Infidol

Preparat tarkibiy qismlariga yuqori sezuvchanlik.

Infidol – chaqaloqlar va bolalarda ovqat hazm qilishni rag‘batlantiruvchi va gaz hosil bo‘lishini kamaytiruvchi majmuaviy fitopreparat. Yel haydovchi, spazmolitik va antiseptik ta’sir ko‘rsatadi. Me’da shirasi sekretsiyasini va ichak peristaltikasini kuchaytirib, ovqat hazm qilishni rag‘batlantiradi. Ichakda gazlar to‘planishining oldini oladi va kamaytiradi hamda ularning chiqib ketishiga yordam beradi, shu tariqa ichak meteorizmi chaqirgan spazmlarni yo‘qotadi. Tish chiqishida paydo bo‘ladigan og‘riqli sezgilarni kamaytiradi. Preparat inert, me’da-ichak traktidan qonga so‘rilmaydi, alkogol, aromatizatorlar va bo‘yoqlar saqlamaydi.

Ukrop moyi karvon, limonen, alfa-fellandren, shuningdek ftalidlar, yog‘ kislotalari, furankokumarinlar, gidroksikumarinlar saqlaydi. Ovqat hazm qilish bezlari sekretsiyasini oshiradi, me’da-ichak trakti silliq mushaklariga spazmolitik ta’sir ko‘rsatadi. Yel haydovchi xususiyatlarga, bakteriostatik faollikka ega, ichakda gazlar to‘planishining oldini oladi va ularning chiqib ketishiga yordam beradi.

Anis moyi anetol (80-90 gacha), metilxavikol (10 gacha), anis aldegidi, yog‘ moylari va oqsil moddalar saqlaydi. Ichak silliq mushaklari spazmlarini kamaytiradi, yallig‘lanishga qarshi, spazmolitik va antiseptik xususiyatlarga ega. Yel haydovchi ta’sir ko‘rsatadi, ovqat hazm qilish traktining sekretor va motor funksiyasini kuchaytiradi, me’da va jigar sekretsiyasini oshirishga yordam beradi.

Kardamon moyi terpineol, terpinilasetat, tsineol, oqsil, yog‘ moyi (10 foizgacha) saqlaydi. Yel haydovchi xususiyatlarga ega, me’da shirasi sekretsiyasini rag‘batlantiradi. Ovqat hazm qilishni yaxshilaydi, ishtahani oshiradi.

Natriy gidrokarbonati antatsid xususiyatlarga ega, kislota-ishqor holatini normallashtiradi, me’da shirasining haddan tashqari yuqori kislotaliligini pasaytiradi. Ovqat hazm qilish shiralari ajralishini kuchaytiradi.

0 dan 6 oygacha: 1 choy qoshiqdan kuniga 3-4 marta.
6 dan 12 oygacha: 2 choy qoshiqdan kuniga 3-4 marta.
1 yoshdan 5 yoshgacha: 3 choy qoshiqdan kuniga 3-4 marta.

Bitta sashe-paket tarkibini 50 ml iliq qaynatilgan suvda eritish va granulalar to'liq eriguncha chayqatish kerak.

Preparat ovqatdan keyin yoki ovqatlanishlar oralig'ida qabul qilinadi.

Tayyorlangan eritmani 1-2 kun ichida ishlatish kerak.

Tayyorlangan eritmani ishlatguncha muzlatgichda saqlash kerak.

Davolash kursi shifokor tomonidan individual ravishda belgilanadi va kasallikning namoyon bo'lishiga bog'liq.

Granulalar tarkibiga saxaroza kiradi, buni qandli diabeti bo'lgan bemorlar hisobga olishlari kerak.

Aniqlanmagan.

Preparat komponentlariga allergik reaksiyalar bo'lishi mumkin.