Kokarnit

• Diabetik polinevropatiyani simptomatik davolash.

• • Preparatning har qanday komponentiga yoki erituvchiga yuqori sezuvchanlik;
• • yurak-qon tomir kasalliklari: o‘tkir yurak yetishmovchiligi, o‘tkir miokard infarkti, nazorat qilib bo‘lmaydigan arterial gipertenziya, arterial gipotenziya, bradiaritmiyalarning og‘ir shakllari, II-III darajali AV-blokada, surunkali yurak yetishmovchiligi (NYHA bo‘yicha III-IV d.), kardiogen shok va shokning boshqa turlari, QT uzayishi sindromi, tromboemboliyalar, gemorragik insult;
• • o‘pkaning yallig‘lanish kasalliklari, o‘pkaning surunkali obstruktiv kasalliklari, bronxial astma;
• • homiladorlik, ko‘krak suti bilan boqish davri;
• • 18 yoshgacha bo‘lgan bolalar;
• • giperkoagulyatsiya (shu jumladan o‘tkir trombozlarda), eritremiya, eritrotsitoz;
• • zo‘rayish bosqichidagi oshqozon yoki o‘n ikki barmoqli ichak yarasi;
• • podagra;
• • gepatit, jigar sirrozi.
• Stenokardiyada preparatni ehtiyotkorlik bilan qo‘llash kerak.
• Homiladorlikda va ko‘krak suti bilan boqish davrida qo‘llanilishi
• KOKARNIT preparatini homiladorlik vaqtida qo‘llash tavsiya etilmaydi

• Preparatning har bir ampulasi saqlaydi:
• faol komponentlar: trifosadenin dinatriy trigidrati - 10,0 mg, kokarboksilaza - 50,0 mg, sianokobalamin - 0,5 mg, nikotinamid - 20,0 mg;
• yordamchi moddalar: glitsin – 105,875 mg, metilparagidroksibenzoat – 0,6 mg, propilparagidroksibenzoat – 0,15 mg.
• Har bir erituvchi ampulasi saqlaydi:
• Lidokain gidroxloridi – 10 mg, in'ektsiya uchun suv – 2 ml gacha.

• Noxush nojo'ya reaktsiyalarning namoyon bo'lish tez-tezligi JSST tasnifiga muvofiq keltirilgan: juda tez-tez (1/10 dan ortiq); tez-tez (1/10 dan kam, lekin 1/100 dan ortiq); tez-tez emas (1/100 dan kam, lekin 1/1000 dan ortiq); kamdan-kam (1/1000 dan kam, lekin 1/10000 dan ortiq); juda kamdan-kam (1/10000 dan kam), shu jumladan alohida holatlar; tez-tezligi noma'lum.
• Immun tizimi tomonidan: kamdan-kam hollarda - allergik reaktsiyalar (teri toshmasi, nafas olishning qiyinlashishi, anafilaktik shok, Kvinke shishi).
• Asab tizimi tomonidan: juda kamdan-kam hollarda - bosh aylanishi, bosh og'rig'i, qo'zg'alish, ongning chalkashishi.
• Yurak tomonidan: juda kamdan-kam hollarda — taxikardiya; ayrim hollarda bradikardiya, aritmiya; tez-tezligi noma'lum – yurak sohasida og'riqlar
• Tomirlar tomonidan: tez-tezligi noma'lum - yuz va tananing yuqori qismi terisining qizarishi sanchish va achishish hissi bilan, «qizib ketishlar».
• Oshqozon-ichak trakti tomonidan: juda kamdan-kam hollarda – qusish, diareya.
• Teri va teri osti to'qimalari tomonidan: juda kamdan-kam hollarda - ko'p terlash, akne, qichishish, eshakemi.
• Tayanch-harakat va biriktiruvchi to'qima tomonidan: juda kamdan-kam hollarda - tirishishlar.
• Umumiy buzilishlar va yuborish joyidagi buzilishlar: juda kamdan-kam hollarda - preparat yuborilgan joyda ta'sirlanish, og'riq va achishish, holsizlik paydo bo'lishi mumkin.
• Agar ko'rsatilgan noxush reaktsiyalarning birortasi kuchaysa yoki yo'riqnomada ko'rsatilmagan boshqa har qanday noxush reaktsiyalar paydo bo'lsa, bu haqda shifokorga xabar berish kerak.
• Yaqqol noxush reaktsiyalar rivojlanganda preparat bekor qilinadi.

• Pushti rangli liofilizatsiyalangan massa. Tiklangan eritma – tiniq, pushti rangli.

Kasallik simptomlari kuchayganda yoki 9 kundan keyin samara bo'lmaganda davolash kursini to'g'irlashni o'tkazish zarur.

KOKARNIT preparati qo'llanilganda gipoglikemik dori preparati dozasini to'g'ri tanlash va qandli diabet kechishini adekvat nazorat qilish zarur.

Tayyorlangan eritmaning rangi pushti bo'lishi kerak.

Agar eritma rangi o'zgargan bo'lsa, preparatni qo'llash mumkin emas.

Eritmani tayyorlangandan so'ng darhol qo'llash kerak!

Transport vositalarini, mexanizmlarni boshqarish qobiliyatiga ta'siri

Markaziy nerv tizimi tomonidan nojo'ya ta'sirlar (bosh aylanishi, ong chalkashishi) yuzaga kelganda transport vositalarini va boshqa mexanizmlarni boshqarishdan saqlanish tavsiya etiladi.