DIPROSALIK maz 30g

25°С dan yuqori boʼlmagan haroratda saqlansin.
Bolalar ololmaydigan joyda saqlansin.

Retseptsiz.

Tarkibi:
1 g surtma quyidagilarni saqlaydi: 
faol modda: 0,5 mg betametazon (dipropionat shaklida) va 30 mg salitsil kislotasi; 
yordamchi moddalar: suyuq parafin, oq yumshoq vazelin.

Chiqarilish shakli
30 g dan tubada, 1 tubadan tibbiyotda qoʼllanilishiga doir yoʼriqnomasi bilan birga karton qutida.

Betametazon dipropionati
Dipropionat shaklidagi betametazon yalligʼlanishga qarshi, qichishishga qarshi va qon tomirlarni toraytiruvchi taʼsirga ega boʼlgan kuchli taʼsir qiluvchi (taʼsir qilish sinfi III) kortikosteroid hisoblanadi.
Shunday boʼlsada, kortikosteroidlar bilan mahalliy davolash kazual hisoblanmaydi; kasallikni qaytalanishi davolash toʼxtatilganda xam boʼlishi mumkin.
Salitsil kislotasi
Salitsil kislotasi oʼzining keratolitik xususiyatlari tufayli, quyida joylashgan qavatlarga betametazon dipropionatini oʼtishini taʼminlaydi va uni soʼrilishini kuchaytiradi.

Diprosalik® preparatining farmakokinetikasi toʼgʼrisida maʼlumotlar yoʼq.
Kortikosteroid mahalliy qoʼllanganida soʼrilishi va teri orqali soʼrilish koʼrsatkichi tana sohasi, terining holati, dori shakli, patsientning yoshi va qoʼllash usuliga bogʼliq boʼladi.
Normal sharoitlarda mahalliy qoʼllanganda betamezonning juda ozgina qismi tizimli qon oqimiga tushadi. Shuni taʼkidlash kerakki, dori vositasidagi salitsil kislotasi kortikosteroidni teri orqali soʼrilishini kuchaytiradi.
Salitsil kislotasining teri orqali soʼrilish koʼrsatkichi terining holatiga bogʼliq boʼladi. Teri orqali soʼrilishi, boshqalar qatori, psoriatik eritrodermiya yoki terining yalligʼlanishli va eroziv oʼzgarishlari bilan kechuvchi dermatozlarda kuchayadi.
Salitsil kislotasining metabolizmi jigarda kechadi. Normal sharoitlarda yarim chiqarilish davri 2 soatdan 3 soatgachani tashkil qiladi. 

dermatologiyada qoʼllash uchun kortikosteroidlar. Kortikosteroidlar boshqa preparatlar bilan majmuada

Quyida keltirilgan mahalliy nojoʼya taʼsirlar mahalliy qoʼllaniladigan kortikosteroidlar uchun xos hisoblanadi, shuning uchun ham ular Diprosalik® dori vositasidan foydalanilganda yuz berishi mumkin. 
Noxush samaralarni yuz berish tez-tezligini koʼrsatib boʼlmaydi, chunki ushbu holatlar faqat dori vositasi bozorga chiqarilgandan keyingina qayd qilingan.
Davolashning boshida
Immun tizimi: oʼta yuqori sezuvchanlik reaktsiyalari.
Teri: terini taʼsirlanishi, achishish, teri qichishishi, terini qurishi.
Uzoqroq vaqt qoʼllanishi
Teri: teri atrofiyasi, teleangiektaziyalar, terida gemorragiyalar, striyalar, akne, rozatseaga oʼxshash (perioral) dermatit.
Keng sohalarda qoʼllanganda va/yoki okklyuzion bogʼlovlar ostiga uzoqroq muddat qoʼllanganda 
Infektsiyalar: infektsiyalar
Endokrin tizim: endogen kortikosteroidlar sintezini susaytirilishi, shishlar bilan kechuvchi Itsenko–Kushing sindromi.
Moddalar almashinuvi: qandli diabet (avval yashirish boʼlgan shakllarini namoyon boʼlishi).
Teri: striyalar.
Skelet-mushak- tizimi: osteoporoz, oʼsishni sekinlashishi (bolalarda).
Umumiy buzilishlar va yuborish joyidagi reaktsiyalar: shishlar 
Shuningdek mahalliy kortikosteroidlarni qoʼllanganda tizimli nojoʼya reaktsiyalar toʼgʼrisida xabar berilgan, masalan koʼrishni noaniqligi. 
Sanab oʼtilgan nojoʼya reaktsiyalar, shuningdek qoʼllash boʼyicha yoʼriqnomada koʼrsatilmagan reaktsiyalar paydo boʼlganda shifokorga murojaat qilish kerak.

Аgar preparatni qoʼllash vaqtida terini taʼsirlanishi yoki yuqori sezuvchanlik paydo boʼlsa, davolashni toʼxtatish kerak. Infektsiya qoʼshilgan hollarda muvofiq davolashni buyurish kerak. 
Tizimli kortikosteroidlar uchun xos boʼlgan nojoʼya samaralar, shu jumladan buyrak usti bezi poʼstlogʼining faoliyatini susayishi, kortikosteroidlar haddan tashqari va davomli qoʼllanganida, ayniqsa pediatriya amaliyotida kuzatilishi mumkin. 
Mahalliy kortikosteroidlar va salitsil kislotasini tizimli soʼrilishi terining katta sohalarini davolashda, shuningdek okklyuzion bogʼlovlar qoʼllanganida oshadi. 
Salitsil kislotasini ochiq jarohatlarga yoki shikastlangan teriga qoʼyishdan saqlanish kerak. Bu ehtiyotkorlik choralariga, shuningdek davomli qoʼllashda, ayniqsa bolalarni davolashda amal qilish kerak.
Terini taʼsirlanishi paydo boʼlgan hollarda, shu jumladan uni haddan tashqari quruqligida, preparatni qoʼllashni toʼxtatish kerak.
Uzluksiz qoʼllash muddati iloji boricha 2-3 haftadan oshmasligi kerak.
Juda kuchli, kuchli va oʼrtacha taʼsir qiluvchi kortikosteroidlarni yuz va jinsiy aʼzolar sohalariga juda ehtiyotkorlik bilan va 1 haftadan ortiq boʼlmagan muddat davomida qoʼllash kerak.
Koʼz atroflariga asosan faqat kuchsiz taʼsir qiluvchi kortikosteroidlar (glaukomani rivojlanish xavfi tufayli) qoʼllaniladi.
Kortikosteroidlar preparatning ingredientlariga nisbatan teri reaktsiyalarini yashirishlari mumkin.
Patsientga preparatni faqat terining joriy xastaligini davolash uchun qoʼllashi va preparatni boshqa shaxslarga bermaslik toʼgʼrisida koʼrsatmalar berish lozim.
Tizimli va maxalliy taʼsir etuvchi (jumladan intranazal, ingalyatsion va koʼz ichiga yuborishlar) kortikosteroidlarni qoʼllanganda koʼrish buzilishlari paydo boʼlishi mumkin. Аgar koʼrishni noaniqligi yoki koʼrish aʼzolari tomonidan boʼlgan buzilishlar kabi bunday simptomlar paydo boʼlsa, patsient katarakta, glaukoma yoki markaziy seroz xorioretinopatiya kabi kam uchraydigan kasalliklarni oʼz ichiga olgan koʼrish buzilishlarini mumkin boʼlgan sabablarini baholash uchun oftalьmolog koʼrigidan oʼtishi kerakligi toʼgʼrisida tizimli va mahalliy taʼsir etuvchi kortikosteroidlarni qoʼllangandan keyin xabar berilgan. 
Pediatriyada qoʼllanishi. Bolalarda katta patsientlarga qaraganda, mahalliy kortikosteroidlarning taʼsiri ostida gipotalamo-gipofizar-adrenal tizimini susayish belgilari va tashqi kortikosteroid samaralarni paydo boʼlishi koʼproq kuzatiladi. Bu bolalarda teri yuzasi maydonining tana vazniga nisbati qiymatini kattaligi tufayli, preparatni koʼproq soʼrilishi bilan bogʼliq. Topik (mahalliy) kortikosteroidlar bilan davolanayotgan bolalarda gipotalamo-gipofizar-adrenal tizimini susayishi, Kushing sindromi, oʼsishni bir tekis kechikishi, tana vaznini oshishini kechikishi, bosh miya ichki bosimini oshishi kuzatilishi mumkin. Bolalarda adrenal supressiyaning koʼrinishlari: qon plazmasida kortizolni past darajasi va АKTG-stimulyatsiyaga javobning yoʼqligi kuzatiladi. Bosh miya ichki bosimini oshishi tepachani boʼrtishi, bosh ogʼrigʼi, koʼruv nervlarining disklarini bilateral shishi bilan namoyon boʼladi.
Homiladorlik va laktatsiya. Mahalliy glyukokortikosteroidlarni homiladorlarda qoʼllash xavfsizligi isbotlanmagan, shuning uchun homiladorlik davrida bu guruh preparatlarni, faqat ayol uchun potentsial foyda, homila uchun potentsial xavfdan yuqori boʼlgan holdagina buyurish mumkin. Homiladorlik davrida bu guruh preparatlarini katta dozalarda va uzoq vaqt qoʼllash mumkin emas.
Kortikosteroidlarni mahalliy qoʼllash tizimli soʼrilish yoʼli bilan ularni koʼkrak sutida paydo boʼlishiga olib kelishini mumkinligi aniqlanmagan. Emizishni toʼxtatish yoki preparatni qoʼllashni toʼxtatish haqidagi qaror, ona uchun preparatni qoʼllash zaruratini hisobga olgan holda qabul qilinadi.

Kortikosteroidlar bilan davolashga sezuvchan quruq va giperkeratik dermatozlar: psoriaz, surunkali atopik dermatit, neyrodermit (surunkali oddiy temiratki), yassi temiratki, ekzema (shu jumladan tangasimon ekzema, qoʼl ekzemasi, ekzematoz dermatit), disgidroz (“vodyanka”), boshning sochli qismini seboreyali dermatiti, oddiy ixtioz va boshqa ixtiozli holatlarning yalligʼlanish simptomlarini kamaytirish uchun qoʼllanadi.

- Preparatning biron-bir komponentiga yuqori sezuvchanlik.
- Terining bakteriyali, virusli (gerpes, suvchechak, temiratki) yoki zamburugʼli infektsiyalari; tuberkulyoz, sifilis, terining postvaktsinal reaktsiyalari.
- Oddiy husnbuzarlar, akne, rozatsea, perioral dermatit 
Preparatni jaroharlar, yaralar va shilliq qavatga tegishiga yoʼl qoʼymaslik kerak. 
Diprosalik® ning koʼzga tushishiga yoʼl qoʼymaslik va okklyuzion bogʼlov ostiga qoʼllash mumkin emas.

Salitsil kislotasi boshqa mahalliy qoʼllaniluvchi dori vositalarining oʼtish qobiliyatlarini kuchaytirishi mumkin. Shuning uchun terining ishlov berilgan sohalariga bir vaqtda boshqa dori vositalari yoki pardoz vositalarini surtmaslik kerak.

deyarli oq rangli, yot qoʼshimchalarsiz, bir xil, yumshoq konsistentsiyali surtma

Kattalar va bolalarga surtma yupqa qavat qilib, kuniga 2 marta – ertalab va kechqurun terining shikastlangan joylarini toʼliq qoplagan holda qoʼyiladi. Аyrim bemorlarda, preparatni kamroq qoʼllanganida ham qoniqarli samaraga erishish mumkin. Davolash davomiyligi kasallikning ogʼirligi va kechishi bilan belgilanadi.
Sutkalik maksimal dozani simptomlarni nazorat qilish mumkin boʼladigan darajadagi eng past dozagacha asta-sekin pasaytirish kerak.

Simptomlari: mahalliy kortikosteroidlarni haddan ziyod va davomli qoʼllash gipofizar-adrenal tizimining faoliyatini susayishiga olib kelishi mumkin, bu buyrak usti bezlarining ikkilamchi yetishmovchiligini rivojlanishi va giperkortitsizm simptomlarini, shu jumladan Kushing kasalligini paydo boʼlishiga sabab boʼlishi mumkin.
Salitsil kislotasini saqlovchi mahalliy preparatlarni haddan tashqari va davomli qoʼllash salitsilizm simptomlarini paydo boʼlishini chaqirishi mumkin.
Davolash: Tegishli simptomatik davolashni oʼtkazish kerak. Giperkortitsizmning oʼtkir simptomlari odatda qaytuvchandir. Zarurati boʼlganida elektrolit disbalansini muvofiqlashtirish koʼrsatilgan. Surunkali toksik taʼsiri boʼlgan hollarda kortikosteroidni asta-sekin bekor qilish tavsiya qilinadi. 
Salitsilizmni davolash simptomatik. Organizmdan salitsilatlarni tezroq chiqarish uchun tegishli choralar koʼriladi. Siydikni ishqoriylashtirish va diurezni kuchaytirish uchun natriy gidrokarbonati peroral qoʼllanadi.

3 yil. 
Yaroqlilik muddati oʼtgach qoʼllanilmasin.