Entero-D

BFQ komponentlariga individual taʼsirchanlikda qoʻllanilmaydi.

Disbakterioz, oshqozon-ichak yoʻli ishining buzilishlarida organizmda bakteriyalar muvozanatini tiklash uchun foydalanilsin.
Ichakning normal mikroflorasi tiklanishiga yordam beradi, K vitamini sintezini yaxshilaydi, organizmga kasallik chaqiruvchi bakteriyalar va viruslar joylashib olishiga toʻsqinlik qiladi, oshqozon-ichak yoʻli ishini tartibga solishga koʻmaklashadi.
Immun himoya mexanizmlarida, toksinlarni zararsizlantirishda muhim rol oʻynaydi. Bakteriyalarga qarshi preparatlarni qabul qilish oqibatida kelib chiqqan diareyada; infeksiyalar natijasidagi diareyada; taʼsirlangan ichak sindromida; meteorizm va qorin dam boʻlishida; allergik kasalliklarda, ayniqsa bolalarda; qin mikroflorasi buzilganida; ichakning yalligʻlanish kasalliklarida; sayyohlar diareyasi; ichak disbakteriozida qabul qilinadi.

Emizish yoshidagi bolalarga emizish vaqtida paket yoki kapsula ichidagi kukunni koʻkrak suti yoki bolalar ovqati bilan aralashtirib beriladi.
Katta yoshdagi bolalarga va kattalarga sashe paketlardagi Entro-D kukuni qabul qilishdan oldin sovitilgan qaynagan suvda (temperaturasi 45°С dan yuqori emas) 1 paketga 40-50 ml suv hisobidan eritiladi. Kapsulalar yetarli miqdordagi suv bilan ichiladi. Ovqatdan 30 daqiqa oldin qabul qilinadi.
7 yoshgacha boʻlgan bolalar uchun dozalash: 0,8 g paketda:
- 6 oylikkacha boʻlgan bolalarga 1 ta paket (kapsula) dan bir kunda 1-marta;
- 6 oylikdan 3 yoshgacha boʻlgan bolalarga – 1 ta paket (kapsula)dan bir kunda 2-marta;
- 3 yoshdan 7 yoshgacha boʻlgan bolalarga –1 ta paket (kapsula) dan bir kunda 3-marta.
7 yoshdan katta bolalarga va kattalaga: 400 mg li kapsulalar.
2 ta paket (kapsula)dan bir kunda 2-3-marta qabul qilinsin.
Qabul qilish davomiyligi 1 dan 3 haftagacha.

Bitta kapsula (400 mg) yoki sashe paket (0,8 g) tarkibi:
Taʼsir etuvchi moddalar:
Hujayralardan iborat kompleks: - Bifidobacterium bifidum bifidobakteriya shtammi kamida 1X109 - 100 mg;
Escherichia coli ichak tayoqchalari - kamida 1X109 - 100 mg.
Yordamchi moddalar: Maltodekstrin.

Paketlar yoki kapsulalarda kukun shaklida ishlab chiqariladi.