LIDOKAIN aerozol 38g 10%

m/i yuborilgandan so'ng so'rilishi deyarli to'liq. Taqsimlanishi tez, V_d taxminan 1 l/kg ni tashkil qiladi (yurak yetishmovchiligi bo'lgan bemorlarda pastroq). Oqsillar bilan bog'lanish plazmadagi faol modda kontsentratsiyasiga bog'liq va 60-80% ni tashkil qiladi. Asosan jigarda, ayniqsa 24 soat va undan ortiq vaqt davomida infuziyadan keyin, terapevtik va toksik ta'sir ko'rsatishga yordam beradigan faol metabolitlar hosil bo'lishi bilan metabollanadi.

T _{7-9 daqiqalik taqsimlanish fazasi bilan ikki fazali bo'lish tendentsiyasiga ega. Umuman olganda, T dozaga bog'liq bo'lib, 1-2 soatni tashkil qiladi va uzoq muddatli v/i infuziyalar vaqtida (24 soatdan ortiq) 3 soat va undan ko'proqqa uzayishi mumkin. Buyraklar orqali metabolitlar ko'rinishida, 10% o'zgarmagan holda chiqariladi.}

IB sinfiga mansub antiaritmik vosita, mahalliy anestetik, atsetanilid hosilasi. Membranani barqarorlashtiruvchi faollikka ega. Neyronlar qo‘zg‘aluvchan membranalari va kardiomiotsitlar membranalarining natriy kanallari blokadasini chaqiradi.

Purkinye tolalarida harakat potensiali va samarali refraktor davr davomiyligini kamaytiradi, ularning avtomatizmini bostiradi. Bunda lidokain depolyarizatsiyalangan, aritmogen sohalarning elektr faolligini bostiradi, ammo normal to‘qimalarning elektr faolligiga minimal ta’sir qiladi. O‘rtacha terapevtik dozalarda qo‘llanilganda miokard qisqaruvchanligini deyarli o‘zgartirmaydi va AV-o‘tkazuvchanlikni sekinlashtirmaydi. Antiaritmik vosita sifatida qo‘llanilganda vena ichiga yuborilganda ta’sir boshlanishi 45-90 soniyadan so‘ng, davomiyligi - 10-20 daqiqa; mushak ichiga yuborilganda ta’sir boshlanishi 5-15 daqiqadan so‘ng, davomiyligi - 60-90 daqiqa.

Mahalliy anesteziyaning barcha turlarini: terminal, infiltratsion, o‘tkazuvchan anesteziyani chaqiradi.

MNS va periferik asab tizimi tomonidan: bosh aylanishi, bosh og'rig'i, holsizlik, harakat bezovtaligi, nistagm, hushdan ketish, uyquchanlik, ko'rish va eshitish buzilishlari, tremor, trizm, talvasalar (giperkapniya va atsidoz fonida ularning rivojlanish xavfi ortadi), "ot dumi" sindromi (oyoqlar falaji, paresteziyalar), nafas olish mushaklarining falaji, nafas to'xtashi, motor va sezgi blokadasi, respirator falaj (ko'pincha subaraxnoidal anesteziyada rivojlanadi), til uvishishi (stomatologiyada qo'llanilganda).

Yurak-qon tomir tizimi tomonidan: AB oshishi yoki pasayishi, taxikardiya - vazokonstriktor bilan yuborilganda, periferik vazodilatatsiya, kollaps, ko'krak qafasida og'riq.

Ovqat hazm qilish tizimi tomonidan: ko'ngil aynishi, qusish, ixtiyorsiz defekatsiya.

Allergik reaksiyalar: teri toshmasi, eshakemi (teri va shilliq qavatlarda), teri qichishishi, angionevrotik shish, anafilaktik shok.

Mahalliy reaksiyalar: spinal anesteziyada - bel og'rig'i, epidural anesteziyada - tasodifan subaraxnoidal bo'shliqqa tushish; urologiyada mahalliy qo'llanilganda - uretrit.

Boshqalar: ixtiyorsiz siyish, metgemoglobinemiya, turg'un anesteziya, libido va/yoki potensiyaning pasayishi, nafas olishning susayishi, to'xtashigacha, gipotermiya; stomatologiyada anesteziyada: lab va til sezgirligining yo'qolishi va paresteziyasi, anesteziyaning uzayishi.

Jigar qon oqimining pasayishi bilan kechuvchi holatlarda (shu jumladan surunkali yurak yetishmovchiligi, jigar kasalliklarida), rivojlanib boruvchi yurak-qon tomir yetishmovchiligida (odatda yurak blokadalari va shok rivojlanishi oqibatida), og'ir va holsizlangan bemorlarda, keksa yoshdagi bemorlarda (65 yoshdan katta); epidural anesteziya uchun - nevrologik kasalliklarda, septitsemiyada, umurtqa pog'onasi deformatsiyasi tufayli punktsiya o'tkazishning imkoni bo'lmaganda; subaraxnoidal anesteziya uchun - belda og'riq bo'lganda, bosh miya infektsiyasida, bosh miyaning xavfsiz va xavfli o'smalarida, turli genezli koagulopatiyalarda, migrenda, subaraxnoidal qon quyilishida, arterial gipertenziyada, arterial gipotenziyada, paresteziyada, psixozda, isteriyada, kontaktga kirishmaydigan bemorlarda, umurtqa pog'onasi deformatsiyasi tufayli punktsiya o'tkazishning imkoni bo'lmaganda ehtiyotkorlik bilan qo'llash kerak.

Lidokain eritmalarini vaskulyarizatsiyasi kuchli to'qimalarga (masalan, qalqonsimon bezdagi operatsiyalarda bo'yin sohasiga) ehtiyotkorlik bilan yuborish kerak, bunday hollarda lidokain kichikroq dozalarda qo'llaniladi.

Beta-adrenoblokatorlar bilan, simetidin bilan bir vaqtda qo'llanilganda lidokain dozasini kamaytirish talab etiladi; polimiksin B bilan - nafas olish funksiyasini nazorat qilish kerak.

MAO ingibitorlari bilan davolash davrida lidokainni parenteral qo'llash kerak emas.

Tarkibiga epinefrin va norepinefrin kiradigan in'ektsiya uchun eritmalar v/i yuborish uchun mo'ljallanmagan.

Lidokainni quyiladigan qonga qo'shish mumkin emas.

Avtotransportni haydash va mexanizmlarni boshqarish qobiliyatiga ta'siri

Lidokain qo'llanilgandan so'ng diqqatni yuqori jamlashni va tezkor psixomotor reaksiyalarni talab qiladigan faoliyat turlari bilan shug'ullanish tavsiya etilmaydi.

Og'ir qon ketishlar, shok, arterial gipotenziya, taxminiy ineksiya joyining infeksiyalanishi, yaqqol bradikardiya, kardiogen shok, surunkali yurak yetishmovchiligining og'ir shakllari, keksa yoshdagi bemorlarda STZS, II va III darajali AV-blokada (qorinchalarni stimulyatsiya qilish uchun zond kiritilgan holatlar bundan mustasno), jigar funksiyasining og'ir buzilishlari.

Subaraxnoidal anesteziya uchun - to'liq yurak blokadasi, qon ketishlar, arterial gipotenziya, shok, lyumbal punksiya o'tkazish joyining infeksiyalanishi, septitsemiya.

Lidokainga va amid turdagi boshqa mahalliy anestetiklarga yuqori sezuvchanlik.

Barbituratlar (shu jumladan fenobarbital) bilan bir vaqtda qo‘llanilganda jigarda lidokain metabolizmi oshishi, qon plazmasidagi konsentratsiyasi pasayishi va shu sababli uning terapevtik samaradorligi kamayishi mumkin.

Beta-adrenoblokatorlar (shu jumladan propranolol, nadolol) bilan bir vaqtda qo‘llanilganda, ehtimol, jigarda lidokain metabolizmi sekinlashishi oqibatida uning ta’sirlari (shu jumladan toksik ta’sirlari) kuchayishi mumkin.

MAO ingibitorlari bilan bir vaqtda qo‘llanilganda lidokainning mahalliy og‘riqsizlantiruvchi ta’siri kuchayishi mumkin.

Nerv-mushak o‘tkazuvchanligi blokadasini chaqiruvchi preparatlar (shu jumladan suksametoniy xlorid) bilan bir vaqtda qo‘llanilganda nerv-mushak o‘tkazuvchanligi blokadasini chaqiruvchi preparatlar ta’siri kuchayishi mumkin.

Uxlatuvchi va sedativ vositalar bilan bir vaqtda qo‘llanilganda MNS ga susaytiruvchi ta’sir kuchayishi mumkin; aymalin, xinidin bilan – kardiodepressiv ta’sir kuchayishi mumkin; amiodaron bilan – tirishishlar va STT (sinus tuguni zaifligi) sindromi rivojlanishi holatlari tasvirlangan.

Geksenal, tiopental natriy (v/i) bilan bir vaqtda qo‘llanilganda nafas olish susayishi mumkin.

Meksiletin bilan bir vaqtda qo‘llanilganda lidokain toksikligi oshadi; midazolam bilan – qon plazmasida lidokain konsentratsiyasi o‘rtacha darajada kamayadi; morfin bilan – morfinning og‘riq qoldiruvchi ta’siri kuchayadi.

Prenilamin bilan bir vaqtda qo‘llanilganda "piruet" turidagi qorinchalar aritmiyasi rivojlanish xavfi yuzaga keladi.

Prokainamid bilan bir vaqtda qo‘llanilganda qo‘zg‘alish, gallyutsinatsiyalar holatlari tasvirlangan.

Propafenon bilan bir vaqtda qo‘llanilganda MNS tomonidan nojo‘ya ta’sirlar davomiyligi uzayishi va og‘irlik darajasi oshishi mumkin.

Rifampitsin ta’sirida qon plazmasida lidokain konsentratsiyasi kamayishi mumkin deb hisoblanadi.

Lidokain va fenitoin bir vaqtda v/i infuziya qilinganda markaziy genezli nojo‘ya ta’sirlar kuchayishi mumkin; lidokain va fenitoinning additiv kardiodepressiv ta’siri oqibatida sinoatrial blokada holati tasvirlangan.

Fenitoinni tirishishga qarshi vosita sifatida qabul qilayotgan bemorlarda qon plazmasida lidokain konsentratsiyasi kamayishi mumkin, bu fenitoin ta’sirida jigar mikrosomal fermentlari induksiyasi bilan bog‘liq.

Simetidin bilan bir vaqtda qo‘llanilganda lidokain klirensi o‘rtacha darajada kamayadi va uning qon plazmasidagi konsentratsiyasi oshadi, lidokainning nojo‘ya ta’siri kuchayishi xavfi mavjud.

Muayyan preparatni qo'llash usuli va dozalash rejimi uning chiqarilish shakli va boshqa omillarga bog'liq. Optimal dozalash rejimini shifokor belgilaydi. Qo'llanilayotgan preparatning dori shakli foydalanish ko'rsatmalariga va dozalash rejimiga qat'iy mos kelishiga rioya qilish kerak.