Fezam dori vositasi O'zbekiston dori vositalari reestrida ro'yxatdan o'tganmi?

Ha, preparat O'zbekiston dori vositalari reestrida ro'yxatdan o'tgan.

Fezam dori vositasi ishlab chiqaruvchisi kim va u qaysi davlatda ishlab chiqarilgan?

Fezam dori vositasi Zdravle XFZ AO tomonidan Bolgariya mamlakatida ishlab chiqarilgan.

Bosh sahifa / Dori vositalari / Fezam

Fezam

Name: Fezam
Rating: 5 (3 reviews)

Chiqarish shakllari Qo'llanma Narxlar Analoglar Barcha rasmlar Savollar Fikr-mulohazalar

Fezam chiqarilish shakllari

Retseptli

FEZAM kapsulalar 400/25 mg N60

Bolgariya

Ishlab chiqaruvchi:

Balkanpharma-Dupnitsa AD

•99 ta dorixonada bor

Narxi

64 500 so'm dan

- Fezam qabul qilish bo'yicha ma'lumot

- Fezamning tarkibi

- Fezam ko'rsatmalar va qarshi ko'rsatmalar

- Fezam narxi Toshkent dorixonalarida

Fezam qo'llanmasi

Ishlab chiqarilish joyi

Serbiya,

Bolgariya

Kategoriya

Asab tizimi

Nimaga qarshi

Miya uchun Hotira va e'tibor susayishidan Hotira uchun

Faol modda

Sinnarizin Pirasetam

Qo‘llash ko‘rsatmalari

— miya qon aylanishi yetishmovchiligi (miya tomirlari aterosklerozi, ishemik va gemorragik insultlardan, kalla-miya travmalaridan keyingi tiklanish davri, turli genezli entsefalopatiyalar); — intoksikatsiyalar; — intellektual-mnestik funktsiyalarning pasayishi bilan kechuvchi MNS kasalliklari (xotira, diqqat, kayfiyat buzilishi); — asteniya va adinamiya simptomlari ustunlik qiluvchi psixoorganik sindrom; — astenik sindrom; — labirintopatiyalar; — Mener sindromi; - kinetozlar profilaktikasi; — migren profilaktikasi; — bolalarda intellektual rivojlanishning orqada qolishi.

Qo'llanilishi mumkin bo'lmagan holatlar

— jigar funksiyasining og‘ir buzilishlari; — buyrak funksiyasining og‘ir buzilishlari; — parkinsonizm; — homiladorlik; — laktatsiya (ko‘krak suti bilan boqish); — 5 yoshgacha bo‘lgan bolalar; — preparat komponentlariga yuqori sezuvchanlik. Parkinson kasalligida preparatni ehtiyotkorlik bilan tayinlash kerak.

Tarkibi

TARKIBI 1 kapsula faol moddalar sifatida - piratsetam 400 mg, tsinnarizin 25 mg saqlaydi. Yordamchi moddalar - laktoza 55,0 mg, kolloid kremniy dioksidi 15,0 mg, magniy stearati 5,0 mg. Kapsula qobig‘i titan dioksidi 2%, jelatin 98% saqlaydi.

Preparat me'da-ichak traktida tez va to‘liq so‘riladi. Plazmada piratsetamning maksimal konsentratsiyasi 2-6 soatdan keyin hosil bo‘ladi. Likvorda maksimal konsentratsiya - 2-8 soatdan keyin. Biokiraolishligi 100% ni tashkil qiladi. Plazma oqsillari bilan bog‘lanmaydi. Barcha organ va to‘qimalarga kiradi, yo‘ldosh to‘sig‘i orqali o‘tadi. Bosh miya po‘stlog‘ida, asosan peshana, tepa va ensa bo‘laklarida, miyacha va bazal gangliyalarda tanlab to‘planadi. Metabolizmga uchramaydi. 30 soatdan keyin 95% dan ortig‘i buyraklar orqali chiqariladi. Plazmada tsinnarizinning maksimal konsentratsiyasi 1-4 soatdan keyin hosil bo‘ladi. Plazma oqsillari bilan 91% ga bog‘lanadi. Faol va to‘liq metabolizmga uchraydi. Yarim chiqarilish davri 4 soatni tashkil qiladi. Metabolitlarning 1/3 qismi siydik bilan, 2/3 qismi - fekaliy bilan chiqariladi.

Farmakologik ta'siri

Yaqqol antigipoksik, nootrop va tomirlarni kengaytiruvchi samaraga ega majmuaviy dori vositasi. Piratsetam energetik va oqsil almashinuvini kuchaytirish, hujayralar tomonidan glyukoza utilizatsiyasini tezlashtirish va ularning gipoksiyaga chidamliligini oshirish orqali bosh miyada metabolik jarayonlarni faollashtiradi; markaziy asab tizimida neyronlararo uzatishni yaxshilaydi, ishemiyalangan zonada regionar qon oqimini yaxshilaydi. Tsinnarizin - sekin kaltsiy kanallarining selektiv blokatori, kaltsiy ionlarining hujayralarga kirishini va ularning plazmolemma deposidagi miqdorini kamaytiradi, arteriolalar silliq mushaklari tonusini pasaytiradi, ularning biogen tomirlarni toraytiruvchi moddalarga (epinefrin, norepinefrin, dofamin, angiotenzin, vazopressin) reaktsiyasini kamaytiradi. Tomirlarni kengaytiruvchi samaraga ega (ayniqsa bosh miya tomirlariga nisbatan, piratsetamning antigipoksik ta'sirini kuchaytiradi), arterial bosimga sezilarli ta'sir ko'rsatmaydi. O'rtacha antigistamin faollik namoyon qiladi, vestibulyar apparat qo'zg'aluvchanligini kamaytiradi, simpatik nerv sistemasi tonusini pasaytiradi. Eritrotsitlar membranalarining elastikligini, ularning deformatsiyalanish qobiliyatini oshiradi, qon qovushqoqligini pasaytiradi.

Nojo'ya ta'sirlar

Juda kamdan-kam hollarda yuqori sezuvchanlik reaktsiyalari - teri toshmasi, dermatit, qichishish, shish, fotosuvchanlik ko'rinishidagi allergik reaktsiyalar. Oshqozon-ichak trakti tomonidan: ayrim hollarda so'lak ajralishining kuchayishi, ko'ngil aynishi, qusish, diareya, qorinda og'riqlar bo'lishi mumkin. Markaziy va periferik asab tizimi tomonidan: giperkineziya, asabiylik, uyquchanlik, depressiya; yakka hollarda - bosh aylanishi, bosh og'riqlari, ataksiya, muvozanat buzilishi, uyqusizlik, sarosima, qo'zg'alish, xavotir, gallyutsinatsiyalar. Boshqalar: seksual faollikning oshishi. Keksa bemorlarda uzoq muddatli terapiyada tremor paydo bo'lishi mumkin.

Dozirovkasi

400 mg + 25 mg

Dozani oshirib yuborilishi

Fezam bemorlar tomonidan juda yaxshi o‘zlashtiriladi, doza oshirib yuborilganda jiddiy nojo‘ya ta’sirlar kuzatilmaydi.

Dori shaklining ta'rifi

Kapsulalar

Maxsus saqlash sharoitlari

Preparatni jigar va/yoki buyrak kasalliklari bo‘lgan shaxslarga ehtiyotkorlik bilan tayinlash kerak. Yengil va o‘rtacha buyrak yetishmovchiligi hollarida (ayniqsa, agar kreatinin klirensi 60 ml/daq dan kam bo‘lsa) terapevtik dozani kamaytirish yoki qabul qilishlar o‘rtasidagi intervallarni uzaytirish kerak. Jigar funksiyasi buzilgan shaxslarda jigar fermentlari miqdorini nazorat qilish zarur.

Davolash vaqtida alkogol iste'mol qilishdan saqlanish kerak.

Preparatni Parkinson kasalligida ehtiyotkorlik bilan tayinlash kerak.

Preparat sportchilarda doping vositalarini nazorat qilishda musbat reaksiya paydo bo‘lishiga sabab bo‘lishi mumkin

Dori vositalarining o'zaro ta'siri

Bir vaqtda qabul qilinganda markaziy nerv tizimi faoliyatini susaytiruvchi vositalar, shuningdek alkogol, nootrop va gipotenziv vositalarning sedativ ta’siri kuchayishi mumkin. Tomir kengaytiruvchi vositalar preparat ta’sirini kuchaytiradi. Antipsixotik dori vositalari va tritsiklik antidepressantlarning o‘zlashtirilishini yaxshilaydi.

Nojo'ya samaralari

Juda kam hollarda yuqori sezuvchanlik

reaksiyalari - teri toshmasi, dermatit, qichishish,

shish, fotosensibilizatsiya ko'rinishidagi allergik

reaksiyalar.

Oshqozon-ichak trakti tomonidan: alohida

hollarda kuchli

so'lak ajralishi, ko'ngil aynishi, qusish, diareya,

qorinda og'riqlar bo'lishi mumkin.

Markaziy va periferik

nerv tizimi tomonidan: giperkineziya, asabiylik,

uyquchanlik, depressiya; yakkaxon hollarda

- bosh aylanishi, bosh og'riqlari, ataksiya,

muvozanat buzilishi, uyqusizlik,

sarosimaga tushish, qo'zg'alish, havotir,

gallyucinatsiyalar.

Boshqalar: seksual faollikning oshishi.

Keksa pasientlarda uzoq muddatli terapiyada tremor paydo bo'lishi mumkin.

Diqqat: ushbu sahifadagi preparat tavsifi rasmiy yo‘riqnomaning soddalashtirilgan va to‘ldirilgan versiyasidir. Ma’lumot faqat tanishish maqsadida taqdim etilgan va o‘z-o‘zini davolash uchun qo‘llanma sifatida foydalanilmasligi kerak. Fezam preparatini qabul qilishdan oldin albatta shifokor bilan maslahatlashing