NEBILET tabletkalari 5mg N14

So'rilishi

Ichga qabul qilingandan so'ng MIY dan tez so'riladi. Ovqat qabul qilish absorbsiyaga ta'sir qilmaydi.

Biokiraolishligi tez metabolizmga ega shaxslarda o'rtacha 12% ni tashkil qiladi (jigar orqali birinchi o'tish effekti) va sekin metabolizmga ega shaxslarda deyarli to'liq.

Taqsimlanishi

D-nebivolol uchun plazma oqsillari bilan bog'lanish 98.1% ni, L-nebivolol uchun esa - 97.9% ni tashkil qiladi.

Metabolizmi

Atsiklik va aromatik gidroksillanish va qisman N-dealkillanish yo'li bilan faol metabolitlar hosil bo'lishi bilan metabolizmga uchraydi, hosil bo'lgan gidroksi- va aminohosilalar glyukuron kislotasi bilan kon'yugatsiyalanadi va O- va N- glyukuronidlar ko'rinishida chiqariladi.

Chiqarilishi

Buyraklar orqali (38%) va ichak orqali (48%) chiqariladi.

Tez metabolizmga ega shaxslarda plazmadan nebivolol enantiomerlarining T1/2 i o'rtacha 10 soatni, sekin metabolizmga ega shaxslarda - 30-50 soatni tashkil qiladi.

Tez metabolizmga ega shaxslarda plazmadan ikkala enantiomer gidroksimetabolitlarining T1/2 i o'rtacha 24 soatni, sekin metabolizmga ega shaxslarda - 48 soatni tashkil qiladi.

MNS va periferik asab tizimi tomonidan: bosh og‘rig‘i, bosh aylanishi, charchoq hissi, paresteziyalar (1% dan 10% gacha); depressiya, diqqatni jamlash qobiliyatining pasayishi, uyquchanlik, uyqusizlik, dahshatli tush ko‘rishlar, gallyutsinatsiyalar.

Ovqat hazm qilish tizimi tomonidan: ko‘ngil aynishi, qabziyat, diareya, og‘iz qurishi (1% dan ortiq).

Yurak-qon tomir tizimi tomonidan: bradikardiya, ortostatik gipotenziya, shishlar, yurak yetishmovchiligi, AV-blokada, yurak ritmining buzilishi, Reyno sindromi, kardialgiyalar.

Nafas olish tizimi tomonidan: bronxospazm (sh.j. anamnezda o‘pka obstruktiv kasalliklari bo‘lmaganda), rinit.

Dermatologik reaksiyalar: fotodermatoz, gipergidroz.

Boshqalar: allergik reaksiyalar.

Beta-adrenoblokatorlarni bekor qilishni asta-sekin, 10 kun davomida (YIK bo'lgan bemorlarda 1-2 hafta) o'tkazish kerak.

Zo'riqish stenokardiyasida preparat dozasi tinch holatdagi YQS ni 55-60 zarba/daq oralig'ida, yuklamada - 110 zarba/daq dan oshmagan holda ta'minlashi kerak.

Beta-adrenoblokatorlar samaradorligi kashandalarda chekmaydiganlarga qaraganda pastroq.

Nebilet qandli diabeti bo'lgan bemorlarda glyukoza darajasiga ta'sir qilmaydi, biroq preparat ta'siri ostida gipoglikemiyaning ma'lum belgilari (taxikardiya, yurak urishining tezlashishi) niqoblangan bo'lishi mumkin. Qalqonsimon bez giperfunktsiyasida preparat taxikardiyani yo'qotadi.

Psoriazi bo'lgan bemorlarga Nebilet tayinlash masalasini hal qilishda preparatni qo'llashdan kutilayotgan foyda va psoriaz zo'rayishining ehtimoliy xavfini sinchkovlik bilan o'lchash kerak.

Beta-adrenoblokatorlarga allergiyasi bo'lgan bemorlarda anafilaktik reaktsiyalar yuzaga kelishi mumkin.

Beta-adrenoblokatorlarni qabul qilayotgan bemorlarni monitoring qilish YQS va AB ni kuzatishni (qabul qilish boshida - har kuni, keyin 3-4 oyda 1 marta), qandli diabeti bo'lgan bemorlarda qon plazmasidagi glyukoza miqdorini (4-5 oyda 1 marta) o'z ichiga oladi.

Preparat periferik arterial qon aylanishi buzilishlari ko'rinishlarini kuchaytirishi mumkin.

Kontakt linzalardan foydalanuvchi bemorlar beta-adrenoblokatorlar bilan davolash fonida ko'z yoshi suyuqligi ishlab chiqarilishi kamayishi mumkinligini hisobga olishlari kerak.

Keksa bemorlarda buyrak funktsiyasi ko'rsatkichlarini nazorat qilish tavsiya etiladi (4-5 oyda 1 marta).

Pediatriyada qo'llanilishi

Bolalarda Nebiletni qo'llash samaradorligi va xavfsizligi to'g'risida klinik ma'lumotlar yo'q, shuning uchun ushbu toifadagi bemorlarga preparatni tayinlash tavsiya etilmaydi.

Avtotransportni boshqarish va mexanizmlarni boshqarish qobiliyatiga ta'siri

Davolash davrida diqqatni yuqori jamlashni va tezkor psixomotor reaktsiyalarni talab qiluvchi potentsial xavfli faoliyat turlari bilan shug'ullanishdan saqlanish zarur.

— bronxial astma;

— o'tkir yurak yetishmovchiligi;

— surunkali yurak yetishmovchiligi (dekompensatsiya bosqichida);

— jigar funksiyasining yaqqol buzilishlari;

— arterial gipotenziya;

— sinoatrial blokada;

— yaqqol bradikardiya (YUR daqiqasiga 50 zarbadan kam);

— kardiogen shok;

— STZS;

— II va III darajali AV-blokada;

— feoxromotsitoma;

— metabolik atsidoz;

— depressiyalar;

— angiospastik stenokardiya (Printzmetal stenokardiyasi);

— periferik qon tomirlarining obliteratsiyalanuvchi kasalliklari (o'zgaruvchan cho'loqlik);

— miasteniya, mushak zaifligi;

— 18 yoshgacha bo'lgan bolalar va o'smirlar (samaradorligi va xavfsizligi aniqlanmagan);

— nebivololga yuqori sezuvchanlik.

Ehtiyotkorlik bilan preparatni buyrak yetishmovchiligi, qandli diabet, qalqonsimon bez giperfunksiyasi, allergik kasalliklar, psoriaz, I darajali AV-blokadada, keksa yoshdagi bemorlarda (65 yoshdan katta) qo'llash kerak.

Nebivololning NYQV bilan bir vaqtda qo'llanilganda gipotenziv ta'sirning susayishi qayd etilmagan.

Beta-adrenoblokatorlar kalsiy kanallari blokatorlari (verapamil va diltiazem) bilan bir vaqtda qo'llanilganda miokard qisqaruvchanligiga va AV-o'tkazuvchanlikka salbiy ta'sir kuchayadi.

Beta-adrenoretseptorlar blokatorlari va anestetik vositalarni bir vaqtda qo'llash kardiodepressiv ta'sirga olib kelishi va arterial gipotenziya rivojlanishi xavfini oshirishi mumkin. Anesteziolog-shifokor bemor Nebilet qabul qilayotganligi haqida xabardor qilinishi kerak.

Nebilet gipotenziv vositalar, nitroglitserin yoki sekin kalsiy kanallari blokatorlari bilan birga qo'llanilganda yaqqol arterial gipotenziya rivojlanishi mumkin (prazozin bilan kombinatsiyada alohida ehtiyotkorlik talab etiladi).

Nebilet antiaritmik vositalar, rezerpin, alfa-metildopa, klonidin, guanfatsin bilan bir vaqtda qo'llanilganda bradikardiya yaqqolligi kuchayishi mumkin.