TAUFON tomchilar

Tomizilganda Taufon ko'z to'qimalariga kirib boradi va u yerda o'zining o'ziga xos ta'sirini ko'rsatadi. Terapevtik dozalarda qo'llanilganda preparat tizimli qon oqimiga deyarli so'rilmaydi.

Farmakodinamika. Taufon ko'z to'r pardasining distrofik xarakterdagi kasalliklarida, ko'zning travmatik shikastlanishlarida, ushbu to'qimalarning metabolizmi keskin buzilishi bilan kechuvchi patologik jarayonlarda reparativ va regeneratsion jarayonlarni rag'batlantiruvchi aminokislota preparatlariga kiradi. Oltingugurt saqlovchi birikma sifatida preparat hujayra membranalari funktsiyalarini me'yorlashtirishga, energetik va almashinuv jarayonlarini optimallashtirishga, hujayra sitoplazmasining elektrolit tarkibi doimiyligini saqlashga, sinaptik uzatishni tormozlashga (neyromediator roli) yordam beradi.

Preparat, odatda, yaxshi o'zlashtiriladi. Ayrim bemorlarda allergik reaksiyalar, kon'yunktiva giperemiyasi, ko'zlarda qichishish, achishish va sanchish rivojlanishi mumkin.

Taurinning ko'z ichi bosimini pasaytiruvchi vosita sifatidagi samaradorligi haqida ma'lumotlar mavjud, glaukomasi bo'lgan bemorlarda.
Ochiq burchakli glaukomada preparat timolol bilan birgalikda timolol tomizilishidan 20-30 daqiqa oldin qo'llaniladi.

Preparat komponentlariga o‘ta yuqori sezuvchanlik.

Timolol ko'z tomchilari bilan birga qo'llanilganda ko'z ichi va arterial bosimning potentsirlangan pasayishi kuzatiladi.

Taufon kattalarga tayinlanadi.
Kataraktani davolash uchun 2-3 tomchidan kuniga 2-4 marta tayinlanadi. Davolash kursi – 3 oy. Kursni 1 oylik interval bilan takrorlash kerak.
Jarohatlarda 1 oy davomida kuniga 2-4 marta 2-3 tomchidan qo‘llash kerak.
Tapetoretinal degeneratsiya va to‘r pardaning boshqa distrofik kasalliklari, shox pardaning teshib o‘tuvchi jarohatlarini davolash uchun preparat kon’yunktiva ostiga 0,3 ml 4% li eritma 10 kun davomida kuniga 1 marta yuboriladi. Davolash kursini 6-8 oydan keyin takrorlash kerak.
Ochiq burchakli glaukomada Taufon kon’yunktival qopchaga 2-3 tomchidan kuniga 2 marta timolol qo‘llashdan 20-30 daqiqa oldin tomiziladi. Davolash kursi individual belgilanadi.