KORINFAR RETARD 0,02 tabletkalari N50

Absorbsiya – yuqori (90% dan ortiq). Biokiraolishligi – 50-70%. Ovqat qabul qilish biokiraolishlikni oshiradi. Jigar orqali «birinchi o'tish» effektiga ega. Bir marta 1 tabletka (20 mg nifedipin) qabul qilingandan so'ng nifedipinning Cmax iga 0.9-3.7 soatdan keyin erishiladi va uning qiymati o'rtacha 28.3 ng/ml ni tashkil qiladi. Gematoensefalik va yo'ldosh to'siqlari orqali o'tadi, ko'krak suti bilan ajralib chiqadi. Qon plazmasi oqsillari (albuminlar) bilan bog'lanishi – 95%. Jigarda to'liq metabolizmga uchraydi. Buyraklar orqali nofaol metabolit ko'rinishida (qabul qilingan dozaning 60-80%), 20% - safro bilan chiqariladi. Yarim chiqarilish davri (T1/2) 2-5 soatni tashkil qiladi. Kumulyativ effekt yo'q. Surunkali buyrak yetishmovchiligi, gemodializ va peritoneal dializ farmakokinetikaga ta'sir qilmaydi. Jigar yetishmovchiligi bo'lgan bemorlarda umumiy klirens pasayadi va T1/2 ortadi. Uzoq vaqt qabul qilinganda (2-3 oy) preparat ta'siriga tolerantlik rivojlanadi.

Yurak-qon tomir tizimi tomonidan: taxikardiya, aritmiyalar, yurak urishi, periferik shishlar (to‘piq, oyoq panjasi, boldir), haddan tashqari vazodilatatsiya ko‘rinishlari (qon bosimining belgisiz pasayishi, yurak yetishmovchiligining rivojlanishi yoki kuchayishi, yuz terisiga qon quyilishi, yuz terisi giperemiyasi, issiqlik hissi), qon bosimining yaqqol pasayishi (kam hollarda), sinkope. Ba'zi bemorlarda, ayniqsa davolash boshida yoki doza oshirilganda stenokardiya xurujlari paydo bo‘lishi va yakka hollarda - miokard infarkti rivojlanishi mumkin, bu preparatni bekor qilishni talab qiladi.

Nerv tizimi tomonidan: bosh og‘rig‘i, bosh aylanishi, umumiy holsizlik, yuqori toliqish, uyquchanlik. Preparat yuqori dozalarda uzoq vaqt qabul qilinganda - oyoq-qo‘llar paresteziyasi, tremor, ekstrapiramidal (parkinsonik) buzilishlar (ataksiya, niqobsimon yuz, sudralib yurish, qo‘l panjalari va barmoqlari tremori, yutishning qiyinlashishi), depressiya.

Ovqat hazm qilish tizimi tomonidan: dispepsiya (ko‘ngil aynishi, diareya yoki qabziyat), og‘iz qurishi, meteorizm, ishtahaning oshishi. Kam hollarda - milklar giperplaziyasi, preparat bekor qilingandan keyin butunlay yo‘qoladi. Uzoq vaqt qabul qilinganda - jigar funktsiyasining buzilishi (jigar ichi xolestazi, "jigar" transaminazalari faolligining oshishi).

Tayanch-harakat aparati tomonidan: artrit, mialgiya, bo‘g‘imlar shishi.

Allergik reaksiyalar: kam hollarda - qichishish, eshakemi, ekzantema, autoimmun gepatit, fotodermatit, anafilaktik reaksiyalar, eksfoliativ dermatit.

— nifedipinga va 1,4-digidropiridinning boshqa hosilalariga yoki preparatning boshqa komponentlariga yuqori sezuvchanlik;

— arterial gipotenziya (sistolik bosim 90 mm sim. ust. dan past);

— kardiogen shok, kollaps;

— yaqqol aortal stenoz;

— dekompensatsiya bosqichidagi surunkali yurak yetishmovchiligi;

— nostabil stenokardiya;

— o'tkir miokard infarkti (birinchi 4 hafta);

— homiladorlik (I trimestr);

— laktatsiya davri;

— rifampitsin bilan birgalikda qo'llash.

Ehtiyotkorlik bilan: mitral klapan yaqqol stenozi, gipertrofik obstruktiv kardiomiopatiya, yaqqol bradikardiya yoki taxikardiya, sinus tuguni zaifligi sindromi, xavfli arterial gipotenziya, gipovolemiya, bosh miya qon aylanishining og'ir buzilishlari, chap qorincha yetishmovchiligi bilan kechuvchi miokard infarkti, oshqozon-ichak trakti o'tkazuvchanligining buzilishi, buyrak va jigar yetishmovchiligi, gemodializ, homiladorlik (2 va 3 trimestrlar), 18 yoshgacha bo'lganlar

Boshqa gipotenziv vositalar, shuningdek tritsiklik antidepressantlar, nitratlar, simetidin, ingalyatsion anestetiklar, diuretiklar bilan bir vaqtda qo'llanilganda nifedipinning gipotenziv ta'siri kuchayishi mumkin.

"Sekin" kaltsiy kanallari blokatorlari amiodaron va xinidin kabi antiaritmiklarning manfiy inotrop ta'sirini yanada kuchaytirishi mumkin.

Nifedipinni nitratlar bilan kombinatsiya qilganda taxikardiya kuchayadi.

Diltiazem organizmda nifedipin metabolizmini bostiradi, bu ushbu preparatlarni bir vaqtda tayinlashda nifedipin dozasini kamaytirishni talab qilishi mumkin.

Plazmada xinidin kontsentratsiyasini kamaytiradi.

Qon plazmasida digoksin va teofillin kontsentratsiyasini oshiradi.

Rifampitsin organizmda nifedipin metabolizmini tezlashtiradi, birga tayinlash tavsiya etilmaydi.

Tsefalosporinlar (masalan, tsefiksim) bilan bir vaqtda tayinlanganda tsefalosporinlarning biologik biokiraolishligi 70% ga oshishi mumkin.