;
• 18 yoshgacha bo'lganlar;
• saxaraza, izomaltaza yetishmovchiligi, fruktozaga toqat qilolmaslik, glyukoza-galaktoza malabsorbsiyasi.

Preparatni asetilsalitsil kislotasi, antikoagulyantlar (bevosita va bilvosita ta'sirga ega), shuningdek qon ivishini pasaytiruvchi preparatlarni doimiy qabul qilayotgan bemorlarga qo'llash tavsiya etilmaydi.

Qon ivishini pasaytiruvchi vositalarni bir vaqtda qabul qilayotgan bemorlarda qon ketishining yagona holatlari bo'lishi mumkin; ushbu qon ketishlarning Ginkgo ikki bo'lakli preparatlari qabul qilinishi bilan sababiy bog'liqligi tasdiqlanmagan.

Gipotenziv vositalar bilan qo'llanilganda antigipertenziv samara potentsiyalanishi mumkin.

Kattalarga 1 kapsuladan kuniga 3 marta buyuriladi. Kapsulalar ovqatdan keyin, oz miqdordagi suv bilan qabul qilinadi. Davolash kursining o'rtacha davomiyligi – 3 oy.