KAPSIKAM maz 50g

Teriga tez so'riladi, issiqlik hissi va terining qizarishini keltirib chiqaradi, natijada mushak tarangligi va og'riq kamayadi. Teri harorati 1-2 °C ga ko'tariladi, ta'sir 2-3 soat davom etadi. Og'riq qoldiruvchi ta'sir 30-40 daqiqa ichida boshlanadi va 3-6 soatgacha davom etadi.
Teri haroratining ko'tarilishi va qon aylanishining yaxshilanishi revmatik holatlar, lat yeyishlar, mushaklarning cho'zilishi va boshqa sport jarohatlarida ijobiy omillar hisoblanadi.
Takroriy qo'llanilganda ta'sir 10-14 kun saqlanib qoladi.

MedDRA uchrash tezligi bo‘yicha: juda tez-tez (>1/10), tez-tez (>1/100 dan <1/10 gacha), kamroq (>1/1000 dan <1/100 gacha), kam hollarda (≥1/10 000, <1/1000), juda kam hollarda (<1/10 000), tez-tezligi noma'lum (mavjud ma'lumotlar bo‘yicha aniqlab bo‘lmaydi).
Immun tizimi tomonidan
Tez-tezligi noma'lum: yuqori sezuvchanlik reaksiyalari.
Nerv tizimi tomonidan
Tez-tezligi noma'lum: terida achishish hissi.
Teri va teri osti to‘qimalari tomonidan
Kam hollarda: qichishish.
Noma'lum: eshakemi, shish, qizarish.
Bemor terisining maz tarkibiy qismlariga yuqori sezuvchanligida qichishish, shish yoki eshakemi paydo bo‘lishi mumkin. Zikr etilgan simptomlar mazni qo‘llash to‘xtatilgandan keyin 8-12 soat ichida yo‘qoladi.
Nojo‘ya ta'sirlarning oldini olish uchun terining preparatga sezuvchanligini tekshirish maqsadida oldindan teriga oz miqdorda maz surtish maqsadga muvofiqdir.

Mazni shikastlangan teriga surtish mumkin emas. Kuchli ta'sirlanishni oldini olish uchun mazni ko'zga yoki shilliq qavatlarga tushishiga yo'l qo'ymaslik kerak. Mazni ishlatishdan oldin va keyin issiq vanna qabul qilish tavsiya etilmaydi, chunki bu teri teshiklarining ochilishiga va achishish hissi paydo bo'lishiga yordam beradi. Yordamchi moddalar tsetostearil spirti emulsiyalovchi (A turi) va bronopol mahalliy teri reaktsiyalarini (shu jumladan kontakt dermatitni) chaqirishi mumkin. Bolalar va o'smirlarga qo'llash tavsiya etilmaydi, chunki ushbu yosh guruhlarida uni qo'llash xavfsizligi va samaradorligi to'g'risida yetarli ma'lumotlar yo'q. Homiladorlik va emizish davrida qo'llanilishi Maz homiladorlik va emizish davrida qo'llanilmaydi, chunki bu vaqtda qo'llash xavfsizligi to'g'risida tegishli ma'lumotlar yo'q. Transport vositalarini boshqarish va harakatlanuvchi mexanizmlarga xizmat ko'rsatish qobiliyatiga ta'siri Kapsikam transport vositalarini boshqarish va mexanizmlarga xizmat ko'rsatish qobiliyatiga ta'sir qilmaydi.

-Mazning qandaydir komponentiga teri sezuvchanligining oshishi,
-yaralar yoki teri kasalliklari.

O'zaro ta'sir bo'yicha tadqiqotlar o'tkazilmagan.

Sportchilar uchun isituvchi vosita sifatida: mushaklar sohasidagi teriga applikator yordamida 2-3 g maz surtiladi va massaj harakatlari bilan teriga qizarguncha ishqalanadi. Mashg'ulotdan keyin mazni teridan iliq suv bilan yuvib tashlash kerak.
Og'riqni yengillashtirish uchun terining og'riqli joyiga applikator yordamida surtiladi va og'riq intensivligiga qarab kuniga 2-3 marta 1-3 g maz ishqalanadi va bog'lam qo'yiladi, shu tariqa issiqlik samarasini kuchaytiradi. O'rtacha davolash kursi uchun 50-100 g maz sarflanadi.

Mazni har bir qo'llashdan keyin qo'llarni sovun bilan iliq suvda yuvish kerak.
Bolalarga: qo'llash tajribasi yo'q.