Avilon

QO‘LLASH BO‘YICHA YO‘RIQNOMA

AVILON

AVILON

Preparatning savdo nomi: Avilon

Ta‘sir etuvchi modda (XPN): levofloksasin gemigidrati.

Dori shakli: infuziya uchun eritma.

Tarkibi:

xar bir flakon quyidagilarni saqlaydi:

faol modda: levofloksasin gemigidrati – 500 mg.

yordamchi moddalar: suvsiz glyukoza, natriy gidroksidi, xloristovodorod kislotasi, in‘eksiya uchun suv.

Ta‘rifi: och-sariq yoki sarg‘ish-yashil rangli tiniq eritma.

Farmakoterapevtik guruhi: Antibakterial sintetik vosita (ftorxinolon guruhi).

ATX kodi: J01MA12

Farmakologik xususiyatlari

Ftorxinolonlar guruhiga mansub mikroblarga qarshi vosita, ofloksasinni chapga aylanuvchi izomeri. Mikroblarga qarshi keng ta‘sir doirasiga ega.

Levofloksasin DNK – girazani (topoizomeraza II) va topoizomeraza IV ni bloklaydi, DNK ni superspirilizasiyasi va uzilishlarining tikilishini buzadi, DNK sintezini ingibisiya qiladi, sitoplazma, hujayra devori va membranalarida chuqur morfologik o‘zgarishlar chaqiradi.

Levofloksasin ham in vitro, ham in vivo sharoitlarda mikroorganizmlarning ko‘pchilik shtammlariga nisbatan faol.

In vitro sezgir mikroorganizmlar (MPK £ 2 mg/ml) aerob grammusbat mikroorganizmlar: Corynebacterium diphtheriae, Enterococcus faecalis, Enterococcus spp., Listeria monocytogenes, Staphylococcus spp., (koagulaza-negativ metisillinga sezgir/metisillinga o‘rtacha sezgir shtammlar), Staphylococcus spp. (CNS), Streptococcus spp. C va G guruhlari (shu jumladan Streptococcus agalactiae, Streptococcus pneumoniae (penisillinga sezgir/o‘rtacha sezgir/rezistent shtammlari); aerob grammanfiy mikroorganizmlar: Acinetobacter baumannii, Acinetobacter spp., Actenobacillus actinomycetem comitans, Citrobacter freundii, Eikenella corrodens, Enterobacter aerogenes, Enterobacter agglomerans, Enterobacter spp. (shu jumladan Enterobacter cloacae), Escherichia coli, Gardnerella vaginalis, Haemophilus ducreyi, Haemophilus influenzae (ampisillinga–sezgir/rezistent shtammlar), Haemophilus parainfluenzae, Helicobacter pylori, Klebsiella spp. (shu jumladan Klebsiella oxytaca, Klebsiella pneumoniae), Moraxela catarrhalis (b-laktamaza ishlab chiqaruvchi va ishlab chiqarmaydigan shtammlari), Morganella morganii, Neisseria gonorrhoeae (penisillinazani ishlab chiqaruvchi va ishlab chiqarmaydigan shtammlari), Neisseria meningitides, Pasteurella spp. (shu jumladan Pasteurella conis, Pasreurella dagmatis, Pasteurella multocida), Proteus mirabilis, Proteus vulgaris, Providencia spp. (shu jumladan Providencia rettgeri, Providencia stuartii), Pseudomonas spp. (shu jumladan Pseudomonas aeruginosa), Salmonella spp., Serratia spp. (Serratia marcescens); anaerob mikroorganizmlar: Bacteroides fragilis, Bifidobacterium spp., Clostridium perfringens, Fusobacterium spp., Peptostreptococcus, Propionibacterum spp., Veilonella spp.; boshqa mikroorganizmlar: Bartonella spp., Chlamydia pneumaniae, Chlamydia psittaci, Chlamydia trachomatis, Legionella pneumophila, Legionella spp., Mycobacterium spp. (Mycobacterium leprae, Micopbacterium tuberculosis), Mycoplasma hominis, Mycoplasma pneumoniae, Ricketsia spp., Ureaplasma urealyticum.

Levofloksasin quyidagi aerob grammusbat mikroorganizmlarga nisbatan o‘rtacha faol (MPK³4 mg/l): Corynebacterium urealitium, Corynebacterium xerosis, Enterococcus faecium, Staphylococcus epidermidis (metisillinga rezistent shtammlari), Stapylococcus haemolyticus (metisillinga rezistent shtammlari); aerob grammanfiy mikroorganizmlar: Burkholderia cepacia, Campilobacter jejuni, Campilobacter coli; anaerob mikroorganizmlar: Bacteroides thetaiotaomicron, Bacteroides vulgatus, Bacteroides ovaius, Prevoitella spp., Porphyromonas spp.

Levofloksasinga chidamli (MPK³8mg/l) aerob grammusbat mikroorganizmlar: Corynebacterium jeikeium, Staphylococcus aureus (metisillinga rezistent shtammlari), Staphylococcus spp. (koagulaza – negativ metisillinga rezistent shtammlari); aerob grammanfiy mikroorganizmlar: Alcaligenes xylosaxidans; boshqa mikroorganizmlar: Mycobacterium avium.

Farmakokinetikasi

Levofloksasinni 500 mg dozada vena ichiga 60 minutlik infuziya qilinganidan keyin plazmadagi o‘rtacha Smax 6,2±1,0 mkg/ml, Tmax – 1,0±1,0 soat ni tashkil qiladi. Levofloksasinning farmakokinetikasi to‘g‘ri chiziqli xarakterga ega va preparat bir marta va ko‘p marta yuborilganida oldindan aytib berilishi mumkin. Levofloksasinning konsentrasiyasini plazma profili vena ichiga yuborilganidan keyin, tabletkalar qabul qilgandagiga o‘xshash. Shuning uchun, og‘iz orqali va vena ichiga yuborish yo‘llari bir-birining o‘rnini bosa oladi deb hisoblash mumkin.

Taqsimlanishi. Plazma oqsillari bilan bog‘lanishi – 30-40%. Organizmning to‘qima va suyuqliklariga: o‘pka, bronxlarning shilliq qavatlari, balg‘am, siydik-jinsiy tizimi a‘zolari, suyak to‘qimasi, orqa miya suyuqligi, prostata bezi, polimorf yadroli leykositlar, alfeolyar makrofaglarga yaxshi kiradi. Levofloksasinning o‘rtacha Vd 500 mg dozada vena ichiga bir marta va ko‘p marta yuborilganidan so‘ng 89 dan 112 l gachani tashkil qiladi.

Metabolizmi. Levofloksasinning ozgina qismi jigarda oksidlanadi va/yoki asetil guruhini ajralanadi.

Chiqarilishi. 500 mg dozada v/i bir marta yuborilganidan keyin T_1/2 – 6,4±0,7 soat. Asosan buyraklar orqali kalavalar filtrasiyasi va naychalar sekresiyasi yo‘li bilan chiqariladi.

Bir marta va ko‘pmarta yuborilgandan keyin o‘rtacha yakuniy T_1/2 6 soatdan 8 soatgachani tashkil qiladi. Dozaning taxminan 87% 48 soat davomida siydik bilan o‘zgarmagan holda chiqariladi. 4% kamrog‘i – 72 soat davomida ahlatda aniqlanadi.

Maxsus klinik hollarda farmakokinetikasi. Buyrak yetishmovchiligida preparatning klirensini kamayishi va uni buyraklar orqali chiqarilishi kreatinin klirensi (KK) darajasini pasayishiga bog‘liq.

Qo‘llanilishi

Levofloksasin kattalarda bakterial infeksiyalarni davolash uchun qo‘llanadi, agarda bu infeksiyalarning qo‘zg‘atuvchisi levofloksasinga sezgir bakteriyalar bo‘lsa:

– LOR-a‘zolarning infeksiyalari (sinusit, o‘rta otit);

– pastki nafas yo‘llarining infeksiyalari: surunkali bronxitni zo‘rayishi, kasalxonadan tashqaridagi pnevmoniya;

– intraabdominal infeksiyalar;

– siydik chiqarish yo‘llarining asoratlanmagan va asoratlangan infeksiyalari (shu jumladan pielonefrit);

– jinsiy  a‘zolarning infeksiyalari (shu jumladan urogenital xlamidioz);

– o‘tkir va surunkali bakterial prostatit;

– teri va yumshoq to‘qimalarning infeksiyalari (yiringlagan ateroma, abssess, furunkullar);

– yuqorida ko‘rsatilgan kasalliklar bilan bog‘liq bo‘lgan septisemiyada qo‘llanadi.

Qo‘llash usuli va dozalari

Preparat v/i 250-500 mg dan sutkada 1-2 marta yuboriladi.

Dozalar infeksiyaning xarakteri va og‘irligi, shuningdek taxmin qilinayotgan qo‘zg‘atuvchining sezgirligiga qarab belgilanadi.

Buyraklar faoliyati normal yoki ahamiyatsiz buzilishi (kreatinin klirensi >50 ml/min) bo‘lgan pasientlarga preparatni quyidagi dozalarda buyurish tavsiya qilinadi:

Sinusit: 500 mg levofloksasin sutkada 1 marta buyuriladi. Davolash kursi – 10-14 kun tashkil qiladi.

Surunkali bronxitni zo‘rayishi: 250-500 mg levofloksasin sutkada 1 marta buyuriladi. Davolash kursi – 7-10 kun tashkil qiladi.

Kasalxonadan tashqari pnevmoniya: 500 mg dan sutkada 1-2 marta buyuriladi. Davolash kursi – 10-14 kun tashkil qiladi.

Siydik chiqarish yo‘llarining asoratlanmagan infeksiyalari: levofloksasin 250 mg dan sutkada 1 marta buyuriladi. Davolash kursi – 3 kun tashkil qiladi.

Siydik chiqarish yo‘llarining asoratlangan infeksiyalari (shu jumladan pielonefrit): levofloksasin 250 mg dan sutkada 1 marta buyuriladi. Og‘ir infeksiyalarda v/i yuboriladigan doza oshirilishi mumkin. Davolash kursi – 7-10 kun tashkil qiladi.

Prostatit: 500 mg levofloksasin sutkada 1 marta buyuriladi. Davolash kursi – 28 kun tashkil qiladi.

Septisemiya/bakteriemiya: levofloksasin 500 mg dan sutkada 1-2 marta. Davolash kursi – 10-14 kun.

Intraabdominal infeksiyalar: levofloksasin 500 mg dan sutkada 1-2 marta buyuriladi. Davolash kursi – 7-10 kun tashkil qiladi, anaerob floraga ta‘sir qiluvchi antibakterial preparatlar bilan majmuada.

Teri va yumshoq to‘qimalarning infeksiyalari: levofloksasin 500 mg dan sutkada 1-2 marta buyuriladi. Davolash kursi – 7-14 kun tashkil qiladi.

Tuberkulezning dorilarga chidamli shakllarini majmuaviy davolash tarkibida 500 mg levofloksasinni sutkada 1-2 marta buyuriladi. Davolash kursi 3 oygacha tashkil qiladi.

Buyraklar faoliyatini buzilishi bo‘lgan pasientlarga kreatinin klirensining ko‘rsatkichlariga qarab dozalash tartibini to‘g‘rilash talab qilinadi.

* doimiy ambulator peritoneal dializ.

Gemodializ yoki DAPD dan keyin qo‘shimcha dozalarni yuborish talab qilinmaydi.

Buyrak faoliyati normal bo‘lgan keksa yoshdagi pasientlar uchun dozalash tartibini to‘g‘rilash talab qilinmaydi.

Jigar faoliyati buzilishida dozalarni maxsus tanlash talab qilinmaydi, chunki levofloksasin jigarda juda ahamiyatsiz darajada metabolizmga uchraydi.

Avilon vena ichiga asta-sekin tomchilab yuboriladi. Preparatni 500 mg dozada (100 ml infuzion eritma) yuborish davomiyligi 60 minutdan kam bo‘lmasligi kerak. Preparatning 500 mg/100 ml eritmasi quyidagi infuzion eritmalar bilan to‘g‘ri keladi: 0,9% li natriy xloridi eritmasi, 5% li dekstroza eritmasi, 2,5% li Ringer eritmasi dekstroza bilan, parenteral oziqlanish uchun majmuaviy eritmalar (aminokislotalar, karbonsuvlar, elektrolitlar). Preparatning eritmasini geparin bilan yoki ishqoriy reaksiyaga ega bo‘lgan eritmalar bilan (masalan, bikarbonat natriy eritmasi bilan) aralashtirish mumkin emas.

Bemorning klinik holatini ijobiy dinamikasida bir necha kun davolashdan keyin vena ichiga tomchilab yuborishdan, levofloksasinni shu dozada peroral qabul qilishga o‘tish mumkin.

Davolashning davomiyligi kasallikning kechishiga qarab ko‘pi bilan 14 kunni tashkil qilishi lozim.

Boshqa antibakterial vositalarni qo‘llashda bo‘lgani kabi, preparat bilan davolashni tana harorati normallashganidan keyin yoki qo‘zg‘atuvchi ishonchli yo‘qotilganidan keyin minimum 48-72 soat davomida davom ettirish tavsiya etiladi.

Preparat bilan davolashni shifokor ko‘rsatmasisiz bekor qilish yoki muddatidan oldin to‘xtatish mumkin emas.

Nojo‘ya ta‘sirlari

Allergik reaksiyalar: ba‘zida – qichishish va terini qizarishi; kam – anafilaktik va anafilaktoid reaksiyaar (eshakemi, bronxlarning torayishi va og‘ir bo‘g‘ilish ehtimoli kabi simptomlar bilan kechuvchi reaksiyalar); juda kam hollarda – teri va shilliq qavatlarining shishlari (masalan, yuz va tomoq sohasida), AB ni keskin tushishi, shok, allergik pnevmonit, vaskulit; alohida hollarda – Stivens-Djonson sindromi, toksik epidermal nekroliz (Layell sindromi) va ekssudativ ko‘p shaklli eritema.

Dermatologik reaksiyalar: juda kam hollarda – fotosensibilizasiya.

Ovqat hazm qilish tizimi tomonidan: tez-tez – ko‘ngil aynishi, diareya, ALT, AST faolligini oshishi; ba‘zida – ishtahani yo‘qotilishi, qusish, qorinda og‘riqlar, ovqat hazm bo‘lishini buzilishi; kam hollarda – qon zardobida bilirubinning darajasini oshishi, qonli diareya (juda kam hollarda bu ichakni yallig‘lanishi yoki psevdomembranoz kolitning belgisi ham bo‘lishi mumkin); juda kam hollarda – gepatit.

Modda almashinuvi tomonidan: juda kam hollarda – gipoglikemiya (ishtahani kuchayishi, terlash, asabiylik, titroq bilan namoyon bo‘luvchi) kuzatiladi. Boshqa xinolonlarni qo‘llash tajribasi, ular porfiriyani zo‘rayishini chaqirishi mumkinligidan guvohlik beradi, ayrim hollarda bunday samara preparat qo‘llanganida ham bo‘lishini istisno qilib bo‘lmaydi.

Markaziy nerv tizimi va periferik nerv tizimi tomonidan: ba‘zida – bosh og‘rig‘i, bosh aylanishi va/yoki qotib qolish, uyquchanlik, uyquni buzilishi; kam hollarda – depressiya, bezovtalik, gallyusinasiyalar turidagi psixotik reaksiyalar, qo‘llarning panjalarida parasteziyalar, qaltirash, qo‘zg‘algan holat, tirishishlar va ongni chalkashishi; juda kam hollarda – ko‘rishni va eshitishni buzilishi, ta‘m sezuvchanligini va hid sezishni buzilishi, taktil sezuvchanlikni pasayishi.

Yurak-qon tomir tizimi tomonidan: kam hollarda – taxikardiya, arterial bosimni pasayishi, juda kam hollarda – qon tomir kollapsi; ayrim hollarda – QT intervalini uzayishi.

Suyak-mushak tizimi tomonidan: kam hollarda – paylarni shikastlanishi (tendinitni ham qo‘shib), bo‘g‘im va mushak og‘riqlari; juda kam hollarda – paylarning uzilishi, masalan, axillov payini uzilishi (bu nojo‘ya samarasi ikki tomonlama xarakterga ega bo‘lishi va davolash boshlanganidan keyin 48 soat davomida kuzatilishi mumkin), mushak kuchsizligi (astenik bulbar falaj bilan kasallangan bemorlar uchun alohida ahamiyatga ega); ayrim hollarda – rabdomioliz.

Siydik chiqarish tizimi tomonidan: kam hollarda – qon zardobida kreatinin miqdorini oshishi; juda kam hollarda – buyrak yetishmovchiligigacha bo‘lgan buyraklar faoliyatini yomonlashuvi (masalan, allergik reaksiyalar oqibatida – interstisial nefrit).

Qon yaratish tizimi tomonidan: ba‘zida – eozinofiliya, leykopeniya; kam hollarda – neytropeniya, trombositopeniya (qon quyilishlariga va qon ketishlariga moyillikni oshishi); juda kam hollarda – agranulositoz va og‘ir infeksiyalarning rivojlanishi (tana haroratini turg‘un yoki qaytalanuvchi oshishi, tomoqni yallig‘lanishi va holatni turg‘un yomonlashuvi bilan kechadi); alohida xollarda – gemolitik anemiya; pansitopeniya,

Boshqalar: ba‘zida – asteniya; juda kam hollarda – isitma, allergik pnevmonit. Har qanday antibiotik bilan davolash odamdagi normal holatda bo‘ladigan mikroflorani (bakteriyalar va zamburug‘lar) o‘zgarishini chaqirishi mumkin.

Mahalliy reaksiyalar: tez-tez – yuborish joyida og‘riq, qizarish, flebit.

Qo‘llash mumkin bo‘lmagan holatlar

– Tutqanoq;

– anamnezda xinolonlarni qabul qilish bilan bog‘liq paylarning shikastlanishi;

– 18 yoshgacha bo‘lgan bolalik va o‘spirinlik yoshi;

– homiladorlik;

– laktasiya (emizish) davri.

– levofloksasinga yoki boshqa xinolonlarga o‘ta yuqori sezuvchanlikda qo‘llash mumkin emas.

Buyraklar faoliyatini yo‘ldosh pasayishi bo‘lishini yuqori ehtimoli, glyukozo-6-fosfatdegidrogenaza tanqisligi tufayli, keksa yoshdagi shaxslarda preparatni ehtiyotkorlik bilan qo‘llash kerak.

Dorilarning o‘zaro ta‘siri

Xinolonlar preparatlarning (shu jumladan fenbufenni yoki unga o‘xshash NYAQV, teofillining) tirishishga tayyorlikning serebral pog‘onasini pasaytirish qobiliyatini kuchaytirishi mumkin.

Levofloksasinning ta‘siri sukralfat, magniy yoki alyuminiy saqlovchi antasid vositalar shuningdek temir tuzlari bilan bir vaqtda qo‘llanganda ahamiyatli kamayadi (levofloksasin va bu dori vositalarni qabul qilish orasidagi interval kamida 2 soatni tashkil qilishi lozim). Kalsiy karbonati bilan o‘zaro ta‘siri aniqlanmagan.

K vitaminining antagonistlarini bir vaqtda ishlatishda qonning ivish tizimini nazorat qilish kerak.

Levofloksasinning chiqarilishi (buyrak klirensi) simetidin va probenisid ta‘sirida biroz sekinlashadi, bu amalda hech qanday klinik ahamiyatga ega emas.

Levofloksasin qon plazmasidan siklosporinni T_1/2 biroz oshishini chaqiradi.

GKSni bir vaqtda qabul qilish paylarning uzilishi xavfini oshiradi.

Maxsus ko‘rsatmalar

Keksa yoshdagi bemorlarni davolashda, bu guruh bemorlarda ko‘proq buyraklar faoliyatining buzilishlari bo‘lishini ko‘zda tutish kerak.

Davolash vaqtida, bosh miyaning oldingi shikastlanishi bilan bog‘liq bo‘lgan, masalan, insult yoki og‘ir travma bilan, bemorlarda tirishishlar xuruji rivojlanishi mumkin. Tirishishga tayyorlik fenbufen, unga o‘xshash nosteroid yallig‘lanishga qarshi vositalar yoki teofillin bilan bir vaqtda qo‘llanganida oshishi mumkin

Qandli diabeti bo‘lgan pasientlarda preparatni qo‘llanganda, levofloksasin gipoglikemiyani chaqirishi mumkinligini hisobga olish lozim.

Pnevmokokklar chaqirgan o‘pkaning juda og‘ir yallig‘lanishida, levofloksasinni qo‘llanishi

optimal terapevtik samara bermasligi mumkin. Pseudomonas aeruginosa chaqirgan gospital infeksiyalarda, kombinasiyalangan davolash talab qilnishi mumkin.

Fotosensibilizasiya levofloksasin qo‘llanganida juda kam aniqlanishiga qaramasdan, undan saqlanish uchun, bemorlarga juda ham zarur bo‘lmasa, kuchli quyosh yoki sun‘iy ultrabinafsha nurlanishga duchor bo‘lish tavsiya qilinmaydi.

Psevdomembranoz kolitga gumon qlinganida darhol levofloksasinni bekor qilish va muvofiq davolashni boshlash kerak. Bunday hollarda, ichak motorikasini susaytiruvchi dori vositalarini qo‘llash mumkin emas.

Keksa yoshdagi bemorlarda levofloksasin qo‘llanganda tendinitni rivojlanish ehtimoli oshadi. GKS lar qo‘llanganda, ehtimol paylarning uzilishi xavfi oshadi. Tendinitga gumon qilinganida levofloksasin preparati bilan davolashni darhol to‘xtatish va shikastlangan payni, unga tinchlik holatini ta‘minlab, muvofiq davolashni boshlash kerak.

Levofloksasinni naychalar sekresiyasini bloklovchi simetidin va probenisid bilan bir vaqtda ehtiyotkorlik bilan buyurish lozim; ularning ta‘siri ostida levofloksasinni chiqarilishi biroz sekinlashadi. Bu o‘zaro ta‘siri amalda hech qanday klinik ahamiyatga ega emas va bu eng avvalo buyraklar faoliyatini buzilishi bo‘lgan bemorlarga taalluqli bo‘lishi mumkin.

Levofloksasinni va K vitaminining antagonistlarini bir vaqtda qo‘llanganda qonning ivish tizimining holatini nazorat qilish kerak.

Antibiotik bilan davolashni o‘tkazishda odamdagi normal holatda bo‘ladigan mikroflorani (bakteriyalar va zamburug‘lar) o‘zgarishlar kuzatilishi mumkin. Shu sababdan qo‘llanilayotgan antibiotikka chidamli bo‘lgan bakteriyalar va zamburug‘larni ko‘payishini oshishi (ikkilamchi infeksiya va superinfeksiya) yuz berishi mumkin, bu kam hollarda qo‘shimcha davolashni talab qilishi mumkin.

Boshqa xinolonlarni qo‘llash tajribasi, ular porfiriyani zo‘rayishini chaqirish qobiliyatiga egaligidan dalolat beradi. Bunga o‘xshash samara levofloksasinni qo‘llanganda xam inkor etilmaydi. Glyukozo-6-fosfatdegidrogenaza yetishmovchiligi bo‘lgan bemorlar (modda almashinivuning nasliy buzilishi) ftorxinolonlarga eritrositlarni parchalanishi (gemoliz) bilan reaksiya berishlari mumkin. Buni hisobga olib, bunday toifa bemorlarni levofloksasin bilan davolashni katta ehtiyotkorlik bilan o‘tkazish kerak.

Tavsiya qilingan yuborish davomiyligiga qat‘iy rioya qilish kerak, u kamida 60 minutni (100 ml infuzion eritma) tashkil etishi kerak. Levofloksasinni qo‘llashni tajribasi, infuziya vaqtida kuchli yurak urishi va arterial bosimni tranzitor tushishi kuzatilishi mumkinligini ko‘rsatadi. Kam hollarda arterial bosimni kuchli tushishi tomirli kollapsning sababi bo‘lishi mumkin. Agarda levofloksasinni yuborish vaqtida arterial bosimning yaqqol tushishi kuzatilsa, quyish darhol to‘xtatiladi.

Homiladorlikda va emizishda qo‘llanishi.

Preparatni homiladorlikda va laktasiya (emizish) davrida qo‘llash mumkin emas.

Avtotransportni haydash va mexanizmlarni boshqarish qobiliyatiga ta‘siri.

Levofloksasin bosh aylanishi yoki qotib qolish, uyquchanlik va ko‘rishni buzilishini chaqirishi, shuningdek diqqatni jamlash qobiliyatini va psixomotor reaksiyalarning tezligini pasaytirishi mumkin, buni faoliyati avtomobilni boshqarish, mashinalar va mexanizmlarga xizmat ko‘rsatish, beqaror holatda ishlarni bajarish bilan bog‘liq shaxslarga preparatni qo‘llash zarurati tug‘ilganda hisobga olish lozim. Ayniqsa bu preparatni alkogol bilan o‘zaro ta‘sir holatlariga taalluqlidir.

Preparat bolalar ololmaydigan joyda saqlansin va yaroqlilik muddati o‘tgach ishlatilmasin.

Dozani oshirib yuborilishi

Simptomlari: ongni chalkashishi, bosh aylanishi, ongni buzilishi va tutqanoq xurujlari turidagi tirishish xurujlari, ko‘ngil aynishi, shilliq qavatlarning eroziv shikastlanishlari. Levofloksasinning o‘rtacha terapevtik dozalari bilan o‘tkazilgan kliniko-farmakologik tekshirishlarda QT intervalni uzayishi kuzatilgan.

Davolash: simptomatik davolashni o‘tkaziladi. Levofloksasin dializ yordamida chiqarilmaydi. Maxsus antidoti mavjud emas.

Chiqarilish shakli

Infuziya uchun eritma 100 ml dan flakonlarda.

Saqlash sharoiti

Quruq, yorug‘likdan himoyalangan joyda, 25⁰S dan yuqori bo‘lmagan haroratda saqlansin. Muzlatilmasin!

Yaroqlilik muddati

2 yil.

Dorixonalardan berish tartibi

Resept bo‘yicha.