OMARON tabletkalari N30

So'rilishi. Ichga qabul qilingandan so'ng piratsetam va sinnarizin me'da-ichak yo'llaridan tez va deyarli to'liq so'riladi. Piratsetamning biokiraolishligi taxminan 100% ni tashkil qiladi. Piratsetamning maksimal kontsentratsiyasi (Cmax) qabul qilingandan 0,5-1 soat o'tgach erishiladi. Sinnarizinning plazmadagi maksimal kontsentratsiyasi 1-3 soatdan keyin erishiladi. Sinnarizinning biokiraolishligi kislotali muhitda ortadi.



Taqsimlanishi. Piratsetam plazma oqsillari bilan bog'lanmaydi. Taqsimlanish hajmi taxminan 0,6 l/kg ni tashkil qiladi. Gematoensefalik va yo'ldosh to'siqlari orqali, barcha a'zolar va to'qimalarga, shuningdek gemodializda ishlatiladigan filtrlovchi membranalardan o'tadi. Hayvonlarda o'tkazilgan tadqiqotlarda piratsetam bosh miya po'stlog'i to'qimalarida, asosan peshana, tepa va ensa bo'laklarida, miyacha va bazal gangliylarda tanlab to'planishi aniqlangan.



Sinnarizin. Plazma oqsillari bilan bog'lanishi 91% ni tashkil qiladi. Ichga qabul qilingandan 1-4 soat o'tgach jigar, buyraklar, yurak, o'pka, taloq va miyada aniqlanadi.



Metabolizmi. Piratsetam organizmda deyarli metabolizmga uchramaydi.



Sinnarizin dealkillanish yo'li bilan faol va to'liq metabolizmga uchraydi; metabolizm jarayoni ichga qabul qilingandan 30 daqiqa o'tgach boshlanadi.



Chiqarilishi. Piratsetam. Ichga qabul qilingan dozaning 95% dan ortig'i buyraklar orqali o'zgarmagan holda buyrak filtratsiyasi yo'li bilan 30 soat ichida chiqariladi. Sog'lom ko'ngillilarda piratsetamning buyrak klirensi 86 ml/daqiqani tashkil qiladi. Yarim chiqarilish davri (T1/2) - qon plazmasidan 4-5 soat va orqa miya suyuqligidan 8,5 soat. Buyrak yetishmovchiligi bo'lgan bemorlarda T1/2 uzayadi. Jigar yetishmovchiligi bo'lgan bemorlarda piratsetamning farmakokinetikasi o'zgarmaydi.



Sinnarizin organizmdan metabolitlar ko'rinishida (1/3 qismi — buyraklar orqali, 2/3 qismi — ichak orqali) chiqariladi, T1/2 - taxminan 4 soat.

Markaziy va periferik asab tizimi tomonidan: harakat tormozlanishining yo‘qolishi, ta’sirchanlik, uyquchanlik, depressiya, asteniya, bosh og‘rig‘i. Yakka hollarda bosh aylanishi, ataksiya, epilepsiya zo‘rayishi, ekstrapiramidal buzilishlar, tremor, muvozanatsizlik, diqqatni jamlash qobiliyatining pasayishi, uyqusizlik, qo‘zg‘alish, xavotir, gallyutsinatsiyalar, seksuallikning oshishi qayd etiladi.



Yurak-qon tomir tizimi tomonidan: arterial bosimning pasayishi yoki oshishi.



Ovqat hazm qilish tizimi tomonidan: dispeptik hodisalar, og‘iz qurishi hissi; yakka hollarda — ko‘ngil aynishi, qusish, diareya, qorinda og‘riqlar, xolestatik sariqlik.



Teri qoplamalari tomonidan: yakka hollarda dermatit, qichishish, teri toshmasi.



Moddalar almashinuvi tomonidan: tana vaznining oshishi.



Allergik reaksiyalar: angionevrotik shish.



Boshqalar: terlashning kuchayishi; yakka hollarda — bo‘richasimon sindrom, qizil yassi temiratki.

Uzoq muddat qo‘llanilganda jigar va buyrak funksiyasini nazorat qilish tavsiya etiladi (ayniqsa surunkali buyrak yetishmovchiligi bo‘lgan bemorlarda).



Davolash davrida arterial gipotenziyasi bo‘lgan bemorlarda qon bosimining yanada sezilarli pasayishi mumkin.



Davolash davrida spirtli ichimliklarni iste'mol qilish tavsiya etilmaydi.



Doping sinamasi va allergik teri testlari natijalarining buzilishi mumkin; tekshiruvdan 4 kun oldin preparatni bekor qilish kerak.



Transport vositalarini boshqarish va mexanizmlar bilan ishlash qobiliyatiga ta'siri

Davolash davrida avtotransportni boshqarishda va diqqatni yuqori jamlash hamda psixomotor reaksiyalar tezligini talab qiluvchi boshqa potensial xavfli faoliyat turlari bilan shug‘ullanishda ehtiyotkorlikka rioya qilish zarur.

Preparatning asosiy va/yoki yordamchi komponentlariga yuqori sezuvchanlik; og'ir jigar yetishmovchiligi; og'ir buyrak yetishmovchiligi (kreatinin klirensi 20 ml/min dan kam); gemorragik insult; parkinsonizm (shu jumladan Parkinson kasalligi); psixomotor qo'zg'alish; Gentington kasalligi; homiladorlik; laktatsiya davri; 5 yoshgacha bo'lgan bolalar; laktozani o'zlashtira olmaslik, laktaza yetishmovchiligi, glyukoza-galaktoza malabsorbtsiyasi sindromi (preparat laktoza saqlaydi).



Ehtiyotkorlik bilan

Jigar va/yoki buyrak kasalliklari, surunkali buyrak yetishmovchiligi (kreatinin klirensi 20-80 ml/min); ko'z ichi bosimining oshishi; porfiriya; gemostaz buzilishi; keng ko'lamli jarrohlik aralashuvlari; og'ir qon ketish; gipertireoz; epilepsiya; bosh miya tomirlarining yaqqol aterosklerozi; nevrotik reaktsiyalarga moyillik.

Bir vaqtda qo'llanilganda markaziy asab tizimi faoliyatini susaytiruvchi vositalar, shuningdek etanol, nootrop va antigipertenziv vositalarning sedativ ta'siri kuchayishi mumkin.



Vazodilatatsiya qiluvchi vositalar preparat ta'sirini kuchaytiradi.



Antipsixotik dori vositalari va tritsiklik antidepressantlarning o'zlashtirilishini yaxshilaydi.



Bir vaqtda qo'llanilganda piratsetam qalqonsimon bez gormonlarining markaziy ta'sirini kuchaytiradi (tremor, bezovtalik, asabiylashish, uyqu buzilishi mumkin); peroral antikoagulyantlar ta'sirini kuchaytirishi mumkin.