KOKARNIT liofilizat 187,125mg+2ml N3

Trifosadenin

Parenteral yuborilgandan so'ng organlar hujayralariga kiradi, u yerda energiya ajralib chiqishi bilan adenozin va noorganik fosfatga parchalanadi. Keyinchalik parchalanish mahsulotlari ATF resinteziga qo'shiladi.

Kokarboksilaza

Mushak ichiga yuborilgandan so'ng tez so'riladi. Organizmning aksariyat to'qimalariga kirib boradi. Metabolik parchalanishga uchraydi. Metabolizm mahsulotlari asosan buyraklar orqali chiqariladi.

Sianokobalamin

Qonda sianokobalamin transkobalamin I va II bilan bog'lanadi, ular uni to'qimalarga tasiydi. Asosan jigarda to'planadi. Plazma oqsillari bilan bog'lanishi 90 %. Mushak ichiga va teri ostiga yuborilgandan so'ng tez va to'liq so'riladi. Maksimal konsentratsiyaga mushak ichiga yuborilgandan so'ng 1 soatdan keyin erishiladi.

Jigardan safro bilan ichakka chiqariladi va qonga qayta so'riladi. Yarim chiqarilish davri – 500 kun. Buyrak funksiyasi normal bo'lganda – 7-10% buyraklar orqali, taxminan 50 % - ichak orqali chiqariladi. Buyrak funksiyasi pasayganda – 0-7 % buyraklar orqali, 70-100 % - ichak orqali. Yo'ldosh to'sig'i orqali, ko'krak sutiga o'tadi.

Nikotinamid

Barcha to'qimalarda tez taqsimlanadi. Yo'ldosh to'sig'i orqali va ko'krak sutiga o'tadi. Jigarda nikotinamid-N-metilnikotinamid hosil bo'lishi bilan metabolizmga uchraydi. Buyraklar orqali chiqariladi.

Plazmadan yarim chiqarilish davri taxminan 1,3 soatni, stasionar taqsimlanish hajmi – taxminan 60 litrni, umumiy klirens – taxminan 0,6 l/daqiqani tashkil qiladi.

Noxush nojo‘ya reaksiyalar paydo bo‘lish tez-tezligi JSST tasnifiga muvofiq keltirilgan: juda tez-tez (1/10 dan ko‘p); tez-tez (1/10 dan kam, lekin 1/100 dan ko‘p); tez-tez emas (1/100 dan kam, lekin 1/1000 dan ko‘p); kam hollarda (1/1000 dan kam, lekin 1/10000 dan ko‘p); juda kam hollarda (1/10000 dan kam), shu jumladan alohida holatlar; tez-tezligi noma'lum.

Immun tizimi tomonidan: kam hollarda - allergik reaksiyalar (teri toshmasi, nafas olishning qiyinlashishi, anafilaktik shok, Kvinke shishi.

Nerv tizimi tomonidan: juda kam hollarda - bosh aylanishi, bosh og‘rig‘i, qo‘zg‘alish, ongning chalkashishi.

Yurak tomonidan: juda kam hollarda — taxikardiya; alohida hollarda bradikardiya, aritmiya; tez-tezligi noma'lum – yurak sohasida og‘riqlar

Tomirlar tomonidan: tez-tezligi noma'lum - yuz va tananing yuqori yarmi terisining sanchish va achishish hissi bilan qizarishi, «qizib ketishlar».

Me'da-ichak yo‘llari tomonidan: juda kam hollarda – qusish, diareya.

Teri va teri osti to‘qimalari tomonidan: juda kam hollarda - ko‘p terlash, akne, qichishish, eshakemi.

Skelet-mushak va biriktiruvchi to‘qima tomonidan: juda kam hollarda - talvasalar.

Umumiy buzilishlar va yuborish joyidagi buzilishlar: juda kam hollarda - preparat yuborilgan joyda ta'sirlanish, og‘riq va achishish, holsizlik yuzaga kelishi mumkin.

Agar ko‘rsatilgan har qanday noxush reaksiyalar kuchaysa yoki yo‘riqnomada ko‘rsatilmagan har qanday boshqa noxush reaksiyalar paydo bo‘lsa, bu haqda shifokorga xabar berish kerak.

Yaqqol noxush reaksiyalar rivojlanganda preparat bekor qilinadi.

Kasallik simptomlari kuchayganda yoki 9 kundan keyin samara bo'lmaganda davolash kursini to'g'irlashni o'tkazish zarur.

KOKARNIT preparati qo'llanilganda gipoglikemik dori preparati dozasini to'g'ri tanlash va qandli diabet kechishini adekvat nazorat qilish zarur.

Tayyorlangan eritmaning rangi pushti bo'lishi kerak.

Agar eritma rangi o'zgargan bo'lsa, preparatni qo'llash mumkin emas.

Eritmani tayyorlangandan so'ng darhol qo'llash kerak!

Transport vositalarini, mexanizmlarni boshqarish qobiliyatiga ta'siri

Markaziy nerv tizimi tomonidan nojo'ya ta'sirlar (bosh aylanishi, ong chalkashishi) yuzaga kelganda transport vositalarini va boshqa mexanizmlarni boshqarishdan saqlanish tavsiya etiladi.

• Preparatning har qanday komponentiga yoki erituvchiga yuqori sezuvchanlik;

• yurak-qon tomir kasalliklari: o'tkir yurak yetishmovchiligi, o'tkir miokard infarkti, nazorat qilinmaydigan arterial gipertenziya, arterial gipotenziya, bradiaritmiyalarning og'ir shakllari, II-III darajali AV-blokada, surunkali yurak yetishmovchiligi (NYHA bo'yicha III-IV d.), kardiogen shok va shokning boshqa turlari, QT uzayishi sindromi, tromboemboliyalar, gemorragik insult;

• o'pkaning yallig'lanish kasalliklari, o'pkaning surunkali obstruktiv kasalliklari, bronxial astma;

• homiladorlik, ko'krak suti bilan emizish davri;

• 18 yoshgacha bo'lgan bolalar;

• giperkoagulyatsiya (shu jumladan o'tkir trombozlarda), eritremiya, eritrotsitoz;

• zo'rayish bosqichidagi me'da yoki o'n ikki barmoqli ichak yarasi;

• podagra;

• gepatit, jigar sirrozi.



Stenokardiyada preparatni ehtiyotkorlik bilan qo'llash kerak.



Homiladorlik va ko'krak suti bilan emizish davrida qo'llanilishi

Homiladorlik vaqtida KOKARNIT preparatini qo'llash tavsiya etilmaydi.

Preparat bilan davolash vaqtida ko'krak suti bilan emizishni to'xtatish tavsiya etiladi.

Biguanidlar guruhi gipoglikemik vositalarini (metformin) qo'llayotgan bemorlarda siyanokobalaminning oshqozon-ichak traktidan so'rilishi buzilishi tufayli qonda siyanokobalamin kontsentratsiyasining pasayishi kuzatilishi mumkin. Boshqa gipoglikemik vositalar bilan dori o'zaro ta'sirlari ta'riflanmagan.

Siyanokobalamin askorbin kislotasi, og'ir metallar tuzlari, tiamin bromid, piridoksin, riboflavin, foliy kislotasi bilan mos kelmaydi. Siyanokobalaminni qon ivishini oshiruvchi preparatlar bilan bir vaqtda qo'llash mumkin emas. Bundan tashqari, siyanokobalaminni xloramfenikol bilan bir vaqtda qo'llashdan saqlanish kerak.

Aminoglikozidlar, salitsilatlar, tutqanoqqa qarshi dori vositalari, kolxitsin, kaliy preparatlari siyanokobalamin absorbsiyasini kamaytiradi. Trifosadenin saqlovchi preparatlar dipiridamol bilan birga qo'llanilganda dipiridamol ta'siri, xususan vazodilatatsiya qiluvchi ta'siri kuchayadi. Dipiridamol trifosadenin samarasini kuchaytiradi.

Preparat purin hosilalari (kofein, teofillin) bilan birga qo'llanilganda biroz antagonizm namoyon bo'ladi.

Yurak glikozidlari bilan bir vaqtda katta dozalarda yuborish mumkin emas, chunki yurak-qon tomir tizimi tomonidan nojo'ya reaktsiyalar rivojlanish xavfi kuchayadi.

Ksantinol nikotinat bilan bir vaqtda qo'llanilganda preparat samarasi pasayadi.

Nikotinamid sedativ, trankvilizatorlar, shuningdek gipotenziv vositalar ta'sirini kuchaytiradi.