LAKTO G kapsulalar N10
LAKTO G kapsulalar N10 haqida qo'llanma
Farmakokinetikasi
Preparatning farmakokinetik tadqiqotlarini o'tkazish imkoni yo'q.
Farmakologik ta'siri
Preparat tarkibiga kiruvchi sut kislotasi bakteriyalari ichak mikroflorasining fiziologik muvozanatini saqlaydi va tiklaydi. Bifidobakteriyalar va laktobatsillalar sut va sirka kislotasini ishlab chiqarib, patogen mikroorganizmlarning ko'payishi va hayot faoliyati uchun noqulay sharoitlar yaratadi; ovqat hazm qilish jarayonida va vitaminlar (B1, B2, B3, B6 B12, H, PP, foliy kislotasi, K va E) sintezida ishtirok etadi, elektrolitlar balansini, oqsillar, fosfolipidlar, safro va yog' kislotalari, bilirubin, xolesterin almashinuvini tartibga soladi.
Tabiiy polisaxaridlar – fruktooligosaxaridlar ichak bakteriyalari – eubiotiklarning ko'payishi, kolonizatsiyasi va hayot faoliyati uchun yaxshi zamin yaratadi. Fruktooligosaxaridlar ovqat hazm qilish kislotalari ta'sirida parchalanmaydi va o'zgarmagan holda ichakning pastki qismiga tushadi.
Nojo'ya samaralari
Preparat yaxshi o'zlashtiriladi, tavsiya etilgan dozalarda qo'llanilganda nojo'ya ta'sirlar qayd etilmagan.
Allergik reaksiyalar bo'lishi mumkin.
Maxsus ko‘rsatmalari
Preparatni qo'llash davrida spirtli ichimliklar qabul qilish tavsiya etilmaydi.
Dori vositasining transport vositasini yoki potensial xavfli mexanizmlarni boshqarish qobiliyatiga ta'siri haqida maxsus ko'rsatmalar yo'q.
Qo'llanilishi mumkin bo'lmagan holatlar
Preparat komponentlariga yuqori sezuvchanlik.
Dori vositalarining o'zaro ta'siri
Lakto-G ning boshqa preparatlar bilan nomaqbul o'zaro ta'siri qayd etilmagan.
Antibiotiklar va boshqa kimyoterapevtik preparatlar bilan mutanosib.
Dozirovkasi
2 yoshgacha bo'lgan bolalarga ovqatdan oldin sutkasiga 1 kapsuladan tayinlanadi. Kapsula tarkibi oz miqdordagi suyuqlikda (sharbat, shakarli suv) eritiladi.
2-12 yoshli bolalarga ovqatdan oldin sutkasiga 1-2 kapsuladan, oz miqdordagi suyuqlik bilan ichish tayinlanadi. Agar bola kapsulani yuta olmasa, 2 yoshgacha bo'lgan bolalar bilan bo'lgani kabi yo'l tutish kerak.
Kattalar va 12 yoshdan katta bolalarga ovqatdan oldin sutkasiga 2-3 kapsuladan, oz miqdordagi suyuqlik bilan ichish tayinlanadi.
Davolash davomiyligi disbakterioz rivojlanish sababiga va organizmning individual xususiyatlariga bog'liq. Davolash kursi odatda 2-4 hafta davom etadi.
LAKTO G kapsulalar N10 o'xshash dorilari
