SINNARIZIN tabletkalari 25mg N50

So'rilishi – gastrointestinal traktda nisbatan sekin so'riladi. Maksimal plazma kontsentratsiyasiga oral qabul qilingandan 1-3 soat o'tgach erishiladi, bunda sezilarli inter- va intraindividual farqlar mavjud.

Taqsimlanishi – plazma oqsillari bilan 80%, eritrotsitlar bilan 13% bog'lanadi. To'qimalarda taqsimlanishi yanada intensiv, qabul qilingandan keyin 4-soatgacha jigar va o'pka, miokard, miyada yuqori kontsentratsiyalar mavjud.

Metabolizmi – asosan N-dealkillanish yo'li bilan intensiv metabollanadi.

Chiqarilishi – eliminatsion yarim yashash davri 3-6 soatni tashkil qiladi. Fekaliy orqali o'zgarmagan holda, siydik bilan metabolitlar shaklida ekskretsiya qilinadi.

Tsinnarizin kalsiy kanallari blokatorlari deb ataladigan dorilar guruhiga kiruvchi preparatdir. U miya va periferik qon aylanishini yaxshilaydi. Nistagm va vestibulyar buzilishlarning boshqa ko‘rinishlarini bostiradi, labirint qo‘zg‘aluvchanligini kamaytiradi. Ma’lum antigistamin ta’sir namoyon qiladi.

- uyquchanlik;
- ko'ngil aynishi;
- vazn ortishi;
- og'iz qurishi;
- giperosomiya;
- letargiya;
- oshqozonda noqulaylik;
- qusish;
- qorinda og'riq;
- ovqat hazm qilishning yomonlashishi;
- ko'p terlash;
- lixenoid keratoz;
- charchoq;
- yuqori sezuvchanlik reaksiyalari;
- bosh og'rig'i;
Sinnarizinni uzoq vaqt davomida yuqori dozalarda qabul qilayotgan keksa yoshdagi bemorlarda ekstrapiramidal simptomatika (tremor, dezorientatsiya, muvozanat buzilishi), shu jumladan Parkinson sindromi, qizil yassi temiratki, o'tkir osti teri qizil yugurigi, mushak rigidligi paydo bo'lishi mumkin.
Ba'zi noxush ta'sirlar paydo bo'lganda, shu jumladan ushbu yo'riqnomada eslatib o'tilmagan bo'lsa ham, darhol davolovchi shifokoringizga murojaat qiling.

Agar sizda quyidagilar bo'lsa, davolovchi shifokoringizga xabar bering:
- Parkinson kasalligi yoki ekstrapiramidal buzilishlar belgilari bo'lgan bo'lsa (qaltirash, orientatsiya va muvozanatning buzilishi);
- gipotoniya (past qon bosimi);
- me'da kasalligi.
65 yoshdan katta bemorlarda va bolalarda ehtiyotkorlik bilan ishlatilishi kerak.
Sinnarizin Sofarma uyquchanlikni chaqirishi mumkin, ayniqsa davolash boshida, haydovchilar va mashina operatorlariga foyda va xavfni aniq baholagan holda buni hisobga olish va diqqat bilan tayinlash kerak.

Dori mahsulotining yordamchi moddalari haqida muhim ma'lumot
Dori mahsuloti bitta tabletkada 63,12 mg laktoza monogidrat saqlaydi. Agar shifokor sizda ba'zi qandlarni o'zlashtira olmaslik borligini aytgan bo'lsa, ushbu dori preparatini qabul qilishdan oldin shifokoringiz bilan bog'laning.
Dori mahsuloti yordamchi modda sifatida bug'doy kraxmalini saqlaydi. Seliakiyasi bo'lgan shaxslar uchun mos keladi. Bug'doyga allergiyasi (seliakiyadan farqli) bo'lgan bemorlar ushbu dorini qo'llamasliklari kerak.

- sinnarizinga yoki preparatning har qanday boshqa komponentiga yuqori sezuvchanlik;
- homiladorlik, laktatsiya davri.

Sinnarizinni alkogol, markaziy asab tizimiga ta’sir etuvchi dorilar (MNS depressantlari yoki tritsiklik antidepressantlar) bilan bir vaqtda qo‘llash ularning ta’sirini o‘zaro kuchaytiradi.
O‘zining antigistamin ta’siri tufayli sinnarizin o‘ta sezgirlik bo‘yicha teri sinamalarida yolg‘on salbiy natijalarni keltirib chiqarishi mumkin. Bu testlarni o‘tkazishdan kamida 4 kun oldin sinnarizin bilan davolashni to‘xtatib turishni taqozo qiladi.

Peroral qabul qilinadi, ko'p miqdordagi suyuqlik bilan, ovqatdan keyin afzal.

Vestibulyar simptomlar
Kattalar va 12 yoshdan oshgan o'smirlar
Kundalik doza 75 mg (3 tabletka), 1 tabletkadan kuniga 3 marta.
5 dan 12 yoshgacha bo'lgan bolalar
Ushbu dori shakli 12 yoshgacha bo'lgan bolalar uchun mos emas. Tavsiya etilgan dozalarni oshirmaslik kerak.

Kinetozlar profilaktikasi
Kattalar va 12 yoshdan oshgan o'smirlar
Yo'lga chiqishdan 2 soat oldin 1 tabletka va yo'lda bo'lishning keyingi har 8 soatida 1 tabletkadan.
5 dan 12 yoshgacha bo'lgan bolalar
Ushbu dori shakli 12 yoshgacha bo'lgan bolalar uchun mos emas.
Agar siz bir dozani qabul qilishni o'tkazib yuborsangiz, uni imkon qadar tezroq qabul qiling. Agar keyingi dozani qabul qilish vaqti kelgan bo'lsa, uni odatdagidek qabul qiling. O'tkazib yuborilgan dozani qoplash uchun ikki baravar dozani qabul qilmang. Dori vositasini davolovchi shifokoringiz tayinlaganidek qabul qilishni davom ettiring. Agar ushbu dori preparatini qo'llash bilan bog'liq har qanday qo'shimcha savollaringiz bo'lsa, shifokoringiz yoki farmatsevtingizdan so'rang.