VALIDOL tabletkalari 60mg N6

Sublingval qo'llanilganda Validol® og'iz bo'shlig'i shilliq qavatidan so'riladi. Terapevtik samara taxminan 5 daqiqadan so'ng boshlanadi. So'rilgandan so'ng jigarda biotransformatsiyalanadi va glyukuronidlar shaklida siydik bilan ajralib chiqadi.

Preparat markaziy nerv tizimiga tinchlantiruvchi ta’sir ko‘rsatadi, shuningdek og‘iz bo‘shlig‘i shilliq qavatining sezgir nerv («sovuq») retseptorlarini reflektor ta’sirlash yo‘li bilan o‘rtacha reflektor tomir kengaytiruvchi (koronarolitik) ta’sir ko‘rsatadi. Retseptorlar stimulyatsiyasi endorfinlar, enkefalinlar, dinorfinlar va boshqa peptidlar, gistamin, kininlar ajralib chiqishi induksiyasi bilan kechadi, ular og‘riq sezuvchanligini kamaytirishda, tomirlar o‘tkazuvchanligini normallashtirishda va yurak-qon tomir va nerv tizimlari faoliyatining boshqa muhim mexanizmlarini tartibga solishda muhim rol o‘ynaydi.

Uzoq muddat qo'llanilganda kamdan-kam hollarda yengil ko'ngil aynishi, qorinda noqulaylik, ko'z yoshlanishi, bosh aylanishi, qisqa muddatli arterial gipotenziya, uyquchanlik kuzatilishi mumkin, ular tezda o'z-o'zidan o'tib ketadi.
Allergik reaksiyalar, shu jumladan Kvinke shishi, eshakemi, toshma, qichishish rivojlanishi mumkin.

Yurak sohasidagi og'riq preparat qabul qilingandan keyin o'tib ketmagan hollarda, o'tkir koronar sindromni istisno qilish uchun albatta shifokorga murojaat qilish kerak. Preparat qand saqlaydi, buni qandli diabeti bo'lgan bemorlar hisobga olishlari kerak.
Ehtimoliy nojo'ya ta'sirlar (bosh aylanishi va uyquchanlik) tufayli preparat qabul qilingandan keyin birinchi soatlarda transport vositalarini boshqarishda yoki yuqori diqqatni talab qiluvchi ishda ehtiyotkorlik zarur.

Preparat tarkibiy qismlariga yuqori sezuvchanlik.
Yaqqol arterial gipotenziya; o'tkir miokard infarkti.

Validol® bir vaqtda qo‘llanilganda psixotrop vositalar, opioid analgetiklar, alkogol va narkoz vositalarining sedativ ta’sirini kuchaytiradi.
Validol® bilan bir vaqtda qo‘llanilganda antigipertenziv preparatlar ta’sirining potensiyalanishi mumkin.
Validol® nitratlar qabul qilish bilan bog‘liq bosh og‘rig‘ining ifodalanganligini kamaytiradi.

Tabletkalarni og'izda (til ostida) to'liq eriguncha ushlab turish kerak.
Kattalar uchun bir martalik doza 1-2 tabletkani; sutkalik doza – 2-4 tabletkani tashkil qiladi.
Zarurat bo'lganda sutkalik dozani oshirish mumkin. Maksimal sutkalik doza – 600 mg.
Davolash davomiyligi – 7 kungacha.