NOVOSALIK maz 30g N1

Surtmaning har bir grammi quyidagilarni saqlaydi:

faol moddalar:

betametazon dipropionati, betametazonga ekvivalent - 0,5 mg,

salisil kislotasi - 30 mg;

yordamchi moddalar: oq yumshoq parafin, suyuq parafin, izopropilmiristat, oq asalari mumi.

  Sirtga qo'llash uchun surtma 30 g dan tubalarda. Bir Tuba qo'llash bo'yicha yo'riqnomasi bilan karton qutida.

 Ta'siri tarkibiga kiruvchi komponentlarga bog'liq bo'lgan majmuaviy preparatdir; yallig'lanishga qarshi, shishga qarshi, allergiyaga qarshi, vazokonstriktor, antiproliferativ, immunodepressiv, keratolitik, mikroblarga qarshi, zamburug'larga qarshi va mahalliy gipotermik ta'sir ko'rsatadi. Yallig'lanish mediatorlarini ajralib chiqishini tormozlaydi, neytrofillarni chetki to'planishini oldini oladi, yallig'lanish ekssudatini va tsitokinlar ishlab chiqarilishini kamaytiradi, infiltrasiya va granulyasiya jarayonlarini kamayishiga olib kelib, makrofaglar migrasiyasini kamaytiradi. Salisil kislotasini mavjudligi tufayli terini yumshatadi, muguz qavatlanishni bartaraf etadi va GKS chuqurroq kirishiga yordam beradi. Surtma suv qaytaruvchi ta'sirga ega va terini tashqi namlikdan himoya qiluvchi himoya plyonka hosil qiladi; chuqur yog'to'yintiruvchi ta'sirga ega bo'lib quruq va mo'rt teriga ega bemorlarni davolash uchun yaroqli.

Nojo'ya ko'rinishlar odatda kuchsiz xarakterga ega.

O'ta yuqori sezuvchanlik reaktsiyasi (qichishish, achishish yoki qizarish) rivojlanishi mumkin. Kam hollarda boshqa glyukokortikosteroidlarni qo'llagandagi kabi aknesimon o'zgarishlar, gipopigmentasiya, striyalar, teri atrofiyasi, gipertrixoz, teleangiektaziyalar, terining ikkilamchi infektsiyalari rivojlanishi mumkin.

Uzoq vaqt uzluksiz va terining katta sohalarida betametazonni mahalliy qo'llash buyrak usti bezi po'stloq qavati funktsiyasini susayishi bilan bog'liq tizimli nojo'ya ko'rinishlarni chaqirishi mumkin.

O'ta yuqori sezuvchanlik reaktsiyalari yoki nojo'ya ko'rinishlar paydo bo'lgan hollarda davolashni bekor qilish va shifokorga murojaat etish kerak.

Novosalik surtma teri va/yoki boshning sochli qismida faqat sirtga qo'llash uchun mo'ljallangan.

Ko'zlar va shilliq qavatlarga tushishidan saqlanish kerak. Rozatsea, perioral dermatit, teri atrofiyasi va akne tipida dermatit rivojlanishi mumkinligi tufayli, surtmani yuz terisiga uzoq vaqt surtish tavsiya etilmaydi. Preparatni anogenital sohada qo'llashdan saqlanish kerak.

Preparatni zarur bo'lgan hollardan tashqari okklyuzion bog'lov ostida qo'llash tavsiya etilmaydi. Terida zamburug'li yoki bakterial mikroflora rivojlangan hollarda antibakterial yoki zamburug'larga qarshi vositani qo'shimcha qo'llash zarur.

psoriaz, ekzema (ayniqsa surunkali), ixtioz, kuchli lixenizasiya bilan kechuvchi chegaralangan qichima, atopik dermatit, diffuz neyrodermit;

oddiy va allergik dermatitlar;

eshakemi, ko'p shaklli ekssudativ eritema;

oddiy surunkali temiratki (chegaralangan neyrodermit);

boshqa GKS bilan davolashga berilmaydigan dermatozlar (ayniqsa qizil mo'ylovsimon temiratki), qizil yassi temiratki, teri disgidrozida qo'llanadi.

Betametazon, salisil kislotasi yoki preparatning har qanday yordamchi komponentiga o'ta yuqori sezuvchanlik.

Teri tuberkulyozi, sifilisning teri ko'rinishlari, suvchechak, terining virusli infektsiyalari, teri postvaktsinal reaktsiyalar, o'tkir jarohatlar, trofik yaralar, rozatsea, vulgar husnbuzar, 6 oylikkacha bo'lgan bolalarda qo'llash mumkin emas.

Boshqa dori vositalari bilan klinik ishonchli o'zaro ta'sirlari aniqlanmagan. Akneni davolash uchun kosmetologik va dermatologik vositalarni, etanol saqlovchi vositalarni yoki yaqqol qurituvchi samaraga ega tibbiy sovunlarni bir vaqtda qo'llash ayrim hollarda terini ta'sirlanishini chaqirishi mumkin.

oq rangli gomogen surtma.

Faqat sirtga qo'llash uchun buyuriladi.

Sirtga qo'llash uchun surtma ko'rinishidagi Novosalik preparati faqat silliq terida qo'llash uchun mo'ljallangan.

Novosalik surtmasi kuniga ikki marta qo'llanadi. Surtmaning oz miqdori biroz ishqalab teri yuzasi bo'ylab bir tekis taqsimlanadi. Engil holatlarda bir marta qo'llash etarli bo'ladi.

Uzluksiz davolash kursi davomiyligi odatda 3-4 xafta bilan chegaralanadi. Davomliroq davolash kursi zarurati bo'lganida preparatni kamroq, masalan kunora qo'llash tavsiya etiladi. Surunkali kasalliklarni davolaganda kasallik qaytalanishidan saqlanish uchun davolashni barcha simptomlar bartaraf etilgandan keyin ayrim vaqt shifokor nazorati ostida davom ettirish kerak. Bir yil davomida davolashni bir necha marta takrorlash mumkin.

Betametazon va salisil kislotasini uzoq vaqt uzluksiz, ayniqsa bolalarda, terining katta sohalarida, butunligini buzilishi bo'lgan terida yoki okklyuzion bog'lov ostida qo'llaganda faol komponentlarni so'rilishini kuchayishi va tizimli samaralarni namoyon bo'lishi inkor etilmaydi. Bunday hollarda preparatni bekor qilish va simptomatik davolash tavsiya etiladi. 

Bolalarda Novosalik preparatini (sirtga qo'llash uchun surtma) qo'llash ehtiyotkorlikning qat'iy choralariga rioya qilgan holda iloji boricha qisqa muddatli bo'lishi kerak, chunki bolalarda teri qoplamasi yuzasini tana vazniga nisbatan kattaligi va epidermisni etilishi to'liq emasligi tufayli faol komponentlarning proportsional katta miqdorini tizimli so'rilishi xavfi mavjud. Bolalarda bog'lov ostida va ayniqsa plastik tagliklar ostida qo'llash mumkin emas, bu noxush ko'rinishlar rivojlanishi xavfini oshirishi mumkin.

Homiladorlarda Novosalik preparatini ona uchun kutilayotgan foyda homila uchun xavfdan yuqori bo'lgan hollardagina mahalliy qo'llashga yo'l qo'yiladi. Bunday hollarda preparatni qo'llash qisqa muddatli va teri qoplamalarining katta bo'lmagan sohalari bilan cheklanishi kerak.
Emizish davrida Novosalik preparatini qat'iy ko'rsatmalar bo'yicha qo'llash mumkin, lekin bunda preparatni emizishdan oldin sut bezlari sohasiga surtish mumkin emas.