PENTALGIN tabletkalari N24

Pentalgin^® preparatining farmakokinetikasi bo'yicha ma'lumotlar taqdim etilmagan.

Allergik reaksiyalar: teri toshmasi, qichishish, eshakemi, angionevrotik shish;

Qon yaratish organlari tomonidan: trombotsitopeniya, leykopeniya, agranulotsitoz, anemiya, metgemoglobinemiya;

Asab tizimi tomonidan: qo'zg'alish, xavotirlik, reflekslarning kuchayishi, tremor, bosh og'rig'i, uyqu buzilishi, bosh aylanishi, diqqatni jamlashning pasayishi;

Yurak-qon tomir tizimi tomonidan: yurak urishi, aritmiyalar, arterial bosimning oshishi;

Ovqat hazm qilish tizimi tomonidan: oshqozon-ichak traktining eroziv-yarali shikastlanishlari, ko'ngil aynishi, qusish, epigastriyada noqulaylik, qorinda og'riq, qabziyat, jigar funksiyasining buzilishi;

Siydik chiqarish tizimi tomonidan: buyrak funksiyasining buzilishi;

Sezgi organlari tomonidan: eshitishning pasayishi, quloqlarda shovqin, yopiq burchakli glaukomasi bo'lgan bemorlarda ko'z ichki bosimining oshishi;

Boshqalar: dermatit, taxipnoe (nafas olishning tezlashishi).

Agar yo'riqnomada ko'rsatilgan nojo'ya ta'sirlardan birortasi kuchaysa yoki yo'riqnomada ko'rsatilmagan boshqa nojo'ya ta'sirlarni sezsangiz, bu haqda shifokorga xabar bering.

Preparatni paratsetamol va/yoki boshqa nosteroid yallig'lanishga qarshi preparatlar saqlovchi boshqa vositalar, shuningdek «shamollash», gripp va burun bitishi simptomlarini yengillashtirish uchun vositalar bilan bir vaqtda qo'llashdan saqlanish kerak.

Preparat 5-7 kundan ortiq qo'llanilganda periferik qon ko'rsatkichlari va jigar funksional holatini nazorat qilish lozim.

Paratsetamol qon plazmasidagi glyukoza va siydik kislotasi miqdorini laboratoriya tekshiruvlari natijalarini buzib ko'rsatadi.

17-ketosteroidlarni aniqlash zarur bo'lganda, tekshiruvdan 48 soat oldin preparatni bekor qilish kerak. Naproksen qon ketish vaqtini uzaytirishini hisobga olish lozim.

Kofeinning markaziy asab tizimiga ta'siri asab tizimi turiga bog'liq bo'lib, oliy asab faoliyatining qo'zg'alishi bilan ham, tormozlanishi bilan ham namoyon bo'lishi mumkin.

Davolash davrida spirt saqlovchi ichimliklarni iste'mol qilmaslik kerak.

Ayrim hollarda diqqatni jamlash va psixomotor reaksiyalar tezligining pasayishi mumkin, shuning uchun davolash davrida avtotransportni haydashda va diqqatni yuqori jamlashni hamda psixomotor reaksiyalar tezligini talab qiladigan boshqa potensial xavfli faoliyat turlari bilan shug'ullanishda ehtiyotkorlikka rioya qilish zarur.

Preparat bolalar ololmaydigan joyda saqlansin va yaroqlilik muddati o'tgach ishlatilmasin.

Preparat tarkibiy qismlariga yuqori sezuvchanlik, me'da-ichak traktining eroziv-yarali shikastlanishlari (zo'rayish bosqichida), me'da-ichakdan qon ketishi, bronxial astma, burun va burun yondosh bo'shliqlarining qaytalanuvchi polipozi va asetilsalitsil kislotasi yoki boshqa nosteroid yallig'lanishga qarshi preparatlarni o'zlashtira olmaslikning to'liq yoki qisman kombinatsiyasi, shu jumladan anamnezda, og'ir jigar va/yoki buyrak yetishmovchiligi, suyak ko'migi qon yaratishining susayishi, aortokoronar shuntlash o'tkazilgandan keyingi holat; yurak-qon tomir tizimining og'ir organik kasalliklari (shu jumladan o'tkir miokard infarkti), paroksizmal taxikardiya, tez-tez qorincha ekstrasistoliyasi, og'ir arterial gipertenziya, giperkaliemiya, 18 yoshgacha bo'lgan bolalar, homiladorlik va laktatsiya davri.

Ehtiyotkorlik bilan – serebrovaskulyar kasalliklar, qandli diabet, periferik arteriyalar kasalliklari, anamnezdagi me'da-ichak traktining yarali shikastlanishlari, yengil yoki o'rtacha darajadagi buyrak va jigar yetishmovchiligi, virusli gepatit, jigarning alkogolli shikastlanishi, xavfsiz giperbilirubinemiyalar (Jilber, Dubin-Djonson va Rotor sindromi), epilepsiya va tirishish xurujlariga moyillik, glyukoza-6-fosfatdegidrogenaza tanqisligi, keksa yosh.

Agar sizda sanab o'tilgan kasalliklar/holatlardan biri bo'lsa, preparatni qabul qilishdan oldin albatta shifokor bilan maslahatlashing.

Preparatni barbituratlar, tritsiklik antidepressantlar, rifampitsin va alkogol saqlovchi ichimliklar bilan bir vaqtda qabul qilishdan saqlanish kerak (gepatotoksik ta’sir xavfi ortadi).

Paratsetamol bilvosita ta’sir etuvchi antikoagulyantlar ta’sirini kuchaytiradi va urikozurik preparatlar samaradorligini pasaytiradi.

Barbituratlarni uzoq muddat qo‘llash paratsetamol samaradorligini pasaytiradi.

Paratsetamolni etanol bilan bir vaqtda qo‘llash o‘tkir pankreatit yuzaga kelish xavfini oshiradi.

Mikrosomal oksidlanish ingibitorlari (shu jumladan simetidin) paratsetamolning gepatotoksik ta’sir xavfini kamaytiradi.

Diflunisal paratsetamolning plazmadagi konsentratsiyasini 50% ga oshiradi, bu gepatotoksiklik rivojlanish xavfini oshiradi.

Naproksen furosemidning diuretik ta’sirini kamaytirishi, bilvosita antikoagulyantlar ta’sirini kuchaytirishi mumkin, sulfanilamidlar va metotreksat toksikligini oshiradi, litiy chiqarilishini kamaytiradi va uning qon plazmasidagi konsentratsiyasini oshiradi.

Kofein va barbituratlar, primidon, tirishishga qarshi vositalar (gidantoin hosilalari, ayniqsa fenitoin) birga qo‘llanilganda kofein metabolizmi kuchayishi va klirensi ortishi mumkin; kofein va simetidin, peroral kontraseptiv vositalar, disulfiram, tsiprofloksatsin, norfloksatsin bir vaqtda qabul qilinganda – jigarda kofein metabolizmi pasayishi (uning chiqarilishi sekinlashishi va qonda konsentratsiyasi ortishi) mumkin.

Kofein saqlovchi ichimliklar va markaziy asab tizimini rag‘batlantiruvchi boshqa vositalarni bir vaqtda iste’mol qilish markaziy asab tizimining haddan tashqari rag‘batlantirilishiga olib kelishi mumkin.

Bir vaqtda qo‘llanilganda drotaverin levodopaning parkinsonizmga qarshi samarasini susaytirishi mumkin.

Feniramin trankvilizatorlar, uxlatuvchi vositalar, monoaminoksidaza ingibitorlari, alkogol bilan bir vaqtda qo‘llanilganda markaziy asab tizimiga susaytiruvchi ta’sir kuchayishi mumkin.

Ichga.

Preparat 1 tabletkadan kuniga 1-3 marta qabul qilinadi. Maksimal sutkalik doza – 4 tabletka.

Davolash davomiyligi isitma tushiruvchi vosita sifatida 3 kundan va og'riq qoldiruvchi vosita sifatida 5 kundan oshmasligi kerak. Preparat bilan davolashni davom ettirish faqat shifokor maslahatidan keyin mumkin.

2 yil.