NIRMIN 5 S infuziya uchun eritma 200ml 5%

“Nirmin 5-STM*” oqsilga past, normal yoki yuqori ehtiyoji bo'lgan turli patologiyali bemorlarni, enteral oziqlanish samarasiz yoki iloji bo'lmagan hollarda parenteral oziqlantirish uchun mo'ljallangan Nirmin 5-STM*da saqlanuvchi almashtirib bo'ladigan va almashtirib bo'lmaydigan L-aminokislotalar tabiiy fiziologik birikmalardir. Ovqat bilan tushadigan va oqsillarning parchalanishi yo'li bilan olinadigan aminokislotalar kabi, parenteral yuboriladigan aminokislotalar ham qon plazmasining erkin aminokislotalarining umumiy tarkibiga tushadi, undan xujayralarga oqsillarning sintezi uchun va turli metabolik yo'llariga ketadi.
Barcha aminokislotalar L-shakllarda bo'lib, bu ularning oqsil biosintezida to'g'ridan-to'g'ri ishtirok etish imkoniyatini ta'minlaydi. Barcha sakkizta almashtirib bo'lmaydigan, shuningdek shartli ravishda almashtirib bo'ladigan L-arginin va L-gistidin saqlaydi. L-arginin ammiakni mochevinaga aylanishiga yordam beradi, jigarda oqsillarning katabolizmida hosil bo'ladigan ammoniyning zaharli ionlarini bog'laydi.
Bu preparatlarda energiyaning asosiy manbai sorbitoldir, u jigarda fruktoza-6-fosfatga fosforlanadi. Sorbitol va fruktozani o'zlashtirilishida insulin ishtirok etmaydi, bu ularni insulinga bog'liq bo'lmagan energiya manbaiga aylantiradi – ular qo'llanganida glyukoza saqlovchi parenteral oziqlanish uchun preparatlar ishlatilganida uchrashi mumkin bo'lgan giperglikemik atsidoz paydo bo'lmaydi. Bundan tashqari, sorbitol glyukozaga qaraganda aminokislotalarning eng yaxshi erituvchisidir, chunki alьdegid va keton guruhlarni saqlamaydi, aminoguruxlar bilan o'zaro ta'sir qilmaydi va aminokislotalarning o'zlashtirilishini pasaytirmaydi.

Parenteral yuborilgan aminokislotalar organizmda oqsil sintezi jarayonida ishlatiladi. Bu jarayonda ishlatilmaydigan aminokislotalar mochevinani hosil bo'lishi bilan dezaminatsiyaga uchraydilar, u so'ngra siydik bilan chiqariladi. Aminokislotalarning T1/2 (sog'lom odamlarda) 5-15 minutni tashkil qiladi. Aminokislotalarning qondagi kontsentratsiyasi tez oshirilganida, ular biotransformatsiyalanishga ulgurmay, organizm tomonidan o'zlashtirilmay, siydik bilan chiqishi mumkin.

Parenteral oziqlantirish
enteral oziqlanishning imkoni yo'qligida;
ovqat hazm qilish a'zolarining og'ir kasalliklarida (me'da-ichak yo'llarining obstruktsiyasi, kamso'rilish sindromi, ichakning yallig'lanish kasalliklari, pankreatit, ichak oqmalari);
jarohatlarda;
kuyishlarda;
sepsisda;
xavfli o'smalarda;
operatsiyadan oldingi va keyingi davrda.

Preparat yuborilganida argininni tiopental bilan nomutanosibligini hisobga olish kerak.
Eritmaga amikatsin, ampitsllin, sefotaksim, seftriakson, xloramfenikol, klindamitsin, doksitsiklin, eritromitsin glyutseptati yoki la tobionati ko'rinishida, gentamitsin, netilmitsin, penitsillin, piperatsilin, tetratsiklin, torbamitsin, vankomitsinlarni qo'shish mumkin. Bunday eritmalar xona haroratida 6-24 soatgacha barqaror bo'lib qoladi.
Shuningdek eritmaga aminofillin, kalьtsiy glyukonati, xlorpromazin, simetidin, nizatidin, famotidin, ranitidin, siklofosfamid, sitarabin, digoksin, dopamin, ftoruratsil, folat kislotasi, furosemid, geparin, insulin, propranolol, noradrenalin, lidokain, morfin, metotreksat, metildopa, metilprednizolon, metoklopamid, fitomenadionni qo'shish mumkin. Bunday eritmalarning xona haroratidagi barqarorligi – 24 soatgacha.