VINOKSAPAR inyeksiya uchun eritma 20mg/0,2ml N2

QO‘LLASH BO‘YICHA YO‘RIQNOMA

VINOKSAPAR

VINOXAPAR

Preparatning savdo nomi: Vinoksapar

Ta‘sir etuvchi modda (XPN): enoksaparin

Dori shakli: in‘eksiya uchun eritma 2000 anti-Xa XB/0,2 ml, 4000 anti-Xa XB/0,4 ml, 6000 anti-Xa XB/0,6 ml, 8000 anti-Xa XB/0,8 ml.

Tarkibi:

yordamchi modda – in‘eksiya uchun suv

Ta‘rifi: tiniq, rangsiz eritma.

Farmakoterapevtik guruhi: bevosita ta‘sirga ega antikoagulyantlar (geparin va uning hosilalari).

ATX kodi: V01A V05

Farmakologik xususiyatlari

Farmakodinamikasi

Vinoksapar – quyimolekulyar geparin preparatidir (molekulyar massasi taxminan 4,500 dalton bo‘lgan; 2000 daltondan kam – <20%; 2000 dan 8000 daltongacha – >68%, 8000 daltondan ortiq – <18%). Vinoksapar cho‘chqaning ingichka ichagi shilliq qavatidan ajratib olingan geparinning benzil efirini gidrolizi yordamida olinadi. Uning strukturasi 2-O-sulfo-4-enpirazinosuron kislotasining kimyoviy jihatdan qaytarilmaydigan fragmenti va 2-N,6-O-disulfo-D-glyukopiranozidning qaytariladigan fragmenti bilan xarakterlanadi. Vinoksaparning strukturasi polisaxarid zanjirning qaytarilayotgan fragmentida taxminan 20% (taxminan 15% dan 25% gacha atrofida) 1,6-angidro hosilasini saqlaydi.

Qon ivishining Xa-faktoriga nisbatan yuqori faollikka (anti- Xa faollik taxminan 100 XB/ml) va qon ivishining IIa-faktoriga niabatan pastroq faollikka ega (anti- IIa yoki antitrombin faollik taxminan 28 XB/ml).

Preparatni profilaktik dozalarda qo‘llanganda, u faollashgan qisman tromboplastin vaqtini (ACHTV) biroz o‘zgartiradi, trombositlar agregasiyasiga va fibrinogenni trombositlar reseptorlari bilan bog‘lanish darajasiga deyarli ta‘sir ko‘rsatmaydi.

Plazmada anti-IIa faolligi, anti-Xa-faollikka nisbatan taxminan 10 marta past. O‘rtacha maksimal anti-IIa faolligi teri ostiga yuborilganidan keyin taxminan 3-4 soat o‘tgach kuzatiladi va tana vazniga 1 kg/mg ni ikki marta yuborish va tana vazniga 1,5 mg/kg dozada bir marta yuborish orqali takroran yuborilganidan keyin muvofiq 0,13 XB/ml va 0,18 XB/ml ga yetadi.

Plazmada o‘rtacha maksimal anti-Xa faolligi preparat teri ostiga yuborilganidan keyin 3-5 soatdan so‘ng kuzatiladi va 20, 40 mg ni va 1 mg/kg va 1,5 mg/kg ni teri ostiga yuborilganidan keyin muvofiq taxminan 0,2; 0,4; 1,0 va 1,3 anti-Xa XB/ml ni tashkil qiladi.

Farmakokinetikasi

Ko‘rsatilgan dozalash tartiblarida enoksaparinning farmakokinetikasi to‘g‘ri chiziqli xarakterga ega.

So‘rilishi va taqsimlanishi

Enoksaparin natriyni 40 mg dozada teri ostiga takroran yuborilganidan keyin va tana vazniga 1,5 mg/kg dozada sutkada bir marta teri ostiga yuborilganidan so‘ng Css (muvozanatli konsentrasiyasi) ga 2-chi kunga kelib erishiladi, ayni paytda AUC (egri chiziq ostidagi maydon) ko‘rsatkichi bir marta yuborilganiga nisbatan o‘rtacha 15% ga yuqori bo‘lgan. Enoksaparin natriy tana vazniga 1 mg/kg sutkalik dozada sutkada 2 marta teri ostiga takror yuborilganidan keyin Css ga 3-4 kundan keyin erishiladi, ayni vaqtda AUC ko‘rsatkichi, bir marta yuborilganidan keyingi ko‘rsatkichga qaraganda o‘rtacha 65% ga yuqori va C_max (maksimal konsentrasiyalari) ning o‘rtacha qiymatlari muvofiq ravishda 1,2 XB/ml va 0,52 XB/ml ni tashkil qiladi.

Teri ostiga yuborilganida enoksaparin natriyning anti-Xa faolligiga asoslanib baholangan biokiraolishligi 100% ga yaqin.

Enoksaparin natriyning (anti-Xa faolligi bo‘yicha) Vd (taqsimlanish hajmi) taxminan 5 l ni tashkil qiladi va qon hajmiga yaqinlashadi.

Metabolizmi

Enoksaparin natriy asosan jigarda desulfatlanish va/yoki depolimerizasiya yo‘li bilan biotransformasiyaga uchraydi va nofaol metabolitlar hosil bo‘ladi.

Chiqarilishi

Enoksaparin natriy past klirensli preparatdir. Tana vazniga 1,5 mg/kg dozada 6 soat davomida vena ichiga yuborilgandan keyin, anti-Xa ning plazmadagi klirensining o‘rtacha qiymati soatiga 0,74 l ni tashkil qiladi.

Preparatni chiqarilishi monofazali xarakterga ega. Yarim chiqarilish davri 4 soat (teri ostiga bir marta yuborilganidan keyin) va 7 soat (preparat ko‘p marta yuborilganidan keyin) ni tashkil etadi. Yuborilgan dozaning taxminan 40% buyrak orqali chiqariladi, ayni vaqtda 10% – o‘zgarmagan holda chiqariladi.

O‘ziga xos klinik holatlardagi farmakokinetikasi

Keksa pasientlarda buyrak faoliyatini pasayishi natijasida enoksaparin natriyni chiqarilishi kechikishi mumkin.

Buyrak faoliyatini buzilishlari bo‘lgan pasientlarda enoksaparin natriyning klirensini kamayishi aniqlangan. 40 mg enoksaparin natriy sutkada bir marta t/o takror yuborilganidan keyin, buyrak faoliyatini biroz (kreatinin klirensi minutiga 50-80 ml) va o‘rtacha buzilishi (kreatinin klirensi minutiga 30-50 ml) bo‘lgan pasientlarda AUC ko‘rsatkichi bilan ifodalangan anti-Xa faolligini oshishi yuz beradi. Buyrak faoliyatini og‘ir buzilishlari (kreatinin klirensi minutiga 30 ml dan kam) bo‘lgan pasientlarda AUC ko‘rsatkichi muvozanat holatida, preparatni 40 mg dozada sutkada bir marta t/o takror yuborilganida o‘rtacha 65% ga yuqori bo‘lgan.

Tana vazni oshiqcha bo‘lgan odamlarda preparatni teri ostiga yuborilganda klirensi biroz kam. Agar bemorning tana vaznini hisobga olib, dozaga tuzatish kiritilsa, unda 40 mg enoksaparin natriy teri ostiga bir marta yuborilganidan keyin anti-Xa faollik, odatdagi o‘rtacha tana vazniga ega pasientlarga nisbatan, tana vazni 45 kg dan kam bo‘lgan ayollarda 50% ga yuqori va tana vazni 57 kg dan kam bo‘lgan erkaklarda 27% ga yuqori bo‘ladi.

Qo‘llanilishi

• jarrohlik aralashuvlarida, ayniqsa ortopediyada va umumiy jarrohlikda venoz trombozlar va tromboemboliyalarni oldini olish.
• o‘tkir terapevtik kasalliklari (surunkali yurak yetishmovchiligi NYHA tasnifi bo‘yicha III yoki IV funksional sinf, o‘tkir nafas yetishmovchiligi, o‘tkir infeksiya, venoz tromb hosil bo‘lish xavfi omillaridan biri bilan birga kechuvchi o‘tkir revmatik kasalliklar) bo‘lgan yotoq tartibidagi pasientlarda venoz trombozlar va tromboemboliyalarni oldini olish,
• o‘pka arteriyasining tromboemboliyasi bilan birga yoki usiz kechuvchi chuqur venalar trombozini davolash.
• nostabil stenokardiya va Q tishisiz miokard infarktini asetilsalisil kislotasi bilan birga davolash.
• gemodializni o‘tkazish vaqtida, ekstrakorporal qon aylanish tizimida tromb hosil bo‘lishini oldini olish uchun qo‘llaniladi.

Qo‘llash usuli va dozalari

Preparat teri ostiga yuboriladi. Preparatni mushak ichiga yuborish mumkin emas!

Venoz tromboz va tromboemboliyalarni oldini olish uchun, ularni rivojlanishini o‘rtacha xavfi bo‘lgan pasientlarga Vinoksapar teri ostiga sutkada 1 marta 20-40 mg (0,2-0,4 ml) dan buyuriladi. Birinchi in‘eksiya jarrohlik aralashuvidan 2 soat oldin o‘tkaziladi.

Tromboz va emboliyalarni rivojlanishini yuqori xavfi (ortopedik operasiyalar) bo‘lgan pasientlarga t/o sutkada 1 marta 40 mg (0,4 ml) dan buyuriladi va ayni paytda birinchi doza jarrohlik aralashuvidan 12 soat oldin yoki operasiyadan keyin 12-24 soat o‘tgach yuborishni boshlash bilan 30 mg (0,3 ml) dan sutkada 2 marta yuboriladi.

Preparat bilan davolash davomiyligi 7-10 kunni tashkil qiladi. Zarurati bo‘lganida davolashni tromboz va emboliyani rivojlanish xavfi saqlanib turguncha davom ettirish mumkin (masalan, ortopediyada Vinoksapar 40 mg dozada sutkada 1 marta 5 hafta davomida buyuriladi).

O‘tkir terapevtik kasalliklar oqibatida yotoq tartibida bo‘lgan bemorlarda venoz trombozlarni oldini olish uchun 6-14 kun davomida teri ostiga sutkada 1 marta 40 mg dan buyuriladi.

Chuqur venalar trombozini davolash uchun tana vazniga 1 mg/kg dan t/o har 12 soatda (sutkada 2 marta) yoki 1,5 mg/kg dan sutkada 1 marta yoki yuboriladi. Asoratlangan tromboembolik buzilishlari bo‘lgan pasientlarda preparatni 1 mg/kg dan  sutkada 2 marta qo‘llash tavsiya qilinadi. Davolash davomiyligi o‘rtacha 10 kunni tashkil qiladi. Bilvosita antikoagulyantlar bilan davolashni darhol boshlagan ma‘qul, bunda preparat bilan davolashni yetarli antikoagulyant samaraga erishilgunicha davom ettirish kerak, ya‘ni xalqaro normallashgan nisbat (MNO) 2,0-3,0 ni tashkil qilishi kerak.

Nostabil stenokardiya va Q tishisiz miokard infarktida Vinoksaparning tavsiya qilinadigan dozasi har 12 soatda t/o tana vazniga 1 mg/kg ni tashkil etadi. Bir vaqtda asetilsalisil kislotasi buyuriladi. Davolashning o‘rtacha davomiyligi 2-8 kunni tashqil qiladi (pasientning klinik holati barqarorlashgunicha davom etadi).

Gemodializni o‘tkazish vaqtida ekstrakorporal qon aylanish tizimida tromb hosil bo‘lishini oldini olish uchun Vinoksaparning dozasi tana vazniga o‘rtacha 1 mg/kg ni tashkil qiladi. Qon ketishini rivojlanishining yuqori xavfida dozani qon tomiriga ikki tomonlama tushishi mumkinligida tana vazniga 0,5 mg/kg gacha yoki tomirga bir tomonlama tushishida 0,75 mg ga pasaytirish kerak.

Gemodializda preparatni gemodializ seansining boshida shuntning arterial sohasiga yuborish kerak. Odatda to‘rt soatlik seans uchun bir doza yetarlidir, biroq fibrin halqalari aniqlanganida davomliroq o‘tkazilgan gemodializda preparatni tana vazniga 0,5-1 mg/kg hisobidan qo‘shimcha yuborish mumkin.

Buyrak faoliyatini buzilishida dozaga kreatinin klirensi (KK) ga qarab, tuzatish kiritish kerak. KK < 30 ml/min bo‘lganida preparat davolash maqsadlarida tana vazniga
1 mg/kg hisobidan sutkada 1 marta va profilaktika maqsadlarida 20 mg sutkada 1 marta yuboriladi. Dozalash tartibi gemodializ holatlariga taalluqli emas. KK >30 ml/min bo‘lganida dozaga tuzatish talab etilmaydi, biroq davolashning laborator nazoratini sinchkovlik bilan o‘tkazish kerak.

Eritmani yuborish qoidalari

In‘eksiyalarni pasient yotganida o‘tkazgan afzal. Preparat teri ostiga chuqur yuboriladi. Oldindan 20 mg va 40 mg dan to‘ldirilgan shprislar ishlatilganida, in‘eksiyadan oldin preparatni yo‘qotilishidan saqlanish uchun, shprisdan havo pufakchalarini chiqarib tashlash kerak emas. In‘eksiyalarni qorin devorining chap yoki o‘ng old lateral yoki orqa lateral sohalariga navbatma-navbat yuborish kerak.

Ignani katta va ko‘rsatkich barmoq orasida yig‘ilgan va in‘eksiya tugagancha ushlab turiladigan teri burmasiga butun uzunligi bo‘ylab vertikal yuborish kerak. Teri burmasini in‘eksiya tugaganidan keyingina qo‘yib yuboriladi. Preparat yuborilganiden keyin in‘eksiya joyini uqalamaslik kerak.

Nojo‘ya ta‘sirlari

• osteoporoz
• giperkaliemiya
• gemorragik sindrom
• turli jadallikdagi nevrologik buzilishlarga, shu jumladan turg‘un yoki qaytmas falajga olib keluvchi orqa miya gematomalari.
• in‘eksiya joyida og‘riq

Ayrim hollarda

• preparat saqlovchi qattiq yallig‘lanish infiltratlari hosil bo‘lishi mumkin, ular bir necha kundan keyin so‘rilib ketadi va bunda preparatni bekor qilish talab etilmaydi.
• teri nekrozi,
• jigar fermentlari faolligini qaytuvchan va simptomsiz oshishi.

Qon ketishi

Qon ketishi rivojlanganida preparatni bekor qilish, qon ketishi sababini aniqlash va tegishli davolashni boshlash kerak.

0,01-0,1% hollarda gemorragik sindrom, shu jumladan qorin orti va bosh miya ichki qon quyilishlari rivojlanishi mumkin. Bu hollardan ayrimlari o‘lim bilan yakunlangan.

enoksaparinni spinal/epidural anesteziya va kiruvchi kateterlarni operasiyadan keyin ishlatish fonida qo‘llanganida, orqa miya gematomalari holatlari (0,01-0,1% hollarda) ta‘riflangan.

Trombositopeniya

Davolashning birinchi kunlari davomida ahamiyatsiz namoyon bo‘luvchi, o‘tkinchi, simptomsiz trombositopeniya rivojlanishi mumkin. 0,01% dan kam hollarda tromboz bilan birga kechuvchi autoimmun trombositopeniya rivojlanishi mumkin. Kam hollarda (0,01% dan kam) tromboz bilan birga kechuvchi autoimmun trombositopeniyani rivojlanishi mumkin, bu a‘zoning infarkti yoki qo‘l-oyoqlarning ishemiyasi bilan asoratlaninishi mumkin.

Mahalliy reaksiyalar

Teri ostiga yuborilganidan keyin in‘eksiya joyida og‘riq, 0,01% dan kam hollarda – gematoma kuzatilishi mumkin. Ayrim hollarda hosilalar (infiltratlar) hosil bo‘lishi mumkin. 0,001% hollarda in‘eksiya joyida, oldin purpura yoki eritematoz blyashkalar (infiltratli va og‘riqli) bilan kechuvchi teri nekrozi rivojlanishi mumkin; bunday hollarda preparatni bekor qilish kerak.

Boshqalar

0,01-0,1% hollarda teri va tizimli allergik reaksiyalar kuzatilgan. Ayrim pasientlarda davolashni to‘xtatish talab qilishi mumkin bo‘lgan allergik vaskulit holatlari (0,01% dan kam) aniqlangan..

Qo‘llash mumkin bo‘lmagan holatlar

• qon ketishining yuqori xavfi mavjud bo‘lgan holatlar va kasalliklar: xavf soluvchi abort, bosh miya tomirlarining anevrizmasi yoki aortaning qavatlanuvchi anevrizmasi (jarrohlik aralashuvidan tashqari), gemorragik insult, nazorat qilinmaydigan qon ketishi, og‘ir enoksaparin yoki geparin induksiyalagan trombositopeniya.
• 18 yoshgacha bo‘lgan bolalar va o‘smirlar (samaradorligi va xavfsizligi aniqlanmagan).
• enoksaparinga, geparin yoki uning hosilalariga, shu jumladan boshqa quyimolekulyar geparinlarga yuqori sezuvchanlik.
• yurakning sun‘iy klapanlari bo‘lgan homilador ayollarda qo‘llash mumkin emas.

Quyidagi holatlarda ehtiyotkorlik bilan ishlatish kerak: gemostazni buzilishlari (shu jumladan, gemofiliya, trombositopeniya, gipokoagulyasiya, Villebrand kasalligi va boshq.), og‘ir vaskulit, me‘da yoki 12-barmoq ichakning yara kasalligi yoki me‘da-ichak yo‘llarining boshqa eroziv-yarali shikastlanishlari; yaqinda o‘tkazilgan ishemik insult; nazorat qilib bo‘lmaydigan og‘ir arterial gipertoniya; diabetik yoki gemorragik retinopatiya; og‘ir qandli diabet; yaqinda o‘tkazilgan yoki taxmin qilingan nevrologik yoki oftalmologik operasiyalar; spinal yoki epidural anesteziyani o‘tkazish (gematomani rivojlanishini potensial xavfi), orqa miya punksiyasi (yaqinda o‘tkazilgan); yaqinda bo‘lgan tug‘ruqlar; bakterial endokardit (o‘tkir yoki nimo‘tkir); perikardit yoki perikardda suv yig‘ilishi; buyrak va/yoki jigar yetishmovchiligi, bachadon ichki kontrasepsiyasi, og‘ir jarohat (ayniqsa markaziy nerv tizimining), katta yuzalardagi ochiq jarohatlar, gemostaz tizimiga ta‘sir qiluvchi preparatlarni bir vaqtda qabul qilish. Preparatni laktasiya davrida qo‘llanganda emizishni to‘xtatish kerak.

Dorilarning o‘zaro ta‘siri

Vinoksaparni gemostazga ta‘sir etuvchi preparatlar (salisilatlar/nostabil stenokardiya va ST segmentini ko‘tarilishisiz miokard infarktidan tashqari/, nosteroid yallig‘lanishga qarshi vositalar / shu jumladan ketorolak/, dekstran 40, tiklopidin, tizimli qo‘llash uchun glyukokortikosteroidlar, trombolitiklar, antikoagulyantlar, antiagregantlar /shu jumladan IIb/IIIa glyukoprotein reseptorlarining antagonistlari) bilan bir vaqtda qo‘llanganda, gemorragik asoratlar rivojlanishi mumkin. Agar bunday kombinasiyani ishlatishdan saqlanishni iloji bo‘lmasa, Vinoksaparni qon ivishi ko‘rsatkichlarini sinchkov nazorati ostida qo‘llash kerak.

Vinoksaparni va boshqa quyimolekulyar geparinlarni navbatma-navbat qo‘llash mumkin emas, chunki ular bir-biridan ishlab chiqarish usuli, molekulyar og‘irligi, spesifik anti-Xa faolligi, o‘lchov birligi va dozasi bilan farq qiladi. Demak, bu preparatlarda farmakokinetika va biologik faollik (anti-Xa faollik, trombositlar bilan o‘zaro ta‘siri) turlichadir.

Farmasevtik o‘zaro ta‘siri

Vinoksapar eritmasini boshqa preparatlar bilan aralashtirish mumkin emas.

Maxsus ko‘rsatmalar

Preparat oldini olish maqsadlarida buyurilganida qon oquvchanligini oshishiga tendensiya kuzatilmagan. Preparat davolash maqsadlarida buyurilganida keksa yoshli pasientlarda (ayniqsa 80 yoshdan oshganlarda) qon ketishlarini rivojlanish xavfi bor. Pasientning holatini sinchiklab kuzatish tavsiya qilinadi.

Ushbu preparat bilan davolashni boshlash oldidian gemostazni buzish qobiliyatiga ega boshqa preparatlarni: salisilatlar, shu jumladan asetilsalisil kislotasi, nosteroid yallig‘lanishga qarshi vositalar (shu jumladan ketorolak); dekstran 40, tiklopidin, klopidogrel, GKS, trombolitiklar, antikoagulyantlar, antiagregantlarni (shu jumladan IIb/IIIa glyukoprotein reseptorlarining antagonistlarini), ularni qo‘llash zarur bo‘lgan holatlardan tashqari hollarda bekor qilish tavsiya qilinadi. Enoksaparinni ko‘rsatilgan preparatlar bilan majmuada qo‘llash zarurati bo‘lgan hollarda alohida ehtiyotkorlikka amal qilish (bemorning ahvolini va tegishli laborator ko‘rsatkichlarni sinkov kuzatuvini o‘tkazish) kerak.

Buyrak faoliyatini buzilishi bo‘lgan pasientlarda anti-Xa faollikni oshishi natijasida qon ketishini rivojlanishini xavfi bor. Bu oshish buyrak faoliyatini og‘ir buzilishlari (kreatinin klirensi <30 ml/min) bo‘lgan pasientlarda ahamiyatli kuchayishi tufayli, preparat profilaktika uchun ham, davolash uchun ham buyurilganida dozaga tuzatish kiritish tavsiya qilinadi. Garchi buyrak faoliyatini yengil va o‘rtacha buzilishlari (KK >30 ml/min) bo‘lgan pasientlarda dozaga tuzatish kiritish talab qilinmasada, bunday pasientlarning holatini sinchkov nazoratini o‘tkazish tavsiya qilinadi.

Enoksaparin natriyning anti-Xa faolligini, uni tana vazni 45 kg dan kam ayollarga va tana vazni 57 kg dan kam erkaklarga oldini olish maqsadida buyurilishida oshishi, qon ketishlarini rivojlanish xavfini oshishiga olib kelishi mumkin.

Geparin chaqirgan autoimun trombositopeniyaning xavfi, quyimolekulyar geparinlar ishlatilganida ham mavjuddir. Agarda trombositopeniya rivojlansa, unda u odatda enoksaparin natriy bilan davolash boshlanganidan keyin 5- va 21-chi kunlar orasida aniqlanadi. Shuning uchun preparat bilan davolashni boshlashdan oldin va uni qo‘llash vaqtida trombositlar sonini muntazam nazorat qilish tavsiya qilinadi. Trombositlar sonini tasdiqlangan ahamiyatli pasayishida (dastlabki ko‘rsatkichga nisbatan 30-50% ga) enoksaparin natriyni darhol bekor qilish va pasientni boshqa davolashga o‘tkazish kerak.

Spinal/epidural anesteziya

Boshqa antikoagulyantlar qo‘llanganida bo‘lgani kabi, Vinoksapar spinal/epidural anesteziyaning fonida ishlatilganida barqaror yoki qaytmas falajni rivojlanishi bilan kechuvchi orqa miya gematomalarini paydo bo‘lish hollari ta‘riflangan. Bu ko‘rinishlarni paydo bo‘lish xavfi preparat 40 mg yoki pastroq dozada qo‘llanganida pasayadi. Xavf, preparatning dozasi oshirilganida, shuningdek operasiyadan keyin kateterlar ishlatilganida yoki gemostazga xuddi shunday ta‘sir ko‘rsatuvchi NYAQV kabi qo‘shimcha preparatlar yondosh qo‘llanganida oshadi. Xavf shuningdek jarohatga olib keluvchi ta‘sirda yoki takroriy orqa miya punksiyasida ham oshadi.

Epidural yoki spinal anesteziyada orqa miya kanalidan qon ketishi xavfini pasaytirish uchun preparatning farmakokinetik profilini hisobga olish lozim. Kateterni o‘rnatish yoki olib tashlashni enoksaparin natriyning past antikoagulyant samarasida o‘tkazgan afzal.

Kateterni o‘rnatish yoki olib tashlash, chuqur venalarning trombozini oldini olish uchun, enoksaparinning oldini olish dozalari qo‘llanganidan keyin 10-12 soat o‘tgach o‘tkaziladi. Pasientlar enoksaparin natriyning yuqori dozalarini (1 mg/kg sutkada 2 marta yoki 1,5 mg/kg sutkada 1 marta) olayotgan hollarda, ushbu muolajalarni uzoqroq vaqt oralig‘iga (24 soat) kechiktirish kerak. Preparatni keyingi yuborishlari kateter olib tashlanganidan keyin, kechi bilan 2 soatdan keyin amalga oshirilishi kerak.

Agar shifokor epidural/spinal anesteziyani o‘tkazish vaqtida antikoagulyant davolashni buyursa, beldagi og‘riqlari, sensor va motor funksiyalarini buzilishi (oyoqlarda jimirlash yoki holsizlik), ichak va/yoki qovuq faoliyatini buzilishi kabi har qanday nevrologik simptomlarni aniqlash uchun, pasientni o‘ta sinchkovlik bilan muntazam kuzatish kerak. Pasientga yuqorida ta‘riflangan simptomlar paydo bo‘lganida shifokorni darhol xabardor qilish kerakligi to‘g‘risida yo‘l-yo‘riq berish kerak. Orqa miya gematomasi uchun xos bo‘lgan simptomlar aniqlanganida, zarurati bo‘lganida orqa miya dekompressiyasini o‘z ichiga oluvchi shoshilinch diagnostika va davolashni o‘tkazish zarur.

Geparin tomnidan induksiyalangan trombositopeniya

Anamnezida geparin tomonidan chaqirilgan, tromboz bilan yoki usiz kechuvchi trombositopeniya to‘g‘risidagi ma‘lumotlar bo‘lgan pasientlarga preparatni alohida ehtiyotkorlik bilan buyurish kerak.

Geparin tomonidan chaqirilgan trombositopeniya xavfi bir necha yillar davomida saqlanishi mumkin. Agar anamnez jihatidan, geparin chaqirgan trombopeniyani borligi taxmin qilinsa, unda in vitro sharoitida trombositlar agregasiyasining testlari, uni rivojlanish xavfini bashorat qilishda cheklangan ahamiyatga ega. Bunday hollarda Vinoksaparni buyurish to‘g‘risidagi qarorni faqat tegishli mutaxassis bilan maslahatlashgandan keyingina qabul qilish mumkin.

Teri orqali koronar angioplastikasi

Nostabil stenokardiya va Q tishisiz miokard infarktini davolashda invaziv tomir muolajasi bilan bog‘liq qon ketishi xavfini kamaytirish maqsadida, son arteriyasining introdyuserini Vinoksapar teri ostiga yuborilganidan keyin 6-8 soat davomida olib tashlash mumkin emas. Keyingi hisoblangan dozani, son arteriyasining introdyuseri olib tashlanganidan keyin kechi bilan 6-8 soatdan keyin yuborish kerak.

Qon ketishi va gematomalarni hosil bo‘lishi belgilarini o‘z vaqtida aniqlash uchun invaziya joyini kuzatish kerak.

Yurakning sun‘iy klapanlari

Yurakning sun‘iy klapanlari bo‘lgan pasientlarda tromboembolik asoratlarni oldini olishda, Vinoksaparning samaradorligi va xavfsizligini ishonchli baholashga imkon beruvchi tekshirishlar o‘tkazilmagan. Preparatni bu maqsadlarda qo‘llash uchun tavsiya qilib bo‘lmaydi.

Laboratoriya testlari

Tromboembolik asoratlarni oldini olish uchun ishlatiladigan dozalarda Vinoksapar qon ketish vaqtiga va umumiy koagulyasion ko‘rsatkichlarga, shuningdek trombositlar agregasiyasiga yoki ularni fibrinogen bilan bog‘lanishiga jiddiy ta‘sir qilmaydi.

Doza oshirilganida ACHTV va qon ivish vaqti uzayishi mumkin. ACHTV va qon ivish vaqtini oshishi preparatning antitrombolitik faolligini oshishi bilan to‘g‘ri chiziqli bog‘liqlikda bo‘ladi, shuning uchun ularning monitoringini o‘tkazishga zarurat yo‘q.

O‘tkir terapevtik kasalliklari bo‘lgan, yotoq tartibidagi pasientlarda venoz trombozlar va emboliyalarni oldini olish

O‘tkir infeksiya, o‘tkir revmatik holatlar rivolangan hollarda, Vinoksaparni profilaktik buyurilishi, faqat agar yuqorida sanab o‘tilgan holatlar venoz tromboz hosil bo‘lishini sanab o‘tilgan xavf omillaridan biri (75 yoshdan kattalar, xavfli o‘smalar, anamnezdagi trombozlar va tromboemboliyalar, gormonal davolash, yurak yetishmovchiligi, surunkali nafas yetishmovchiligi) qo‘shilib kelgandagina oqlangan

Homiladorlik va laktasiya davri Vinoksaparni homiladorlik vaqtida, ona uchun taxmin qilinayotgan foyda homila uchun potensial xavfdan ustun bo‘lgan hollardan tashqari hollarda qo‘llash mumkin emas.

Dori vositasini transport vositalari va potensial xavfli mexanizmlarni boshqarish qobiliyatiga ta‘sirining o‘ziga xos xususiyatlari

Vinoksapar transport vositalarini boshqarish qobiliyatiga ta‘sir ko‘rsatmaydi.

Preparatni bolalar ololmaydigan joyda saqlash va uni yaroqlilik muddati o‘tganidan keyin ishlatilmasin.

Dozani oshirib yuborilishi

Simptomlari

Vena ichiga, ekstrakorporal yoki teri ostiga qo‘llanganida Vinoksaparning dozasini tasodifan oshirib yuborilishi gemorragik asoratlarga olib kelishi mumkin. Ichga xatto katta dozalar qabul qilinganida preparatni so‘rilish ehtimoli kam.

Davolash

Antikoagulyant samaralarni, asosan protamin sulfatini vena ichiga sekin yuborish yo‘li bilan neytrallash mumkin, uning dozasi yuborilgan Vinoksaparning dozasiga bog‘liq. 1 mg protamin sulfati 1 mg enoksaparinining antikoalugyant samarasini neytrallaydi, agar enoksaparin natriy protaminni yuborishdan 8 soat oldin yuborilgan bo‘lsa 0,5 mg protamin 1 mg enoksaparinining antikoagulyant samarasini neytrallaydi, agar oxirgini yuborilgan vaqtdan 8 soatdan ortiq vaqt o‘tgan bo‘lsa yoki protaminning ikkinchi dozasini yuborish zarurati bo‘lsa. Agar enoksaparin natriy yuborilganidan keyin 12 va undan ortiq vaqt o‘tgan bo‘lsa, preparatni yuborish talab qilinmaydi. Biroq, xatto protamin sulfatning katta dozalari yuborilganida ham, enoksaparinining anti-Xa faolligi to‘liq neytrallanmaydi (maksimal 60% gacha).

Chiqarilish shakli

In‘eksiya uchun enoksaparin eritmasi bilan oldindan to‘ldirilgan steril shprislar: 1 shpris 20 mg enoksaparin natriyga ekvivalent 2000 anti-Xa XB/0,2 ml; 40 mg enoksaparin natriyga ekvivalent 4000 anti-Xa XB/0,4 ml; 60 mg enoksaparin natriyga ekvivalent 6000 anti-Xa XB/0,6 ml; 80 mg enoksaparin natriyga ekvivalent 8000 anti-Xa XB/0,8 ml eritma saqlaydi.

2 yoki 10 shprisdan karton qutida.

Saqlash sharoiti

Yorug‘likdan himoyalangan joyda, 25ºS dan yuqori bo‘lmagan haroratda saqlansin. Muzlatilmasin.

Yaroqlilik muddati

2 yil.

Dorixonalardan berish tartibi

Resept bo‘yicha.