LIDOKAIN 0,02/ML eritma 2ml N10

M/i yuborilgandan so'ng absorbsiya deyarli to'liq. Taqsimlanishi tez, Vd taxminan 1 l/kg ni tashkil qiladi (yurak yetishmovchiligi bo'lgan bemorlarda pastroq). Oqsillar bilan bog'lanishi plazmadagi faol modda konsentratsiyasiga bog'liq va 60-80% ni tashkil qiladi. Asosan jigarda faol metabolitlar hosil bo'lishi bilan metabolizmga uchraydi, ular ayniqsa 24 soat va undan ortiq infuziyadan so'ng terapevtik va toksik ta'sir namoyon bo'lishiga hissa qo'shishi mumkin.

T1/2 7-9 daqiqalik taqsimlanish fazasi bilan ikki fazalilik tendensiyasiga ega. Umuman olganda T1/2 dozaga bog'liq, 1-2 soatni tashkil qiladi va uzoq muddatli v/i infuziyalar vaqtida (24 soatdan ortiq) 3 soat va undan ko'proqqa uzayishi mumkin. Buyraklar orqali metabolitlar ko'rinishida, 10% o'zgarmagan holda chiqariladi.

MNS va periferik nerv tizimi tomonidan: bosh aylanishi, bosh og‘rig‘i, holsizlik, harakat bezovtaligi, nistagm, hushdan ketish, uyquchanlik, ko‘rish va eshitish buzilishlari, tremor, trizm, talvasalar (ularning rivojlanish xavfi giperkapniya va atdidoz fonida ortadi), "ot dumi" sindromi (oyoqlar falaji, paresteziyalar), nafas mushaklari falaji, nafas to‘xtashi, motor va sezgi bloki, respirator falaj (ko‘pincha subaraxnoidal anesteziyada rivojlanadi), til uvishishi (stomatologiyada ishlatilganda).

Yurak-qon tomir tizimi tomonidan: qon bosimining oshishi yoki pasayishi, taxikardiya - vazokonstriktor bilan yuborilganda, periferik vazodilatatsiya, kollaps, ko‘krak qafasida og‘riq.

Ovqat hazm qilish tizimi tomonidan: ko‘ngil aynishi, qusish, ixtiyorsiz defekatsiya.

Allergik reaksiyalar: teri toshmasi, eshakemi (teri va shilliq qavatlarda), teri qichishishi, angionevrotik shish, anafilaktik shok.

Mahalliy reaksiyalar: spinal anesteziyada - belda og‘riq, epidural anesteziyada - tasodifan subaraxnoidal bo‘shliqqa tushish; urologiyada mahalliy qo‘llanilganda - uretrit.

Boshqalar: ixtiyorsiz siydik chiqarish, metgemoglobinemiya, turg‘un anesteziya, libido va/yoki potentsiyaning pasayishi, nafas olishning susayishi, to‘xtashgacha, gipotermiya; stomatologiyada anesteziyada: lablar va til sezgirligining yo‘qolishi va paresteziyalari, anesteziyaning uzayishi.

Jigar qon oqimi pasayishi bilan kechuvchi holatlarda (shu jumladan surunkali yurak yetishmovchiligi, jigar kasalliklarida), avj oluvchi yurak-qon tomir yetishmovchiligida (odatda yurak blokadalari va shok rivojlanishi oqibatida), og'ir va holsizlangan bemorlarda, keksa yoshdagi bemorlarda (65 yoshdan katta); epidural anesteziya uchun - nevrologik kasalliklarda, septitsemiyada, umurtqa pog'onasi deformatsiyasi tufayli punktsiya o'tkazish imkoni bo'lmaganda; subaraxnoidal anesteziya uchun - belda og'riq, bosh miya infektsiyasi, bosh miyaning xavfsiz va xavfli o'smalari, turli genezli koagulopatiyalar, migren, subaraxnoidal qon quyilishi, arterial gipertenziya, arterial gipotenziya, paresteziya, psixoz, isteriya, muloqotga kirishmaydigan bemorlarda, umurtqa pog'onasi deformatsiyasi tufayli punktsiya o'tkazish imkoni bo'lmaganda ehtiyotkorlik bilan qo'llanilishi kerak.

Lidokain eritmalarini vaskulyarizatsiyasi kuchli bo'lgan to'qimalarga (masalan, qalqonsimon bezdagi operatsiyalarda bo'yin sohasiga) ehtiyotkorlik bilan yuborish kerak, bunday hollarda lidokain kichikroq dozalarda qo'llaniladi.

Beta-adrenoblokatorlar, tsimetidin bilan bir vaqtda qo'llanilganda lidokain dozasini kamaytirish talab etiladi; polimiksin B bilan - nafas funktsiyasini nazorat qilish kerak.

MAO ingibitorlari bilan davolash davrida lidokainni parenteral qo'llamaslik kerak.

Tarkibiga epinefrin va norepinefrin kiradigan in'ektsiya uchun eritmalar v/i yuborish uchun mo'ljallanmagan.

Lidokainni quyilayotgan qonga qo'shish mumkin emas.

Avtotransportni boshqarish va mexanizmlarni boshqarish qobiliyatiga ta'siri

Lidokain qo'llanilgandan so'ng diqqatni yuqori jamlashni va tezkor psixomotor reaktsiyalarni talab qiluvchi faoliyat turlari bilan shug'ullanish tavsiya etilmaydi.

Og'ir qon ketishlar, shok, arterial gipotenziya, taxmin qilinayotgan in'ektsiya joyining infektsiyalanishi, yaqqol bradikardiya, kardiogen shok, surunkali yurak yetishmovchiligining og'ir shakllari, keksa bemorlarda STZS, II va III darajali AV-blokada (qorinchalarni stimulyatsiya qilish uchun zond kiritilgan hollar bundan mustasno), jigar funksiyasining og'ir buzilishlari.

Subaraxnoidal anesteziya uchun - yurakning to'liq blokadasi, qon ketishlar, arterial gipotenziya, shok, lyumbal punksiya o'tkazish joyining infektsiyalanishi, septitsemiya.

Lidokainga va boshqa amid tipidagi mahalliy anestetiklarga yuqori sezuvchanlik.

Barbituratlar (shu jumladan fenobarbital) bilan bir vaqtda qo'llanilganda jigarda lidokain metabolizmi kuchayishi, qon plazmasida kontsentratsiyasi pasayishi va natijada uning terapevtik samaradorligi kamayishi mumkin.

Beta-adrenoblokatorlar (shu jumladan propranolol, nadolol) bilan bir vaqtda qo'llanilganda lidokain ta'siri (shu jumladan toksik) kuchayishi mumkin, aftidan, uning jigarda metabolizmi sekinlashishi oqibatida.

MAO ingibitorlari bilan bir vaqtda qo'llanilganda lidokainning mahalliy og'riqsizlantiruvchi ta'siri kuchayishi mumkin.



Nerv-mushak o'tkazuvchanligi blokadasini chaqiruvchi preparatlar (shu jumladan suksametoniy xlorid) bilan bir vaqtda qo'llanilganda nerv-mushak o'tkazuvchanligi blokadasini chaqiruvchi preparatlar ta'siri kuchayishi mumkin.

Uxlatuvchi va sedativ vositalar bilan bir vaqtda qo'llanilganda MNSga susaytiruvchi ta'sir kuchayishi mumkin; aymalin, xinidin bilan - kardiodepressiv ta'sir kuchayishi mumkin;