NYUZOLEN poroshok 4mg N1

QO‘LLASH BO‘YICHA YO‘RIQNOMA

NYUZOLEN

NEWZOLEN

Preparatning savdo nomi: Nyuzolen

Ta‘sir etuvchi modda (XPN): zoledron kislotasi

Dori shakli: infuziya uchun eritmani tayyorlash uchun liofilizasiyalangan kukun.

Tarkibi:

faol modda – 4 mg suvsiz zoledron kislotasiga ekvivalent bo‘lgan zoledron kislotasi monogidrati;

yordamchi moddalar: mannitol, natriy sitrati digidrati.

Ta‘rifi: oq yoki biroz sarg‘ish rangli liofilizasiya qilingan massa.

Farmakoterapevtik guruhi: Suyak kasalliklarini davolash uchun preparatlar. Suyaklar tuzilmasi va minerallashishiga ta‘sir ko‘rsatuvchi preparatlar. Bisfosfonatlar.

ATX kodi: M05BA08

Farmakologik xususiyatlari

Farmakodinamikasi

Nyuzolen – bisfosfonat, suyak to‘qimasi rezorbsiyasining ingibitori bo‘lib, suyakka tanlab ta‘sir etish xususiyatiga ega. Suyak to‘qimasining rezorbsiyasiga osteoklastlar vositasida ingibisiya qiluvchi ta‘sir ko‘rsatadi. Suyak to‘qimasiga bisfosfonatlarning selektiv ta‘siri minerallashgan suyak to‘qimasi bilan yuqori o‘xshashlikka asoslangan, ammo osteoklastlar faolligini ingibisiya qilinishini ta‘minlovchi aniq molekulyar mexanizm hozirgacha noaniq bo‘lib qolmoqda. Suyak to‘qimasining rezorbsiyasiga ingibisiya qilish ta‘siridan tashqari zoledron kislotasi suyak metastazalarida o‘smalarga qarshi davolash samaradorligini ta‘minlovchi boshqa xususiyatlarga ega. In vivo suyak mikromuhitini o‘zgartiruvchi, o‘sma hujayralari o‘sishini pasayishiga olib keluvchi suyak to‘qimasining osteoklastik rezorbsiyasini ingibisiya qilinishi; antiangiogen faollik. Suyak rezorbsiyasini so‘ndirilishi klinik jihatdan og‘riq hislarining yaqqol pasayishi bilan ham kechadi. In vitro osteoblastlar proliferasiyasini ingibisiya qilish, to‘g‘ridan-to‘g‘ri sitotoksik va proapoptik faollik, o‘smalarga qarshi preparatlar bilan sinergik sitotoksik ta‘sir; antiadgeziv/invaziv faollik. Proliferasiyani so‘ndirga va apoptozni induksiya qilgan holda zoledron kislotasi odam mielomasi va ko‘krak bezi raki hujayralariga nisbatan o‘smalarga qarshi bevosita ta‘sir ko‘rsatadi, shuningdek ko‘krak bezi raki hujayralarining ekstrasellyulyar matriks orqali singib o‘tishini kamaytiradi, bu unda metastazalarga qarshi xususiyatlar mavjudligi haqida dalolat beradi. Bundan tashqari zoledron kislotasi odam endoteliysi hujayralari proliferasiyasini ingibisiya qiladi va hayvonlarda antiangiogen ta‘sirni keltirib chiqaradi. O‘sma keltirib chiqargan giperkalsiemiyali pasientlarda zoledron kislotasining ta‘siri zardobda kalsiy konsentrasiyasining pasayishi va uni siydik bilan chiqarilishining kamayishi bilan ifodalanishi ko‘rsatilgan.

Farmakokinetikasi

Infuziya boshlanganidan keyin zardobda zoledron kislotasining konsentrasiyasi infuziya oxiriga borib eng yuqori miqdoriga erishgan holda tezda oshadi, keyin esa konsentrasiya 4 soat o‘tgach 10% ga tezda pasayadi va 24 soat o‘tgach 28-kunga takroriy infuziyaga qadar bo‘lgan maksimal konsentrasiyadan 0,1% dan oshmaydigan past konsentrasiyalarning ketma-ket uzaytirilgan davri bilan 1% dan kam miqdorga pasayadi.

Zoledron kislotasini qon komponentlariga o‘xshashligi past darajada ekanligi ko‘rsatilgan. Plazma oqsillari bilan bog‘lanishi past (taxminan 50%) bo‘ladi va zoledron kislotasining konsentrasiyasiga bog‘liq emas.

Vena ichiga yuborilgan zoledron kislotasi buyraklar orqali 3 bosqichda chiqariladi: preparatni tizimli sirkulyasiyadan T_1/2 0,24 soatni va 1,87 soatni tashkil etadigan ikki fazali tezda chiqarilishi hamda yakuniy T_1/2 146 soatni tashkil etadigan uzoq davom etuvchi faza bilan chiqarilishi. Har 28 kunda takroriy yuborilishlarda kumulyasiya qayd etilmagan. Zoledron kislotasi tizimli metabolizmga uchramaydi va buyraklar orqali o‘zgarmas ko‘rinishda chiqariladi. Dastlabki 24 soat davomida yuborilgan dozaning 39±16% siydikda aniqlanadi. Qolgan miqdori asosan suyak to‘qimasi bilan bog‘lanadi. So‘ngra sekin-asta zoledron kislotasini suyak to‘qimasidan tizimli qon oqimiga qayta ajratilishi va uni buyraklar orqali chiqarilishi yuz beradi. Plazmadagi umumiy klirensi 5,04±2,5 l/soatni tashkil etadi. Infuziya vaqtini 5 minutdan 15 minutga oshirilishi infuziya yakunida zoledron kislotasi konsentrasiyasini 30% ga kamayishiga olib keladi, ammo AUC ga ta‘sir ko‘rsatmaydi.

Ahlat bilan 3% dan kam chiqariladi. Zoledron kislotasining buyrak klirensi kreatinin klirensi (KK) bilan musbat korrelyasiyalanadi.

Qo‘llanilishi

• suyak shikastlanishlari bilan kechadigan xavfli o‘smalari bo‘lgan pasientlarda suyak to‘qimasi bilan bog‘liq bo‘lgan simptomlarni (patologik suyak sinishlari; umurtqa ustunining kompressiyasi, jarrohlik aralashuvlaridan va nur terapiyasidan keyingi asoratlar yoki giperkalsiemiya) oldini olishda;
• xavfli o‘sma keltirib chiqaradigan giperkalsiemiyada qo‘llaniladi.

Qo‘llash usuli va dozalari

In‘eksiyalar uchun zoledron kislotasi vena ichiga yuboriladigan bisfosfonatlarni qo‘llash tajribasiga ega bo‘lgan shifokorlar tomonidan qo‘llanilishi kerak.

Nyuzolen 15 minut davomida vena ichiga tomchilatib yuboriladi. Xavfli o‘smalarda suyak to‘qimasi, suyaklarni shikastlanishi bilan bog‘liq simptomlarni oldini olish uchun kattalarga, shu jumladan keksa yoshdagi pasientlarga preparatning tavsiya etiladigan dozasi 4 mg ni tashkil etadi. Buyurilish karraligi – har 3-4 haftada.

Pasientlar shuningdek har kuni 500 mg hajmda qo‘shimcha kalsiy preparatlarini va 400 XB D vitaminini olishlari kerak.

Xavfli o‘sma keltirib chiqargan giperkalsiemiyada (kalsiy konsentrasiyasi albumin darajasi bo‘yicha tuzatish kiritilgan holda ≥12,0 mg/dl yoki 3,0 mmol/l) kattalar, shu jumladan keksa yoshdagi pasientlar uchun preparatning tavsiya etiladigan dozasi 4 mg ni tashkil etadi. Pasientning faol gidratasiyasini ta‘minlash uchun infuziyadan oldin, u bilan parallel ravishda yoki undan keyin fiziologik eritmani yuborish tavsiya etiladi.

Nyuzolenni takroriy yuborish yaqqol ifodalangan klinik ta‘sirdan keyin yomonlashish yuz berganida (ya‘ni zardobda kalsiy darajasi 2,7 mmol/l ga erishilganida yoki undan past bo‘lganida) yoki birinchi yuborilishga refrakter sodir bo‘lganida o‘tkaziladi. Nyuzolenni birinchi va takroriy yuborilishi o‘rtasidagi interval kamida bir hafta bo‘lishi kerak, chunki ushbu davr to‘liq klinik ta‘sir rivojlanishi uchun zarur. Nyuzolen takroran 8 mg dozada 15 minut davomida yuboriladi.

Odatda qonda kalsiy darajasini pasayishiga erishilgan ta‘sir 4 mg Nyuzolen yuborilganidan keyin 30 kun ichida va 8 mg Nyuzolen yuborilganidan keyin 40 kun ichida davom etadi. Preparatni o‘sma va buyrak faoliyatining buzilishi keltirib chiqargan giperkalsiemiyali pasientlarda qo‘llanilganida buyrak faoliyatining kuchsiz yoki o‘rtacha ifodalangan buzilishlari (zardobdagi kreatinin darajasi 400 mkmol/l dan kam yoki
4,5 mg/dl dan kam yoki KK >30 ml/min) bo‘lgan pasientlarda dozalash rejimiga tuzatish kiritish zarurati yo‘q. Nyuzolenni buyrak faoliyati og‘ir buzilishlari (KK <30 ml/min) bo‘lgan pasientlarda preparatni yetarlicha klinik qo‘llash tajribasi yo‘qligi munosabati bilan ushbu toifadagi pasientlarda qo‘llash tavsiya etilmaydi. Suyaklarda metastazalari bo‘lgan pasientlar sezilarli bo‘lmagan yoki o‘rtacha darajadagi buyrak yetishmovchiligi mavjud bo‘lganida davolashni boshlashdan oldin (KK darajasi minutiga 30 dan 60 ml gacha) in‘eksiyalar uchun zoledron kislotasining quyidagi dozalarini buyurish tavsiya etiladi:

* Dozalar siydikda 0,66 mg/soat/l, (KK = 75 ml/min) bo‘lgan o‘rtacha konsentrasiyasining kutilgan darajasidan kelib chiqib hisoblangan. Buyrak yetishmovchiligi bo‘lgan pasientlar uchun dozalar pasaytirilganida kreatinin klirensi minutiga 75 ml bo‘lgan pasientlardagi kabi siydikda o‘rtacha konsentrasiya darajasiga erishilishi kutiladi.

Davolash boshlanganidan keyin in‘eksiyalar uchun zoledron kislotasi har bir qabul qilinishidan oldin zardobda kreatinin darajasini aniqlash lozim. Buyrak faoliyati yomonlashganida davolashni to‘xtatish lozim. Buyrak faoliyati yomonlashishini quyidagi tarzda aniqlangan:

Zardobda kreatininni boshlang‘ich darajasi normal bo‘lgan (<1,4 mg/dl yoki <124 µmol/l) pasientlar uchun o‘sish 0,5 mg/dl yoki 44 µmol/l.

Zardobda kreatininni boshlang‘ich darajasi normal bo‘lmagan (>1,4 mg/dl yoki >124 µmol/l) pasientlar uchun o‘sish 1,0 mg/dl yoki 88 µmol/l.

In‘eksiyalar uchun zoledron kislotasi qo‘llanilishini faqat kreatinin darajasi boshlang‘ich qiymatidan 10% doirasiga qaytganidan keyin qayta boshlash mumkin. Preparat aynan davolanish to‘xtatilgan vaqtdagi dozalarda qo‘llaniladi.

Zoledron kislotasining pasaytirilgan dozasini tayyorlash bo‘yicha yo‘riqnoma

Konsentratning zarur bo‘lgan hajmi quyida keltirilganlarga muvofiq bo‘ladi:

3,5 mg doza uchun 4,4 ml

3,3 mg doza uchun 4,1 ml

3,0 mg doza uchun 3,8 ml.

Konsentratning olingan hajmini 0,9% natriy xloridi steril eritmasining 100 ml da og‘irlikni hajmga nisbatida yoki 5% glyukoza eritmasining 100 ml da og‘irlikni hajmga nisbatida eritish lozim. Hosil qilingan dozani kamida 15 minut davomida vena ichiga yuboriladi.

Zoledron kislotasini pediatriyada qo‘llanilishi o‘rganilmagan. In‘eksiyalar uchun zoledron kislotasini ko‘proq to‘liq ma‘lumotlardan erkin foydalanish mumkin bo‘lishiga qadar mazkur pasientlar toifasini davolashda qo‘llash kerak emas.

Nyuzolenni takroran qo‘llash zarurati bo‘lganida har bir infuziya oldidan zardobdagi kreatinin konsentrasiyasini aniqlash zarur.

Eritmani tayyorlash va qo‘llash qoidalari

Eritmani aseptik sharoitlarda tayyorlash zarur. Nyuzolenning har bir 4 mg ni 5 ml in‘eksiya uchun suvda eritiladi. Kukun to‘liq erishi uchun flakonni ehtiyotkorlik bilan silkitish lozim. Agar 8 mg Nyuzolenni saqlaydigan infuziya eritmasini tayyorlash zarur bo‘lsa, yuqorida bayon qilingan usul bilan 2 ta flakon ichidagi moddani 10 ml in‘eksiya uchun suvdan foydalangan holda eritish lozim. Zarur bo‘lgan dozali (4 mg yoki 8 mg) hosil qilingan eritmani 100 ml 0,9% li natriy xloridi eritmasida yoki 5% li glyukoza eritmasida suyultiriladi. Kalsiy ionlarini saqlaydigan eritmalardan foydalanish mumkin emas!

Tayyorlangan Nyuzolen eritmasidan u tayyorlanganidan bevosita keyin foydalanish maqsadga muvofiq. Darhol foydalanilmagan eritmani + 2°C dan 8°C gacha haroratda 24 soatdan ko‘p bo‘lmagan muddatda muzlatkichda saqlash mumkin. Yuborilishidan oldin eritmani xona haroratiga erishilishiga qadar ushlab turish zarur.

Nyuzolen eritmasini har qanday boshqa dori preparatlari bilan aralashtirmaslik kerak.

Nyuzolen eritmasini yuborish uchun faqat alohida infuziyalar uchun tizimdan foydalanish zarur.

Nojo‘ya ta‘sirlari

Yakka kuzatuvlarga nisbatan ko‘proq ro‘yxatdan o‘tkazilgan nojo‘ya holatlar ularning yuzaga kelishi tez-tezligi ko‘rsatilgan holda quyida sanab o‘tilgan.

Nomaqbul holatlarning uchrashi tez-tezligini baholashning «juda tez-tez» (≥10%); «tez-tez» (≥1% dan <10% gacha); «gohida» (≥0,1% dan <1% gacha); «kam hollarda» (≥0,01% dan <0,1% gacha); «juda kam hollarda» (0,01% dan kam) kabi mezonlaridan foydalanilgan.

Juda tez-tez

• gipofosfatemiya.

Tez-tez

• anemiya;
• bosh og‘rig‘i;
• kon‘yunktivit;
• anoreksiya, ko‘ngil aynishi, qusish;
• suyaklarda, mushaklarda, bo‘g‘imlarda og‘riqlar, turli lokalizasiyadagi og‘riqlar;
• buyrak faoliyatini buzilishi, buyrak yetishmovchiligi;
• preparatga yuqori sezuvchanlik;
• tana haroratini ko‘tarilishi;
• grippga o‘xshash sindrom (yuqori darajada charchash, lohaslik, isitmali qaltiroq, et uvushishi, suyaklar va/yoki mushaklarda og‘riqlar);
• qon zardobida kreatinin, mochevina darajasini oshishi, gipokalsiemiya.

Tez-tez emas

• trombositopeniya, leykopeniya;
• bosh aylanishi, paresteziya, gipesteziya, giperesteziya, ta‘m sezishni buzilishi, titroq;
• tashvishlanish, uyquni buzilishi;
• ko‘rishni xiralashishi;
• og‘izni qurishi, stomatit, qorin sohasida og‘riqlar, ovqat hazm qilishni buzilishlari, diareya, qabziyat;
• nafas olishni qiyinlashishi, yo‘tal;
• teri qichishishi, toshma (shu jumladan eritematoz, xol-xol toshma), yuqori darajada terlash;
• tirishishlar;
• gipertenziya, gipotenziya;
• o‘tkir buyrak yetishmovchiligi, gematuriya, proteinuriya;
• angionevrotik shish;
• umumiy madorsizlik, periferik shishganlik;
• preparat yuborilgan joyda reaksiyalar: og‘riq, terini qizarishi, zichlanishi, qavarishi va infiltratni rivojlanishi;
• ko‘krakda og‘riq;
• tana vaznini oshishi;
• gipokaliemiya, gipomagniemiya.

Gohida

• tremor;
• asteniya.

Kam hollarda

• pansitopeniya;
• ongni xiralashishi;
• bradikardiya;
• angionevrotik shish;
• giperkaliemiya, gipokaliemiya, gipernatriemiya.

Juda kam hollarda

• uveit, episklerit.

Preparatni marketingdan keyingi qo‘llash tajribasi

Bisfosfonatlarni qabul qilgan xavfli o‘smalari bo‘lgan pasientlarda osteonekroz (ko‘proq jag‘da) rivojlanishi hollari kuzatilgan. Ushbu pasientlarning ko‘pchiligida mahalliy infeksiya belgilari, shu jumladan osteomielit kuzatilgan. Kuzatuvlarning ko‘pchiligi tishlarini oldirgan yoki boshqa stomatologik operasiyalarini boshdan o‘tkazgan pasientlarga taalluqdlidir.

Juda kam hollarda komatoz holatga va qon tomir/yurak yetishmovchiligiga olib kelgan gipotenziya, yurak oldi bo‘lmalarining fibrillyasiyasi, yarim hushsiz holat, bronxostenoz, anafilaktik reaksiya/anafilaktik shok, allergik toshma kuzatilgan.

Nyuzolen qo‘llanilganida nojo‘ya ta‘sirlar odatda kuchsiz ifodalangan va o‘tib ketuvchi bo‘ladi; ular boshqa bisfosfonatlar qo‘llanilganida kuzatiladigan ta‘sirlarga o‘xshash bo‘ladi.

Shuni ham e‘tiborga olish lozimki, asetilsalisil kislotasiga sezuvchan bo‘lgan bronxial astmali pasientlarga boshqa bisfosfonatlar buyurilganida bronxospazm hollari qayd etilgan, biroq Nyuzolen qo‘llanilganida bunday hollar qayd etilmagan.

Qo‘llash mumkin bo‘lmagan holatlar

• zoledron kislotasiga, boshqa bisfosfonatlarga yuqori sezuvchanlikda;
• gipokaliemiyada;
• homiladorlik va laktasiya davrida;
• 18 yoshgacha bo‘lgan bolalarda va o‘smirlik davrida qo‘llash mumkin emas.

Dorilarning o‘zaro ta‘siri

Nyuzolen bilan birga boshqa tez-tez qo‘llaniladigan dori vositalari (o‘smalarga qarshi vositalar, diuretiklar, antibiotiklar, analgetiklar) bir vaqtda buyurilganida har qanday klinik ahamiyatga ega o‘zaro ta‘sirlar qayd etilmagan.

Іn vіtro tadqiqotlarida olingan ma‘lumotlarga ko‘ra zoledron kislotasi plazma oqsillari va P₄₅₀ sitoxromi tizimi fermentlari bilan sezilarli bo‘lmagan darajada bog‘lanadi. Biroq dorilarning o‘zaro ta‘sirlarini o‘rganishga doir maxsus klinik tadqiqotlar o‘tkazilmagan. Bisfosfonatlar va aminoglikozidlar bir vaqtda qo‘llanilganida zardobda kalsiy darajasi talab qilinganidan ko‘ra uzoqroq muddat davomida pasaygan holda bo‘lishi mumkin, chunki qon zrdobida kalsiy konsentrasiyasiga har ikkala preparatning additiv ta‘siri bo‘lishi mumkin. Potensial ravishda nefrotoksik ta‘sirga ega bo‘lgan preparatlar bilan bir vaqtda qo‘llanilganida buyrak faoliyatining yomonlashishi xavfi oshadi.

Gipomagniemiya rivojlanishi ehtimolini nazarda tutish lozim.

Farmasevtik o‘zaro ta‘siri

Nyuzolenning suyultirilgan eritmasini kalsiy ionlarini saqlaydigan infuziya eritmalari (masalan, Ringer eritmasi) bilan aralashtirish mumkin emas.

Nyuzolenni yuborish uchun shisha flakonlar, polivinilxlorid, polietilen va polipropilendan tayyorlangan infuziya tizimlari va turli xil qopchalardan (0,9% li natriy xloridi yoki 5% li glyukoza eritmasi bilan dastlab to‘ldirilgan) foydalanilganida preparat bilan mos kelmaslikning har qanday belgilari aniqlanmagan.

Maxsus ko‘rsatmalar

Nyuzolen takroran buyurilgan barcha pasientlarda preparatni har bir yuborilishidan oldin qon zardobida kreatinin konsentrasiyasini aniqlash zarur. Agar olingan ma‘lumotlar buyrak faoliyati yomonlashganidan dalolat bersa, bemorning holati baholanishi va preparatni yuborishdan keladigan potensial foyda kutilishi mumkin bo‘lgan xavfdan ustun ekanligi haqida xulosa qilinishi zarur.

Nyuzolen qo‘llanilganida qon zardobida kreatinin konsentrasiyasi oshishi mumkinligini, shuningdek buyrak faoliyati og‘ir buzilishlari (qon zardobida kreatinin konsentrasiyasi ≥400 mkmol/l yoki ≥4,5 mg/dl, KK<35 ml/min) bo‘lgan bemorlarda qo‘llanilishiga oid ma‘lumotlar yo‘qligini inobatga olgan holda preparatni ushbu bemorlar kontingentiga buyurish tavsiya etilmaydi.

Infuziyadan oldin pasientda degidratasiya mavjudligini istisno etish zarur. Pasientning adekvat gidratasiyasini ta‘minlash uchun Nyuzolen infuziyasidan oldin, u bilan parallel yoki undan keyin fiziologik eritmani yuborish tavsiya etiladi. Yurak-qon tomir tizimi tomonidan asoratlar yuzaga kelishi xavfi tufayli pasientning yuqori darajada gidratasiyasidan tiyilish lozim.

Nyuzolen yuborilganidan keyin qon zardobida kalsiy, fosfor, magniy va kreatinin konsentrasiyasi ustidan doimiy nazorat zarur.

Agar gipokalsiemiya, gipofosfatemiya yoki gipomagniemiya rivojlansa, qisqa muddatli qo‘llab-quvvatlovchi davolash o‘tkazilishi zarur.

Bisfosfonatlar qo‘llanilishi fonida buyrak faoliyatini buzilishi haqidagi ayrim xabarlar mavjud. Bunday asoratlar yuzaga kelishi xavfi omillariga anamnezda buyrak yetishmovchiligi, preparatni yuqori dozalarda (8 mg) uzoq vaqt davomida qo‘llanilishi, infuziya vaqtini qisqarishi taalluqli bo‘ladi.

Jag‘ osteonekrozida

Jag‘ osteonekrozi zoledron kislotasini in‘eksiyalarda qabul qilgan xavfli o‘smalari bo‘lgan bemorlarda ko‘proq kuzatilgan. Ushbu pasientlarning ko‘pchiligi shuningdek kimyo terpiyasi va kortikosteroidlarni qabul qilgan. Ko‘pchilik hollar tishlarni sug‘urib tashlash kabi stomatologik proseduralar bilan bog‘liq bo‘lgan. Ko‘pchilik pasientlarda mahalliy infeksiyalar belgilari, jumladan osteomielit kuzatilgan. Birgalikda kechadigan xavf omillari (kimyo terapiyasi, kortikosteroidlar, og‘iz bo‘shlig‘i gigienasining yomon holatda ekanligi) ta‘siriga uchraydigan pasientlar bisfosfonatlar bilan davolash boshlanishiga qadar tegishli stomatologik proseduralar bilan birga stomalogiya ko‘rigidan o‘tishi zarur.

Pasientlarning mazkur toifasini davolash vaqtida, agar bu mumkin bo‘lsa, agressiv stomatologiya proseduralaridan tiyilish lozim. Bisfosfonatlarni qo‘llash vaqtida rivojlangan jag‘ osteonekrozi bo‘lgan pasientlarda stomatologik operasiya kasallikni og‘irlashtirishi mumkin. Davolovchi shifokor stomatologiya proseduralarini o‘tkazish haqida qaror qabul qilayotganida har bir pasient uchun alohida ravishda foyda/xavfni baholashga asoslangan holda o‘z klinik tajribasiga suyanishi kerak.

Jigar faoliyatining yetishmovchiligida

Jigar faoliyatining yetishmovchiligi bo‘lgan pasientlarga tegishli bo‘lgan klinik tadqiqotlarning ma‘lumotlari cheklangan, shu sababli pasientlarning mazkur toifasi bo‘yicha biror-bir maxsus tavsiyalar berilishi imkoni mavjud emas.

Transport vositasini boshqarish yoki potensial xavfli mexanizmlar bilan ishlash qobiliyatiga dori vositasi ta‘sirining o‘ziga xos xususiyatlari

Davolash vaqtida avtotransportni boshqarishdan va yuqori diqqat-e‘tiborni va psixomotor reaksiyalari tezligini talab qiladigan boshqa faoliyat turlaridan tiyilish lozim.

Preparatni bolalar ololmaydigan joyda saqlash va uni yaroqlilik muddati o‘tganidan keyin ishlatilmasin.

Dozani oshirib yuborilishi

Nyuzolen dozasini o‘tkir oshirib yuborilishi hollari kuzatilmagan. Preparatni tavsiya etilgan dozadan ortiq bo‘lgan dozalarda qabul qilayotgan pasientlar doimiy kuzatuv ostida bo‘lishi kerak.

Davolash: klinik ahamiyatli belgilari namoyon bo‘lgan holda gipokalsiemiya yuzaga kelganida kalsiy glyukonatini infuziyali yuborish buyurilgan.

Chiqarilish shakli

Preparat rezina tiqin va alyumin qopqoq bilan yopilgan 5 ml hajmdagi flakonlarga joylanadi.

Karton qutiga tibbiyotda qo‘llash bo‘yicha yo‘riqnoma bilan birga 1 ta flakon joylangan.

Saqlash sharoiti

Yorug‘likdan himoya qilingan joyda, 25°S dan yuqori bo‘lmagan haroratda saqlansin.

Tayyorlangan eritmani 2°C dan 8°C gacha haroratda 24 soat davomida saqlanadi.

Saqlash muddati

2 yil.

Dorixonalardan berish shartlari

Resept bo‘yicha.