SEPTOLETE PLYUS pastilkalar so vkusom mentola N18

Adabiyotlarda setilpiridiniy xloridning farmakokinetikasi to'g'risida ma'lumotlar mavjud emas. To'rtlamchi ammoniy birikmalarining farmakokinetikasi bo'yicha ma'lumotlarning aksariyati hayvonlarda o'tkazilgan tajribalarda olingan. Ma'lumki, to'rtlamchi ammoniy birikmalari yomon so'riladi, atigi 10-20% ga. Preparatning so'rilmagan qismi axlat bilan o'zgarmagan holda chiqariladi. Benzokainning farmakokinetikasi to'g'risidagi adabiy ma'lumotlar ham kam. Ba'zi mahalliy anestetiklar, shu jumladan benzokain, suvda yomon eriydi va shuning uchun ularning absorbtsiyasi minimaldir. So'rilgan benzokain asosan plazma xolinesterazasi tomonidan gidrolizlanadi va kichik qismi jigarda metabolizmga uchraydi. Parchalanish mahsulotlari siydik bilan chiqariladi.

Tsetilpiridiniy xloridi - to'rtlamchi ammoniy birikmalari guruhiga mansub antiseptik. U kationli detergent sifatida ta'sir qiladi. To'rtlamchi ammoniy birikmalari bakterial hujayralar yuzasi bilan bog'lanadi, ichkariga kiradi va mikroblarning sitoplazmatik membranasi bilan birikadi. Natijada sitoplazmatik membrananing past molekulyar moddalar, asosan kaliy ionlari uchun o'tkazuvchanligi oshadi. Keyinchalik to'rtlamchi ammoniy birikmalari hujayra ichiga kirib, uning funktsiyasini buzadi va o'limga olib keladi. Tsetilpiridiniy xloridi bakteritsid, virutsid va fungitsid ta'sirga ega. Benzokain nerv tolalari bo'ylab impulslar o'tkazilishini, shu jumladan og'riq impulslarini bloklaydi, shu tariqa og'riq hissini yo'qotadi. Nervlar bo'ylab impulslar uzatilishi nerv hujayralari membranalarining natriy ionlari uchun o'tkazuvchanligi oshishi natijasida buziladi,

Septolete® plyus asal va laym pastilkalari tavsiya etilgan dozalarda qabul qilinganda nojo‘ya effektlar juda kam hollarda kuzatiladi. Yuqori sezuvchanligi bo‘lgan odamlarda yoki tavsiya etilgandan yuqori dozalar qabul qilinganda preparat me’da-ichak buzilishlariga (ko‘ngil aynishi, qusish, me’dada og‘riq) olib kelishi mumkin, ular namoyon bo‘lganda preparat qabul qilishni to‘xtatish kerak.

Pastilkalarni og‘iz bo‘shlig‘i ochiq yaralarida qo‘llash mumkin emas, chunki setilpiridiniy xlorid yaralar bitishini sekinlashtiradi.
Harorat ko‘tarilishi, bosh og‘rig‘i va qusish bilan kechuvchi yanada yaqqol infeksion jarayonlarda shifokorga murojaat qilish zarur, ayniqsa agar sog‘liq holati 3 kun ichida yaxshilanmasa.
Qandli diabeti bo‘lgan bemorlar har bir pastilka taxminan 1 g maltitol saqlashini bilishlari kerak. Maltitol metabolizmi uchun insulin zarur, lekin sekin so‘rilishi tufayli dozani to‘g‘irlash talab etilmaydi. Septolete ®plyus asal va laym pastilkalarining avtomobilni boshqarish va texnika bilan ishlash qobiliyatiga ta'siri haqida xabarlar yo‘q.

Faol yoki yordamchi moddalarga yuqori sezuvchanlik. 6 yoshgacha bo‘lgan bolalar.

Kattalar va 12 yoshdan katta bolalar uchun tavsiya etilgan sutkalik doza kuniga 8 pastilkagachani tashkil qiladi. Pastilkalar har 2-3 soatda bittadan shimib yuriladi. 6 yoshdan 12 yoshgacha bo'lgan bolalar uchun tavsiya etilgan sutkalik doza kuniga 4 pastilkagachani tashkil qiladi. Pastilkalar har 4 soatda bittadan shimib yuriladi. Bolalarda pastilkalarni qo'llash tajribasi cheklangan. Septolete ®plyus asal va laym pastilkalari xavfsizlik to'g'risida yetarli ma'lumotlar yo'qligi sababli 6 yoshdan kichik bolalarga tavsiya etilmaydi. Pastilkalarni sut bilan iste'mol qilish mumkin emas, chunki sut setilpiridiniy xloridning mikroblarga qarshi samaradorligini kamaytiradi.