OPTIKSIM 50 poroshok 2g 50-2,5 mg/ml N10

So'rilishi va taqsimlanishi: ichga qabul qilinganda Optiksimning biokiraolishligi 40-50% ni tashkil qiladi. Ovqatlanishdan qat'iy nazar, sefiksimning zardobdagi maksimal kontsentratsiyasiga preparat ovqat bilan birga qabul qilinganda 0,8 soatga tezroq erishiladi.

Preparat suspenziya shaklida 200 mg dozada qabul qilinganda qon zardobidagi maksimal kontsentratsiyaga 4 soatdan keyin erishiladi va 2,8 mkg/ml ni tashkil qiladi, 400 mg dozada qabul qilinganda esa – 4,4 mkg/ml.

Plazma oqsillari bilan, asosan albuminlar bilan bog'lanishi 65% ni tashkil qiladi.

Chiqarilishi: dozaning taxminan 50% 24 soat ichida siydik bilan o'zgarmagan holda chiqariladi, dozaning taxminan 10% safro bilan chiqariladi. Yarim chiqarilish davri dozaga bog'liq va 3-4 soatni tashkil qiladi.

Buyrak funktsiyasi buzilgan bemorlarda kreatinin klirensi 20-40 ml/daq bo'lganda yarim chiqarilish davri 6,4 soatgacha, kreatinin klirensi 5-10 ml/daq bo'lganda esa – 11,5 soatgacha uzayadi.

Optiksim - III avlod sefalosporin antibiotigi.

Bakteritsid ta'sir ko'rsatadi (peptidoglikan - bakteriyalar hujayra devorining asosiy strukturaviy komponenti sintezini ingibirlaydi). Beta-laktamazalar ta'siriga chidamli. Keng ta'sir doirasiga ega bo'lib, turli aerob va anaerob grammusbat va grammanfiy mikroorganizmlarni, shu jumladan Pseudomonasaeruginosa ni o'z ichiga oladi.

Optiksim Optiksim preparatiga sezgir bo'lgan quyidagi mikroorganizmlar chaqirgan quyidagi infektsiyalarni davolash uchun qo'llashga ko'rsatilgan:
Turlar: Streptococcus sp. Streptococcus pneumonia, Neisseria gonorrhoeae, Neisseria meningitides, Moraxella (Branhamella) catarrhalis, Escherichia coli, Klebsiella sp., Serratia sp., Proteus sp., Providencia sp., Morganella morganii, Haemophilus influenza, Haemophilus parainfluenzae, Salmonella sp., Shigella sp.,Aeromonas hydrophila, Pasteurella multocida, Citrobacter freundii, Citrobacter amalonaticus, Citrobacter diversus, Enterobacter sp., Acinetobacter lwoffi, Yersinia enterocolitica, Campylobacter jejuni

Ovqat hazm qilish tizimi tomonidan:

- og'iz qurishi;
- anoreksiya;
- diareya;
- ko'ngil aynishi, qusish;
- qorinda og'riqlar;
- meteorizm;
- jigar transaminazalari va ishqoriy fosfataza faolligining tranzitor oshishi;
- giperbilirubinemiya;
- sariqlik;
- me'da-ichak trakti kandidozi;
- disbakterioz;

Kamdan-kam hollarda:
- stomatit;
- glossit;
- soxtamembranoz enterokolit.

Qon yaratish tizimi tomonidan:

- leykopeniya;
- trombotsitopeniya;
- neytropeniya;
- gemolitik anemiya.

Markaziy asab tizimi tomonidan:

- bosh aylanishi;
- bosh og'rig'i.

Siydik chiqarish tizimi tomonidan:

- interstitsial nefrit.

Allergik reaksiyalar:

- teri qichishishi;
- eshakemi;
- teri giperemiyasi;
- eozinofiliya;
- isitma.

Umumiy qoida sifatida, preparatni qo'llash davomiyligi bemorning u yoki bu holatini davolash uchun zarur bo'lgan minimal davr bilan cheklanishi kerak, qo'zg'atuvchi sezuvchanligi aniqlangandan keyin, mikroorganizmlarning preparatga chidamliligi paydo bo'lishining oldini olish uchun.

Preparat bolalar ololmaydigan joyda saqlansin va yaroqlilik muddati o'tgandan keyin ishlatilmasin.

Anamnezda sefalosporin antibiotiklariga allergiyasi bo'lgan bemorlarga qo'llash mumkin emas.

Suspenziya: 6 oylikkacha bo'lgan bolalar.

Optiksim protrombin indeksini pasaytiradi, bilvosita antikoagulyantlar ta'sirini kuchaytiradi.

Magniy yoki alyuminiy gidroksidi saqlovchi antatsidlar sefiksim so'rilishini sekinlashtiradi.

6 oylikdan 12 yoshgacha bo‘lgan bolalarga preparat suspenziya shaklida tana vazniga 8 mg/kg dozada sutkasiga 1 marta yoki 4 mg/kg dan har 12 soatda tayinlanadi.

6 oylikdan 1 yoshgacha bo‘lgan bolalar uchun doza tana vazniga mg/kg da hisoblanishi kerak. Agar bolaning tana vazni 50 kg dan oshsa va yoshi 12 yoshdan katta bo‘lsa, u holda kattalar uchun dozalar qo‘llanilishi kerak.

6 oylikdan kichik bolalarda sefiksimning xavfsizligi va samaradorligi aniqlanmagan.

Suyultirilgan suspenziya bir hafta davomida ishlatilishi kerak.

Suspenziyani tayyorlash qoidalari:

Paketcha tarkibini xona haroratigacha sovutilgan 20 ml qaynatilgan suvda (taxminan 4 choy qoshiq) eritish, yaxshilab aralashtirish va tayyorlangandan so‘ng darhol butun suspenziyani yutib yuborish kerak.

Buyrak yetishmovchiligida dozalash:

Optiksim buyrak funksiyasi buzilishida tayinlanishi mumkin. Oddiy doza va qabul qilish tez-tezligi kreatinin klirensi 20 ml/daq yoki undan yuqori bo‘lganda tayinlanishi mumkin. Kreatinin klirensi 20 ml/daq dan kam bo‘lgan bemorlarda doza sutkasiga bir marta 200 mg dan oshmasligi kerak. Ambulator peritoneal dializ yoki gemodializdagi bemorlarda preparat dozasi va qabul qilish tez-tezligi kreatinin klirensi 20 ml/daq dan kam bo‘lgan bemorlar bilan bir xil bo‘lishi kerak.

O‘tkazib yuborilgan doza:

Agar siz preparatni qabul qilishni o‘tkazib yuborsangiz, eslashingiz bilanoq uni qabul qiling. Agar bu preparatning keyingi qabuliga yaqin vaqtda sodir bo‘lsa, preparatni qabul qilishni o‘tkazib yuboring va odatdagi qabul qilish sxemasiga qayting. O‘tkazib yuborilgan dozani to‘ldirish uchun dozani ikki baravar oshirmang.

Umumiy tavsiyalar:

Preparat ovqatlanishdan qat’iy nazar tayinlanadi, lekin agar ovqat hazm qilish buzilishi qayd etilsa, ovqat bilan birga qabul qilish tavsiya etiladi.