MERTENIL tabletkalari 20mg N30

1 tabletka quyidagilarni saqlaydi:

faol modda:

plyonka qobiq bilan qoplangan tabletkalar, 5 mg: 5,2 mg rozuvastatin kaltsiy (5 mg rozuvastatinga to'g'ri keladi)

plyonka qobiq bilan qoplangan tabletkalar, 10 mg: 10,4 mg rozuvastatin kaltsiy (10 mg rozuvastatinga to'g'ri keladi)

plyonka qobiq bilan qoplangan tabletkalar, 20 mg: 20,8 mg rozuvastatin kaltsiy (20 mg rozuvastatinga to'g'ri keladi)

Yordamchi moddalar: 

Laktoza monogidrati, mikrokristall tsellyuloza 12, magniy gidroksidi, krospovidon A turi, magniy stearati.

Plyonka qobiqning tarkibi: 

Opadray II oq (polivinil spirti, titan dioksidi E171, makrogol 3350, talk).

10 plyonka qobiq bilan qoplangan tabletkalar Pa/Al/PVX-plyonka va alyuminiy folga blisterda. 3 blister tibbiyotda qo'llanilishiga doir yo'riqnomasi bilan karton qutida.

Ta'sir mexanizmi

Rozuvastatin 3-gidroksi-3-metilglyutaril ko-enzim A dan xolesterinning o'tmishdoshi - mevalonatni hosil bo'lishini katalizlovchi ferment - GMG-KoA reduktazaning selektiv raqobatli ingibitoridir. Rozuvastatinning ta'sirini asosiy nishoni, xolesterin (XS) ni sintezi va past zichlikdagi lipoproteinlar (PZLP) ning katabolizmi amalga oshiriladigan a'zo – jigardir. 

Rozuvastatin xujayralar yuzasida PZLP ga reseptorlarining sonini oshirib, PZLP larning qamrab olinishi va katabolizmini kuchaytiradi. 

U shuningdek juda past zichlikdagi lipoproteinlar (JPZLP) ning sintezini tormozlab, bu bilan PZLP va JPZLP ning umumiy miqdorini kamaytiradi.

Farmakodinamik samaralar

Rozuvastatin PZLP-xolesterin (XS-PZLP), umumiy xolesterin va trigliseridlar (tg) ning oshgan darajasini pasaytiradi, YuZLP-xolesterin (XS-YuZLP) ning miqdorini oshiradi, shuningdek Apoliporpotein V (apov), noyuzlp-xolesterin (PZLP-xolesterin, IJPZLP-XS, JPZLP-tg miqdorini chegirish bilan umumiy xolesterin miqdori) va apolipoprotein A-I (Apoa-I) darajasini oshiradi. (1 jadvalga qarang). Rozuvastatin PZLP-XS/YuZLP-XS, umumiy xolesterin/ YuZLP-XS va noyuzlp-XS/YuZLP-XS va apov/Apoa-I nisbatlarini xam pasaytiradi.

1 jadval. Birlamchi giperxolesterinemiya (IIa va IIb turi) bo'lgan pasientlarda dozaga bog'liq ta'sir (boshlang'ich darajaga nisbatan o'rtacha to'g'irlanagan foiz o'zgarishi).

So'rilishi: qon plazmasidagi maksimal kontsentrasiyasiga ichga muvofiq doza qabul qilinganidan keyin 5 soat o'tgach erishiladi. Mutloq Biokiraolishligi taxminan 20% ni tashkil qiladi. 

Taqsimlanishi: rozuvastatin xolesterinning sintezini va PZLP-XS metabolizmining klirensini asosiy joyi bo'lgan jigar tomonidan yutiladi. Rozuvastatinning taqsimlanish hajmi taxminan 134 l ni tashkil qiladi. Rozuvastatinnin 90% plazma oqsillari bilan, asosan albuminlar bilan bog'lanadi.

Metabolizmi: cheklangan miqdori (taxminan 10%) metabolizmga uchraydi. Rozuvastatin tsitoxrom R450 tizimining fermentlari tomonidan amalga oshirladigan metabolizmi uchun etarli mos keladigan substrat emasdir. CYP2C9 metabolizmida ishtirok etuvchi asosiy izoferment hisoblanadi, ayni paytda SUR2S19, SUR3A4 va CYP2D6 izofermentlari esa metabolizmga kamroq darajada jalb etilgan. Asosiy metaboliti - N-desmetil bo'lib, u rozuvastatinga qaraganda 50% kamroq faollikka ega. Lakton metabolitlari farmakologik jihatdan nofaoldirlar. Aylanib yurgan GMK-KoA-reduktazani ingibirlash bo'yicha farmakologik faollikning 90% dan ortig'i rozuvastatin tomonidan, qolgan qismi - metabolitlari tomonidan ta'minlanadi. 

Chiqarilishi: rozuvastatinning qabul qilingan dozasini taxminan 90% organizmdan ichak orqali o'zgarmagan holda (shu jumladan absorbtsiyalangan va absorbtsiyalanmagan rozuvastatin) chiqariladi, qolgan qismi o'zgarmagan holda buyraklar orqali chiqariladi. 5% ga yaqin o'zgarilmagan xolda buyraklar orqali chiqariladi.  Yarimchiqarilish davri (T1/2) 19 soatni tashkil qiladi va preparatning dozasi oshirilganida o'zgarmaydi. O'rtacha geometrik plazma klirensi soatiga taxminan 50 litr (variasiya koeffisienti 21,7%) ni tashkil qiladi. GMG-KoA reduktazaning boshqa ingibitorlari kabi, rozuvastatinni "jigar" tomonidan qamrab olinishi jarayoniga, membrana orqali xolesterinni membrana tashuvchisi – organik anionlardan tashuvchi transport proteini - TPOA-XS jalb qilingan. Ushbu tashuvchi rozuvastatinni jigar tomonidan chiqarilishida katta rol o'ynaydi. 

Chiziqliligi: rozuvastatinning tizimli ekspozisiyasi dozaga proportsional oshadi. Preparat sutkada bir necha marta qabul qilinganida farmakokinetik parametrlarining o'zgarishlari aniqlanmaydi.

Alohida pasientlar guruhlaridagi farmakokinetikasi 

Yosh va jins: katta pasientlarda jins va yosh rozuvastatinning farmakokinetik parametrlariga klinik ahamiyatli ta'sir ko'rsatmaydi. Geterozigotali oilaviy giperxolesterinemiya bilan og'rigan bolalar va o'smirlardagi ta'sir dislipidemiyasi bo'lgan kattalardagi pasientlarga o'xshash yoki pastroq bo'ladi ("bolalar va o'smirlar" bo'limiga qarang).

Etnik guruhlar: farmakokinetikaning qiyosiy tekshirishlari, osiyolik pasientlarda (yaponlar, xitoyliklar, Filippinlar, vetnamliklar va koreyslar) evropoid irqi vakillaridagi ko'rsatkichlariga nisbatan AUC va Cmax ning o'rtacha ko'rsatkichlarini ikki marta oshishini ko'rsatdi. Hindlarda AUC va Cmax o'rtacha qiymatlarini taxminan 1,3 marta oshishi aniqlangan. Bunda barcha tekshirilgan populyasiyalar uchun farmakokinetikaning ko'rsatkichlarini tahlili evropoid, negroid irqi vakillari va lotin amerikaliklar orasida preparatning farmakokinetikasida klinik ahamiyatli farqlarni aniqlamadi.

Buyrak etishmovchiligi: engil va o'rtacha darajadagi buyrak etishmovchiligi bo'lgan pasientlarda rozuvastatin yoki N-desmetil metabolitining plazmadagi kontsentrasiyasi ahamiyatli o'zgarmaydi. Yaqqol buyrak etishmovchiligi (kreatinin klirensi (kk) 

30 ml/min dan kam) bo'lgan pasientlarda qon plazmasida rozuvastatinning kontsentrasiyasi 3 marta yuqori, N-desmetil metabolitining kontsentrasiyasi esa, sog'lom ko'ngillilarga nisbatan 9 marta yuqori. Gemodializdagi pasientlarning qon plazmasidagi rozuvastatinning kontsentrasiyasi sog'lom ko'ngillilarnikiga qaraganda taxminan 50% ga yuqori.

Jigar etishmovchiligi: Chayld-Pyu shkalasi bo'yicha 7 va undan past ballik turli darajadagi jigar etishmovchiligi bo'lgan pasientlarda rozuvastatinning T1/2 oshishi aniqlanmagan. Biroq Chayld-Pyu shkalasi bo'yicha 8 va 9 ballik 2 pasientda T1/2 Chayld-Pyu shkalasi bo'yicha pastroq ko'rsatkichlari bo'lgan pasientlar uchun o'xshash ko'rsatkichdan taxminan 2 marta uzayishi aniqlangan. Rozuvastatinni Chayld-Pyu shkalasi bo'yicha 9 dan yuqori ballik pasientlarda qo'llash tajribasi yo'q.

Genetik polimorfizm: transport oqsillari OATP1B1 va BCRP ham HMG-CoA reduktaza ingibitorlari, shu jumladan rozuvastatinning farmakokinetikasida ishtirok etadi. SLCO1B1 (OATP1B1) va/yoki ABCG2 (BCRP) gen polimorfizmi bo'lgan pasientlarda rozuvastatinning oshishi xavfi mavjud. SLCO1B1 c.521CC va ABCG2 c.421AA individual polimorfizmi SLCO1B1 c.521TT yoki ABCG2 c.421CC genotiplariga nisbatan rozuvastatin ta'sirining (AUC) mos ravishda oshishi bilan bog'liq. Klinik amaliyotda genotiplarning bu turi aniqlanmagan, ammo shunga o'xshash polimorfizmga ega bo'lgan pasientlar uchun rozuvastatinning sutkalik dozasini kamaytirish tavsiya etiladi.

Bolalar va o'smirlar: 10 yoshdan 17 yoshgacha yoki 6 yoshdan 17 yoshgacha bo'lgan (jami 214 pasientlar) geterozigotali oilaviy giperxolesterinemiyasi bo'lgan bolalar populyasiyalarida rozuvastatinning (tabletka sifatida qabul qilingan) farmakokinetik ikki tadqiqoti shuni ko'rsatdiki, Pediatrik populyasiyada ta'siri shunga o'xshash yoki undan past bo'lgan. Rozuvastatinning ta'sirini 2 yil davomida doza va vaqt bo'yicha oldindan aytish mumkin edi.

Mertenil® ni qabul qilish bilan bog'liq nojo'ya dori reaktsiyalar (NDR) odatda o'rtacha yaqqollikka ega va qisqa muddatlidir. Nazoratli klinik tekshirishlarni o'tkazish vaqtida rozuvastatin qabul qilgan 4% dan kam pasientlarda, NDR ni rivojlanishi tufayli davolash to'xtatilgan. 

Klinik tadqiqotlar ma'lumotlari va marketingdan keyingi keng tajribaga asoslanib, 

2-jadvalda rozuvastatin uchun NDR profili keltirilgan.

NDR lar paydo bo'lish chastotasi va organ tizimlarining sinflari bo'yicha tasniflanadi.

NDR tez-tezligi quyidagicha ifodalanadi: tez-tez (≥1/100 dan <1/10); tez-tez emas (≥1/1000 dan <1/100 gacha); kam hollarda (≥1/10 000 dan <1/1000 gacha); juda kam hollarda (<1/10000); chastotasi noma'lum (mavjud ma'lumotlardan taxmin qilish mumkin emas).

2 jadval. Nojo'ya ta'sirlari

   GMG-KoA-reduktazaning boshqa ingibitorlari qo'llanganida bo'lgani kabi, NDR ning paydo bo'lishini tez-tezligi dozaga bog'liq xarakterga ega.

Buyraklar va siydik chiqarish tizimi tomonidan: rozuvastatin qabul qilinganida asosan naychalar geneziga ega proteinuriya aniqlangan. Siydikda oqsil miqdorini o'zgarishlari (yo'qligi yoki juda oz bo'lishidan ++ yoki ortiqroq bo'lishi) 10 va 20 mg rozuvastatin qabul qilgan 1% dan kam pasientlarda va preparatni 40 mg dozada qabul qilgan 3% pasientlarda kuzatilgan. 

Siydikdagi oqsilning miqdorini yo'qligi va izlaridan + gacha o'zgarishi bilan namoyon bo'ladigan o'zgarishi, preparat 20 mg dozada qabul qilinganda kuzatilgan. Ko'pchilik hollarda proteinuriya kamaygan yoki davolash jarayonida mustaqil o'tib ketgan. Klinik tekshirishlarning ma'lumotlari tahlil qilinganida, proteinuriya va buyrak kasalliklarining o'tkir yoki zo'rayuvchi kechishi orasida sababli bog'liqlik aniqlanmadi.

Rozuvastatin bilan davolash kursini o'tgan qator pasientlarda gematuriya kuzatilgan, lekin klinik tekshirishlarning ma'lumotlari bunday holatlarning paydo bo'lish tez-tezligi juda pastligini ko'rsatdi.

Suyak-mushak tizimi va biriktiruvchi to'qima tomonidan: mialgiya, miopatiyani (shu jumladan miozitni) chaqiruvchi skelet mushaklarga ta'siri va kam hollarda – o'tkir buyrak etishmovchiligining rivojlanishi bilan yoki usiz rabdomioliz rozuvastatinning har qanday dozasini, ayniqsa 20 mg dan ortiq dozani qabul qilgan pasientlarda kuzatilgan. Kreatinfosfokinaza (KFK) miqdorini qabul qilayotgan dozaga qarab oshishi, rozuvastatin qabul qilgan pasientlarda aniqlangan, lekin ko'pchilik hollarda bu ko'rinishlar ahamiyatsiz, simptomsiz va vaqtinchalik bo'lgan. Agarda KFK miqdori normaning yuqori chegarasidan 5 marta ortiq bo'lsa, unda davolashni to'xtatish kerak ("maxsus ko'rsatmalar" bo'limiga qarang).

Jigar tomonidan: boshqa GMG-KoA reduktaza ingibitorlarida bo'lgani kabi, "jigar" transaminazalarining faolligini qabul qilinayotgan dozaga bog'liq oshishi, rozuvastatin qabul qilgan pasientlarning katta bo'lmagan guruhida kuzatilgan. Bunda ko'pchilik hollarda bu oshishi o'rtacha ifodalangan, simptomsiz yoki o'tkinchi bo'lgan.

Ba'zi statinlar bilan quyidagi NDR lar haqida xabar berilgan:

- jinsiy disfunktsiya;

- juda kam hollarda – interstisial o'pka kasalligi, ayniqsa uzoq muddatli terapiya bilan ("maxsus ko'rsatmalar" bo'limiga qarang).

Rabdomioliz, buyrak va jigarning jiddiy buzilishlar chastotasi (asosan, "jigar" transaminazalarining faolligi oshishi) 40 mg dozada yuqori bo'lgan.

Bolalar va o'smirlar

52 haftalik klinik tadqiqotda KFK ning normaning yuqori chegarasiga nisbatan 10 baravar oshishi va jismoniy mashqlar yoki sezilarli jismoniy zo'riqishlardan keyin mushaklarning simptomlari bolalar va o'smirlarda kattalarga qaraganda tez-tez kuzatilgan ("maxsus ko'rsatmalar" bo'limiga qarang). Aks holda, bolalar, o'smirlar va kattalarni davolashda rozuvastatinning xavfsizlik profili o'xshash bo'lgan.

Shubhali nojo'ya reaktsiyalar haqida xabar berish

Dori preparatlarni ro'yxatdan o'tkazgandan so'ng, shubhali nojo'ya reaktsiyalar holatlari haqida ma'lumot berish muhimdir. Bu preparatning foyda/xavf nisbatini doimiy monitoring qilish imkonini beradi. Tibbiyot xodimlaridan milliy hisobot tizimidan foydalangan holda har qanday shubhali nojo'ya reaktsiyalar haqida xabar berishlari so'raladi.

Maxsus ogohlantirishlar va ehtiyot choralari

Buyrak samarasi

Asosan naychalardan kelib chiqishiga ega proteinuriya, pasientlarda Mertenil® ning yuqori dozalarini, ayniqsa 40 mg qabul qilinganida aniqlangan, lekin ko'pchilik hollarda u vaqti-vaqti bilan yoki vaqtinchalik bo'lgan. Bunday proteinuriya buyrakning o'tkir kasalligini paydo bo'lishi yoki mavjud kasalligini zo'rayishini bildirmaydi ("nojo'ya ta'sirlari" bo'limiga qarang). Buyraklar funktsiyasining jiddiy buzilishlarini tez-tezligi 40 mg rozuvastatin qabul qilinganida oshadi. 30-40 mg preparat bilan davolash vaqtida buyraklar funktsiyasining ko'rsatkichlarini nazorat qilish tavsiya qilinadi.

Skelet mushaklarga ta'siri

Mertenil®ni barcha dozalarda, ayniqsa preparat 20 mg dan ortiq dozada qo'llanganida mialgiya, miopatiya va kam hollarda rabdomioliz aniqlangan. Juda kam hollarda rabdomioliz ezetimib va GMG-KoA-reduktaza ingibitorlari bir vaqtda qabul qilinganida yuz bergan. Bunday hollarda preparatlarning farmakologik o'zaro ta'sirini inkor etish mumkin emas, shuning uchun Mertenil® va ezetimibni birga ehtiyotkorlik bilan qo'llash kerak ("dorilarning o'zaro ta'siri" bo'limiga qarang).

Rabdomioliz holatlarini tez-tezligi 40 mg rozuvastatin qabul qilinganida oshadi.

Kreatinfosfokinazani aniqlash

KFK faolligini aniqlashni, KFK miqdorini oshishini chaqiruvchi jadal jismoniy yuklamalardan keyin yoki boshqa sabablarga asoslanib o'tkazish mumkin emas, chunki bu natijalarni tahlil qilishni qiyinlashtirishi mumkin. KFK ko'rsatkichi davolash boshlangunicha normaning yuqori chegarasidan 5 martadan ortiq yuqori bo'lsa, 5-7 kundan keyin takroriy tekshirishni o'tkazish kerak. Agar takroriy tekshirish KFK ning dastlabki ko'rsatkichini (normaning yuqori chegarasiga nisbatan 5 marta yuqori) tasdiqlasa, Mertenil® bilan davolash boshlash mumkin emas.

Davolash boshlashdan oldin

Mertenil®ni GMG-KoA-reduktazaning boshqa ingibitorlari kabi miopatiya/rabdomioliz xavf omillariga ega pasientlarga maxsus ehtiyotkorlik bilan buyurish kerak. Bunday omillarga quyidagilar kiradi:

-buyrak etishmovchiligi;

-gipotireoz;

-mushak kasalliklarini shaxsiy yoki oilaviy anamnezi;

-GMG-KoA-reduktazaning boshqa ingibitorlari yoki fibratlarni qabul qilish fonida anamnezda miotoksiklikni borligi;

-alkogolni suiiste'mol qilish;

-70 yoshdan oshgan bemorlar;

-qon plazmasida preparatning kontsentrasiyasini oshishi bilan kechuvchi holatlar ("qo'llash usuli va dozalari", "dorilarning o'zaro ta'siri" va "farmakokinetikasi" bo'limiga qarang);

-fibratlarni bir vaqtda qabul qilish.

Bunday pasientlarda davolashning xavfi va bo'lishi mumkin bo'lgan foydaning nisbatini baholash va butun davolash kursi davomida klinik kuzatishni amalga oshirish kerak. KFK ning dastlabki ko'rsatkichini (normaning yuqori chegarasiga nisbatan 5 marta yuqori) tasdiqlasa, davolashni boshlash mumkin emas.

Davolash vaqtida

Pasientlarni mushak og'riqlari, mushak holsizligi yoki ayniqsa lanjlik yoki isitma bilan kechuvchi spazmlarni kutilmaganda paydo bo'lish hollari to'g'risida shifokorga darhol xabar berishlari kerakligi to'g'risida xabardor qilish tavsiya qilinadi!

Bunday pasientlarda albatta KFK faolligining nazoratini amalga oshirish kerak. Agar KFK darajasi normaning yuqori chegarasidan 5 martadan ortiq yuqori bo'lsa yoki agar mushak simptomlari keskin namoyon bo'lsa va butun kun davomida har kungi diskomfort chaqirsa (hatto agarda KFK faolligi normaning yuqori chegarasidan 5 marta past bo'lsa ham) davolashni to'xtatish kerak. Agar simptomlar yo'qolsa va KFK faolligi normaga qaytsa, Mertenil®ni takror buyurish yoki pasient ustidan sinchkov kuzatuv sharoitida GMG-KoA-reduktazaning muqobil ingibitorini kichik dozalarda buyurish to'g'risidagi masalani ko'rib chiqish kerak. Rabdomioliz simptomlari bo'lmaganida pasientlarda KFK faolligini muntazam nazorat qilish maqsadga muvofiq emas.

Davolash vaqtida statinlar, shu jumladan rozuvastatin bilan davolash to'xtatilgandan keyin klinik jihatdan doimiy proksimal mushaklar kuchsizligi va qon zardobidagi kreatinkinaza faolligining oshishi bilan namoyon bo'ladigan immun vositali nekrotizan miopatiyaning juda kam holatlari qayd etilgan.

Biroq miozit va miopatiya hollarining sonini oshishi GMG-KoA-reduktazaning boshqa ingibitorlarini fibroy kislotasining hosilalari, shu jumladan gemfibrozil, Tsiklosporin, nikotin kislotasining lipidlarni pasaytiruvchi dozalarda, zamburug'larga qarshi preparatlar, proteaza ingibitorlari va makrolid antibiotiklar bilan birga qabul qilgan pasientlarda aniqlangan. Gemfibrozil GMG-KoA-reduktazaning ayrim ingibitorlari bilan birga buyurilganida miopatiyaning paydo bo'lishi xavfini oshiradi. Shuning uchun rozuvastatin va gemfibrozilni bir vaqtda qabul qilish tavsiya qilinmaydi. Rozuvastatin fibratlar yoki nikotin kislotasi bilan birga qo'llanganida lipidlarni kontsentrasiyasi keyinchalik o'zgarishining mumkin bo'lgan xavf va foyda nisbati sinchiklab baholanishi kerak. Rozuvastatinni 30 mg va 40 mg dozada va fibratlarni bir vaqtda qabul qilish mumkin emas ("dorilarning o'zaro ta'siri" va "nojo'ya ta'sirlari" bo'limlariga qarang).

Mertenil® preparatini tizimli qo'llash uchun fuzid kislotasi preparatlari bilan bir vaqtda yoki fuzid kislotasini qo'llash to'xtatilgandan keyin 7 kun ichida qo'llanilmasligi kerak. Fuzid kislotasi bilan tizimli davolash ajralmas deb hisoblangan pasientlarda statinlar bilan davolash fuzid kislotasidan foydalanishning butun davri davomida to'xtatilishi kerak. Fuzid kislotasi va statinlar birgalikda qabul qilgan pasientlarda rabdomioliz holatlari (shu jumladan bir nechta o'lim holatlari) qayd etilgan ("dorilarning o'zaro ta'siri" bo'limiga qarang). Pasientlarga mushaklar kuchsizligi, og'riq yoki sezuvchanlik simptomlari bo'lsa, darhol tibbiy yordamga murojaat qilish tavsiya qilinishi kerak.

Statin terapiyasi fuzid kislotasining oxirgi dozasidan etti kundan keyin tiklanishi mumkin.

Istisno hollarda, fuzid kislotasini uzoq muddatli tizimli qo'llash zarur bo'lganda, masalan, og'ir infektsiyalarni davolash uchun, Mertenil® va fuzid kislotasini bir vaqtning o'zida qo'llash zarurati faqat har bir holatda va sinchkov tibbiy nazorat ostida ko'rib chiqilishi kerak. Mertenil® ni o'tkir miopatiyani taxmin qilishga imkon beruvchi o'tkir, og'ir kasalliklari bo'lgan yoki rabdomioliz fonida ikkilamchi buyrak etishmovchiligi rivojlanishi (masalan: sepsis, arterial gipertenziya, jarrohlik aralashuvi, jarohat, og'ir metabolik sindrom, tirishishlar, endokrin buzilishlari, elektrolit buzilishlari) mumkin bo'lgan pasientlarga buyurish mumkin emas.

Jigarga ta'siri

GMG-KoA-reduktazaning boshqa ingibitorlari kabi, Mertenil® ni ham alkogolni haddan tashqari ko'p iste'mol qiluvchi yoki anamnezida jigar kasalliklari bo'lgan pasientlarga maxsus ehtiyotkorlik bilan buyurish kerak.

Jigar funktsiyasining ko'rsatkichlarini aniqlashni davolash boshlanishidan oldin va undan keyin 3 oy o'tgach o'tkazish tavsiya qilinadi. Agarda qon zardobida "jigar" transaminazalarining faolligi normaning yuqori chegarasidan 3 marta yuqori bo'lsa, Mertenil® ni qabul qilishni to'xtatish yoki qabul qilinayotgan dozani kamaytirish kerak ("qo'llash usuli va dozalari" bo'limiga qarang). Ro'yxatdan o'tgandan keyingi davrda jigar funktsiyasining yaqqol buzilishlarini xaqidagi xabarlar soni (asosan "jigar" transaminazalarining faolligini oshishi bilan bog'liq), 40 mg preparat qabul qilinganida yuqoriroq bo'lgan.

Ikkilamchi giperxolesterinemiyasi bo'lgan pasientlarda gipotireoz, nefrotik sindrom tufayli asosiy kasallikni davolash, Mertenil® bilan davolashni boshlashdan oldin o'tkazilishi kerak.

Irqiy mansublik

Farmakokinetik tekshirishlar vaqtida evropoid irqi vakillari – pasientlari orasida olingan ma'lumotlarga nisbatan, osiyolik pasientlar ichida rozuvastatinning tizimli kontsentrasiyasini oshishi aniqlangan ("qo'llash usuli va dozalari", "qo'llash mumkin bo'lmagan holatlar" va "farmakokinetikasi" bo'limlariga qarang).

OIV proteaz ingibitorlari

Rozuvastatinni va turli xil OIV proteaz ingibitorlarini ritonavir bilan bir vaqtda qo'llash jarayonida rozuvastatinning tizimli ta'sirining oshishi kuzatiladi. Rozuvastatinni qabul qilishda qondagi lipidlar kontsentrasiyasini pasaytirishning afzalliklarini sinchkovlik bilan baholash kerak, shuningdek, davolanishning boshida va OIV proteaz ingibitorlarini qabul qiluvchi OIV bilan kasallangan pasientlarda preparatning dozasini oshirish davrida qon plazmasidagi rozuvastatin kontsentrasiyasining mumkin bo'lgan oshishini hisobga olish kerak. Rozuvastatinning dozasini to'g'irlamasdan, ba'zi proteaz ingibitorlari bilan bir vaqtda qo'llash tavsiya etilmaydi ("qo'llash usuli va dozalari", "dorilarning o'zaro ta'siri" bo'limlariga qarang).

Laktozani o'zlashtiraolmaslik

Preparat laktoza saqlaydi, shuning uchun uni galaktozani o'zlashtiraolmaslik, lappa laktoza etishmovchiligi kabi kam uchraydigan nasliy kasalliklari bo'lgan yoki glyukoza-galaktozani kam so'rilish sindromi bo'lgan pasientlar qabul qilmasliklari kerak.

Interstisial o'pka kasalligi

Ba'zi statinlar, ayniqsa uzoq vaqt davomida qo'llash bilan, interstisial o'pka kasalliklarining alohida holatlari haqida xabar berilgan ("nojo'ya ta'sirlari" bo'limiga qarang). Alomatlar orasida nafas qisilishi, samarasiz yo'tal va umumiy holatning yomonlashishi (holsizlik, vazn yoqotish va isitma). Agar intestisial o'pka kasalligiga shubha bo'lsa, statin terapiyasini to'xtatish kerak.

Qandli diabet 2-turi

Statinlar sinf sifatida qondagi glyukoza kontsentrasiyasining oshishiga olib kelishi va kelajakda diabet kasalligi rivojlanish xavfi yuqori bo'lgan ba'zi pasientlarda ular giperglikemiya darajasini qo'zg'atishi mumkinligi haqida dalillar mavjud, bunda qandli diabetni standart davolash ko'rsatilgan. Biroq, bu xavf statinlar tomonidan ta'minlangan qon tomir asoratlari xavfining kamayishi bilan ustun turadi, shuning uchun statin terapiyasini to'xtatish uchun terapiyasini to'xtatish uchun hech qanday sabab yo'q. Xavf ostida bo'lgan pasientlarda klinik va biokimeviy monitoring (och qorindagi glyukoza kontsentrasiyasi 5,6 dan 6,9 mmol/l gacha, VMI >kg/m2, trigliseridlar kontsentrasiyasining oshishi, arterial gipertenziya) milliy ko'rsatmalarga muvofiq amalga oshirilishi kerak.

JUPITER tadqiqotida qandli diabetning umumiy chastotasi rozuvastatin guruhida 2,8% va plasebo guruhida 2,3% ni tashkil etdi, pasientlarda asosan ochlikdagi glyukoza kontsentrasiyasi 5,6 dan 6,9 mmol/l gacha bo'lgan.

Giperxolesterinemiyani davolash
- Kattalar, o'smirlar va 6 yoshdan katta bolalarda dietoterapiyaga qo'shimcha sifatida birlamchi giperxolesterinemiya (IIa turi, shu jumladan oilaviy geterozigotli giperxolesterinemiya) yoki aralash dislipidemiya (IIb turi) parhez va boshqa nomedikamentoz chora-tadbirlar (masalan, jismoniy yuklama va tana vaznini kasayishi) samarasizligida.
- Kattalar, o'smirlar va 6 yoshdan katta bolalarda oilaviy gomozigot giperxolesterinemiyada parhez bilan davolash va lipidlarni kamaytirishga qaratilgan boshqa davolash turlari (masalan, PZLP aferezi) ga qo'shimcha sifatida yoki bunday dovolash samarasiz bo'lganida qo'llanadi.
Yurak-qon tomir asoratlarining oldini olish
Birlamchi yurak-qon tomir asoratlari xavfi yuqori bo'lgan pasientlarda og'ir yurak-qon tomir asoratlarining oldini olish ("farmakokinetikasi" bo'limiga qarang), boshqa xavf omillarini qo'shimcha tuzatish sifatida.

Rozuvastatinga yoki preparatning har qanday komponentlaridan biriga yuqori sezuvchanlik;

Faol bosqichdagi jigar kasalliklari, shu jumladan qon zardobida "jigar" transaminazalarning faolligini barqaror oshishi, shuningdek qon zardobida transaminazalarning faolligini normaning yuqori chegarasiga nisbatan kamida 3 marta har qanday oshishi;

Buyraklar funktsiyasining yaqqol buzilishlari (kk minutiga 30 ml dan kam);

Miopatiya;

Tsiklosporinni bir vaqtda qabul qilish;

Homiladorlik va laktasiya davri;

Ishonchli kontratsepsiya usullarini qo'llamayotgan, tug'ruq yoshidagi ayollarda;

Laktoza/galaktozani o'zlashtiraolmaslik, laktazaning tanqisligi yoki glyukoza-galaktozani kam so'rilishi.

Rozuvastatinni 30 mg va 40 mg dozada qo'llash miopatiya/rabdomioliz rivojlanishiga moyil bo'lgan omillari bo'lgan pasientlarga qo'llash mumkin emas.

Ushbu omillarga quyidagilar kiradi:

buyraklar faoliyatining yaqqol buzilishlari (kk minutiga 60 ml dan kam);

gipotireoz;

mushak kasalliklarining shaxsiy va oilaviy anamnezi;

GMK-KoA-reduktazaning (3-gidroksi-3-metilglutarilkoenzim A-reduktaza) boshqa ingibitorlari yoki fibratlarni anamnezdagi qabul qilish fonidagi miotoksiklik;

alkogolni xaddan ziyod iste'mol qilish;

qon plazmasida rozuvastatinning kontsentrasiyasini oshishiga olib kelishi mumkin bo'lgan holatlar; 

Osiyo irqiga mansub pasientlar;

fibratlarni bir vaqtda qabul qilishda qo'llash mumkin emas;

("Qo'llash mumkin bo'lmagan holatlar", "maxsus ko'rsatmalar" va "farmakokinetikasi" bo'limlariga qarang).

Boshqa preparatlarning rozuvastatinga ta'siri

Tashish oqsillari ingibitorlari: rozuvastatin bir qancha transport oqsillari, jumladan OATP1B1 jigar tomonidan so'rilish tashuvchisi va BCRP oqim tashuvchisi uchun substrat hisoblanadi. Rozuvastatin va ushbu transport oqsillarining ingibitorlari bo'lgan preparatlarni bir vaqtda qo'llash qon plazmasidagi rozuvastatin kontsentrasiyasining oshishi va miopatiya rivojlanish xavfining oshishi bilan birga bo'lishi mumkin ("qo'llash usuli va dozalari", "maxsus ko'rsatmalar" va "dorilarning o'zaro ta'siri" bo'limlariga qarang, 3 jadval).

Tsiklosporin: rozuvastatin va Tsiklosporin bir vaqtda qabul qilinganida, rozuvastatinning AUC ko'rsatkichi, sog'lom ko'ngillilardan olingan qiymatlarga nisbatan 7 marta oshgan ( 3 jadval ga qarang). Rozuvastatin Tsiklosporin qabul qilayotgan pasientlarga qo'llash mumkin emas ("qo'llash mumkin bo'lmagan holatlar" bo'limiga qarang). Preparatlar bir vaqtda qabul qilinganida qon plazmasida tsiklosporinning kontsentrasiyasini o'zgarishi aniqlanmagan.

Proteaza ingibitorlari: garchi o'zaro ta'sirning aniq mexanizmi ma'lum bo'lmasada, rozuvastatinni proteaza ingibitorlari bilan bir vaqtda qabul qilish, rozuvastatinning yarimchiqarilish davrini uzayishiga olib kelishi mumkin (3 jadvalga qarang). Farmakokinetik tekshirishda 10 mg rozuvastatin va proteazaning ikki ingibitori (300 mg atazanavir/100 mg ritonavir) saqlovchi majmuaviy preparat sog'lom ko'ngillilar tomonidan bir vaqtda qabul qilinganida, rozuvastatinning AUC 3 marta va Cmax 7 marta muvofiq oshishi aniqlangan. Rozuvastatin va ba'zi proteaz ingibitorlari majmuasi bilan birgalikda qo'llanilishi rozuvastatinning dozasini sinchiklovlik bilan tanlanganda mumkin, rozuvastatin ta'sirini kuchayishi kutilganga asoslanib ("qo'llash usuli va dozalari", "maxsus ko'rsatmalar" va "dorilarning o'zaro ta'siri" bo'limlariga qarang, 3 jadval).

Gemfibrozil va lipidlar darajasini kamaytiruvchi boshqa vositalar: rozuvastatin va gemfibrozilni bir vaqtda qabul qilish, rozuvastatinning Smax va AUC 2 marta oshishiga olib keladi ("maxsus ko'rsatmalar" ga qarang).

Spesifik o'zaro ta'sirlarning tekshirishlarini ma'lumotlari asosida fenofibratlar bilan tegishli farmakokinetik o'zaro ta'siri kutilmaydi, biroq farmakodinamik o'zaro ta'siri bo'lishi mumkin. Gemfibrozil, fenofibrat, boshqa fibratlar va nikotin kislotasi lipidlarni pasaytiruvchi dozalarda (sutkada 1 g yoki undan ortiq) GMG-KoA-reduktaza ingibitorlari bilan bir vaqtda qabul qilinganida, ular monoterapiya sifatida qabul qilinganida miopatiyani chaqirishi mumkinligi tufayli, miopatiyani paydo bo'lish xavfini oshirishgan. 30 mg yoki 40 mg rozuvastatinni va fibratlarni bir vaqtda qabul qilish mumkin emas ("maxsus ko'rsatmalar" va "qo'llash mumkin bo'lmagan holatlar" bo'limlariga qarang). Bu guruhdagi pasientlarda Mertenil® ning boshlang'ich dozasi 5 mg dan oshmasligi kerak.

Ezetimib: rozuvastatinni 10 mg dozada va ezetimibni 10 mg dozada bir vaqtda qo'llash giperxolesterinemiyasi bo'lgan pasientlarda rozuvastatinning AUC ning 1,2 baravar oshishi kuzatildi (3-jadvalga qarang). Biroq rozuvastatin va ezetimibning noxush holatlarni chaqirishi mumkin bo'lgan farmakodinamik o'zaro ta'sirini inkor qilish mumkin emas ("maxsus ko'rsatmalar" bo'limiga qarang).

Antasidlar: rozuvastatinni alyuminiy va magniy gidroksidini saqlovchi antasid suspenziyalar bilan bir vaqtda buyurish, rozuvastatinning qon plazmasidagi kontsentrasiyasini taxminan 50% ga pasayishiga olib kelishi mumkin. Bu ta'sir, antasidlar rozuvastatinni qabul qilingandan keyin 2 soatdan so'ng qo'llansa kuchsizroq namoyon bo'ladi. Ushbu o'zaro ta'sirning klinik ahamiyati o'rganilmagan. 

Eritromisin: rozuvastatin va eritromisinni bir vaqtda qabul qilish, rozuvastatinning AUQ(0-t) ni 20% ga va Smax ni 30% pasayishiga olib kelishi mumkin. Bu o'zaro bog'liqlik eritromisinni qabul qilish bilan bog'liq ichakning motorikasini kuchayishi bilan chaqirilgan bo'lishi mumkin.

Tsitoxrom R450 izofermentlari: o'tkazilgan In vitro va in vivo sharoitlarda tadqiqotlarning natijalari, rozuvastatin tsitoxrom R450 izofermentlarining ta'sirini ingibitori ham, induktori ham emasligini ko'rsatdi. Bundan tashqari, rozuvastatin bu izofermentlar uchun ancha kuchsiz substratdir. Shuning uchun tsitoxrom R450 bilan bog'liq metabolizmi natijasida dori vositalarning qandaydir o'zaro ta'siri kutilmaydi. Rozuvastatin va flyukonazol (SUR2S9 va SUR3A4 ingibitori) yoki ketonazol (SUR2A6 va SUR3A4 ingibitori) orasida klinik ahamiyatli o'zaro ta'sir kuzatilmagan. 

Rozuvastatinning dozasini to'g'irlashni talab qiladigan dori vositalari bilan o'zaro ta'siri (3-jadval qarang).

Mertenil® preparatining dozasini, agar kerak bo'lsa, uni rozuvastatin ta'sirini oshiradigan dorilar bilan birgalikda qo'llash bilan to'g'irlash mumkin. Mertenil® bilan birgalikda foydalanish imkoniyatini ko'rib chiqishda tegishli dori vositalari haqidagi ma'lumotlarni o'rganish tavsiya etiladi. Agar ta'sir qilishning (AUC) 2 marta yoki undan ko'proq oshishi kutilsa, Mertenil® ning boshlang'ich dozasi kuniga bir marta 5 mg ni tashkil qilishi kerak. Shuningdek, Mertenil® ning maksimal sutkalik dozasini rozuvastatin bilan o'zaro ta'sir qiluvchi dorilarni bir vaqtda reseptsiz qabul qilingan 40 mg dozadagi rozuvastatinning kutilgan ta'siridan oshmasligi uchun to'g'irlash kerak. Masalan, gemfibrozil bilan bir vaqtda qo'llanganda Mertenil® ning maksimal sutkalik dozasi 20 mg (ta'sir qilishning 1,9 baravar oshishi), atazanavir/ritonavir bilan - 10 mg (ta'sir qilishning 3,1 baravar oshishi).

3-jadval. Rozuvastatin ta'siriga bir vaqtda qo'llaniladigan terapiyaning ta'siri (AUC, ma'lumotlar kamayish tartibida keltirilgan).

    * Ko'p karra o'zgarishi sifatida taqdim etilgan ma'lumotlar AUC ning rozuvastatin bilan monoterapiyadagiga nisbatini ko'rsatadi. O'zgarish % sifatida taqdim etilgan ma'lumotlar rozuvastatin bilan monoterapiyaga nisbatan farqini (%) aks ettiradi.

** Jadvalda rozuvastatinning turli dozalarini qo'llashda eng muhim og'ishlar ko'rsatilgan.

Rozuvastatinni boshqa preparatlarga ta'siri

K vitaminining antagonistlari: GMG-KoA-reduktazaning boshqa ingibitorlari bilan bo'lgani kabi, bir vaqtda K vitamini antagonistlarini (masalan, varfarin yoki boshqa kumarin antikoagulyantlari) olayotgan pasientlarda rozuvastatin bilan davolashning boshlanishi yoki preparatning dozasini oshirilishi, xalqaro normallashtirilgan nisbatni (Xnn) oshishiga olib kelishi mumkin. Rozuvastatinning dozasini bekor qilish yoki pasaytirish Xnn ni kamayishini chaqirishi mumkin. Bunday hollarda Xnn ning monitoringini o'tkazish kerak.

Peroral kontratseptivlar/gormono'rinbosar davolash: rozuvastatin va peroral kontratseptivlarni bir vaqtda qabul qilish, etinilestradiol va norgestrelning AUC ni muvofiq 26% va 34% ga oshishiga olib kelishi mumkin. Plazmadagi kontsentrasiyalarni bunday oshishini peroral kontratseptivlarning dozasini tanlashda hisobga olish kerak. Rozuvastatin va gormono'rinbosar davolash preparatlarini bir vaqtda qo'llash bo'yicha farmakokinetik ma'lumotlar yo'q, shuning uchun ushbu majmua ishlatilganida o'xshash ta'sirni inkor etib bo'lmaydi. Biroq, preparatlarning bunday majmuasi ayollar tomonidan klinik tekshirishlarni o'tkazish vaqtida etarli darajada keng ishlatilgan va o'zlashtirilgan.

Boshqa dori vositalari: 

Digoksin

Tadqiqotlar ma'lumotiga ko'ra rozuvastatin va digoksin bir vaqtda qabul qilinganida klinik ahamiyatli o'zaro ta'siri kutilmaydi.

Fuzidik kislota

Rozuvastatin va fuzid kislotasining o'zaro ta'siri bo'yicha tadqiqotlar o'tkazilmagan. Fuzid kislotani statinlar bilan bir vaqtda tizimli qo'llash bilan miopatiya, shu jumladan rabdomioliz xavfi ortishi mumkin. Ushbu o'zaro ta'sir mexanizmi (farmakodinamik yoki farmakokinetik o'zari ta'sir bormi yoki har ikkalasi) hali no'malum. Ushbu kombinasiyani olgan pasientlarda rabdomioliz holatlari (shu jumladan o'limga olib keladigan holatlar) haqida xabar berilgan.

Agar kerak bo'lsa, fuzid kislotasi bilan tizimli terapiya, rozuvastatin bilan davolash to'xtatilishi kerak ("maxsus ko'rsatmalar" bo'limiga qarang).

Bolalar 

O'zaro ta'sir qilish bo'yicha tadqiqotlar faqat kattalarda o'tkazilgan. Bolalardagi o'zaro ta'sirlarning intensivligi no'malum.

Plyonka qobiq bilan qoplangan tabletkalar, 5 mg: 

Oq yoki deyarli oq rangli, dumaloq shaklli, ikki yoqlama qavariq, plyonka qobiq bilan qoplangan, taxminan 5,5 mm diametrli tabletkalar. Tabletkaning bir tomonida "C33" gravirovkasi bor.

Plyonka qobiq bilan qoplangan tabletkalar, 10 mg: 

Oq yoki deyarli oq rangli, dumaloq shaklli, ikki yoqlama qavariq, plyonka qobiq bilan qoplangan, taxminan 7,0 mm diametrli tabletkalar. Tabletkaning bir tomonida "C34" gravirovkasi bor.

Plyonka qobiq bilan qoplangan tabletkalar, 20 mg: 

Oq yoki deyarli oq rangli, dumaloq shaklli, ikki yoqlama qavariq, plyonka qobiq bilan qoplangan, taxminan 9,0 mm diametrli tabletkalar. Tabletkaning bir tomonida "C35" gravirovkasi bor.

Davolashni boshlashdan oldin pasient xolesterinning past miqdori bo'lgan mahsulotlarni qo'llash bilan bog'liq standart parhezga amal qilishi va u butun davolash davri davomida davom ettirilishi kerak. 

Dozalash tartibi

Preparatning dozasi, o'tkazilayotgan davolashning maqsadiga va o'tkazilayotgan davolashga pasientning terapevtik javobiga muvofiq va lipidlarning maqsadli darajalari bo'yicha zamonaviy umumiy qabul qilingan tavsiyalarni hisobga olib, shaxsiy tanlanadi. 

Giperxolesterinemiyani davolash

Preparatning tavsiya qilinadigan boshlang'ich dozasi ilgari statinlarni qabul qilmagan pasientlar uchun ham, GMG-KoA-reduktazaning boshqa ingibitorlari bilan davolashdan keyin ushbu preparatni qabul qilishga o'tkazilgan pasientlar uchun ham sutkada bir marta 5 mg yoki 10 mg ni tashkil qiladi. 

Preparatning boshlang'ich dozasini tanlashda, har bir konkret pasientda xolesterin darajasini, shuningdek yurak-tomir asoratlarining rivojlanishi xavfini va nojo'ya ta'sirlarni paydo bo'lishining potentsial xavfini hisobga olish kerak. Zarurati bo'lganida 4 haftadan keyin dozani o'zgartirishni o'tkazish mumkin ("farmakodinamikasi" bo'limiga qarang). 

Pastroq dozalarga nisbatan, 40 mg doza qabul qilinganida nojo'ya ta'sirlarini rivojlanishi tufayli ("nojo'ya ta'siri" bo'limiga qarang), 30 mg yoki maksimal 40 mg li dozagacha yakuniy titrlashni, 20 mg ni qabul qilganda xolesterinning maqsadli darajasiga erishilmagan va shifokorning kuzatuvi ostida bo'lgan, giperxolesteremiyaning og'ir shakllari bo'lgan va yurak-tomir asoratlarini paydo bo'lishini yuqori xavfi bo'lgan pasientlarda (ayniqsa nasliy giperxolesterinemiyasi bo'lgan pasientlarda) o'tkazish kerak. 30 mg yoki 40 mg doza buyurilganida shifokorning sinchkov kuzatuvi tavsiya qilinadi.  

Yurak-qon tomir asoratlarining oldini olish

Yurak-qon tomir kasalliklari xavfini kamaytirish uchun o'tkazilgan tadqiqotda rozuvastatin kuniga 20 mg dozada qo'llanilgan ("farmakodinamikasi" bo'limiga qarang).

Bolalar va o'smirlar

Rozuvastatinni bolalarga buyurish faqat mutaxassis tomonidan amalga oshirilishi kerak.

6 yoshdan 17 yoshgacha bo'lgan bolalar va o'smirlar (Tenner bosqichi

Oilaviy geterozigot giperxolesterinemiya

Oilaviy geterozigot giperxolesterinemiyasi bo'lgan bolalar va o'smirlar uchun odatiy boshlang'ich doza kuniga 5 mg ni tashkil qiladi. 

• Oilaviy geterozigotali giperxolesterinemiya bilan og'rigan 6 yoshdan 9 yoshgacha bo'lgan bolalarda tavsiya etilgan doza kuniga bir marta 5-10 mg ni tashkil qiladi. Pasientlarning ushbu guruhida 10 mg dan yuqori dozalarining xavfsizligi va samaradorligi o'rganilmagan.

• Oilaviy geterozigotali giperxolesterinemiya bilan og'rigan 10 yoshdan 17 yoshgacha bo'lgan bolalarda tavsiya etilgan doza kuniga bir marta 5-20 mg ni tashkil qiladi. Pasientlarning ushbu guruhida 20 mg dan yuqori dozalarining xavfsizligi va samaradorligi o'rganilmagan.

Dozani titrlash pasientning terapiyaga terapevtik javobiga muvofiq tolerantlikni hisobga olgan holda individual ravishda amalga oshirilishi kerak ("maxsus ko'rsatmalar" bo'limiga qarang). Davolanishni boshlashdan avval pasientda past xolesterinli standart parhezga rioya qilish kerak, bu butun davolanish davrida davom etishi kerak.

Oilaviy gomozigot giperxolesterinemiya

Oilaviy gomozigot giperxolesterinemiyasi bo'lgan 6 yoshdan 17 yoshgacha bo'lgan bolalarda tavsiya etilgan maksimal doza kuniga bir marta 20 mg ni tashkil qiladi.

Tavsiya etilgan boshlang'ich doza yoshi, vazni va oldingi statinlardan foydalanishga qarab kuniga bir marta og'iz orqali 5-10 mg ni tashkil qiladi. Kuniga bir marta maksimal 20 mg dozada titrlash pasientning davolanishga individual javobiga va bolalarda foydalanish bo'yicha tavsiyalarga muvofiq va o'zlashtiriaolishiga qarab amalga oshirilishi kerak ("maxsus ko'rsatmalar" bo'limiga qarang). Rozuvastatin bilan davolanishni boshlashdan avval, bolalar va o'smirlar past xolesterinli mahsulotlardan foydalangan holda standart parhezga rioya qilishlari kerak, bu davolanishning butun davri davomida davom ettilishi kerak.

Pasientlarning ushbu guruhida 20 mg dan boshqa dozalarni qo'llash tajribasi cheklangan.

Rozuvastatinning dozalari: 30 mg va 40 mg 18 yoshgacha bo'lgan bolalarda foydalanish uchun mo'ljallanmagan.

6 yoshgacha bo'lgan bolalar

6 yoshgacha bo'lgan bolalarda rozuvastatinning xavfsizligi va samaradorligi o'rganilmagan. Shuning uchun Mertenil® ni 6 yoshgacha bo'lgan bolalarda qo'llash tavsiya etilmaydi.

Keksa pasientlar

70 yoshdan oshgan pasientlar uchun preparatning tavsiya qilinadigan boshlang'ich dozasi 5 mg ni tashkil qiladi ("maxsus ko'rsatmalar" bo'limiga qarang). 

Yoshga qarab dozani to'g'rilash talab qilinmaydi.

Buyrak funktsiyasini buzilishi bo'lgan pasientlar 

Engil va o'rtacha darajadagi buyrak etishmovchiligi bo'lgan bemorlar uchun dozani to'g'rilash talab qilinmaydi. O'rtacha darajali buyrak etishmovchiligi (kk <60 ml/min) bo'lgan pasientlar uchun tavsiya qilinadigan boshlang'ich doza 5 mg ni tashkil qiladi. Mertenil® ning har qanday dozalarini og'ir darajali buyrak etishmovchiligi bo'lgan pasientlarga buyurish mumkin emas ("qo'llash mumkin bo'lmagan holatlar" va "farmakokinetikasi" bo'limiga qarang). O'rtacha darajali buyrak etishmovchiligi bo'lgan pasientlar uchun preparatni 30 mg va 40 mg dozada buyurish mumkin emas.

Jigar etishmovchiligi bo'lgan pasientlar

Chayld-Pyu shkalasi bo'yicha 7 va undan past ballik pasientlarda rozuvastatinning tizimli kontsentrasiyasini oshishi aniqlanmagan. Biroq preparatning tizimli kontsentrasiyasini oshishi Chayld-Pyu shkalasi bo'yicha 8 va 9 ballik pasientlarda kuzatilgan ("farmakokinetikasi" bo'limiga qarang). Bunday pasientlarda davolash fonida jigar faoliyatini nazorat qilish kerak ("maxsus ko'rsatmalar" bo'limiga qarang). Preparatni Chayld-Pyu shkalasi bo'yicha 9 dan yuqori ballik pasientlar tomonidan qabul qilinishi to'g'risida ma'lumotlar yo'q. Faol fazadagi jigar kasalliklari bo'lgan pasientlarda Mertenil® ni qo'llash mumkin emas ("qo'llash mumkin bo'lmagan holatlar" bo'limiga qarang).

Etnik guruhlar

Osiyo irqiga mansub pasientlarda rozuvastatinning tizimli kontsentrasiyasi oshishi mumkin ("qo'llash mumkin bo'lmagan holatlar", "maxsus ko'rsatmalar" va "farmakokinetikasi" bo'limiga qarang). 10 va 20 mg dozalar buyurilganida osiyolik pasientlar uchun preparatning tavsiya qilingan boshlang'ich dozasi 5 mg ni tashkil qiladi. Bunday pasientlarga preparatni 30 mg va 40 mg dozada qo'llash mumkin emas 

Genetik polimorfizm

Ma'lumki, irsiy polimorfizimning ayrim turlari rozuvastatin ta'sirini kuchayishiga olib kelishi mumkin ("farmakokinetikasi" bo'limiga qarang). Ushbu turdagi polimorfizmga ega bo'lgan pasientlarda rozuvastatinning sutkalik dozasini kamaytirish tavsiya etiladi.

Miopatiyaga moyil bo'lgan omillar mavjudligida dozalar

Miopatiyaga moyil pasientlar uchun preparatning tavsiya qilingan boshlang'ich dozasi 5 mg ni tashkil qiladi ("maxsus ko'rsatmalar" bo'limiga qarang). 

Ushbu guruhdagi ba'zi pasientlarga preparatni 30 va 40 mg dozada qo'llash mumkin emas ("qo'llash mumkin bo'lmagan holatlar" bo'limiga qarang).

Birgalikda terapiya

Rozuvastatin turli transport oqsillari (masalan, OATP1B1 va BCRP) uchun substratdir. Mertenil® preparati transport oqsillari bilan o'zaro ta'siri tufayli qon plazmasidagi rozuvastatin kontsentrasiyasini oshiradigan dorilar bilan (masalan, Tsiklosporin, ba'zi OIV proteaz ingibitorlari, shu jumladan ritonavirning atazanavir, lopinavir va/yoki tipranavir bilan kombinasiyasi) qo'llanilganda, miopatiya xavfi oshishi mumkin (shu jumladan rabdomioliz) ("maxsus ko'rsatmalar" va "dori vositalarining o'zaro ta'siri" bo'limlariga qarang). Mertenil® bilan birgalikda foydalanish imkoniyatini ko'rib chiqishda tegishli dori vositalari haqidagi ma'lumotlarni o'rganish tavsiya etiladi. Bunday hollarda siz alternativ terapiyani buyurish yoki Mertenil® preparatini vaqtincha to'xtatish imkoniyatini baholashingiz kerak. Agar yuqorida ko'rsatilgan dorilar va rozuvastatinni qo'llash zarur bo'lsa, birgalikda davolashning foyda/xavf nisbatini baholash va Mertenil® dozasini kamaytirish imkoniyatini ko'rib chiqish kerak ("dori vositalarining o'zaro ta'siri" bo'limiga qarang).

Qo'llash usuli

Ichga, kunning istalgan vaqtida, oziq-ovqat iste'mol qilishdan qat'iy nazar, chaynamasdan va maydalamasdan, suv bilan butunlay yutib yuboring.

Doza oshirib yuborilganida maxsus davolash yo'q. 

Doza oshirib yuborilganida simptomatik davolash va tutib turuvchi tadbirlarni o'tkazish tavsiya qilinadi. Jigar funktsiyasini va KFK darajasini nazorat qilish kerak. Bunday holda gemodializ, ehtimol, kam samarali.