Lineks

Preparatning savdo nomi: LINEKS® / LINEKS® FORTE

Farmakoterapevtik guruhi: Diareyaga qarshi ta’sirga ega mikroorganizmlar; sut kislota hosil qiluvchi bakteriyalar.

ATX kodi: A07FA01

Dori shakli: kapsulalar

Dorixonadan berish tartibi: Retseptsiz beriladi.

Umumiy qo‘llanilishi

LINEKS va LINEKS FORTE ichak mikroflorasi muvozanatini buzilishi bilan bog‘liq diareya, meteorizm va ovqat hazm qilishning boshqa buzilishlarini oldini olish va qo‘llab-quvvatlovchi davolashda qo‘llanadi, jumladan:

- bolalar va kattalarda me’da-ichak yo‘llarining virusli va bakteriyali infeksiyalarida;

- antibiotiklar va boshqa mikrobga qarshi preparatlar bilan davolashda;

- qorin bo‘shlig‘i va tos a’zolarini nurlantirishda.

Qo‘shimcha ravishda LINEKS FORTE

LINEKS FORTE kattalar va 12 yoshdan katta o‘smirlarda:

- Helicobacter pylori infeksiyasini standart eradikatsiyali davolash vaqtida qo‘llab-quvvatlovchi vosita sifatida;

- qabziyatda holatni yaxshilash uchun qo‘llaniladi.

LINEKS

Preparatning ta’sir etuvchi moddasi yoki yordamchi moddalariga o‘ta yuqori sezuvchanlik (allergiya) da qo‘llash mumkin emas.

LINEKS FORTE

- preparatning ta’sir etuvchi yoki yordamchi moddalariga yuqori sezuvchanlikda;

- ovqat hazm qilish yo‘llarini tutilib qolishida;

- ovqat hazm qilish yo‘llarini teshilishida yoki teshilish rivojlanishi xavfida qo‘llash mumkin emas.

LINEKS

Bitta kapsula saqlaydi:

faol modda: liofilizatsiya qilingan sut kislota hosil qiluvchi bakteriyalar.
Antibiotiklarga chidamli kamida 1,2 × 10⁷ KXQB sut kislota hosil qiluvchi bakteriyalar:

- Lactobacillus acidophilus (L. gasseri)

- Bifidobacterium infantis

- Enterococcus faecium

- yordamchi moddalar: kartoshka kraxmali, dekstrin, laktoza (98,28 mg/kapsula), magniy stearati, jelatin, titan dioksidi (E171).

LINEKS FORTE

Bir kapsula quyidagi liofilizatsiya qilingan sut kislotasi hosil qiluvchi bakteriyalarni saqlaydi:

Lactobacillus acidophilus ning kamida 1 × 10⁹ koloniya hosil qiluvchi birliklarini

Bifidobacterium animalis subsp. lactis ning kamida 1 × 10⁹ koloniya hosil qiluvchi birliklarini

to‘ldiruvchi: Beneo® Synergy 1 (inulin 90–94% va oligofruktoza 6–10%, glyukoza + fruktoza + saxaroza saqlaydi), magniy stearati, maltodekstrin.
kapsula: bo‘yoqlar bilan gidroksipropilmetiltsellyulozali kapsula — titan dioksidi (E171) va temir (II) oksidi (E172).

LINEKS probiotik bo‘lib, ichak mikroflorasining fiziologik muvozanatini boshqaruvchi tirik liofilizatsiya qilingan sut kislota hosil qiluvchi bakteriyalarning uchta turini saqlaydi. Ushbu bakteriyalar ovqat hazm qilish fermentlari, immun tizimi va ichak peristaltikasining normal ishlashi uchun zarur bo‘lgan kislota-ishqor muvozanatini tutib turadi. Sut kislota hosil qiluvchi bakteriyalar tanqisligida ichak mikroflorasi muvozanati buziladi va bu ovqat hazm qilishning turli buzilishlariga olib keladi.

LINEKS FORTE odam ichagining normal mikroflorasi vakillari bo‘lgan ikki probiotik shtammni — Lactobacillus acidophilus va Bifidobacterium animalis subsp. lactis ni saqlaydi. Ushbu bakteriyalar ichakda pH darajasini pasaytirish, patogen mikroorganizmlar uchun toksik metabolitlar ishlab chiqarish, bakteriosinlar hosil qilish, patogen bakteriyalar bilan ozuqa moddalari uchun raqobatlashish va enterotsitlardagi adgeziv retseptorlarni blokada qilish orqali patogen bakteriyalar o‘sishini ingibitsiya qiladi. Shuningdek ular ichak motorikasini rag‘batlantiradi, shilliq ajralishini yaxshilaydi va immun tizimining spesifik hamda nospesifik bo‘g‘inini qo‘llab-quvvatlaydi.

Har ikki preparat ichak mikroflorasi muvozanatini saqlashga yordam beradi va uning buzilishi bilan bog‘liq bo‘lgan yengil hamda o‘rtacha og‘irlikdagi ovqat hazm qilish buzilishlarining namoyon bo‘lish tez-tezligi va darajasini kamaytiradi.

Sut kislota hosil qiluvchi bakteriyalar ichga qabul qilingandan keyin tizimli so‘rilish kuzatilmaydi, shu sababli klassik farmakokinetik tadqiqotlar o‘tkazilmagan.

LINEKS FORTE uchun qo‘shimcha ravishda probiotik bakteriyalar me’da-ichak yo‘liga mahalliy ta’sir ko‘rsatishi, me’da shirasi kislotasi va safraga barqarorligi tufayli katta qismi tirik holda o‘tishi, ichak shilliq qavatiga o‘rnashishi hamda peristaltika va defekatsiya hisobiga bosqichma-bosqich chiqarilishi ko‘rsatilgan.

LINEKS

Sut kislota hosil qiluvchi bakteriyalar qo‘llanilganda noxush reaksiyalar juda kam hollarda kuzatiladi. Yuqori sezuvchanlik reaksiyalari kuzatilishi mumkin.

LINEKS FORTE

Nojo‘ya reaksiyalar MedDRA mezonlariga muvofiq baholanadi.
Immun tizimi tomonidan buzilishlar:
juda kam hollarda — yuqori sezuvchanlik reaksiyalari.

LINEKS

Homiladorlik va emizish davrida preparatning xavfsizligi yuzasidan ma’lumotlar yetarli emas, shuning uchun homilador va emizikli ayollarga Lineksni qo‘llash tavsiya etilmaydi.

LINEKS FORTE

Homiladorlik va laktatsiya davrida Lineks forteni qo‘llash oqibatida nomaqbul reaksiyalar haqida xabar berilmagan. Shunga qaramay, o‘tkir diareya paytida suyuqlik va elektrolitlar yetishmovchiligining oldini olish uchun alohida ehtiyotkorlik zarur. Qo‘llanilishi tibbiy nazorat ostida olib borilishi kerak.

Dozani oshirib yuborilishi holatlari haqida xabarlar mavjud emas.

LINEKS

Oq rangli, oq kukun saqlovchi tiniq bo‘lmagan qattiq kapsulalar.

LINEKS FORTE

Kapsulalarning tashqi ko‘rinishi: oq korpus, sariq qopqoq.
Kapsulaning ichidagisi: och jigar rangdan och pushti ranggacha oraliq tusli, to‘qroq rangli zarrachalari bo‘lgan kukun.

Preparatlarni qabul qilishni boshlashdan oldin shifokor bilan maslahatlashish kerak, agar:

- tana harorati 38°C dan yuqori bo‘lsa;

- axlatda qon yoki shilliq bo‘lsa;

- diareya ikki kundan ortiq davom etsa;

- diareya suvsizlanish, tana vaznini kamayishi yoki kuchli qorin og‘rig‘i bilan kechsa;

- surunkali kasalliklar yoki immun tanqis holatlar mavjud bo‘lsa.

Qo‘shimcha ravishda LINEKS

6 yoshdan kichik bolalarda diareyani tibbiy nazoratsiz davolash mumkin emas.

Yordamchi moddalar haqida ma’lumot:
Lineks laktoza saqlaydi. Galaktozani o‘zlashtira olmaslik, laktaza yetishmovchiligi yoki glyukoza/galaktozani o‘zlashtira olinishini buzilishi bo‘lgan patsientlarda qo‘llash mumkin emas.
Preparat juda oz miqdorda sut oqsillarini saqlashi mumkin, ular allergik reaksiyalarni chaqirishi mumkin.

Qo‘shimcha ravishda LINEKS FORTE

12 yoshgacha bo‘lgan bolalarga Helicobacter pylori infeksiyasini standart eradikatsiyali davolash vaqtida va qabziyatda holatni yaxshilash uchun Lineks forte kapsulalarini qabul qilish mumkin emas.

Yordamchi moddalarga taalluqli ehtiyotkorlik choralari:
Lineks forte glyukoza, fruktoza va saxarozani saqlaydi. Fruktozani o‘zlashtira olmaslik, glyukoza-galaktoza so‘rilishini buzilishi sindromi yoki saxaroza-izomaltoza yetishmovchiligi bo‘lgan shaxslar ushbu preparatni qabul qilmasliklari kerak.
Lineks forte allergik reaksiyalarni keltirib chiqarishi mumkin bo‘lgan sut oqsillari qoldiqlarini saqlashi mumkin.

Transport vositalarini boshqarish va texnika bilan ishlash qobiliyatiga ta’siri

O‘rganilmagan.

LINEKS

Lineks bakteriyalarining ma’lum antibiotiklar va ximioterapevtik vositalarga chidamliligi isbotlangan. Preparatni antibiotiklar va ximioterapevtik vositalar bilan birga qabul qilish mumkin, biroq bir vaqtning o‘zida emas. Yuqoriroq samaradorlik uchun Lineksni antibiotik yoki ximioterapevtik preparat qabul qilingandan keyin kamida 3 soat o‘tgach qabul qilish tavsiya etiladi. O‘zaro ta’sirning boshqa tadqiqotlari o‘tkazilmagan.

LINEKS FORTE

Probiotik bakteriyalar antibiotiklarga ta’sirchan. Shu sababli Lineks forte kapsulalarini antibiotiklar qabul qilinganidan keyin kamida 3 soat o‘tgach qabul qilish tavsiya etiladi.

Bolalar ololmaydigan joyda saqlansin.
Original o‘ramida, 25°C dan yuqori bo‘lmagan haroratda saqlansin.

Yaroqlilik muddati: 2 yil. 

O‘ramida ko‘rsatilgan yaroqlilik muddati o‘tgach qo‘llanilmasin.

Umumiy tavsiyalar

Preparatlar ichga, ovqatlanish vaqtida qabul qilinadi.
Alkogol va issiq ichimliklar bilan bir vaqtda qabul qilinmasin.
Agar bola kapsulani yuta olmasa, kapsula ochilib, ichidagisi oz miqdordagi suyuqlik bilan aralashtiriladi.
Qabul qilish o‘tkazib yuborilganda dozani ikki marta qabul qilmaslik kerak.

LINEKS

- Emizikli bolalar va 2 yoshgacha bo‘lgan bolalar: 1 kapsuladan sutkada 3 marta.
- 2 yoshdan 12 yoshgacha bo‘lgan bolalar: 1–2 kapsuladan sutkada 3 marta.
- Kattalar va 12 yoshdan oshgan bolalar: 2 kapsuladan sutkada 3 marta.

Preparatni simptomlar yengillashguncha qabul qilish mumkin.
Agar Lineksni 2 kun qabul qilgandan keyin diareya to‘xtamasa, shifokorga murojaat qilish kerak.
Diareya mustaqil davolanganida yo‘qotilgan suyuqlik va elektrolitlarning o‘rnini to‘ldirish muhim hisoblanadi.

LINEKS FORTE

Diareya, meteorizm va ovqat hazm qilishning boshqa buzilishlarida profilaktik va qo‘llab-quvvatlovchi vosita sifatida:

- kattalar va 12 yoshdan katta o‘smirlar: kuniga 1–3 marta 1 kapsula;

- 2 yoshdan 12 yoshgacha bo‘lgan bolalar: kuniga 1–2 marta 1 kapsula;

- 1 yoshdan 2 yoshgacha bo‘lgan bolalar: kuniga 1 marta 1 kapsula.

Helicobacter pylori infeksiyasini standart eradikatsiyali davolash vaqtida va qabziyatda holatni yaxshilash uchun (faqat kattalar va 12 yoshdan katta o‘smirlarda): kuniga 3 marta 1 kapsula.

Agar diareya ikki kundan ortiq davom etsa yoki holat yaxshilanmasa, shifokorga murojaat qilish zarur.
Agar qabziyat 7 kundan ortiq davom etsa, shifokorga murojaat qilish zarur.
6 yoshdan kichik bolalarda diareyani davolash tibbiy nazorat ostida o‘tkaziladi.
1 yoshdan kichik bolalarga Lineks forte kapsulalarini qabul qilish tavsiya etilmaydi.