VIKASOL 0,01/ML eritma 1ml N10

Mushak ichiga yuborilgandan so'ng oson va tez so'riladi. To'qimalarda oz miqdorda to'planadi. Metabolik faollashuv tsiklidan o'tib, jigarda diol shakligacha oksidlanadi. Buyraklar orqali va safro bilan asosan metabolitlar ko'rinishida chiqariladi. Axlatdagi K vitaminining yuqori kontsentratsiyalari uning ichak mikroflorasi tomonidan sintez qilinishi bilan bog'liq.

Allergik reaksiyalar: eshakemi Qon tomonidan buzilishlar: gemolitik anemiya, tug'ma glyukoza-6-fosfatdegidrogenaza tanqisligi bo'lgan yangi tug'ilgan chaqaloqlarda gemoliz. Asab tizimi tomonidan buzilishlar: bosh aylanishi; ta'm sezgilarining o'zgarishi.

Nafas olish tizimi, ko'krak qafasi a'zolari va ko'ks oralig'i tomonidan buzilishlar: bronxospazm. Yurak-qon tomir tizimi tomonidan buzilishlar: arterial qon bosimining o'tkinchi pasayishi, taxikardiya, pulsning "kuchsiz" to'lishi. Jigar va o't yo'llari tomonidan buzilishlar: sariqlik (shu jumladan yangi tug'ilgan chaqaloqlarda yadroviy sariqlik).

Teri va teri osti to'qimalari tomonidan buzilishlar: yuz giperemiyasi, teri toshmasi (shu jumladan eritematoz), teri qichishishi.

Umumiy buzilishlar va yuborish joyidagi buzilishlar: yuborish joyida og'riq va shish, bir xil joyga qayta in'ektsiya qilinganda dog'lar ko'rinishidagi teri shikastlanishi; «profuz» ter. Laboratoriya va instrumental ma'lumotlar: giperbilirubinemiya. Preparat tarkibiga kiruvchi natriy disulfit kamdan-kam hollarda og'ir o'ta yuqori sezuvchanlik reaksiyalari va bronxospazmni keltirib chiqarishi mumkin.

Gemofiliya, Villebrand kasalligi va Verlgof kasalligida preparat samarasiz.

Glyukoza-6-fosfatdegidrogenaza tanqisligi bo'lgan bemorlarda Vikasol preparati gemolizni chaqirishi mumkin.

Vikasol preparatini parenteral yuborish K vitamini preparatlarini ichga qabul qilish imkoni bo'lmagan hollarda, shuningdek safro oqimining buzilishiga olib keluvchi kasalliklarda ko'rsatilgan.

Avtotransportni va mexanizmlarni boshqarish qobiliyatiga ta'siri

Davolash vaqtida transport vositalarini boshqarish, shuningdek yuqori diqqatni jamlash va psixomotor reaksiyalar tezligini talab qiluvchi boshqa faoliyat turlari bilan shug'ullanish tavsiya etilmaydi.

Preparat komponentlariga yuqori sezuvchanlik. Qon ivishining kuchayishi, tromboemboliya. Yangi tug'ilgan chaqaloqlarning gemolitik kasalligi. Homiladorlik va laktatsiya davri.

Ehtiyotkorlik bilan: glyukoza-6-fosfatdegidrogenaza yetishmovchiligi, jigar yetishmovchiligi.

HOMILADORLIK VA EMIZISH DAVRIDA QO'LLANILISHI



Hayvonlarda o'tkazilgan eksperimental tadqiqotlarda homilaga salbiy ta'sir aniqlangan. Homilador ayollarda Vikasol preparatini qo'llash bo'yicha nazorat qilinadigan tadqiqotlar o'tkazilmagan. Homiladorlik paytida va tug'ruq davrida qo'llash mumkin emas (homila va yangi tug'ilgan chaqaloqda gemolitik anemiya, giperbilirubinemiya va yadroviy sariqlik rivojlanish xavfi).

Preparatni qo'llash vaqtida emizishni to'xtatish kerak.

Bilvosita antikoagulyantlar (shu jumladan kumarin va indandion hosilalari) samarasini susaytiradi.

Bevosita antikoagulyantlar (shu jumladan geparin) antikoagulyant faolligiga ta'sir qilmaydi.

Keng ta'sir doirasiga ega antibiotiklar, xinidin, xinin, yuqori dozalarda salitsilatlar, sulfanilamid preparatlari bilan bir vaqtda tayinlash K vitamini dozasini oshirishni talab qiladi.

Vikasol preparatini gemoliz chaqirishga qodir dori vositalari bilan bir vaqtda tayinlash nojo'ya samaralar namoyon bo'lishi xavfini oshiradi.