Korinfar dori vositasi O'zbekiston dori vositalari reestrida ro'yxatdan o'tganmi?

Ha, preparat O'zbekiston dori vositalari reestrida ro'yxatdan o'tgan.

Korinfar dori vositasi ishlab chiqaruvchisi kim va u qaysi davlatda ishlab chiqarilgan?

Korinfar dori vositasi Pliva Xrvatska d.o.o tomonidan Xorvatiya mamlakatida ishlab chiqarilgan.

Bosh sahifa / Dori vositalari / Korinfar

Korinfar

Name: Korinfar
Rating: 4 (3 reviews)

Chiqarish shakllari Qo'llanma Analoglar Barcha rasmlar Savollar Fikr-mulohazalar

Korinfar chiqarilish shakllari

Retseptli

KORINFAR RETARD 0,02 tabletkalari N30

Xorvatiya

Ishlab chiqaruvchi:

Pliva Xrvatska d.o.o

KORINFAR 0,01 tabletkalari N50

Xorvatiya

Ishlab chiqaruvchi:

Pliva Xrvatska d.o.o

Retseptli

KORINFAR RETARD 0,02 tabletkalari N50

Xorvatiya

Ishlab chiqaruvchi:

Pliva Xrvatska d.o.o

KORINFAR 0,01 tabletkalari N100

Xorvatiya

Ishlab chiqaruvchi:

Pliva Xrvatska d.o.o

- Korinfar qabul qilish bo'yicha ma'lumot

- Korinfarning tarkibi

- Korinfar ko'rsatmalar va qarshi ko'rsatmalar

- Korinfar narxi Toshkent dorixonalarida

Korinfar haqida qo'llanma

Qo‘llash ko‘rsatmalari

— surunkali stabil stenokardiya (zo'riqish stenokardiyasi); — vazospastik stenokardiya (Printsmetal stenokardiyasi, variantli stenokardiya); — arterial gipertenziya.

Qo'llanilishi mumkin bo'lmagan holatlar

— arterial gipotenziya (sistolik AB 90 mm sim. ust. dan past); — kardiogen shok, kollaps; — dekompensatsiya bosqichidagi surunkali yurak yetishmovchiligi; — yaqqol aortal stenoz; — beqaror stenokardiya; — o‘tkir miokard infarkti (birinchi 4 hafta); — rifampitsin bilan birga qo‘llash; — homiladorlik (I trimestr); — laktatsiya davri; — nifedipin va 1,4-digidropiridinning boshqa hosilalariga yoki preparatning boshqa komponentlariga yuqori sezuvchanlik. Ehtiyotkorlik bilan: mitral klapan stenozi, gipertrofik obstruktiv kardiomiopatiya, yaqqol bradikardiya yoki taxikardiya, sinus tugunining zaifligi sindromi, xavfli arterial gipertenziya, gipovolemiya, miya qon aylanishining og‘ir buzilishlari, chap qorincha yetishmovchiligi bilan miokard infarkti, oshqozon-ichak trakti tutilishi, buyrak va jigar yetishmovchiligi, gemodializ (arterial gipotenziya yuzaga kelish xavfi tufayli), homiladorlik (II va III trimestrlar)

Tarkibi

nifedipin 10 mg Yordamchi moddalar: laktoza monogidrati, kartoshka kraxmali, mikrokristall tsellyuloza, povidon K25, magniy stearati. Qobiq tarkibi: gipromelloza, makrogol 6000, makrogol 35000, bo‘yoqchi xinolin sariq (E104), titan dioksidi (E171), talk. nifedipin 10 mg Yordamchi moddalar: laktoza monogidrati, kartoshka kraxmali, mikrokristall tsellyuloza, povidon K25, magniy stearati. Qobiq tarkibi: gipromelloza, makrogol 6000, makrogol 35000, bo‘yoqchi xinolin sariq (E104), titan dioksidi (E171), talk. nifedipin 20 mg Yordamchi moddalar: laktoza monogidrati, kartoshka kraxmali, mikrokristall tsellyuloza, povidon K25, magniy stearati. Qobiq tarkibi: gipromelloza, makrogol 6000, makrogol 35000, bo‘yoqchi xinolin sariq (E104), titan dioksidi (E171), talk. nifedipin 20 mg Yordamchi moddalar: laktoza monogidrati, kartoshka kraxmali, mikrokristall tsellyuloza, povidon K25, magniy stearati. Qobiq tarkibi: gipromelloza, makrogol 6000, makrogol 35000, bo‘yoqchi xinolin sariq (E104), titan dioksidi (E171), talk. nifedipin 40 mg Yordamchi moddalar: mikrokristall tsellyuloza, laktoza, gipromelloza 4000 mPa.s, magniy stearati, kolloid kremniy oksidi angidridi. Qobiq tarkibi: gipromelloza 15 mPa.s, makrogol 6000, makrogol 400, temir oksidi qizil (E172), titan dioksidi (E171), talk. nifedipin 10 mg Yordamchi moddalar: laktoza monogidrati, kartoshka kraxmali, mikrokristall tsellyuloza, povidon K25, magniy stearati. Qobiq tarkibi: gipromelloza, makrogol 6000, makrogol 35000, bo‘yoqchi xinolin sariq (E104), titan dioksidi (E171), talk. nifedipin 40 mg Yordamchi moddalar: mikrokristall tsellyuloza, laktoza, gipromelloza 4000 mPa.s, magniy stearati, kolloid kremniy oksidi angidridi. Qobiq tarkibi: gipromelloza 15 mPa.s, makrogol 6000, makrogol 400, temir oksidi qizil (E172), titan dioksidi (E171), talk nifedipin 40 mg Yordamchi moddalar: mikrokristall tsellyuloza, laktoza, gipromelloza 4000 mPa.s, magniy stearati, kolloid kremniy oksidi angidridi. Qobiq tarkibi: gipromelloza 15 mPa.s, makrogol 6000, makrogol 400, temir oksidi qizil (E172), titan dioksidi (E171), talk.

Absorbtsiya – yuqori (90% dan ortiq). Biokiraolishligi – 50-70%. Ovqat qabul qilish biokiraolishlikni oshiradi. Jigar orqali «birinchi o‘tish» effektiga ega. 1 tabletka (20 mg nifedipin) bir marta qabul qilingandan so‘ng nifedipinning Cmax 0,9-3,7 soatdan keyin erishiladi va uning qiymati o‘rtacha 28,3 ng/ml ni tashkil qiladi. Gematoensefalik va yo‘ldosh to‘siqlari orqali o‘tadi, ko‘krak suti bilan ajralib chiqadi. Qon plazmasi oqsillari (albuminlar) bilan bog‘lanishi – 95%. Jigarda to‘liq metabolizmga uchraydi. Faol bo‘lmagan metabolit ko‘rinishida buyraklar orqali (qabul qilingan dozaning 60-80%) chiqariladi. 20% - safro bilan. Yarim chiqarilish davri (T1/2) 2-5 soatni tashkil qiladi. Kumulyativ samarasi yo‘q. Surunkali buyrak yetishmovchiligi, gemodializ va peritoneal dializ farmakokinetikaga ta'sir qilmaydi. Jigar yetishmovchiligi bo‘lgan bemorlarda umumiy klirens pasayadi va T1/2 ortadi. Uzoq muddat qabul qilinganda (2-3 oy) preparat ta'siriga tolerantlik rivojlanadi.

Farmakologik ta'siri

Selektiv "sekin" kaltsiy kanallari blokatori (SKKB), 1,4-digidropiridin hosilasi. Antianginal va gipotenziv ta'sir ko'rsatadi. Hujayradan tashqari kaltsiy oqimini kardiomiotsitlar va koronar periferik arteriyalar silliq mushak hujayralari ichiga kamaytiradi, yuqori dozalarda hujayra ichi depolardan kaltsiy ajralib chiqishini ingibitsiya qiladi. Kanallarning faollashuvi, inaktivatsiyasi va tiklanish vaqtiga ta'sir ko'rsatmasdan faoliyat ko'rsatayotgan kanallar sonini kamaytiradi. Miokardda tropomiozin va troponin orqali vositalanadigan va tomirlar silliq mushaklarida kalmodulin orqali vositalanadigan qo'zg'alish va qisqarish jarayonlarini ajratadi. Terapevtik dozalarda qator patologik holatlarda, birinchi navbatda arterial gipertenziyada buzilgan kaltsiy ionlarining transmembran oqimini normallashtiradi. Venalar tonusiga ta'sir qilmaydi. Koronar qon oqimini kuchaytiradi, miokardning ishemiyalangan zonalari qon bilan ta'minlanishini "o'g'irlash" fenomeni rivojlanishisiz yaxshilaydi, kollaterallar faoliyatini faollashtiradi. Periferik arteriyalarni kengaytirib, umumiy periferik tomir qarshiligini, miokard tonusini, yuklamadan keyingi bosimni pasaytiradi. Sinoatrial va atrioventrikulyar tugunlarga deyarli ta'sir qilmaydi, kuchsiz antiaritmik faollikka ega. Buyrak qon oqimini kuchaytiradi, o'rtacha natriyurezni keltirib chiqaradi. Salbiy xrono-, dromo- va inotrop ta'sir periferik vazodilatatsiyaga javoban simpatoadrenal tizimning reflektor faollashuvi bilan qoplanadi. Klinik samara boshlanish vaqti - 30 daqiqa, klinik samara davomiyligi - 12-24 soat.

Nojo'ya ta'sirlar

Yurak-qon tomir tizimi tomonidan: yuz terisiga qon «oqib kelishi», yuz terisi giperemiyasi, issiqlik hissi, taxikardiya, aritmiya, periferik shishlar (to'piq, oyoq panjasi, boldir), arterial qon bosimining (AB) haddan tashqari pasayishi, sinkope, yurak yetishmovchiligi, ba'zi bemorlarda, ayniqsa davolash boshida, stenokardiya xurujlari paydo bo'lishi mumkin, bu preparatni bekor qilishni talab qiladi. Miokard infarkti rivojlanishining yagona holatlari tasvirlangan. Asab tizimi tomonidan: bosh og'rig'i, bosh aylanishi, umumiy holsizlik, tez charchash, uyquchanlik, paresteziyalar. Yuqori dozalarda uzoq muddat qabul qilinganda - ekstrapiramidal (parkinsonik) buzilishlar (ataksiya, «niqobsimon» yuz, sudralib yurish, qo'l va oyoq harakatlarining cheklanishi, qo'l panjalari va barmoqlari tremori, yutishning qiyinlashishi), depressiya. Ovqat hazm qilish tizimi tomonidan: og'iz qurishi, ishtahaning oshishi, dispepsiya (ko'ngil aynishi, diareya yoki qabziyat), milklar giperplaziyasi, preparat bekor qilingandan so'ng butunlay yo'qoladi. Uzoq muddat qabul qilinganda jigar funktsiyasining buzilishi (jigar ichki xolestazi, «jigar» fermentlari faolligining oshishi) bo'lishi mumkin. Tayanch-harakat aparati tomonidan: artrit, mialgiya, kamdan-kam hollarda - artralgiya, bo'g'imlar shishi. Allergik reaktsiyalar: qichishish, eshakemi, ekzantemalar, eksfoliativ dermatit, fotodermatit, autoimmun gepatit, o'tkir allergik generalizatsiyalangan reaktsiyalar, masalan, shilliq qavatlar shishi, hiqildoq shishi, hayot uchun xavf soluvchi hansirash rivojlanishigacha bo'lgan bronxial muskulatura spazmi

Dozirovkasi

10 mg 20 mg 40 mg

Dozani oshirib yuborilishi

Bosh og‘rig‘i, yuz terisining qizarishi, AB ning uzoq muddat yaqqol pasayishi, sinus tuguni faoliyatining susayishi, bradikardiya va/yoki taxikardiya, bradiaritmiya. Og‘ir zaharlanishda hushdan ketish, koma.

Dori shaklining ta'rifi

Parda qobiq bilan qoplangan uzaytirilgan ta'sirga ega tabletkalar Modifikatsiyalangan ajralib chiqishga ega qobiq (parda) bilan qoplangan tabletkalar Modifikatsiyalangan ajralib chiqishga ega qobiq (parda) bilan qoplangan tabletkalar k Modifikatsiyalangan ajralib chiqishga ega, qizil-jigarrang rangli qobiq (parda) bilan qoplangan, dumaloq, ikki tomonlama qavariq, hidsiz tabletkalar.

Maxsus ko‘rsatmalari

Og'ir arterial gipotenziyasi (sistolik AB 90 mm sim.ust. dan kam), dekompensatsiya fazasidagi surunkali yurak yetishmovchiligi bo'lgan bemorlarga, shuningdek arterial gipertenziyaning og'ir shakllari va qaytmas buyrak yetishmovchiligi hamda gipovolemiyasi bo'lgan, gemodializdagi bemorlarga (AB keskin pasayishi yuqori xavfi tufayli) Korinfarni tayinlashda ehtiyotkorlikka rioya qilish kerak.

Jigar funktsiyasi buzilishlari bo'lgan bemorlarga Korinfarni sinchkovlik bilan tayinlash kerak. Zarurat bo'lganda preparat dozasini kamaytirish kerak.

Korinfarni asta-sekin bekor qilish kerak, chunki preparatni qabul qilish to'satdan to'xtatilganda (ayniqsa uzoq muddatli davolashdan keyin) bekor qilish sindromi rivojlanishi mumkin.

Korinfar bilan terapiya fonida alkogol iste'mol qilinganda AB pasayishi bilan bog'liq psixomotor reaktsiyalar tezligi sekinlashishi mumkin.

Pediatriyada qo'llanilishi

Bolalarda preparatni qo'llash bo'yicha klinik tajriba yetarli emas.

Avtotransportni boshqarish va mexanizmlarni boshqarish qobiliyatiga ta'siri

Korinfar qabul qilinganda, ayniqsa davolash boshida va preparat o'zgartirilganda, AB pasayishi bilan bog'liq psixomotor reaktsiyalar tezligi sekinlashishi mumkin. Buni yuqori diqqatni va tezkor reaktsiyalarni talab qiluvchi potentsial xavfli faoliyat turlari bilan shug'ullanuvchi shaxslar hisobga olishlari kerak.

Dori vositalarining o'zaro ta'siri

Nifedipinning gipotenziv ta’siri boshqa gipotenziv vositalar, nitratlar, simetidin (kamroq darajada ranitidin), ingalyatsion anestetiklar, diuretiklar bilan bir vaqtda qo‘llanilganda kuchayadi. BMKKB guruhidan ma’lum dori vositalari amiodaron va xinidin kabi antiaritmik vositalarning manfiy inotrop ta’sirini (yurak qisqarish kuchini pasaytiruvchi) yana ham kuchaytirishi mumkin. Nifedipin qon plazmasida xinidin konsentratsiyasini pasayishini chaqiradi, nifedipin bekor qilingandan so‘ng xinidin konsentratsiyasi keskin oshishi sodir bo‘lishi mumkin. Qon plazmasida digoksin va teofillin konsentratsiyasini oshiradi, shu munosabat bilan klinik samara va qon plazmasida digoksin va teofillin miqdorini nazorat qilish kerak. Jigar mikrosomal fermentlari induktorlari (rifampitsin va boshq.) nifedipin konsentratsiyasini kamaytiradi. Nitratlar bilan kombinatsiyada taxikardiya kuchayadi. Gipotenziv samarani simpatomimetiklar, nosteroid yallig‘lanishga qarshi preparatlar, estrogenlar, kalsiy preparatlari pasaytiradi.

Qo‘llash usuli va dozirovkasi

DozalashIchga, ovqatdan keyin, chaynamasdan va yetarli miqdordagi suyuqlik bilan ichiladi.

Preparat dozasi shifokor tomonidan individual ravishda kasallikning og'irligi va bemorning preparatga sezgirligiga muvofiq tanlanadi. Yondosh og'ir serebrovaskulyar kasalliklari bo'lgan bemorlar va keksa yoshdagi bemorlar uchun doza kamaytirilishi kerak.

Bir vaqtda ovqatlanish ta'sir qiluvchi moddaning oshqozon-ichak traktidan so'rilishini kechiktiradi, ammo kamaytirmaydi.

Kattalar uchun tavsiya etilgan dozalash sxemasi:

Surunkali barqaror va vazospastik stenokardiya:

Preparat 20 mg dan (1 tabletka) kuniga 2 marta tayinlanadi. Klinik ta'sir yetarli darajada namoyon bo'lmaganda preparat dozasini asta-sekin 40 mg gacha (2 tabletka) kuniga 2 marta oshiriladi. Maksimal sutkalik doza – 80 mg (kuniga 4 tabletka).

Essensial gipertenziya:

Preparat 20 mg dan (1 tabletka) kuniga 2 marta tayinlanadi. Klinik ta'sir yetarli darajada namoyon bo'lmaganda preparat dozasini asta-sekin 40 mg gacha (2 tabletka) kuniga 2 marta oshirish mumkin. Maksimal sutkalik doza – 80 mg (kuniga 4 tabletka).

Preparat sutkasiga 2 marta tayinlanganda qabullar orasidagi interval o'rtacha 12 soatni tashkil qilishi kerak. Preparat qabullari orasidagi minimal interval – kamida 4 soat.

Davolash kursi davomiyligi davolovchi shifokor tomonidan belgilanadi.

Preparat katta dozalarda va/yoki uzoq vaqt davomida qabul qilingan hollarda, bekor qilish sindromidan qochish uchun davolashni asta-sekin to'xtatish kerak.

Diqqat: ushbu sahifadagi preparat tavsifi rasmiy yo‘riqnomaning soddalashtirilgan va to‘ldirilgan versiyasidir. Ma’lumot faqat tanishish maqsadida taqdim etilgan va o‘z-o‘zini davolash uchun qo‘llanma sifatida foydalanilmasligi kerak. Korinfar preparatini qabul qilishdan oldin albatta shifokor bilan maslahatlashing

Manbalar ro‘yxati: