KETOTIFEN 0,001 tabletkalari N30

Me'da-ichak yo'lidan deyarli to'liq so'riladi, biokiraolishligi jigar orqali "birinchi o'tish" effekti tufayli taxminan 50% ni tashkil qiladi. Maksimal konsentratsiyaga erishish vaqti (TSmax) 2-4 soat. Plazma oqsillari bilan bog'lanishi taxminan 75% ni tashkil qiladi. Gematoensefalik to'siq orqali o'tadi, ko'krak sutiga kiradi. Taqsimlanish hajmi - 2.7 l/kg.

Qabul qilingan dozaning taxminan 60% jigarda uchta yo'l bilan: demetillanish, N-oksidlanish, N-glyukurokon'yugatsiya orqali quyidagi metabolitlargacha metabolizmga uchraydi: ketotifen - N-glyukuronid (farmakologik jihatdan nofaol), nor-ketotifen (ketotifen faolligiga o'xshash farmakologik faollik bilan), ketotifen N-oksidi va 10-gidroksi-ketotifen (farmakologik faolligi noma'lum).

Buyraklar orqali - taxminan 70% nofaol metabolitlar ko'rinishida, 0,8% - o'zgarmagan holda chiqariladi. Chiqarilishi - ikki fazali: birinchi fazaning yarim chiqarilish davri 3-5 soatni, ikkinchisiniki - taxminan 21 soatni tashkil qiladi.

Bolalardagi metabolizm tezroq klirensdan tashqari kattalardagidan farq qilmaydi, shuning uchun 3 yoshdan oshgan bolalarga kattalar uchun sutkalik doza kerak.

Quyida tavsiflangan nojo‘ya ta'sirlar a'zolar va tizimlar hamda tez-tezlik bo‘yicha tasniflangan. Nojo‘ya ta'sirlar tez-tezlik bo‘yicha quyidagicha tasniflanadi: juda tez-tez (≥ 1/10), tez-tez (≥ 1/100 va < 1/10), tez-tez emas (≥ 1/1 000 va < 1/100), kam hollarda (≥ 1/10 000 va < 1/1 000) va juda kam hollarda (< 1/10 000).

Infektsiyalar: tez-tez emas - tsistit.

Immun tizimi tomonidan buzilishlar: juda kam hollarda - og‘ir teri reaksiyalari, ko‘p shaklli ekssudativ eritema, Stivens-Djonson sindromi.

Metabolizm va oziqlanish tomonidan buzilishlar: kam hollarda - tana vaznining ortishi.

Ruhiy buzilishlar: tez-tez - qo‘zg‘alish, ta'sirchanlik, uyqusizlik, bezovtalik.

Nerv tizimi tomonidan buzilishlar: tez-tez emas - bosh aylanishi, bosh og‘rig‘i; kam hollarda - sedativ ta'sir (bo‘shashish, reaksiyaning sekinlashishi); juda kam hollarda - talvasalar.

Me'da-ichak yo‘llari tomonidan buzilishlar: tez-tez emas - og‘iz qurishi, ko‘ngil aynishi, qusish, diareya.

Gepatobiliar buzilishlar: juda kam hollarda - jigar fermentlari faolligining oshishi, gepatit.

Davolash boshida og‘iz qurishi va bosh aylanishi paydo bo‘lishi mumkin, ammo ular odatda davolash jarayonida o‘z-o‘zidan o‘tib ketadi. Kamdan-kam hollarda markaziy nerv tizimi stimulyatsiyasi simptomlari, masalan, qo‘zg‘alish, ta'sirchanlik, uyqusizlik va bezovtalik, ayniqsa bolalarda, asabiylik, yuqori toliqish, uyquchanlik kuzatiladi.

Astmaga qarshi preparatlar, ayniqsa tizimli glyukokortikosteroidlar bilan oldingi davolashni ketotifen terapiyaga qo'shilgandan keyin keskin bekor qilish istalmagan, bekor qilish kamida 2 hafta davomida, dozalarni asta-sekin kamaytirib o'tkaziladi. Steroidga qaramligi bo'lgan bemorlarda buyrak usti bezi yetishmovchiligi rivojlanishi kuzatilishi mumkin.

Bronxial astma xurujini bartaraf etish uchun tayinlanmaydi.

Ketotifen tirishish faolligi bo'sag'asini pasaytiradi, shuning uchun uni anamnezida tirishish epizodlari bo'lgan bemorlarga alohida ehtiyotkorlik bilan tayinlash zarur.

Sedativ ta'sirga sezgir shaxslarga birinchi ikki haftada preparat kichik dozalarda tayinlanadi.

Peroral gipoglikemik dori vositalarini bir vaqtda qabul qilayotgan bemorlarda periferik qon trombotsitlari sonini nazorat qilish kerak.

Transport vositalarini va boshqa mexanizmlarni boshqarish qobiliyatiga ta'siri:

Davolash davrida avtotransportni boshqarishdan va diqqatni yuqori jamlashni hamda psixomotor reaktsiyalar tezligini talab qiluvchi potentsial xavfli faoliyat turlari bilan shug'ullanishdan saqlanish zarur.

- Faol moddaga yoki preparatning har qanday yordamchi moddasiga yuqori sezuvchanlik;

- Homiladorlikning I trimestri, emizish davri:

- 3 yoshgacha bo'lgan bolalar (ushbu dori shakli uchun).

Ehtiyotkorlik bilan:

Homiladorlikning II va III trimestrlari, epilepsiya, anamnezda tirishish epizodlari, jigar yetishmovchiligi.

Homiladorlik va laktatsiya:

Homiladorlikning I trimestrida preparatni qo'llash mumkin emas. Homiladorlikning II va III trimestrlarida ketotifenni ehtiyotkorlik bilan va faqat ona uchun kutilayotgan foyda homila uchun potensial xavfdan yuqori bo'lgan hollarda qo'llash kerak.

Agar laktatsiya davrida ketotifenni qo'llash zarur bo'lsa, emizishni to'xtatish kerak.

Ketotifen va peroral diabetga qarshi vositalar bir vaqtda qo'llanilganda qaytuvchan trombotsitopeniya rivojlanish xavfi mavjud. Bunday bemorlarga trombotsitlar sonini kuzatib borish tavsiya etiladi.

Ketotifen markaziy asab tizimini bostiruvchi boshqa dori preparatlari (sedativ, uxlatuvchi) ta'sirini kuchaytirishi mumkin.

Ketotifenni boshqa antigistamin preparatlar bilan bir vaqtda qo'llash ularning ta'sirining o'zaro kuchayishiga olib kelishi mumkin.

Ketotifen bilan davolash vaqtida alkogol iste'mol qilishdan saqlanish kerak, chunki u ketotifenning markaziy asab tizimiga susaytiruvchi ta'sirini kuchaytiradi.