KORINFAR 0,01 tabletkalari N100

Yurak-qon tomir tizimi tomonidan: taxikardiya, yurak urishi, aritmiyalar, periferik shishlar (to‘piq, oyoq panjasi, boldir), haddan tashqari vazodilatatsiya ko‘rinishlari (qon bosimining belgisiz pasayishi, yurak yetishmovchiligining rivojlanishi yoki kuchayishi, yuz terisiga qon «quyilishi», yuz terisi giperemiyasi, issiqlik hissi), qon bosimining yaqqol pasayishi (kam hollarda), sinkope. Ba'zi bemorlarda, ayniqsa davolash boshida yoki doza oshirilganda stenokardiya xurujlari paydo bo‘lishi va yakka hollarda - miokard infarkti rivojlanishi mumkin, bu preparatni bekor qilishni talab qiladi.

MNS tomonidan: bosh og‘rig‘i, bosh aylanishi, umumiy holsizlik, yuqori toliqish, uyquchanlik. Preparat yuqori dozalarda uzoq vaqt qabul qilinganda - oyoq-qo‘llar paresteziyasi, tremor, ekstrapiramidal (parkinsonik) buzilishlar (ataksiya, "niqobsimon" yuz, sudralib yurish, qo‘l panjalari va barmoqlari tremori, yutishning qiyinlashishi), depressiya.

Ovqat hazm qilish tizimi tomonidan: dispepsiya (ko‘ngil aynishi, diareya yoki qabziyat), og‘iz qurishi, meteorizm, ishtahaning oshishi. Kam hollarda - milklar giperplaziyasi, preparat bekor qilingandan keyin butunlay yo‘qoladi. Uzoq vaqt qabul qilinganda - jigar funktsiyasining buzilishi (jigar ichi xolestazi, jigar transaminazalari faolligining oshishi).

Tayanch-harakat aparati tomonidan: artrit, mialgiya, bo‘g‘imlar shishi, yuqori va pastki oyoq-qo‘llar tirishishi.

Allergik reaksiyalar: kam hollarda - teri qichishishi, eshakemi, ekzantemalar, autoimmun gepatit, eksfoliativ dermatit, fotodermatit

Og'ir arterial gipotenziyasi (sistolik AB 90 mm sim.ust. dan kam), dekompensatsiya fazasidagi surunkali yurak yetishmovchiligi bo'lgan bemorlarga, shuningdek arterial gipertenziyaning og'ir shakllari va qaytmas buyrak yetishmovchiligi hamda gipovolemiyasi bo'lgan, gemodializdagi bemorlarga (AB keskin pasayishi yuqori xavfi tufayli) Korinfarni tayinlashda ehtiyotkorlikka rioya qilish kerak.

Jigar funktsiyasi buzilishlari bo'lgan bemorlarga Korinfarni sinchkovlik bilan tayinlash kerak. Zarurat bo'lganda preparat dozasini kamaytirish kerak.

Korinfarni asta-sekin bekor qilish kerak, chunki preparatni qabul qilish to'satdan to'xtatilganda (ayniqsa uzoq muddatli davolashdan keyin) bekor qilish sindromi rivojlanishi mumkin.

Korinfar bilan terapiya fonida alkogol iste'mol qilinganda AB pasayishi bilan bog'liq psixomotor reaktsiyalar tezligi sekinlashishi mumkin.

Pediatriyada qo'llanilishi

Bolalarda preparatni qo'llash bo'yicha klinik tajriba yetarli emas.

Avtotransportni boshqarish va mexanizmlarni boshqarish qobiliyatiga ta'siri

Korinfar qabul qilinganda, ayniqsa davolash boshida va preparat o'zgartirilganda, AB pasayishi bilan bog'liq psixomotor reaktsiyalar tezligi sekinlashishi mumkin. Buni yuqori diqqatni va tezkor reaktsiyalarni talab qiluvchi potentsial xavfli faoliyat turlari bilan shug'ullanuvchi shaxslar hisobga olishlari kerak.

— arterial gipotenziya (sistolik AB 90 mm sim. ust. dan past)

— kardiogen shok, kollaps;

— dekompensatsiya bosqichidagi surunkali yurak yetishmovchiligi;

— yaqqol aortal stenoz;

— nostabil stenokardiya;

— o'tkir miokard infarkti (birinchi 4 hafta);

— rifampitsin bilan birgalikda qo'llash;

— homiladorlik (I trimestr);

— laktatsiya davri;

— nifedipinga va 1,4-digidropiridinning boshqa hosilalariga yoki preparatning boshqa komponentlariga yuqori sezuvchanlik.

Ehtiyotkorlik bilan: mitral klapan stenozi, gipertrofik obstruktiv kardiomiopatiya, yaqqol bradikardiya yoki taxikardiya, sinus tuguni zaifligi sindromi, xavfli arterial gipertenziya, gipovolemiya, bosh miya qon aylanishining og'ir buzilishlari, chap qorincha yetishmovchiligi bilan kechuvchi miokard infarkti, oshqozon-ichak trakti o'tkazuvchanligining buzilishi, buyrak va jigar yetishmovchiligi, gemodializ (arterial gipotenziya yuzaga kelish xavfi tufayli)

Korinfar beta-adrenoblokatorlar, diuretiklar, boshqa antigipertenziv preparatlar bilan bir vaqtda qo'llanilganda Korinfarning gipotenziv ta'siri kuchayishi qayd etiladi.

Korinfar nitratlar bilan bir vaqtda qo'llanilganda Korinfarning antianginal samarasi kuchayishi qayd etiladi.

Korinfar va tritsiklik antidepressantlar, simetidin, ranitidin bir vaqtda qo'llanilganda Korinfar samarasining kuchayishi mumkin.

Korinfar xinidin bilan bir vaqtda qo'llanilganda alohida hollarda qon plazmasida xinidin kontsentratsiyasining pasayishi qayd etilgan.

Korinfar digoksin va teofillin bilan bir vaqtda qo'llanilganda alohida hollarda qon plazmasida oxirgilarining kontsentratsiyasi oshishi qayd etilgan