IVF-C

QO‘LLASH BO‘YICHA YO‘RIQNOMA

IVF-C

Preparatning savdo nomi: IVF-C

Ta‘sir etuvchi modda (XPN): odam xorionik gonadotropini

Dori shakli: in‘eksiya uchun eritma 1000 XB, 5000 XB

Tarkibi:

Bir flakon quyidagilarni saqlaydi:

faol modda: 1000 XB yoki 5000 XB odam xorionik gonadotropini,

yordamchi modda: D-mannitol – 20,0 mg;

erituvchi: natriy xloridining steril izotonik eritmasi.

Ta‘rifi: oq yoki deyarli oq rangli liofilizasiya qilingan kukun.

Farmakoterapevtik guruhi: gipofiz, gipotalamus gormonlari va ularning analogi

ATX kodi: G03GA01

Farmakologik xususiyatlari

IVF-C – homilador ayollarning siydigidan ajratib olingan, tozalangan odam xorionik gonadotropini (OXG) preparati. OXG – odam yo‘ldoshidan olinadigan suvda eruvchan polipeptid gormondir. OXG gipofizning LG kabi, lyuteinlovchi ta‘sir ko‘rsatadi. Shuningdek OXG follikulalarni stimulyasiya qiluvchi faollikka ham ega.

Erkaklarda IVF-C androgenlar sintezi uchun urug‘donlardagi interstisial hujayralarni (Leydig hujayralarini) rag‘batlantirish uchun, ayollarda hayz siklining ikkinchi fazasida sariq tananing funksional butunligini saqlab turish va progesteron sekresiyasini rag‘batlantirish uchun qo‘llanadi.

Sun‘iy ravishda urug‘lantirilganda, IVF-C ni follikulalarni yakuniy rivojlanishi hamda maturasiyasi va ovulyasiyani rag‘batlantirish uchun qo‘llash kerak. Demak, IVF-C ni Urofollitropin yoki IVF-M (Menotropin) qo‘llagandan keyin, follikula maturasiyasidan so‘ng yuborish kerak.

Qo‘llanilishi

Gipogonadotropik buzilishlar; kriptorxizm, gipogonadizm, gipogonadotrop yevnuxoidizm, sperma asteniyasi, azoospermiya, gipomenoreya (uzaygan follikulyar fazasi), gipermenoreya yoki gemorragik metropatiya, xavf tug‘diruvchi bola tashlash, oddiy abort, asosiy va ikkilamchi amenoreya yoki anovulyator siklda qo‘llanadi.

Qo‘llash usuli va dozalari

Mushak ichiga yuborish uchun mo‘ljallangan.

Kriptorxizm, gipogonadizm, gipogonadotrop yevnuxoidizm:

Agar maxsus ko‘rsatmalar berilgan bo‘lmasa, IVF-C 5000 XB yoki 1000 XB ni mushak ichiga kunora yetarli vaqt davomida yuborish kerak.

IVF-C bilan davolanish vaqtida haddan tashqari gonadal rivojlanish va erta jinsiy yetilishdan saqlanish uchun sinchkov nazorat o‘tkazilishi kerak va ayniqsa nazorat yosh pasientlarni davolashda talab etiladi.

Sperma asteniyasi, azoospermiya:

IVF-C 5000 XB dozada menotropinni 500 XB dozasi bilan majmuada, har kuni 90-120 kun davomida yuborish kerak.

Gipomenoreya (uzaygan follikulyar fazasi):

IVF-C 1000 XB dozada hayz ko‘rish siklini kutilgan kunigacha har kuni bir hafta davomida yuborish kerak.

Gipermenoreya yoki gemorragik metropatiya

IVF-C 1000 XB dozasini hayz ko‘rish siklining ikkinchi haftasi davomida yuborish kerak. Katta dozasini faqat shifokorning ko‘rsatmasiga muvofiq yuborish mumkin.

Xavfli bola tashlash:

IVF-C 5000 XB dozasini darhol yuborish kerak va so‘ngra dozasini bola tashlash xavfi yo‘qolgunicha kuniga ikki marta takrorlash mumkin. Natijada, dozasi 1000 XB gacha kamaytirilishi va haftada ikki marta yuborilishi kerak.

Oddiy abort:

IVF-C 5000 XB dozasini homiladorlikning 2-3 oylari davomida kunora yuborish kerak va 1000 XB dozasi navbatdagi 2 oy davomida yuborilishi kerak.

Asosiy va ikkilamchi amenoreya yoki anovulyator sikl:

Tuxumdonlar gipopituitarizm tomonidan chaqirilgan yoki tuxumdonlarni gipofizar gonadotropinga sezuvchanligi pasaygan davrda shifokorning ko‘rsatmasiga ko‘ra menotropinning yetarli miqdorini yuborish orqali rag‘batlantirilishi kerak.

Estrogenning miqdori yetarli darajaga erishilmagunicha yuborishni davom ettirish kerak. Ovulyasiya IVF-C ni kuniga 2000 dozasi navbatdagi 1-2 kun davomida uzluksiz ravishda yuborish orqali chaqirilishi kerak.

Qo‘llash bo‘yicha ko‘rsatmalar

Yuborish (qo‘llash) uchun tayyorlash: xorionik gonadotropinning 1 flakonini o‘ramining to‘plamiga kiruvchi 0,9% li steril natriy xlorid eritmasining 1 ml da eritish va mushak ichiga (m/i) darhol yuborish kerak. Agar tayyorlangan eritma o‘zida yod zarrachalarni saqlasa yoki ranggi o‘zgargan bo‘lsa, yuborish mumkin emas. Qolgan eritmani ishlatish mumkin emas.

Yuborishdagi ehtiyotkorliklar

• In‘eksiya joyidagi og‘riq mushak ichiga yuborish oqibatida bo‘lishi mumkin.
• Etanol ta‘sirida preparatda cho‘kma hosil bo‘lishi mumkinligi tufayli, shprisni dezinfeksiyadan so‘ng ko‘p bo‘lmagan erituvchi bilan chayish kerak.
• Tayyorlangan eritma darhol ishlatilishi kerak.

Nojo‘ya ta‘sirlari

Shok: shok juda kam hollarda kuzatilishi mumkinligi tufayli, yetarli darajada nazorat qilish kerak. Agar yuzni qizarishi, jig‘ildon qaynashi, hansirash kuzatilsa, preparatni qo‘llashni to‘xtatish va muvofiq davolash o‘tkazilishi kerak.

Allergiya: toshmalar paydo bo‘lganida preparatni qo‘llashni to‘xtatish kerak.

Psixonevrologik tizim: bosh aylanishi, qo‘zg‘alish, uyqusizlik, depressiya, toliqish kuzatilishi mumkin.

Qon tomir tizimi: kam hollarda qon tomirlar trombozi va bosh miya qon tomirlar trombozi rivojlanishi mumkin.

Uzoq vaqt davomida uzluksiz yuborish: giperseksuallik, jinsiy olatni doimiy ereksiyasi, akne va ginekomastiya erkaklarda kuzatilishi mumkin, traxifoniya, politrixiya, klitorizm, akne kabi maskulyanizasiya belgilari ayollarda kuzatilishi mumkin.

Boshqalar: agar prepubertat yoshdagi pasientlarni davolash vaqtida erta jinsiy yetilish belgilari rivojlansa, preparatni qo‘llash to‘xtatilishi kerak.

Qo‘llash mumkin bo‘lmagan holatlar

• Prostata bezi karsinomasi yoki androgenlarga bog‘liq boshqa neoplazmasi bo‘lgan pasientlar va ushbu tashxisga shubha qilingan pasientlar.
• Gonadotropinlarga oldindan allergik reaksiyasi bo‘lgan pasientlar.
• Erta jinsiy rivojlangan pasientlarga qo‘llash mumkin emas.

Ehtiyotkorlik bilan

IVF-C ni quyidagi pasientlarga ehtiyotkorlik bilan qo‘llash kerak:

• prostatomegaliyasi bo‘lgan pasientlar;
• tutqanoq, migren, astma, yurak yoki buyrak kasalliklari bo‘lgan pasientlar.

Organizmda suyuqlikni ushlanib qolishi, shishlar paydo bo‘lishi kuzatilishi mumkin, chunki androgenlar sintezi shunga olib keladi.

Dorilarning o‘zaro ta‘siri

Agar IVF-S preparati tuxumdonlar faoliyatini rag‘batlantiruvchi gormon (FSG) bilan majmuada yoki undan keyin buyurilsa, tuxumdonlar o‘smasi, shishgan tuxumdonni yorilishi, assit, gidrotoraks bilan kechuvchi Meigs sindromi kabi kuchli reaksiya rivojlanishi mumkin va bundan tashqari, qonda gormonning konsentrasiyani oshishi yoki qon ivishini oshishi oqibatida tromboz, miya infarkti rivojlanishi mumkin.

Maxsus ko‘rsatmalar

Agar xorionik gonadotropin ayollardagi bepushtlikni davolashda tuxumdonlarni rag‘batlantiruvchi gormonal terapiya bilan majmuada yoki undan keyin ishlatilsa, tuxumdonni shishi, shishgan tuxumdonni yorilishi, assit, plevra effuziyasi bilan kechuvchi Meigs sindromi kabi tuxumdonni o‘ta qo‘zg‘alishi rivojlanishi mumkin.

Ko‘p homilali homiladorlikni rivojlanish xavfi mavjud, bu haqida pasientlarga ertaroq xabar berish kerak.

Agar pasientda qorinda og‘riq, diskomfort, qusish, lyumbago va boshqalar kabi sub‘ektiv belgilar mavjud bo‘lsa, uning ahvolini tekshirish kerak.

Agar pasientda tuxumdon o‘smasi bo‘lsa, uni ichki tekshiruv yordamida tasdiqlash kerak.

Preparat bolalar ololmaydigan joyda saqlansin va yaroqlilik muddati tugaganidan so‘ng ishdatilmasin.

Chiqarilish shakli

1000 XB: 1, 3, 10, 20 flakon erituvchili flakon bilan komplektda.

5000 XB: 1, 3, 5, 10, 20 flakon erituvchili flakon bilan komplektda.

Saqlash sharoiti

Yorug‘likdan himoyalangan, salqin joyda, 15°S dan past haroratda saqlansin.

Yaroqlilik muddati

2 yil.