KEPPRA 0,1/ML eritma 300ml
KEPPRA 0,1/ML eritma 300ml qo'llanmasi
Farmakokinetikasi
Levetirasetam yuqori eruvchanlik va o'tkazuvchanlikka ega. Farmakokinetik profil chiziqli bo'lib, past o'zgaruvchanlikka ega hamda sog'lom ko'ngillilar va epilepsiyasi bo'lgan bemorlarda taqqoslanarli. Takroriy yuborilgandan so'ng klirensning o'zgarishi kuzatilmagan.
Farmakokinetikaning jins, irq va kun vaqtiga bog'liqligi kuzatilmagan. So'rilish to'liq sodir bo'ladi va chiziqli xususiyatga ega, buning sharofati bilan plazmadagi konsentratsiyani levetirasetamning tana vaznining mg/kg da ifodalangan qabul qilingan dozasidan kelib chiqqan holda oldindan aytish mumkin.
Kattalar va bolalarda so'lakdagi konsentratsiya va plazmadagi konsentratsiya o'rtasida sezilarli moslik kuzatilgan (so'lak/plazma konsentratsiyasi nisbati tabletkalar uchun 1 dan 1,7 gacha o'zgarib turgan va eritma uchun ichga qabul qilingandan 4 soat o'tgach shunga o'xshash bo'lgan).
So'rilishi
Ichga qabul qilingandan so'ng levetirasetam me'da-ichak yo'lidan yaxshi so'riladi. So'rilish darajasi dozaga va ovqat qabul qilish vaqtiga bog'liq emas. Biokiraolishligi taxminan 100% ni tashkil qiladi. Plazmadagi maksimal konsentratsiya (Smax) levetirasetam 1000 mg dozada peroral qabul qilingandan so'ng 1,3 soatdan keyin erishiladi va bir marta qabul qilinganda 31 mkg/ml ni, takroriy qabul qilinganda (sutkada 2 marta) - 43 mkg/ml ni tashkil qiladi.
Taqsimlanishi
Levetirasetam va uning asosiy metabolitining plazma oqsillari bilan bog'lanishi 10% dan kamni tashkil qiladi. Taqsimlanish hajmi (Vd) taxminan 0,5-0,7 l/kg ni tashkil qiladi.
Metabolizmi
Levetirasetam inson organizmida nofaol metabolizmga uchraydi. Metabolizmning asosiy yo'li (dozaning 24%) atsetamid guruhining fermentativ gidrolizi yo'li bilan sodir bo'ladi. Birlamchi farmakologik nofaol metabolit (ucb L057) ning hosil bo'lishi jigar sitoxrom P450 ishtirokisiz sodir bo'ladi. Atsetamid guruhining gidrolizi ko'p sonli to'qimalar, shu jumladan qon hujayralari uchun minimal bo'lgan.
Shuningdek ikkita ikkilamchi metabolit aniqlangan. Birinchisi pirrolidon siklining gidroksillanishi yo'li bilan (dozadan 1,6%) va ikkinchisi - pirrolidon siklining ochilishi yo'li bilan (dozadan 0,9%) olingan. Boshqa topilgan komponentlar dozaning 0,6% ini tashkil qiladi.
Levetirasetam gepatotsitlarning fermentativ faolligiga ta'sir qilmaydi. In vitro sharoitida levetirasetam va uning asosiy metaboliti sitoxrom P450 ning asosiy izofermentlarini (CYP3A4, 2А6, 2С9, 2С19, 2D6, 2Е1 va 1А2), shuningdek glyukuronil-transferaza (UGT1A1 va UGT1A6) va epoksid-gidroksilaza faolligini ingibitsiya qilmagan. Levetirasetam in vitro valproat kislotasining glyukuronlanishiga ham ta'sir qilmagan.
Inson gepatotsitlari kulturasida levetirasetam CYP1A2, SULT1E1 va UGT1A1 gepatotsitlarning fermentativ faolligiga ta'sir qilmaydi yoki juda kam ta'sir qiladi. Levetirasetam CYP2B6 va CYP3A4 ning arzimas induksiyasini keltirib chiqaradi.
Chiqarilishi
Preparatning katta qismi (95%) buyraklar orqali chiqariladi (taxminan 93% 48 soat ichida chiqariladi). Levetirasetam va uning asosiy metabolitining umumiy ekskretsiyasi ulushiga mos ravishda dozaning 66% va 24% to'g'ri kelgan. Levetirasetam va ucb L057 ning buyrak klirensi mos ravishda 0,6 va 4,2 ml/daq/kg ni tashkil qilgan. Bu levetirasetamning kalavachalar filtratsiyasi va keyinchalik naychalar reabsorbsiyasi yo'li bilan chiqarilishidan, shuningdek birlamchi metabolit kalavachalar filtratsiyasiga qo'shimcha ravishda faol naychalar sekretsiyasi yo'li bilan chiqarilishidan dalolat beradi. Levetirasetamning chiqarilishi kreatinin klirensi bilan korrelyatsiya qiladi.
Axlat bilan chiqarilishi dozaning 0,3% ini tashkil qiladi.
Umumiy klirensning o'rtacha qiymati 0,96 ml/daq/kg ni tashkil qiladi.
Katta yoshli odam qon plazmasidan yarim chiqarilish davri (Т1/2) 7 ± 1 soatni tashkil qiladi va yuborish usuli va dozalash rejimi yoki takroriy yuborishga bog'liq emas.
Keksa yoshdagi bemorlarda Т1/2 40% ga oshadi va 10-11 soatni tashkil qiladi, bu ushbu toifadagi odamlarda buyrak funksiyasining buzilishi bilan bog'liq.
Buyrak funksiyasi buzilgan bemorlarda levetirasetam va uning birlamchi metaboliti klirensi kreatinin klirensi bilan korrelyatsiya qiladi. Shuning uchun buyrak yetishmovchiligi bo'lgan bemorlarga kreatinin klirensi va buyrak yetishmovchiligi darajasiga qarab doza tanlash tavsiya etiladi. Katta yoshli bemorlarda terminal bosqichdagi buyrak yetishmovchiligida Т1/2 dializ seanslari orasidagi davrda 25 soatni va dializ vaqtida 3,1 soatni tashkil qiladi. 4 soatlik dializ seansi davomida 51% levetirasetam chiqarib tashlanadi.
Yengil va o'rta darajadagi og'irlikdagi jigar funksiyasi buzilgan bemorlarda levetirasetam klirensining sezilarli o'zgarishlari sodir bo'lmaydi. Buyrak yetishmovchiligi hamrohlik qilganda og'ir jigar funksiyasi buzilishlari bo'lgan ko'pchilik bemorlarda levetirasetam klirensi 50% dan ko'proqqa pasayadi.
4 yoshdan 12 yoshgacha bo'lgan bolalar
4-12 yoshdagi bolalarda tana vazniga 20 mg/kg dozada bir marta peroral yuborilgandan so'ng Т1/2 6 soatni tashkil qiladi. 4-12 yoshdagi bolalarda levetirasetamning umumiy klirensi kattalarga nisbatan taxminan 30% ga yuqori va tana vazniga to'g'ridan-to'g'ri bog'liq.
4-12 yoshdagi bolalarga tana vazniga 20-60 mg/kg dozada takroriy peroral yuborilgandan so'ng maksimal plazma konsentratsiyasiga 0,5-1,0 soatdan keyin erishiladi va chiziqli hamda dozaga proporsional ravishda oshadi. Umumiy klirensning o'rtacha qiymati 1,1 ml/daq/kg ni tashkil qiladi.
1 oylikdan 4 yoshgacha bo'lgan bolalar
1 oylikdan 4 yoshgacha bo'lgan bolalarda tana vazniga 20 mg/kg dozada 100 mg/ml konsentratsiyadagi ichga qabul qilish uchun eritma bir marta peroral yuborilgandan so'ng Т1/2 5,3 soatni tashkil qiladi. Maksimal plazma konsentratsiyasiga preparat qabul qilinganidan taxminan 1 soat o'tgach erishiladi. Umumiy klirensning o'rtacha qiymati 1,5 ml/daq/kg ni tashkil qiladi.
Populyatsion farmakokinetik tahlil 1 oylikdan 16 yoshgacha bo'lgan bemorlarda o'tkazilgan. Klirens va kuzatilgan taqsimlanish hajmi tana vazniga nisbatan sezilarli bog'liqlikka ega bo'lgan (klirens tana vazni ortishi bilan to'g'ridan-to'g'ri proporsional ravishda oshgan). Yosh ham ikkala parametrga ta'sir qilgan. Bu ta'sir erta yoshdagi bemorlar uchun yaqqolroq bo'lgan va yosh oshishi bilan kamayib, 4 yoshga kelib ahamiyatsiz bo'lib qolgan.
Nojo'ya samaralari
Quyida keltirilgan noxush hodisalar profili platsebo-nazorat qilinadigan tadqiqotlar natijalari tahliliga, shuningdek levetirasetamning postmarketing qo‘llash tajribasiga asoslangan. Eng tez-tez uchraydigan nojo‘ya reaksiyalar nazofaringit, uyquchanlik, bosh og‘rig‘i, toliqish va bosh aylanishi bo‘lgan. Levetirasetamning xavfsizlik profili umuman olganda kattalar va bolalarning turli yosh guruhlari uchun o‘xshashdir.
Nojo‘ya reaksiyalar quyida a'zolar va tizimlar hamda yuzaga kelish tez-tezligi bo‘yicha keltirilgan: juda tez-tez (≥1/10); tez-tez (≥1/100, <1/10); tez-tez emas (≥1/1000, <1/100); kam hollarda (≥1/10000, <1/1000).
MedDRA Tez-tezlik toifasi
Juda tez-tez Tez-tez Tez-tez emas Kam hollarda
Infektsiyalar va invaziyalar Nazofaringit Infektsiyalar
Qon va limfa tizimi tomonidan Trombositopeniya, leykopeniya Pantsitopeniya, agranulotsitoz, neytropeniya
Immun tizimi tomonidan Eozinofiliya va tizimli ko‘rinishlar bilan dori reaksiyasi (DRESS-sindrom)
Moddalar almashinuvi tomonidan Anoreksiya Tana vaznining kamayishi, tana vaznining ortishi Giponatriemiya
Ruhiy buzilishlar Depressiya, dushmanlik/ agressivlik, xavotir, uyqusizlik, asabiylik, ta'sirchanlik O‘z joniga qasd qilishga urinishlar, o‘z joniga qasd qilish niyatlari, psixotik buzilishlar, xulq-atvorning buzilishi, gallyutsinatsiyalar, g‘azablanish, ongning chalkashishi, hissiy labillik, kayfiyat o‘zgaruvchanligi, qo‘zg‘alish, vahima hujumlari O‘z joniga qasd qilish,
shaxsiyatning
buzilishi,
fikrlashning
buzilishi
Nerv tizimi tomonidan buzilishlar Uyquchanlik, bosh og‘rig‘i Talvasalar, muvozanatning buzilishi, bosh aylanishi, letargiya, tremor Amneziya, xotiraning yomonlashishi, koordinatsiyaning buzilishi/ ataksiya, paresteziyalar, diqqatni jamlashning pasayishi Xoreoatetoz, diskineziya, giperkineziya
Ko‘rish a'zosi tomonidan Diplopiya, ko‘rishning xiralashishi
Eshitish a'zosi tomonidan Vertigo
Nafas olish tizimi tomonidan Yo‘tal
Ovqat hazm qilish tizimi tomonidan Qorinda og‘riq, diareya, dispepsiya, qusish, ko‘ngil aynishi Pankreatit
Jigar va o‘t chiqarish yo‘llari tomonidan Jigar funktsional sinamalarining o‘zgarishi Jigar yetishmovchiligi, gepatit
Teri qoplamalari tomonidan Toshma Alopesiya, ekzema, qichishish Toksik epidermal nekroliz, Stivens-Djonson sindromi, ko‘p shaklli eritema
Suyak-mushak tizimi tomonidan Mialgiya, mushak zaifligi
Umumiy buzilishlar Asteniya/toliqish
Jarohatlar, muolajalar asoratlari Tasodifiy shikastlanishlar
Anoreksiya xavfi levetirasetam va topiramat bir vaqtda qo‘llanilganda yuqoriroq.
Bir qator hollarda levetirasetam bekor qilingandan keyin soch qoplamining tiklanishi kuzatilgan.
Pantsitopeniyaning ba'zi hollarida suyak iligi susayishi qayd etilgan.
Platsebo-nazorat qilinadigan klinik tadqiqotlarda bolalarda xavfsizlik profili kattalardagi levetirasetam xavfsizlik profili bilan solishtirib bo‘ladigan darajada bo‘lgan. 4 yoshdan 16 yoshgacha bo‘lgan bolalar va o‘smirlarda quyidagi nojo‘ya reaksiyalar tez-tez qayd etilgan: qusish (juda tez-tez, 11,2%), qo‘zg‘alish (tez-tez, 3,4%), kayfiyat o‘zgaruvchanligi (tez-tez, 2,1%), hissiy labillik (tez-tez, 1,7%), agressivlik (tez-tez, 8,2%), xulq-atvor buzilishlari (tez-tez, 5,6%) va letargiya (tez-tez, 3,9%). 1 oylikdan 4 yoshgacha bo‘lgan bolalarda quyidagi nojo‘ya reaksiyalar tez-tez qayd etilgan: ta'sirchanlik (juda tez-tez, 11,7%) va koordinatsiyaning buzilishi (tez-tez, 3,3%).
Maqsadi preparat xavfsizlik bo‘yicha platsebodan qolishmasligini ko‘rsatish bo‘lgan ikki marta ko‘r-ko‘rona platsebo-nazorat qilinadigan tadqiqotda partsial xurujlari bo‘lgan 4 yoshdan 16 yoshgacha bo‘lgan bolalarda Keppra® preparatining kognitiv va neyropsixologik samaralari baholangan. Tadqiqot natijalariga ko‘ra, tadqiqotni protokolga muvofiq o‘tagan bemorlarda Leyter-R (Leiter-R) shkalasining "Diqqat va Xotira" va "Kombinatsiyalangan Xotira Skriningi" bo‘limlari bo‘yicha ballar yig‘indisining o‘zgarishi bo‘yicha Keppra® preparati platsebodan farq qilmagan (undan qolishmagan) degan xulosaga kelingan.
Tasdiqlashdan o‘tgan vosita - Achenbax (Achenbach) so‘rovnomasi yordamida xulq-atvor va hissiy holatni tahlil qilish natijasida Keppra® preparatini qabul qilayotgan bemorlar guruhida agressiv xulq-atvor aniqlangan. Biroq, tadqiqotning ochiq fazasida uzoq muddatli kuzatuv davomida Keppra® preparatini qabul qilgan bemorlar xulq-atvor va hissiy holatning yomonlashishini namoyish etmagan, xususan, agressiv xulq-atvor ko‘rsatkichlari boshlang‘ich darajaga nisbatan yomonlashmagan.
Maxsus saqlash sharoitlari
Terapiyani bekor qilish
Agar preparat qabul qilishni to'xtatish talab etilsa, davolashni bekor qilishni asta-sekin amalga oshirish (kattalar va tana vazni 50 kg dan ortiq o'smirlarda), bir martalik dozani har 2-4 haftada 500 mg ga kamaytirib borish tavsiya etiladi. Bolalarda doza kamaytirilishi har 2 haftada sutkada 2 marta tana vazniga 10 mg/kg dan oshmasligi kerak, 6 oylikkacha bo'lgan bolalarda doza kamaytirilishi har 2 haftada sutkada 2 marta tana vazniga 7 mg/kg dan oshmasligi kerak.
Yo'ldosh epilepsiyaga qarshi dori preparatlarini (bemorlarni levetiratsitam qabul qilishga o'tkazish davrida) asta-sekin bekor qilish maqsadga muvofiqdir. Preparatni bolalarda qo'llash bo'yicha mavjud ma'lumotlar uning rivojlanish va jinsiy yetilishga biron-bir salbiy ta'siridan dalolat bermaydi. Biroq davolashning bolalarning o'qish qobiliyatiga, ularning intellektual rivojlanishiga, o'sishiga, endokrin bezlar funktsiyalariga, jinsiy rivojlanish va fertillikka uzoq muddatli oqibatlari noma'lumligicha qolmoqda.
Jigar va buyrak kasalliklari
Buyrak kasalliklari va jigar dekompensatsiyalangan kasalliklari bo'lgan bemorlarga davolashni boshlashdan oldin buyrak funktsiyasini tekshirish tavsiya etiladi. Buyrak funktsiyasi buzilishida dozani to'g'irlash talab etilishi mumkin.
Suitsidal niyatlar
Levetiratsitam bilan davolashda suitsid, suitsidal niyatlar va suitsidga urinishlar holatlari haqida mavjud xabarlar munosabati bilan bemorlarni depressiyaning har qanday simptomlari yoki suitsidal niyatlar paydo bo'lganligi haqida davolovchi shifokorga darhol xabar berish zarurligi to'g'risida ogohlantirish kerak.
Ichga qabul qilish uchun eritma maltitol saqlaydi, shuning uchun fruktozaga tolerantligi buzilgan bemorlarga Keppra® preparatini tegishli dori shaklida qabul qilish mumkin emas.
Ichga qabul qilish uchun eritma shuningdek metilparagidroksibenzoat va propilparagidroksibenzoat saqlaydi, ular allergik reaktsiyalarning (ehtimol kechiktirilgan ta'sirli) sababi bo'lishi mumkin.
Transport vositalarini va boshqa mexanizmlarni boshqarish qobiliyatiga ta'siri:
Keppra® preparatining avtotransportni boshqarish va mexanizmlarni boshqarish qobiliyatiga ta'siri maxsus o'rganilmagan. Shunga qaramay, markaziy nerv tizimi tomonidan preparatga turli individual sezuvchanlik tufayli davolash davrida (ba'zi bemorlarda uyquchanlik kuzatilishi mumkin), avtotransportni boshqarishdan va diqqatni yuqori jamlashni hamda psixomotor reaktsiyalar tezligini talab qiluvchi potentsial xavfli faoliyat turlari bilan shug'ullanishdan saqlanish zarur.
Qo'llanilishi mumkin bo'lmagan holatlar
- Levetiratsetamga yoki boshqa pirrolidon hosilalariga, shuningdek preparatning har qanday komponentiga yuqori sezuvchanlik;
- fruktozaga tolerantlikning buzilishi;
- 1 oylikkacha bo'lgan bolalar (xavfsizlik va samaradorlik aniqlanmagan).
Ehtiyotkorlik bilan:
- Keksa yoshdagi bemorlar (65 yoshdan oshgan);
- dekompensatsiya bosqichidagi jigar kasalliklari;
- buyrak yetishmovchiligi.
Homiladorlik va laktatsiya:
Homiladorlik
Bir nechta prospektiv homiladorlik registrlaridan olingan postmarketing ma'lumotlarida homiladorlikning birinchi trimestrida levetiratsetam bilan monoterapiya tayinlashning 1000 dan ortiq holatlari qayd etilgan.
Umuman olganda, ushbu ma'lumotlar jiddiy tug'ma rivojlanish nuqsonlari xavfining sezilarli oshishidan dalolat bermaydi, garchi teratogen xavfni to'liq istisno qilib bo'lmasa ham. Bir nechta epileptikaga qarshi vositalar bilan terapiya tug'ma rivojlanish nuqsonlari paydo bo'lishining monoterapiyaga qaraganda yuqori xavfi bilan bog'liq, shu sababli homilador ayollarda monoterapiya maqsadga muvofiqroqdir.
Homilador ayollarda levetiratsetamni qo'llash xavfsizligi bo'yicha adekvat va qat'iy nazorat qilinadigan klinik tadqiqotlar o'tkazilmagan, shuning uchun preparatni homiladorlik vaqtida va tug'ish yoshidagi ayollarga tayinlamaslik kerak, klinik zarurat holatlari bundan mustasno.
Homiladorlik vaqtida ayol organizmidagi fiziologik o'zgarishlar levetiratsetamning ham, boshqa epileptikaga qarshi preparatlarning ham plazmadagi konsentratsiyasiga ta'sir qilishi mumkin. Homiladorlik vaqtida plazmada levetiratsetam konsentratsiyasining pasayishi qayd etilgan. Ushbu pasayish uchinchi trimestrda yaqqolroq namoyon bo'ladi (uchinchi trimestr davomida bazaviy konsentratsiyadan 60% gacha). Homiladorlarni levetiratsetam bilan davolashni alohida nazorat ostida o'tkazish kerak. Epileptikaga qarshi terapiyani o'tkazishdagi tanaffuslar kasallik kechishining yomonlashishiga olib kelishi mumkin, bu ham ona, ham homila sog'lig'iga zarar yetkazishi mumkin.
Homilador ayollarda levetiratsetamni qo'llash oqibatlarini monitoring qilishni amalga oshirish uchun shifokorlarga ushbu bemorlar ma'lumotlarini Yevropa va Xalqaro epileptikaga qarshi preparatlar bo'yicha registrda (BURAP) ro'yxatdan o'tkazish tavsiya etiladi.
Emizish davri
Levetiratsetam ko'krak suti bilan ajralib chiqadi, shuning uchun preparat bilan davolashda emizish tavsiya etilmaydi. Biroq, agar emizish davrida levetiratsetam bilan davolash zarur bo'lsa, davolashning xavf/foyda nisbati emizishning muhimligiga nisbatan sinchkovlik bilan o'lchanishi kerak.
Fertillik
Hayvonlarda o'tkazilgan tadqiqotlarda fertillikka ta'siri aniqlanmagan. Fertillikka ta'siri bo'yicha klinik ma'lumotlar yo'q, odam uchun potensial xavf noma'lum.
Dori vositalarining o'zaro ta'siri
Tutqanoqqa qarshi preparatlar
Levetiratsetam tutqanoqqa qarshi preparatlarning (fenitoin, karbamazepin, valproat kislotasi, fenobarbital, lamotridjin, gabapentin, topiramat va primidon) plazmadagi kontsentratsiyasiga ta'sir qilmaydi va ushbu tutqanoqqa qarshi preparatlar levetiratsetam kontsentratsiyasiga ta'sir qilmaydi.
Levetiratsetam klirensi jigar mikrosomal fermentlari induktorlari - tirishishga qarshi vositalarni qabul qilayotgan bolalarda ularni qabul qilmaydigan bolalarga nisbatan 22% ga yuqori bo'lgan,
Probenetsid
Probenetsid 500 mg dozada kuniga 4 marta qabul qilinganda birlamchi metabolitning buyrak sekretsiyasi pasayishi kuzatilgan. Levetiratsetamning probenetsid bilan bir vaqtda qabul qilingandagi ta'siri o'rganilmagan, shuningdek u nosteroid yallig'lanishga qarshi vositalar, sulfanilamidlar va metotreksat kabi preparatlar bilan qabul qilinganda noma'lum.
Homiladorlikka qarshi preparatlar va boshqa farmakokinetik o'zaro ta'sirlar
Sutkalik 1000 mg dozadagi levetiratsetam peroral homiladorlikka qarshi vositalar (etinilestradiol va levonorgestrel) farmakokinetikasini o'zgartirmaydi.
Sutkalik 2000 mg dozadagi levetiratsetam digoksin va varfarin farmakokinetikasini o'zgartirmaydi.
Digoksin, peroral homiladorlikka qarshi vositalar va varfarin levetiratsetam farmakokinetikasiga ta'sir qilmaydi.
Antatsidlar
Antatsidlarning levetiratsetam absorbsiyasiga ta'siri haqida ma'lumotlar yo'q.
Ovqat qabul qilish va alkogol
Levetiratsetam so'rilishining to'liqligi ovqat ta'sirida o'zgarmaydi, bunda so'rilish tezligi biroz pasayadi.
Levetiratsetamning alkogol bilan o'zaro ta'siri bo'yicha ma'lumotlar yo'q.
Dozirovkasi
Preparatning sutkalik dozasi ikki qabulga bir xil dozada bo'linadi.
Monoterapiya
Kattalar va 16 yoshdan katta o'smirlarga davolashni 500 mg sutkalik dozadan boshlash kerak, 2 qabulga bo'lingan holda (250 mg dan kuniga 2 marta). 2 haftadan keyin doza boshlang'ich terapevtik - 1000 mg gacha (500 mg dan kuniga 2 marta) oshirilishi mumkin. Maksimal sutkalik doza 3000 mg ni tashkil qiladi (1500 mg dan kuniga 2 marta).
Qo'shimcha terapiya tarkibida
18 yoshdan katta kattalar va o'smirlarga (12 dan 17 yoshgacha) tana vazni 50 kg dan ortiq bo'lganda davolashni 1000 mg sutkalik dozadan boshlash kerak, 2 qabulga bo'lingan holda (500 mg dan kuniga 2 marta). Klinik reaksiya va preparatni o'zlashtirishga qarab sutkalik doza maksimalgacha - 3000 mg (1500 mg dan kuniga 2 marta) oshirilishi mumkin. Dozani 500 mg ga kuniga 2 marta o'zgartirish har 2-4 haftada amalga oshirilishi mumkin.
6 oylikdan 23 oylikkacha bo'lgan bolalar, 2 yoshdan 11 yoshgacha bo'lgan bolalar va 12 yoshdan 17 yoshgacha bo'lgan o'smirlarga tana vazni 50 kg dan kam bo'lganda
Davolashni 20 mg/kg tana vazni dozasidan boshlash kerak, 2 qabulga bo'lingan holda (10 mg/kg tana vazni kuniga 2 marta). Klinik reaksiya va preparatni o'zlashtirishga qarab sutkalik doza 30 mg/kg gacha kuniga 2 marta oshirilishi mumkin. Dozani 20 mg/kg tana vazniga (10 mg/kg tana vazni kuniga 2 marta) o'zgartirish har 2 haftada amalga oshirilishi mumkin. Minimal samarali dozani qo'llash kerak.
Bolalar (6 oylikdan) va o'smirlar uchun tavsiya etilgan dozalar:
Tana vazni Boshlang'ich doza
10 mg/kg, kuniga 2 marta Maksimal doza
30 mg/kg, kuniga 2 marta
6 kg(1) 60 mg (0,6 ml) kuniga 2 marta 180 mg (1,8 ml) kuniga 2 marta
10 kg(1) 100 mg (1 ml) kuniga 2 marta 300 mg (3 ml) kuniga 2 marta
15 kg(1) 150 mg (1,5 ml) kuniga 2 marta 450 mg (4,5 ml) kuniga 2 marta
20 kg(1) 200 mg (2 ml) kuniga 2 marta 600 mg (6 ml) kuniga 2 marta
25 kg 250 mg kuniga 2 marta 750 mg kuniga 2 marta
50 kg dan(2) 500 mg kuniga 2 marta 1500 mg kuniga 2 marta
(1) Tana vazni 25 kg yoki undan kam bo'lgan bolalarga davolashni Keppra® 100 mg/ml eritmasini ichishga qabul qilishdan boshlash afzalroq.
(2) Tana vazni 50 kg dan ortiq bo'lgan bolalar va o'smirlar uchun dozalash kattalardagi kabi.
1 oylikdan 5 oylikkacha bo'lgan bolalar
Boshlang'ich davolash dozasi 7 mg/kg ga teng kuniga ikki marta.
Klinik samaradorlik va o'zlashtirishga qarab, doza 21 mg/kg gacha kuniga ikki marta oshirilishi mumkin. Dozani o'zgartirish har ikki haftada kuniga ikki marta 7 mg/kg dan oshmasligi yoki kamaymasligi kerak. Minimal samarali dozani tayinlash kerak.
6 oygacha bo'lgan bolalar uchun dozalash bo'yicha tavsiyalar:
Tana vazni Boshlang'ich doza:
7 mg/kg kuniga ikki marta Maksimal doza:
21 mg/kg kuniga ikki marta
4 kg 28 mg (0,3 ml) kuniga ikki marta 84 mg (0,85 ml) kuniga ikki marta
5 kg 35 mg (0,35 ml) kuniga ikki marta 105 mg (1,05 ml) kuniga ikki marta
7 kg 49 mg (0,5 ml) kuniga ikki marta 147 mg (1,5 ml) kuniga ikki marta
Eritmani dozalash preparatni yetkazib berish to'plamiga kiradigan o'lchov shpritslari yordamida amalga oshiriladi.
Quyidagi nominal hajmli shpritslar mavjud;
- 10 ml (1000 mg levetirasetamga mos keladi) va 4 yosh va undan katta bolalar, o'smirlar va kattalar uchun 0,25 ml bo'lish qiymatiga (25 mg ga mos keladi) ega;
- 3 ml (300 mg ga mos keladi) 6 oylikdan 4 yoshgacha bo'lgan bolalar uchun 0,1 ml bo'lish qiymatiga (10 mg ga mos keladi) ega;
- 1 ml (100 mg ga mos keladi) va 1 oylikdan 6 oylikkacha bo'lgan bolalar uchun 0, 05 ml bo'lish qiymatiga (5 mg ga mos keladi) ega.
O'lchangan preparat dozasi bir stakan suvda yoki bolalar shishasida suyultiriladi.
O'lchov shpritsi yordamida eritmani dozalash bo'yicha yo'riqnoma:
- Flakonni oching: buning uchun qopqoqni bosing va uni soat miliga teskari burang (1-rasm).
- Shprits adapterini flakon bo'yniga kiriting, yaxshi mahkamlanganligiga ishonch hosil qiling, so'ngra shpritsni oling va uni adapterga joylashtiring (2-rasm).
- Flakonni tubi bilan yuqoriga aylantiring (3-rasm).
- Porshenni pastga tortib, shpritsni oz miqdordagi eritma bilan to'ldiring (4-rasm), so'ngra havo pufakchalarini chiqarish uchun porshenni yuqoriga bosing (5-rasm).
- Porshenni shifokor tomonidan tayinlangan eritma dozasining millilitrlar miqdoriga mos keladigan bo'limigacha tortib, shpritsni eritma bilan to'ldiring (6-rasm).
- Flakonni bo'yni bilan yuqoriga aylantiring va shpritsni adapterdan chiqaring.
- Shprits ichidagisini porshenni oxirigacha bosib, suvli stakanga yoki bolalar shishasiga kiriting (7-rasm).
- Stakan (yoki bolalar shishasi) ichidagisini to'liq iching.
- Shpritsni suv bilan yuving (8-rasm).
- Flakonni plastik qopqoq bilan yoping.
Buyrak yetishmovchiligi bo'lgan bemorlar
Levetirasetam organizmdan buyraklar orqali chiqarilganligi sababli, preparatni buyrak yetishmovchiligi bo'lgan bemorlarga va keksa yoshdagi bemorlarga (65 yosh va undan katta) buyurishda dozani kreatinin klirensi qiymatiga qarab to'g'rilash kerak.
Erkaklar uchun kreatinin klirensini (KK) zardob kreatinini konsentratsiyasidan kelib chiqqan holda quyidagi formula bo'yicha hisoblash mumkin:
KK (ml/daq) = [140 - yosh (yillar)] * tana vazni (kg) / 72 x KKzardob (mg/dl)
Ayollar uchun kreatinin klirensini olingan qiymatni 0,85 koeffitsientiga ko'paytirib hisoblash mumkin.
Keyin KK tana yuzasi maydonini (TYuM) hisobga olgan holda quyidagi formula bo'yicha to'g'rilanadi:
KK (ml/daq/1,73 m2) = KK (ml/daq) x 1,73 / TYuM ob'ekti (m2)
Buyrak yetishmovchiligi KK
(ml/daq/1,73 m2) Dozalash tartibi
Norma >80 500 dan 1500 mg gacha kuniga 2 marta
Yengil 50-79 500 dan 1000 mg gacha kuniga 2 marta
O'rtacha 30-49 250 dan 750 mg gacha kuniga 2 marta
Og'ir <30 250 dan 500 mg gacha kuniga 2 marta
Terminal bosqich (dializda bo'lgan bemorlar*) 500 dan 1000 mg gacha kuniga 1 marta**
*Davolashning birinchi kunida 750 mg to'yintiruvchi dozani qabul qilish tavsiya etiladi.
** Dializdan keyin 250-500 mg qo'shimcha doza qabul qilish tavsiya etiladi.
Buyrak yetishmovchiligi bo'lgan bolalarga levetirasetam dozasini to'g'rilashni buyrak yetishmovchiligi darajasini hisobga olgan holda amalga oshirish kerak.
Kreatinin klirensi (ml/daq/1,73 m2) o'smirlar, bolalar va yangi tug'ilgan chaqaloqlar uchun zardob kreatininini (mg/dl) aniqlash asosida, quyidagi formuladan foydalangan holda baholanishi mumkin (Shvars formulasi):
KK (ml/daq/1,73 m2) = Bo'y (sm) x ks / KK zardob (mg/dl)
ks=0,45 1 yoshgacha bo'lgan bolalar uchun; ks=0,55 13 yoshgacha bo'lgan bolalar va qiz o'smirlar uchun, ks=0,7 o'g'il o'smirlar uchun.
Tana vazni 50 kg dan kam bo'lgan buyrak funksiyasi buzilgan yangi tug'ilgan chaqaloqlar, bolalar va o'smirlar uchun dozalash
Buyrak yetishmovchiligi KK
(ml/daq/1,73 m2) Dozalash tartibi
Yosh 1 oylikdan 6 oylikkacha Yosh 6 oylikdan 23 oylikkacha
Norma >80 7-21 mg/kg (0,07- 0,21 ml/kg) kuniga 2 marta 10-30 mg/kg (0,10-0,30 ml/kg) kuniga 2 marta
Yengil 50-79 7-14 mg/kg (0,07-0,14 ml/kg) kuniga 2 marta 10-20 mg/kg (0,10-0,20 ml/kg) kuniga 2 marta
O'rtacha 30-49 3,5-10,5 mg/kg (0,035-0,105 ml/kg) kuniga 2 marta 5-15 mg/kg (0,05-0,15 ml/kg) kuniga 2 marta
Og'ir <30 3,5-7 mg/kg (0,035-0,07 ml/kg) kuniga 2 marta 5-10 mg/kg (0,05-0,10 ml/kg) kuniga 2 marta
Terminal bosqich (dializda bo'lgan bemorlar) 7-14 mg/kg (0,07-0,14 ml/kg) kuniga 1 marta (1) (3) 10-20 mg/kg (0,10-0,20 ml/kg) kuniga 1 marta (2) (4)
(1) 10,5 mg/kg (0,105 ml/kg) davolashning birinchi sutkasida tavsiya etilgan yuklama doza
(2) 15 mg/kg (0,15 ml/kg) davolashning birinchi sutkasida tavsiya etilgan yuklama doza
(3) dializdan keyin tavsiya etilgan ushlab turuvchi doza 3,5-7 mg/kg (0,035-0,07 ml/kg)
(4) dializdan keyin tavsiya etilgan ushlab turuvchi doza 5-10 mg/kg (0,05-0,10 ml/kg)
Jigar funksiyasining yengil va o'rtacha darajadagi buzilishi bo'lgan bemorlarga dozalash tartibini to'g'rilash talab qilinmaydi. Jigar funksiyasining og'ir dekompensatsiyalangan buzilishi va buyrak yetishmovchiligi bo'lgan bemorlarda kreatinin klirensining pasayish darajasi buyrak yetishmovchiligining og'irlik darajasini to'liq aks ettirmasligi mumkin. Bunday hollarda kreatinin klirensi <60 ml/daq/1,73 bo'lganda sutkalik dozani 50% ga kamaytirish tavsiya etiladi.Dozani oshirib yuborishSimptomlari: uyquchanlik, ajitatsiya, agressivlik, ongning susayishi, nafas olishning susayishi, koma.
Davolash: o'tkir davrda - sun'iy qusishni chaqirish va me'dani yuvish, keyinchalik faollashtirilgan ko'mirni tayinlash. Levetirasetam uchun o'ziga xos antidot yo'q. Zarurat bo'lganda stasionar sharoitida gemodializdan foydalangan holda simptomatik davolash o'tkaziladi (dializ samaradorligi levetirasetam uchun 60%, uning birlamchi metaboliti uchun - 74% ni tashkil qiladi).
Hajm/og'irlik
KEPPRA 0,1/ML eritma 300ml o'xshash dorilari
KEPPRA 0,1/ML eritma 300ml xususiyatlari
Keppra boshqa chiqarish shakllari
KEPPRA 0,1/ML eritma 300ml analoglari
